img
الرئيسة / منوعات / قصة كسرتني أمي بقلم هبة الرخلاني

قصة كسرتني أمي بقلم هبة الرخلاني

/
/
/
9022 مشاهدات
قصة كسرتني أمي بقلم هبة الرخلاني
هذه القصة مقدمة لكم من قسم المنوعات في زاكي, متابعة ممتعة نتمناها لكم أعزاءنا القراء
قصة كسرتني أمي بقلم هبة الرخلاني
قصة كسرتني أمي بقلم هبة الرخلاني

#كسرتني_أمي_بقلم_هبةالرخلاني
مين بدها تقرأها …تعلق هون ولو بنقطة ارفعوووا البووست 😍#كسرتني_امي_بقلم_هبةالرخلاني
الام هي أهم جزء بحياتنا سند لولادها … وحضن دافي بسمتها بتعطيهن أمل أو لازم تكون هيك ….بس انا حكايتي غيير أمي كانت مصدر التعاسة الأول بحياتي …
انا حلا عمري 40 سنة حكايتي بديت من لما خلقت عالدنيا … ولدت بإعاقة بسيطة بإيدي بس هاد ما كان بيستاهل ردة الفعل العنيفة من امي وبعدي فورا اجت أختي علا كان الها نصيب من الجمال بعيونها الواسعين الزرق متل لون السما ووجهها الأبيض والصافي … هون امي حست بالفرق الكبير بيني وبينها ولأنو امي مهتمة بحالا وبجمالا وبتحب البنت الحلوة صبت كل اهتمامها على أختي هاد الشي كنت حاسة فيه لا تستغربوا من لما وعيت عالدنيا كانت اللبسة الحلوة والمشوار الرايق ل علا …#هبةالرخلاني
الي كان يهون عليي شوي هو أبي كان يحاول يعوضني عن النقص يلي انا حاسة فيه كنت ع طووول اسمعن عم يحكوا …
#اسعد: حرام عليكي يا مريم اهتمي شوي بهالبنت
#مريم:ليش شو صاير عليها؟!
#اسعد:طلعي بوجهها والله هيئة اليتم عليها ما بصير هييك
#مريم:والله مو بإيدي يا أسعد كل ما طلع بوجها ما عم أقدر صدق انو هي بنتي انا !!
#اسعد:لسا على خلقة الله بدنا نعترض يا قلبي ؟!
#مريم:بعد اسمو وكرمو ربي

كل هالحديث أنا واقفة عم اسمعوا وهنن مو حاسين عليي …
بالرغم من المعاملة السيئة امي ما قدرت اكرهها او اكره اختي … بس على ما يبدو البذور يلي امي زرعتها بقلب اختي بلشت تنمو …
#حلا:علا فرجيني شو جابتلك ماما من السوق
#علا:(وهي عم تمد لسانها)جابتلي هدول الألعاب حلويييين؟؟
#حلا:خليني ألعب معك شوي
#علا:كيف بدك تحمليهن بإيدك ؟هههههههه
من هديك اللحظة بديت حجم حالي لحالي بهالبيت
#هبةالرخلاني
أيامي مرت متل بعضها وانا كل مالي لورا بالبيت شبه منبوذة ما في حدا يهتم فيني ابي دوامو طويل ونحنا ببلاد الغربة ما الي حدا الجأ الو واشكيلو تصرفات أمي اللي كانت كل مالا عم تزيد لدرجة اني شكيت اني مو بنتها
#مريم:حلا وينك ولييه
#حلا:ننننعم مما …مما
#مريم:تعي لشوف ليش لابسة فستان اختك ..
