قصة إهمال زوجة وبرود زوج بقلم إم علاء الكحلوت

122 16٬061

قصة إهمال زوجة وبرود زوج بقلم إم علاء الكحلوت
هذه المقالة نقدمها لكم من قسم المنوعات في زاكي, متابعة ممتعة.

 

قصة إهمال زوجة وبرود زوج بقلم إم علاء الكحلوت
قصة إهمال زوجة وبرود زوج بقلم إم علاء الكحلوت

#إهمال_زوجة_وبرود_زوج
#بقلمي_ام_علاء_الكحلوت
القصة كاملة
الجزء الاول
اكرم قاعد علي طاولة بلمطعم وبيشرب قهوة ومعصب مو شايف قدامه وسرحان بمرته وتغيرها معه…
لفت انتباهه صبية قاعدة مقابله بلمطعم بتشرب نسكافيه وكان مبين علي وجهها ملامح التعب
…عم يطلع فيها وسرح في تفكيره: أمم شكلها حلو ومرتبة بس لازم استناها لما تروح لالحقها واعرف بيتهم🏡
……لاحظت ريم انو عم يطلع فيها بشكل غريب
قالت بنفسها:اشرب الكاسة واطلع لك العمي كيف بيطلع
…………………
اكرم عم يطلع بريم بس سرحان باللي صار معه اليوم هو ومرته
اكرم:والله هدا مابينفع هيك مابدك تيجي معي نتغدا عند أهلي وحضرتك مو طابخة شو اعمل انا جعان
قمر :أي هي المطبخ قدامك روح كل أي شي أو اطلب جاهز انت عارف اني تعبانة ولسي مروحة من الشغل
اكرم:يا حبيبتي انت صار أهم اولوياتك الشغل وانا والأولاد مو مهمين لك أكل مابتعملي غسيلنا دايما وسخ البيت مو نظيف لك اطلعي حاوليكي ارجعي قمر اللي بعرفها وبحبها
قمر:يييه هاي الاسطوانة ما بتخلص انا صرت اشي كبير بشغلي وانت مو مقدر بس بدك اياني خدامة
اكرم :انا تعبت من هالحكي كل يوم أو اثنين ونفس الموال والله والله لاتزوج عليكي واللي يصير يصير😠😠
اكرم لسي بدو يطلع من البيت إلا قمر بتقول:ايه شو الجديد دايما بدك تتزوج وما بتتزوج انت آخر واحد بيعملها
طلع اكرم من البيت معصب وزعلان علي حب حياته اللي اتغيرت وفجأة.
رجع للواقع وشاف ريم بدها تطلع من المطعم وطلع وراها بدون ما تحس …
طلعت بتاكسي وهو لاحقها بسيارته ولما عرف وين بيتها لريم🏡
😉😉😉😉😉😉😉😉
الجزء الثاني
…..اكرم 30 سنة بيشتغل محاسب متزوج قمر ومعه ولدين أيمن 5واحمد3 …هو ما بيحب مرته بل بيعشقها لدرجة الجنون
………
…ريم صبية ملامحها شرقية بيضة وعيونها بني وكبار وخفيفة دم واللي بيشوفها بيحبها عمرها 23 سنة بتشتغل سكرتارية ..