كملت بسخرية كتيير حلو ولايق عليكي
#حلا:اسفة بس حبيت جربو
#مريم:اي لا بقا تلبسي فساتين علا كلها
ماركات خليكي ع تيابك انتي
#حلا:طيب وانا…..وانا بحب البس متلها مو انا بنتك متل ما هي بنتك
#مريم:بنتي أي بس بتشبهي أم ابوكي اما علا بتشبهني شو ما عملت بيلبقلا
سكتت وصفنت فيها …((يعني اذا بشبه ستي ام ابي بتكبيني)) #هبةالرخلاني
المسا اجا ابي وجايب معو اكلات طيبة وجايب معو لعبة حلوة كتيير ونادالي وعطاني ياها
حلا حبيبتي ش في شو جبتلك معي لعبة حلوة متلك …وهمسلي(انا سمعت امك واختك لما ما سمحولك تلعبي بلعبة اختك وهي اللعبة لالك)
طار عقلي من الفرحة غمرت بابا وتعلقت برقبتو وبوستوو ولا بفوتة امي اللي شافتي غامرتوو
#مريم:خير ان شالله
#اسعد: ولا شي جبتلا لحلا لعبة متل لعبة علا وهيك ما بتقرب عألعاب اختها
#مريم:بالله شوووو كيف يعني! من وين جبت المصاااااري ؟؟ مو ع أساس قبضت وعطيتني الراتب!!من اين لك هذا؟؟!!
#اسعد:قبضت اليوم مكافأة وقلت بفرح قلب هالبنت بشي وين المشكلة
#مريم:المشكلة انو مو طايقتا لهالبنت وانت اهتمامك الزايد فيها عم يبعدني عنها اكتر واكتر بتعرفني ما بحب تهتم بحدا غيري انا
#اسعد:وكلي الله يا مخلوقة هي بنتك
#مريم:بنتي … واذا بنتي!
سكتت شوي وبعدين صرخت
ليك أسعد يا انا يا بنتك بهالبييت

#يتبع….
الجزء الثاني
#اسعد :……..،،ساكت وصافن فيها
#مريم :شو كأنوما عجبك الحكي
#اسعد :عم اتصفن فيكي لشوفك ازا بعدك بعقلك ولا جنيتي
#مريم :لا والله عم احكي من عقلي بعد هالبنت عني لفترة بركي بشتقلا وبنسى اعاقتا وعدم جمالا …….يعني بركي
#اسعد :كيف الك قلب والله رح تجننيني وين بدي روح فيها
#مريم :ابعتا عبيت اخوك وبيت اختك …المهم تبعدا عني
بعد اخد ورد واصرار من امي ابي وافق يبعتني عبيت عمي
(يعني بعرف انو قلوبنا بايد الرحمن وانو المحبة والكره مو بإيدنا بس اكيد مو لولادنا أكيد هنن قطعة من قلوبنا مابيدخلو بميزان الحب والكره )
#هبةالرخلاني
المهم لكمللكن حكايتي
نزلت عبيت عمي مع ابي وصلني ووصاه لعمي فيني وعمي قلو ولا يهمك حلا بعيوني بس لازم تحط مرتك عند حدا لانو هاد الشي صار اسمو جنان
سافر ابي وتركني عند بيت عمي اللي لقيت عندن الشي اللي مالقيتو ببيت اهلي للاسف كان بوقتا عمري 11سنة .بيت عمي كان عندن بنتين وولد كلن كانوا اصغر مني بس عندن محبة وعطف وهاد المهم
مرت عمي .اهلا وسهلا بحلوش الحلوة
حلا بخجل . اهلين فيكي مرت عمو
مرت عمي .حبيبتي اعتبري حالك ببيتك وبناتي اخواتك واي شي بتحتاجيه اطلبيه ولا تخجلي من ماشي
حلا ..يسلمو
عمي ..حلا عمي رح سجلك بالمدرسة القربية لتكملي دراستك ومرت عمك بتساعدك بدراستك ..
وصى عمي المدرسين فيني وكانوا يهتموا بكل شؤوني
(بصراحة حتى شكلي هون صار افضل يعني مرت عمي كانت تهتم فيني متلي متل بناتا تناقض فظيع بينا وبين امي ..للاسف )
عمي ..حلا وينك
حلا..نعم عمو انا هون
عمي ..المسا رح يتصل ابوكي وبدو يحكي معك هو وامك
حلا ..احمروا خدودي وبتردد جاوبتو :بس انا مابدي احكي مع حدا
عمي ..له ياعمي هنن صحيح غلطو معك وخاصة امك بس بيضلوا اهلك الله يرضى عليكي ياعمي
المسا اتصلوا اهلي كان قلب امي حانن علي وحكت معي وسالت عني وعن مدرستي وكانت كل اجاباتي قصيرة ومختصرة وهاد الشي خلاها تعصب وتحط اللوم على مرت عمي انا عم تعلمني عليها
وهون ماعاد اقدرت اسكت
ياريت لاتجيبي سيرة مرت عمي على لسانك لانو هي امي مو انت .حكيت هالكلمتين وسكرت الخط بوجها وصرت ابكي
#هبةالرخلاني
مرت الايام على هالحال امي ماعاد سمعت صوتا ابدا وابي كل فترة يدق اويبعت مصاري لعمي كرمالي
ضليت ببيت عمي حتى صرت بكلوريا وشفت اهتمام من بيت عمي كبير كتير .دورات مكثفة ودروس خصوصي واجواء دراسة قدمت امتحاناتي وبينما عم انتظر النتيجة على احر من النار
اندق الباب وانا بغرفتي شوي ولا اجت بنت عمي الصغيرة تندهلي .حلا قومي اجو اهلك
صفنت فيها دقايق حتى اجت وصارت تلوح بايدا الصغيرة قدامي ..حلا شوصرلك حلاااااااا
حلا ..مافيني شي .مين قلتي اجا ؟؟
قمت طلعت من الغرفة ولحقت الصوت فتت ع غرفة الضيوف كانوا اهلي قاعدين مع مرت عمي وعم يحكوا
لما فتت بالزور تعرفت ع أختي يلي كنت رح انسا معالم وجها وهي هيك حسيتا
(طبعا بهالفترة كبرنا فترة ست سنين مانها قليلة)
قربت سلمت على علا بس ما سلمت ع امي وابي
قلبي كان متل الحجر عليهن بيجوز يكون ابي احن من امي عليي بس ماكان لازم يكون الو موقف بكل هالسنين اللي قضيتا بعيد عت عيلتي لسبب انا مالي ايد فيه #هبةالرخلاني
قربت امي وضمتني وبوستني
مريم.. شو يا حلا ما اشتقتيلي متل ما اشتقتلك!؟نطف قلبي عليكي بس ظروفنا المادية كانت صعبة وما عاد قدرنا نطالعك ولهيك نحنا نزلنا لنعيش كلنا هون ببلدنا
أسعد.. اي حلووش وجابتلك امك من هنيك كتير شغلات وتياب حلوة
حلا.. ليش بتعرف قياسي!هه
علا.. سألت مرت عمو وقالتلا
كان الاتفاق بس اجا عمي انو ياخدوني معن عالبيت يلي استأجروه وقال بما انو اهلي اجو صار لازم انو كون بيناتهن
عشت مع اهلي وحسيت بالتغير الواضح بتصرفات امي حسيت اني مبسوطة بس قلبي مو متطمن
لحد ما انق الباب وخبرتني انو البس من التياب التقال يلي جابتلي ياهن ووجهت كلامها لعلا:
علا رتبيلي اختك زبطيلا وجها بشوية مكياج
انصدمت فيها وحكيت: خير شوفي لشو المكياج؟ انا اصلا ما بحبو
جاوبتني امي: نفذي هلأ وبعدين منحكي …
#كسرتني_امي_هبةالرخلاني
الجزء الثالث
فتت عغرفة الضيوف مالي فاهمة شي شفت رجال كبير بالعمر يعني اد ابي تقريبا اشرتلي امي انو فوت واقعد مقابيلو وبعدا قمت ساويت قهوة كمان باشارة من امي ضيفت القهوة وطلعت عغرفتي انتظر يروح الضيف لافهم القصة شوي ولا اجت علا ..حلا قومي اهلك بالصالون بدن يحكوا معك
فتت وقعدت ساكتة مانطقت بحرف منتظرة شو بدن يحكوا
أسعد ..شورايك بالضيف ياحلا
حلا ..من اي ناحية ؟!