……كان واقف بسيارته علي باب بيتهم وشافها دخلت بيتهم ورجع طار بسرحانه ورجع للماضي
اكرم:انا تعبت كل يومين علي هلموال
يوسف(أخ اكرم وصديقه): بدك رأيي هالمرة ولا اضل ساكت زي كل مرة
اكرم :بدي حل للموضوع هاي مو قمر اللي بعرفها والله ما بيهون علية ازعلها
يوسف:اسمع صارلك 4 سنين وانت هيك وكل يوم بتقول بتتغير وما بتتغير وبتهددها بلزواج وهية متأكدة انك ما رح تتزوج ..أتزوج أخي شوف حياتك
أكرم: مجنون شو اتجوز انا بحبها ولو شو ما صار بحبها
يوسف:اسمعني للآخر وما تقاطعني احنا كلنا منتبهين عليك كيف حياتك اتغيرت كنت تلبس احلي لبس واشيك لبس ودايما مكويات وهلقيد شوف كيف لبسك. …كنت اول الناس تيجي لعند أهلي وبأي عزومة هلقيد يااما بتيجي متأخر يااما ما بتيجي قبل 4 سنوات كانت حياتك مليانة حب وسعادة دايما وجهك بيضحك وبعد ما توظفت مرتك دايما مهموم وزعلان احنا كنا نحسدكم علي حبكم وسعادتكم هلقيد مرتك صارت مهملة لك بيتها وسخ وما بيتنظف وأولادها يا عند أهلي يا عند أهلها. .هادي حياة يا اكرم قولي هاي حياة شوف كيف ضعفان شوف كيف عيونك عم يحكو انك مهموم لك شو احكي لأحكي يا أخي أتزوج وشوف حياتك أمك دايما قلبها بيغلي عليك ودايما بتفكر فيك وفي حالك انت والأولاد
. ….وهيك صحي من سرحانه ورجع لأرض الواقع
اكرم عم يحاكي حاله:انا رفضت هاي الفكرة بتاتا كيف ألحقت البنت هاي شو صارلي رح روح أجيب ورد لقمر وارجع علبيت
……
رجع علبيت معه بوكيه ورد ودخل البيت كان البيت بدو هوا وريحته😝 فات علمطبخ كان الجلي مو مجلي والزبالة مانزلت ..فات علب علصالون كانت العاب الأولاد منتشرة وراح لغرفته شاف قمر نايمة .حط الورد🌹🌼🌻🌸 علتخت وطلع قعد ب بلصالون وعم يحكي لحاله:وينها قمر اللي كنت بس افوت البيت أشم ريحة الأكل بيجنن والبيت نظيف وكل شي مرتب وحلو وين قمر اللي كانت تستناني لما ارجع للبيت تكون لابسة ومتمكيجة ليش ياقمر تغيرتي ليش
….قاطعت كلامه:انا ما تغيرت حبيبي بس كل اللي صار عرفت وين احط طاقتي ومجهوداتي
عرفت انو الحياة مو كلها شغل بيوت ..وعرفت انه انا وانت ما في فرق بيننا ولازم أثبت حالي للعالم
..وقعدوا جنبه وحطت رأسها عصدره وحضنها وباس رأسها
وحكي بنفسه:ما تغيرتي ب 4 سنين حتتغيري هلقيد والله أخي حكيو صحيح
(قمر 27سنة ملامحها ملامح غربية عيونها زرق مثل السما وبيضا كتير وطويلة وجذابة بتحب زوجها ).
….ومشي يومين علي هلحال
😉😉😉😉😉😉😉😉😉😉😉😉
الجزء الثالث
اكرم اخد أولاده وقال لقمر :انا اليوم رايح لعند أهلي
قمر:اوكي حبيبي سلم عليهم وانا شوي بطلع عشغله
اكرم بس يسمع كلمة حبيبي منها بيذوب فيها وبيزيد حبه
.. (اكرم تزوج قمر بعد حب شهرين وعلطول تزوجها بيعشق كل تفصيلة بتتعلق فيها وما بيحب يشوفها زعلانة وبس يشوفها نبضات قلبه بتدق بسرعة من شوقه وهيامه فيها)
اكرم وهو طالع علي بيت أهله بيحكي مع نفسه*سامحيني ياقمر *
……….
في بيت ابو يوسف
أم يوسف:أهلا وسهلا بلغاليين تعو عحضني شو مشتاقلكم
اكرم:وانا مو مشتاقالي
أم يوسف:انت حبيبي وكل الشوق الك تعال لاحضنك
…..اكرم باس ايد أمه وحضنها
أم يوسف:الله يرضي عليك يما ويهدي بالك ويسعدك
اكرم:ايه يما بما انه قلتي الله يسعدك ففي حكي بدي احكي معك فيه
ام يوسف :صاير شي لتكون مرتك حردانة
اكرم:ههههه لا يما مو حردانة بس قليلين وين ولاء وشذا وياسر
أم يوسف:كلهم بمدارسهم وشذا بجامعتها
اكرم:يما بدي اتزوج
أم يوسف:شو قلت ما سمعت أو أقلك اسمعت بس شو صاير ..بدك تقولي مرتك حردانة ولا لا
اكرم:يما والله مو حردانة بس انا تعبت يما شوفي حياتي كيف صارت انا رجال بدي مين يهتم فيني بدي وحدة تطبخلي بدي وحدة اروح البيت الاقيها عم تستناني انا
أم يوسف:خلص ما تحكي ما انا اللي عارفة يما كيف انقلبت حياتك
اكرم:اسمعي العروس موجودة بس انتي وافقي علشان تتطلوبولي اياها
أم يوسف:مصدومة بس بدها تشوف ابنها مبسوط وحاله اتحسن
………….
قمر بشغلها عم بتزبط أوراق الشغل والمناقصات وكانت مشاركاها بلغرفة موظفة اسمها ختام
قمر:بتعرفي البيت صار بجد كتير وسخ لهيك رح جيب وحدة تنظفلي اياه اليوم وتطبخلنا هيك طبخة حلوة
ختام:اه مو غلط المهم زي ما قلتلك ما تشتغلي انتي خليه يعرف أنه الك كيان وانتي مو خدامة
قمر:لا لا تخافي علي
ختام:طيب شو رايك اجيبلك الست اللي بتنظفلي بيتي وبقولها تطبخلك
قمر:أهم شي تكون أمينة
ختام :لك عيب انا ختام مو حياالله
قمر خلص اتصلي فيها
…………………..
يوسف قاعد مع مرته سيرين وبنته نور وفجأة جواله عم يرن
يوسف:اهلين ابو أيمن
أكرم :حبيبي يوسف الحمد لله
عايزاك بموضوع بس ما تقول لمرتك
يوسف:شو صار فهمني
أكرم :اليوم المغرب بدي تروح مع امي علي جماعة لتخطبولي بنت
يوسف بفرح:شو جد بتحكي
اكرم:اه
يوسف:ياللا اعملها وشجعني لاعملها وراك هههههههه
اكرم:هههههههههههههه بس شوف سيرين رح احكيلها
يوسف:لا خلص أوعي تحكيلها هالمرة رح تقتلني هههههه
أكرم :ايه نيالك مرتك بتغار مو مثل قمر ولا هية بالبلد
يوسف:الله يهديها ويصبرها علي الضرة
…………………….
رجع اكرم علبيت شاف البيت نظيف وريحته طيبة وراحة البيت أكل وكل شي محلاه
اكرم:حبيبتي قمورة وينك يا حبي
قمر: هيني هون حبيبي
أكرم بنفسه:يا لهوي لاكون ظلمتها وهية اتغيرت لك شوف هالشوفة والله انا مو مصدق
..قاطعت سرحانه قبلة سرقتها من شفتيه ليذوب بشهدها
اكرم:شو هلدلال حبيبتي
قمر: 😊 حبيبي تعال اتغدا
اكرم :شو الغدا اليوم
قمر:رز وملوخية ودجاجة
اكرم😄 الله الله *ومسك ايدها وباسها وقال:يسلمو هلايدين .
……
اتعشو وانبسطو
اكرم بيغمز لقمر: شو رايك نخلي الأولاد عند ستهم
قمر:زي ما بدك
…عم يلعب بشعراتها وعيونه عم تحكي لعيونها الف قصة عشق وغرام 😍😍
باسها من خدها وتلاها عدة بوسات وضمها لحضنه
********** صارت الأفكار عم تتخابط برأسه شو رح يعمل بيحس بلندم ومو عارف شو حيعمل وبعد تفكير قرر يتصل بأمه ويوسف ليلغو المشوار
..اتصل في يوسف ويوسف ما رد و وبعتله رسالة (اكرم علي شو مستعجل لسي تو فتنا عند الجماعة)
اكرم :لك شو هلورطة هاي
قمر:عم تحاكييني حبيبي
اكرم :لا لا
قمر:بدي 300 لأنه فلوسي خلصو
اكرم:ليش شو ناقص عليكي
قمر:لا هاي اجار الست اللي نظفت البيت وطبخت الأكل
اكرم بعصبية😠:شوووووووو
😉😉😉😉😉😉
الجزء الرابع
اكرم بعصبية😠:شوووووووو
قمر:مالك بتصرخ بدي اجار الست اللي نظفت البيت مش كيمياء
اكرم:انا تعبت منك لك قلتلك مية مرة ممنوع حدا يفوت علي بيتي غريب ..ليش ما بتسمعي كلمتي فهميني
قمر:ايه افهمنا عاد ما ضل تصرخ
اكرم :الله يلعن ابو للحب شو بيذل
**************
يوسف :الو كيفك ياعريس
اكرم:الله يعزك زي الكندرة ومعصب لدرجة بدي اضرب حدا
يوسف:ههههههه أهدا وروق انت عريس
اكرم:اللي أفهمو من كلامك ووافقو
يوسف :مش بسرعة هاي يعني أبوها مو مقتنع انو حيكون بنته علي ضرة وغلبنا شوي
اكرم :وبعدين شو صار
يوسف:لا تخاف علي أمك طلعت شاطرة ما اعطتهم مجال ليرفضو هههههههههه
اكرم:اوووه انت حتعرفني علي امي
يوسف:بص هما وافقوا تيجي تشوفها بكرة بس قاله ما تتفاءلو