اسعد ……
مريم كعريس بنتي كعريس
بحلقت فيها ..شو عريس ومين قال بدي اتجوز اصلا انا عم انتظر النتائج من شان كمل دراستي وبعدين كبير
مريم ..شووو دراسة ماصدقنا اجاكي عريس ومدسم هﻷوقت دراستك
اسعد ..معلش بنتي فيكي تكملي دراسة عندو يعني بتسجلي وبتنزلي وقت الامتحانات
مريم ..اي منشرط عليه
طلع ابي بامي نظرة مافهمتا وطلع بعدا بالارض وصفن
بلشت عمليات الاقناع انو يابنتي الرجال مليان ومعو مصاري ورح يعيشك عيشة ملوك
كان غسان رجال عمرو فوق الستين سنة زوجتو وولادو اتوفو بحادث سيارة وضعو المادي منيح وهاد اللي خلا اهلي يقتلوا حالن عليه
مريم ..اسعد لازم تتدخل وتقنع بنتك
اسعد ..شوبدي قلا اكتر من اللي حكيتو انت وعلا
مريم ..ماعاد معنا وقت وانا عطيتو وعد حتى يحولي المبلغ اللي اتفقنا عليه ومابدي بنتك بقلة فهما ترحو من ايدنا
اسعد ..هﻷبحاول اقنعا حسبي الله فيك بس
فات ابي عغرفتي وفتت وراه سالني ..شووين كنت بابا
حلا ..كنت عم اشرب مي ……واسمعت كل شي
اسعد ..شو كل شي
حلا ..انو امي حبتني كرمال تبيعني وتقيض تمني وتعيش بالدلال اللي بتستحقه
اسعد ..لاتفكري هيك بالموضوع خديا انو تقدمي مساعدة لاهلك انا خسرت شغلي ومالي ببلاد الغربة واذا فيكي تساعدينا ليش لأ
حلا ..ليش ماتزوجوه لعلا عكل حال هي احلى مني وبيجوز يدفع فيا اكتر هه
اسعد ..عفكرة هو بدو ياكي انت
صدمتني كلمتو وبقيت صافنة فيه وهو طالع من الغرفة تسطحت عالتخت وانا عم فكر ببكرى شو حاملي لانو ماعاد عم اقدر صدق شي بهالدنيا
تاني يوم خبروني انو غسان جاية يتغدا عنا ونحنا عم نحضر الغدا رن هاتف البيت كان عمي عالخط وطاير من الفرح وهو عم يزفلي خبر نجاحي بعلامات منيحة
طارعقلي من الفرح الفرحة اللي مادخلت قلبي من سنين
لما اجا غسان خبروه اهلي بنجاحي راح جاب حلوان وباركلي حسيت بنظرة عيونو حنية يمكن ماشفتا بعيون اهلي بلحظة وحدة ونظرة وحدة من عيونو قلبتلي عقلي قلب وقررت وافق عليه يمكن يكون طوق نجاة الي
انكتب كتابنا وسجلي غسان بايدو بالجامعة معاملتو الي خلت اسئلة كتير تدور براسي انو ليش نقاني انا وكان في ياخد احلى مني غسان صح كبير نوعا ما بس العمر مو مأثر كتير على مظهرو طويل ومجذب تشجعت مرة وسألتو ..ممكن اسألك سؤال
غسان .اسألي
حلا ..يعني بصراحة ؟!؟
غسان ..شبكي ملبكة اسألي