اكرم:خلص انا زهقت بدي اتزوج وبالذات هاي البنت
يوسف :شو حبيتها
اكرم:الصراحة لا….يوسف بعرفك حتعمل هلقيد تحقيق ياللا سلام
وسكر الخط مع اخوه
***************
اجي تاني نهار
اكرم طلع عشغله وقمر كمان …
ريم طلعت عشغلها بس كانت بتفكر بلعريس اللي جاييها وعلي ضرة
……….
قمر :ختام مو كتير 300 علي الست اللي بعتيلي اياها
ختام😮:شو 300 هية بتاخد مني 100 بس
قمر :شو يعني بدها تضحك علية
دخل موظف مقاطعا:أستاذة قمر لازم تخلصي الأوراق هدول اليوم
قمر:ماشي
ختام :بدي اتصل عليها واشوف علي شو 300
ختام:الو
الست:اهلين كيفك ست ختام
ختام:زعلانة منك والله
الست:ليش شو فيه
ختام:ماخدة من رفيقتي 300 مو غالي
الست:اه مشان هيك بس
ختام:اه ليش هيك
الست:اسمعيني. .هلقيد انا بروح بنظف بيتك اشي بسيط بس فتت علي بيت رفيقتك ما في شي بمكانه ولا ريحة البيت والصالون كله العاب وخزانة الأولاد مبهدلة والثلاجة وسخة والله ياست. مافي شي مكانه وغير اني غسلت غسيل كتير وطويته
ختام:ايه خلص خلص مشكورة
الست:ماشي سلام
..ختام:لك شو هذا كاين بيتك مبهدل لهدرجة
قمر:مو انتي قلتيلي ما تشتغلي ببيتك وخلي اللك قيمة وانا وزوجي سواسية
ختام:بس بس يختي صح هيك بس لازم تشتغلي اشي بسيط يعني لو اجاكي ضيوف يكون صالونك مرتب بس مو علاخر وهيك افهمي علي
قمر:اه جننيني معك
*************
اخدت ريم إذن من شغلها وطلعت علي بيتها لتجهز حالها
واخدت دوش ولبست فستان كامل وشالة وقعدت بغرفتها
….
وصلو أم يوسف ويوسف وأكرم وشذا
وبيت ابو سامر رحبوا فيهم
وبعد شوي فاتت ريم سلمت علي ام يوسف وشذا وقعدت وكانت خجلانة 😊😊
ابوسامر:أهلا وسهلا فيكم بس يا اكرم حابب أسألك كم سؤال
اكرم:تفضل
ابوسامر:انت ليش بدك تتزوج علي مرتك يعني مو مرتاح معها ولا في مشاكل بينكم
اكرم: لا مافي من هالحكي بس انا حابب فكرة اني أتزوج وانا لما شفت بنتك عجبتني وحبيت تكون مرتي
ابوسامر: والله الموضوع شوي صعب علينا
😉😉😉😉😉😉😉😉😉😉😉
الجزء الخامس
اكرم:ياعم انا مارح قصر ببنتك ورح شيلها بعيوني وشو تأمرو انا جاهز
ابوسامر:ياابني انا سألت عنك والكل بيمدح فيك وفي اخلاقك
أم يوسف:تسلم ابوسامر ..خلي الأولاد يقعدوا مع بعض نص ساعة ليعرفوا بعض وما يكونوا خجلانين منا
ابوسامر: تكرمي ..قومي ياريم روحو علي الغرفة الثانية
……
اكرم:بدي احكي انك ما رح تحسي انو ضرة وشغل الضراير يعني انتي الك مكانة عندي وبقدرك وما رح قصر معك بأشي وشو تامريني انا جاهز بس عندي كم شرط
ريم:تفضل
اكرم :اول شرط ممنوع تعرفي أي شي عن حياتي مع مرتي الأولي وخصوصياتي معها يعني انتي الك حياتك وهية الها حياتها. .وثاني شي بدي تضلي محجبة هيك ما تفكري انو تشلحي حجابك وثالث شي شغل ممنوع
ريم: اول وثاني شرط موافقة ومن حقك وانا ما بتخلي عن حجابي بس الشغل ليش ممنوع
اكرم:انا بدي مرتي تكون كل اهتمامها في انا وحبها الي انا ارجع لبيتي اشوف مرتي ببيت مو بوظيفتها
ريم عم تسمع وما أعطت رأيها
اكرم:شو قلتي
ريم: موافقة
اكرم: ربي يجعل فيكي خير لآلي
……….
وتمت الموافقة وقرأوا الفاتحة وروح الكل علبيت وأكرم فات علبيته كانت قمر بتستناه مو بلعادة وسألته ليش هلتأخير ورد عليها اكرم انو من كثر مشاكلها وعدم اهتمامها بدو يتزوج وهية صارت تضحك وتقول هلقيد وقت مزحك
اكرم رد عليها بكرة بنشوف مزح ولا لا …..وتركها وفات نام
وهية هون بلشت تخاف
وقعدت علكرسي ورجعت ب خيالها للماضي
قمر:أخ شو تعبانة والله مو قادرة
ختام:ليش سلامتك.
قمر:بروح من شغلي بنظف بيتي وبجهز الغدا وبرتب الأولاد وبشوف كم شغلة ومن كثر التعب بنام علي طول
ختام: ايه وينو زوجك ما يساعدك
قمر:حرام بيتعب بشغله
ختام:اه وليش انتي ما تتعبي ههههه خليكي هبلة وما يعرف قيمتك
قمر:شو يعني
ختام:يعني حبيبتي لازم تكوني قد حالك وما تعطيه وجه بيصير بكرة اعملي واشتغلي وهو قاعد ياحلوة عوديه من هلقيد انو يساعدك واذا مارضي اتركي كلشي عليه وبالنسبة للطبيخ مو كل يوم خليه يدللك ويجيب جاهز وانتي خليكي مرتاحة
قمر:بس هو عمرو ما قصر
ختام:والله انك هبلة لك ليش يقصر لو لف كل بنات العالم مابيلاقي مثلك أي يبوس ايدو وجه وقفا لأنك مرتو
………………..
رجعت للواقع ولبست وردي وتمكيجت وتعطرت من العطر اللي بيحبه ونامت جنبه وصحي عليها وهو عم يشم ريحة عطرها اللي اخدوا لمكان خيالي
وحضنها وباسها وقال:بتعرفي شو اشتقت لهديك الأيام اللي كنتي كل ليلة بتتمكيجيلي وتتعطري من عطرك المسك
قمر:بحبك وما بقدر استغني عنك
أكرم بنفسه:ما بدي انزع الليلة

وحضنها وأخد رشفة عسل من شفايفها. ….
(لهون بس ما رح كمل ياللا امشوا من هون خليهم ياخدو راحتهم 😂😂)
……………………..