حلا ..يعني رجال بمواصفاتك ووضعك المادي ليش اخترتني الي …يعني …(وسكتت ونزلت نظري .).جمال مافي وفوق هيك بايد شبه معاقة
غسان ..لشو هالسؤال ياحلا انت عاجبتيني متل ماانت
طلعت فيه بنظرة اني مو مصدقة كلماتو
غسان ..حلا انا بعرف قصتك من اختي هي جارة اهلك هنيك بالغربة كيف امك بعدتك وكيف عشتي عند بيت عمك ..بصراحة صرت شوفك بمنامي كل ليلة مع اني مابعرفك صدقيني صرت شوفك بشكلك هلأبصراحة ..انت حبيبة احلامي
هبة الرخلاني ،،
صدمتني كلماتو كمل كلامو
انا بهديك الفترة كنت طالع من صدمتي بوفاة مرتي وولادي فصرتي انت مؤنستي كنت نام وانا عم انتظر زيارتك فيكي شي شدني الك وخلاني قرر اخطبك ولاضمن موافقة اهلك فتت بموضوع المصاري ولما فتت وشفتك انصدمت انو انت نفسا حبيبة احلامي
رجعت عالبيت طايرة من الفرح مو عارفة احكي لحدا ولا خليها بقلبي ومافكرت كتير خليتا بقلبي وقلب عمي ومرت عمي وبسسسس
بعد تلات شهور خطبة قرر غسان انو صار لازم يسافر ولازم نتزوج وياخدني معو عطا امي مصاري لتجهزني عملنا عرس بيجنن وبالعرس كانت امي واختي متل الغربا قاعدين وجوهن مفرغة من اي مشاعر اما ابي حاول يحتفل فيني ويعوضني
انتهى العرس وطلعنا من الصالة عالاوتيل قضينا فيه ليلتنا ومن الفندق طلعت ودعت اهلي وبيت عمي وعالمطار لابدا حياتي الجديدة مع حياتي …غسان
#يتبع 
#كسرتني_امي
الجزء الرابع
حياتنا كانت كتير حلوة غسان ملا حياتي حب عوضني عن اللي عشتو عند اهلي نسيت شكلي واعاقتي اللي كانت مهمة امي سابقا تذكرني فين كلما تناسيتن
الله رزقنا ببنتين توأم ريما وديما ملو حياتي (الحمدلله بناتي كانو حلوين بيض بعيون عسلي واسعين وملامح حلوة انبسطت انو حلوين ومابيشبهوني )
كنا كل سنة ننزل عالبلد نزور اهلي وبيت عمي
كان غسان دائما يبعت مصاري لاهلي ويكتر الهدايا لما ننزل واللي فهمته متأخر انو كان يشتري معاملة امي المنيحة فين عشت انا وغسان 18سنة احلى ايام حياتي لحد ما اجا يوم عالبيت تعبان ولونه مخطوف
حلا ..خير غسان شبك شو صاير معك
غسان ..والله ياحلا خسرت كل شي وصرت عالحديدة وماضل النا الا البيت اللي بالبلد
حلا ..شو هالحكي .كيف هيك صار
غسان ..(عم يتعرق ويفك ازرار القميص )مابعرف مابعرف البضاعة غرقت بالبحر وباقي المصاري رح تروح للتجار …….
بدي قلك شغلة بس ….