سامر بيكون اخوها لريم ومتزوج بيان الو شهر
بيان:حبي والله شايفاني صعبة اختك تفوت علي ضرة
سامر:وانا مو هاين علية فيها بس ما بعرف ليش وافقت توقعت ترفض
بيان:اه وانا كمان اختك ما بتنعاب وحلوة ومتعلمة وبتشتغل
سامر:انا خايف من هلجيزة
بيان:طيب احكي معها حبي
سامر:كلمتها وقلتلي أنها صلت صلاة الاستخارة وارتاحت وهية موافقة
بيان:ربي يسعدها
سامر:امين …ايه بتعرفي جاي عبالي من تحت ايديكي هوت شوكليت. .ومسك ايدها وباسها
بيان :من عيوني حبي
سامر :لاتطولي😍😍
😉😉😉😉😉😉😉😉😉😉
الجزء السادس
طلع اكرم من بيته ووباس أولاده ومرته وشرا بوكيه ورد وطلع هو ويوسف علي بيت ابو سامر وأخذ ريم وأبو سامر وسامر وطلعو علمحكمة وكتب كتابه علي ريم ودفع المهر وقضا النهار في بيت ابوسامر واتغدا عندهم
قمر: تشرب شاي
اكرم مسك ايدها:اقعدي خلينا نحكي
قعدت جنبه ريم وخدودها حمر من الخجل
اكرم: شو رايك ما نقول بلخطوبة
ريم:ليش خلينا نتعرف علي بعض منيح
أكرم : لا أنا حابب ما نطول بدي تصيري مرتي وحلالي
ريم ابتسمت ووجها أصبح أحمر فمسك يدها وقبلها
ريم:مرتك بتعرف
اكرم مقاطعا:انا قلتلها حاتزوج عليكي ما صدقتني بس حاليا ما حقول الها شي
ريم:احم انت خطبتني ليش
اكرم:الصراحة انا عندي فكرة تعداد الزواج وحبيت اتزوج
ريم بصدمة:شووووو
اكرم:مالك
ريم:طالما بتحب تتزوج يعني بكرة بتتزوج علي
اكرم:شو بتغاري من اول يوم…وغمزها😉😉
ريم:اي انا بالغصب لتقبلت انو في وحدة حتشاركني فيك لكن توعدني ما تتزوج علي
اكرم مسك ايدها:يسعدو اللي بيغار
………..
خلص النهار هيك ورجع اكرم لبيته وكان مبسوط من غيرة ريم عليه وبيحكي لنفسه من اول يوم غيرانة علية كيف بعدين ..مسح شعره وهو مبسوط
ووصل البيت ولقي قمر عم تستناه
قمر:شو وين كنت حبيبي كنت قلقان عليك
أكرم بلش قلبه يدق ويرقص من فرحته وحبه لقمر وانو اول مرة بتسألو وين كان
اكرم :أمم ولا شي بس كنت عند يوسف
قمر:جعان تأكل
اكرم:لا مو جعان بس شو عاملة أكل ولا جبتي الست لتنظف البيت وتطبخلنا
قمر:لا لا انا اللي طبخت ونظفت البيت حبيبي ..وقربت منه وباسته علي خده
……..
اكرم ما تغير حبه لقمر بل بيزيد يوم عن يوم وهو بس يشوفها بيذوب قلبه فيها وبالنسبة لريم ما حبها بس وعد نفسه ما يأذييها وما يقصر معها حتي لو بكلمة حلوة لأنو هية مالها ذنب وهو اتزوجها ليثبت لقمر انو بيتزوج مو مثل ما قلتلو ما بتقدر تعملها وأكرم محتاج وحدة تكون مهتمة فيه وفي بيته
(وهذا طبع الراجل بدو يحس انو زوجته بتعمل كل شي لالو وحده بدو اهتمام ودلع وكلمة حلوى وغيرة بس برضو مو غيرة مجنونة)
………………..
مر ثلاث أيام وأكرم بيحكي مع ريم بالجوال وما حكا شي لقمر بس كانت قمر عم تحس بشي عم تحس في حاجة بس هية مو عارفة شو هلاشي ودايما كلمة اكرم بتتردد عليها :بكرة بنشوف مزح ولا لا
وأكرم طلب من ريم تبلش تجهيزات وتحاول تسرع وقال لريم ما بقدر بدي اياكي عندي
وأما قمر لجأت لختام لتشكيلها وكلعادة ختام عم بتفسد عليها حياتها وهية تقول انا بدي مصلحتك وبكرة رح تشكريني وقمر مثل الهبلة عم تسمع كلامها
..ريم صارت تتعلق وتحب اكرم حاجة حاجة كل يوم يكلمها ويسمعها كلام حلو ويروح أيام لزيارتها ويجيبلها هدايا وما مقصر فيها
……..