وماعاد قدر يكمل كلامو اخد نفس وزفر بقوة اتصلت بالاسعاف وانا عم حاول صحيه وحاكيه .غسان من شان الله غسان
وصلت الاسعاف للاسف مالحقو يعملوله شي
مرقوا ايام العزا ومالحقت اطلع من صدمتي حتى بلشوا الناس اللي الن مصاري ينقوا عالمحامي والمحامي ينق علي وفينا ديون غسان من المصاري والعقارات اللي الو وتعهد شريك غسان بتكاليف رجعتنا عالبلد #هبةالرخلاني
هنيك نزلت مباشرة ببيتي حاملة معي همي الكبير وذكرياتي ووجعي .بيت عمي ماتركوني ابدا بس امي واختي كانوا يجو كل فترة متل الاغراب وبعدين ماعاد شفتن
وقتا استوعبت انو المعاملة الحلوة كان غسان الله يرحمو دافع تمنها
بناتي تعودوا على حياة العز والدلال ولقيت صعوبه باني عودن عالحياة الجديدة وهون ندمت عجامعتي اللي روحتا والتهيت عنا
بيتي كان كبير حاولت استفيد من هالناحية للاقي باب رزق ولو بسيط فقسمتو شقتين اجرت شقة وقعدت مع بناتي بشقة
ديمة كانت تحب تروح عبيت جدا وانا ماحب امنعا بيكفي الحزن اللي انا عايشتو خليا تطلع وتغير جو بس شوي شوي بلشت ديما تتغير مايعجبا شي .شو ماقدمتلا مايعجبا ..تتأفف من وضعنا المادي
ماما عنجد مامعك مصاري هون ولا هون ؟!؟!؟
كان يصدمني هالسؤال اللي تكرر على لسان اهلي انو عنجد ماضل معك شي من اللي كان عند زوجك
وصلت لمرحلة ماعاد قدرت سيطر على تصرفات بنتي اللي صرت بلا قيمة عندا ماكان في شي مصبرني الا ريما اللي كانت تفهم همي ووجعي
ليوم كانوا بناتي بالمدرسة اجا عمي لعندي
عمي ..كيفك انت وبناتك ياحلا
حلا ..ماشي الحال الحمدلله
عمي ..ديما كيفا
حلا ..والله ياعمي هالبنت رح تجنني ماعاجبا شي فرق كبير بينا وبين اختا
عمي ..امك
حلا ..خير شبها امي
عمي ..والله يابنتي اللي فهمتو انو امك عم تعلم البنت بانك قايمة مصاري وابصر شو في ببالك حتى عم تخبي هيك فهمت من ابوكي اللي مورضيان عن هالشي بس متل العادة ماطالع بايدو شي
حلا ..يااااالله يااااالله لك شو اعمل بحالي انا وين روح بحالي لك يتركوني بحالي من شان الله وينك ياغسان (واضرب بوجهي )
عمي ..طولي بالك يابنتي بالعصبية مافي شي بينحل كلشي بدو طولة بال المهم بنتك لاعاد تخليها تروح عبيت جدا لفترة كوني قوية واجهي الحياة لحالك اعتبري حالك بعدك بالغربة وماالك حدا حتى انا ومرت عمك رح نطلع من حياتك هالفترة كوني قاسية شوي مع ديمة بتنصلح ان شاء الله
صدمتني كلمات عمي .انعاد شريط حياتي قدامي حسيت اديه كنت ومازلت ضعيفة يمكن لو كنت قوية شوي ماكانت تصرفات امي قدرت تفقدني الثقة بحالي وبالفعل لازم كون قوية انسى حزني لانو مشواري طويل
قمت ضبيت البيت طبخت وحطيت ورق وقلم وحاولت اكتب عورقة خطط لحياتي اكتب وجعلك وكب لحتى طلعت بخطةلقيتا على بساطتا الانسب لطبع ديما
اول خطوة لازم شد ديمة تجاهي بنشاطات بسيطة متل اكلة حلو جماعية مشوار عالحديقة رياضة صباحية واهم شي الحزن اتناساه شوي
وتنضبط مصاريف ديما وتفهم انو دخلنا بسيط واللي هو اجار البيت وبسسس
هبة الرخلاني
#يتبع 
#يتبع…..
#كسرتني_امي
الجزء الاخير
هيأت نفسي لاي ردة فعل منا .اجو البنات خبيت الورقة وقمت حضرت الغدا وبعد الغدا
ديما ..بدي روح عبيت جدي
حلا ..ديمة من اليوم وطالع مافي طلعة من البيت الا معي انا
ديما ..ليش بقا .؟!
حلا ..ديما حبيبتي نحنا بعد وفاة ابوكي صرنا عيلة صغيرة ولازم نضل سوا
ديما ..يعني ازا رحت عبيت جدي منبطل عيلة وحدة !!
حلا ..لا بس انا بدي حس فيكن حواليي عطول (وطلعت بريما للتدخل )
ريما ..يادمدوم ياقلبي انت متغير يمكن مو حاسة بحالك كيف صرتي بعيدة كتير وصرت اشتهي نقعد قعدة وما …(سكتت )
ديما بعصبية ..من غير شو
ريما ..من غير مانتخانق صرت اشتاق لديما القديمة لماكان بابا عايش وكنت تحبينا
ديما ..هﻷ كل هاد لانو بدي روح عبيت جدي
حلا ..كلمة وحدة طلعة من البيت لحالك مااااعاااد في
(حسيت بناتي انصدموا بنبرة صوتي اللي مو متعودينا مني بس انا ماتراجعت وانسحبت من الغرفة قبل ما اضعف بعرف حالي )
ديما باقي النهار ضلت بغرفتا ماقبلت تطلع منا
ريما .مامة انت زعلانة مني
حلا ..لا امي انا مو زعلانة من حدا بس الوضع ماعاد عاجبني وازا بدي ضل ساكتة رح اخسر اختك متل مو شايفتيا عطول مو عاجبا شي ومابعرف شوفي براسا
عكل حال قومي نادي لاختك خلينا نساوي اكلة حلو سوا
طبعا ديما ماقبلت تجي وفتنا انا وريما عالمطبخ نشتغل ونتقصد نضحد بركي منقدر نشدا بس للاسف خيبت املي وما اجت
اخدت ريما قطعة كيك لديما اللي اخدتا منا بالغصب
مضي اول يوم بجو مشحون شوي بس معلش كل شي بدو طوله بال هيك عمي قلي
تاني يوم الصبح فيقت البنات وانا لابسة بيجامة رياضة فتحو عيونن عوسعن وبحلقو فيني
ديما وريما ..صباح الخير
حلا ..يلا ماما قوموا غسلوا وتجهزوا لنطلع نتمشى رياضة صباحية
ريما..ياي بدنا نطلع غالرياضة وانت معنا ماما
حلا ..اي يلا عالسريع
ديما ..انا بلا ما اطلع
حلا ..لالا نحنا التلاتة سواا مو بس بهالشغلة بكل شغلة
قامت ريما تنط وتغني تلاتتنا سوا سوا وتضحك قامت ديما وكانت مو كتير رضيانة بس المهم قامت وهاد كان مبشر بالنسبة الي
اليوم فاتت معنا عالمطبخ وحضرنا اكلة الحلو وطلعنا عالجنينة اكلنا شاركتنا اليوم الشغل والاكل والضحك كان قلبي من جوا فرحان وبنفس الوقت لمت حالي اني انشغلت عن بناتي بهمومي وحزني وفضيت الجو لحدا غيري يعبي براسن اشكال والوان
مضت الايام وانا عم ابذل اقصى طاقاتي وما اظهر حزني لبناتي ابدا اشكيه لمخدتي اخر الليل
ديما ..ماما شفت طقم حلو اليوم بدي تشتريلي ياه
حلا ..ان شاء الله بس يجي اجار البيت بشوف
ديما ..بدي استنى ليجي اجار البيت !!!
ريما ..دمدوم حياتي كأنك مو عايشة معنا نحنا ما النا وارد الا اجار البيت
ديما ..لاااا صدقت
طلعت بديما ..ديما انت مو مصدقة انو هاد واردنا الوحيد .ديما انت لما توفى ابوكي ماكنت طفلة كان عمرك 17سنة وشفتي بعينك انو لو ماشريك ابوكي اتكفل بنزلتنا كنا بعدنا هنييك بنتي لازم تشغلي مخك انو انا ازا معي مصاري ليش لخبين عنكن وانتو كل اللي الي بهالدنيا
ديما ..اكيد نحنا كل شي !!