مشي شهر وكل شي تمام قمر أخذت ترقية بشغلها لانها موظفة ممتازة وصارت رئيسة القسم وأكرم فرحلها وجابلها هدية بس مش فرحان من قلبه لأنه قمر دايما تحكي شغلي وشغلي
وصارت تتقابل مع ختام ببريك الشغل وبخلال هلشهر ما تغيرت ودايما بيتها مو نظيف ودايما الأولاد عند جدتهم
و…..وريم تركت شغلها وخلصت تجهيز وأكرم حدد يوم الفرح وحجز كل شي وكان ضايل للفرح 4 أيام
اكرم:الو
ريم:هلا بقلبي
اكرم:كيفك حبيبتي
ريم:مشتاقلك
اكرم :أمم شو رايك نطلع مشوار
ريم:ما بينفع اليوم
اكرم:ليش
ريم :يعني كمان 4 أيام الفرح وانا عم جهز أمور وهيك يعني ياقلبي
اكرم:طيب اذا بدك شي حبيبتي بلغيني اوكي
ريم:بحبك
اكرم:وانا كمان
………….
اكرم راح لقمر وقرر يحكيلها
اكرم :شو قمري عم يعمل
قمر قاعدة واللاب توب بحضنها:هون في أوراق فيها أخطاء ولازم اصححهم لانو بكرة تسليمهم
اكرم:حبيبتي فينا نقعد مع بعض الليلة وننسي الشغل شوي
قمر:ياريت بس هلاوراق مهمين ولازم خلصهم
اكرم😡😡: من يوم ما ترقيتي وانتي بطلتي تفضيلي لك انا انسان حسي فية شوي شوفي انا زوجك انا حبيبك اللي حبينا بعض بجنون وين حبك وينو انا تعبت
قمر:ليش بتصرخ بدل ما تقدر انو مرتك صارت اشي مهم
اكرم:لك بدي أكون أنا المهم بدي اياكي تكوني رئيسة قلبي
قمر:بس خلص شو رايك اترك الشغل
اكرم:ياريت اتركيه من بعد ما اشتغلي اتغيرتي بطلتي قمر اللي حبيتها
قمر: مارح أتركه ولو شو ما صار
اكرم : ما تتركيه بس اتذكري كويس شغلك هو سبب مشاكلنا وانا كمان 4 أيام فرحي هيك بتزبط معك
…وطلع من البيت معصب .أما قمر كانت واقفة مصدومة وعم تبكي..وبتحكي لنفسها معقول بدو يتزوج علية معقول لك انا شو عملت بحالي وصارت تلطم
…………….
😉😉😉😉😉😉😉😉😉😉😉
الجزء السابع
اكرم راح عبيت أهله وهو معصب وزعلان ليش حب حياته هيك اتغيرت وصل لعند أهله وطلب منهم انه يرتاح وقعد بغرفة وتمدد ولا اراديا اتصل عريم لأنه بحاجة حدا يدلله ويسمعه كلام حلو او بلأحري بلش يرتاح لما يحكي معها وضلو طول الليل عم يحكي معها وهية كانت تتدلل عليه
…….
اما قمر من كثر ما بكيت اتصلت بختام
قمر:زوجك عندك
ختام:لا سهران مع أصحابه
قمر:شو انتي منتبهة قديش الساعة
ختام:مو مشكلة خليه يسهر..بس مالك عم تبكي
قمر حكت كل شي صار معها لختام وهية عم تبكي
ختام:طيب حبيبتي اهدي وروقي
قمر:لك مش مصدقة اكرم بيحبني ما ظنيت يعملها😢😢
ختام:اسمعي صحيح حقك تزعلي وهذا زوجك بس اوعي تبينيلو انك زعلانة واعملي حالك مو مهتمة
قمر:مجنونة انتي😭😭😭 كيف رح موت رح طق
ختام: اسمعي ياهبلة ما بقلك ماتزعلي بس لما يكون موجود اعملي ولا كأنه في شي ولا عبالك حيحس بغلطه وحينقهر فاهمة علي
قمر:أنتي شو بتحكي والله جاي عبالي اقتلوا
ختام:خلص اهدي هي زوجي اجا بدي روح سلام
………
قمر تعبت كتير من كثر العياط 😭😭 وحاولت تتصل في اكرم بس كان الرقم مشغول وتركت الجوال وضلت تعيط
………….