ريما صرخت ..ديما
حلا ..اتركيا تكفي شو في لسا
ديما..ولاشي ..ولاشي وقامت بدا تطلع من الغرفة
مسكتا من ايدا ..احكي لشوف خليكي صريحة معي شوفي براسك احكي بركي بريحك وبرتاح
ديما ..ماما انت بدك تتزوجي بعد بابا وتتركينا انا وريما …….
ماكملت الكلمة كانت ريما قامت وبدا تضربا صرخت بريما ..شوصرلك
ريما ..انا مابتحمل حدا يحاكيكي هيك ومين ماكان
حلا شوفي ديما انا لوبدي اتزوج بتزوج وهاد لاعيب ولاحرام بس انا بعد ابوكن مابفكر الا فيكن الامانة اللي تركلي ياها انتو كل حياتي انتو سندي اللي طلعت في من هالحياة
حكيت هالكلمتين وطلعت فورا عغرفتي قبل ماتخوني دموعي سكرت الباب وبكيييت لنمت وانا عم ابكي فجأة حسيت حدا مسكلي ايدي فتحت لقيت ديما الدموع مغسلة وجها قبضني قلبي
ديما …..
شوفي ليش عم تبكي امي
ماما انا اسفة انا زعلتك ونزلت دموعك وانت خايفة عدموعي
حلا ..مابيهون علي شوف دموع بعيونك انت واختك مابدي شوفكن عم تبكوا ابدا حاج تبكي انا مو زعلانة نحنا ولا اليوم (وضميتا وتمتعت بحضنا اللي انحرمتوا من زمان )
فاتت ريما ..الله الله ماذا ارى خيانة وانا كماان
حلا ..انت عين وهي عين
ديما .(مدتلا لسانا )بس انا اليمين

صارت حياتي مع بناتي تمام التمام بعدتن عن كلشي ممكن يغيرن من ناحيتي (لايلدغ مؤمن من جحر مرتين )
بعد بفترة بناتي بالمدرسة رن جوالي لقيت رقم غريب رديت
مجهول ..حضرتك مدام حلا زوجة المرحوم غسان
حلا ..اي نعم خير
مجهول ..نحنا من شركة الزين للعقارات
حلا …..
مجهول ..انت معي زوجك من سنة ونص نقل اسهمو بالشركة لاسمك ونحنا فتل راسنا للقينا رقم نقدر نتواصل معك عليه
حلا ..عفوا شويعني
مجهول ..يا اختي في الك اسهم بشركتنا والها ارباح لوين بدي ابعتلك ياهن
عطيتو عنوان البيت بالتفصيل
مجهول ..ليكي اختي ازا مابدك تبيعي الاسهم رح يطلعلك علين ارباح كل شهر ببعتلك ياهن على عنوانك انا المدير العام للشركة شو بتحتاجي بخصوصن حاكيني
رجعت الدنيا ضحكتلي من جديد الي ولبناتي بس خليت هالضحكة بيناتنا ماخبرت فيها حدا وكل شهر بطالع جزء من المبلغ عن روح غسان اللي ماتركنا حتى بعد ماتوفا
#انتهت

 

111 تعليقاً

  1. انا بالف كتاب عن حياتي وعن القصص اللي صايره معي 😂😂بنفع اكون كاتبه لانو بلشت موعاناتي من لما امي انفصلت عن ابوي بس الواحد شو بدو يحكي غير الحمد لله على كل شي بس الحمد لله الله عوضني بولادي اللي عندي اياهم بالدنيا واللي مستحيل افرط فيهم حتى لو صار واجا اليوم الي انفصل في عن زوجي لانو بصراحه الزلام هم هم مابتغيرو طبيعتهم هيك ماباليد حيله والحمد لله كمان انو الله معطيني صبر وقوه على كل حد ظلمني بالدنيا وبعمري مادعيت عحد بس بحكي الله يسامحك كل حد ظلمني لاني بعمري ماظلمت حد ولا اذيت حد

اترك تعليقاً

لن يتم نشر عنوان بريدك الإلكتروني.