اجي تاني نهار وقمر اخذت إجازة من الشغل وطلعت عبيت اهلها وكان أولادها عند اهلها وحكت لأمها كل شي
ام قمر:ما تزعلي يما بس انتي اللي جبتيه لحالك انا جيت علي بيتك كان وسخ والأولاد عم ينطو هون وهون وانتي مشغولة يما الراجل حتي لو بيحب مرته بيحب تكون مهتمة ببيتها وزوجها يرجع لبيته يلاقي مرته لابسة اشي حلو ومتمكيجة ومتعطرة وتسمعو كلمة حلوة وتدلل عليه
قمر:خلص يما بيكفي والله تعبت
ام قمر:خلص حبيبتي اهدي وروحي نامي وانا حاعملك كاسة زهورات تهدي حالك
……………………
اكرم طلع عشغلو وبعد شغلو طلع يجهز أغراض لشقته
…………………
بعد يومين طلعت ريم علكوافير وأكرم طلع يجهز أموره وشذا وولاء طلعو علكوافير والكل مبلوش فلفرح وقمر منهارة وهية لسي عند بيت أهلها. .أما اكرم ما كان فرحان وزعلان علشان قمر وكيف وضعها هلقيد
وخلصت ريم وطلع اكرم أخذها من الكوافير شافها مثل القمر وتذكر كيف شاف قمر بالبدلة البيضا
اكرم: طالعة مثل البدر
ريم:احم😊😊 تسلم يا عشقي وحياتي
أخذها اكرم وطلعو عالصالة والكل بيرقص وفرحان وخلص الفرح ابوسامر وصي اكرم علي ريم وقلو يحطها بعيونه
😍😍😍😍😍😍😍
الجزء الثامن
اكرم حمل ريم وفاتو بيتهم وصلو ركعتين
اكرم:أنتي طالعة ملكة
ريم:بحبك وبعشقك😍😍
اكرم عم يلعب بخصلات شعرها وعيونه بعيونها وعم يقرب عليها وريم دقات قلبها عم تتسارع ووجها أحمر وأكرم باس ريم ووو………..
……….نامت ريم وضل اكرم عم يفكر بقمر ونفسه يكلمها بس ما قدر بعتلها رسالة علي جوالها
….
قمر كانت ضايعة ومو مصدقة انه تزوج عليها وفجأة اجي المسج لقمر وفتحته وصارت تقرأ فيه وتبكي وكان مكتوب
(انتي الحب الأول والأخير انتي من تربع علي عرش قلبي سامحيني لكن انتي السبب انتي اهملتيني انتي تغيرتي لآخر حد انتي لستي قمر التي أعرفها
بحبك وسامحيني)
قمر بتحكي مع نفسها:صح كلامك انا السبب انا اللي ضيعتك من ايديا بس انت اللي نسيت حبنا
……………….
واجي تاني نهار قامت ريم من النوم وكان اكرم نايم اخدت دوش ولبست وردي وتمكيجت وعملت فطور وقعدت جنب اكرم عم تصحيه بدلع ورومانسية
قام اكرم وصبح عليها وباسها وافطروا وقضو نهارهم مثل أي عرسان
…وهيك مشت الأيام كأي عرسان عاشوا حياتهم بس ريم بلشت تلاحظ برود اكرم معها هو عم يحاكيها بكلام حلو وعم يدللها بس ما لاحظت عليه الحب أو لهفته عليها مو مثل أي عريس وان تركته بيضل سرحان
……
اما قمر بشغلها وختام عم تلعب بمخها أكثر وأكثر وقمر عم بتفكر هيك الصح لأنه ختام فهمتها عملت هيك مع زوجها وصار مثل العسل معها…..
……رجع اكرم لشغله وقرر ينام عند قمر ليلة وعند ريم ليلة
رجع من شغله وجاب هدية لقمر وكان متلهف ليشوفها وكان متوقع تتمشكل معه ..فات البيت كان نوعا ما مرتب والأولاد بالبيت عم يتفرجوا علتلفزيون فتح الباب وفات وحضن أولاده وحضن قمر وباسها وعيونه عم تحكي لعيونها الف حكاية
اكرم:اشتقتلك
قمر:امممممم
اكرم :شو ما اشتقتيلي
قمر:لا عادي
اكرم عصب بس ضلو متماسك أعصابه وقعد جنبها وضمها لحضنه: جميلتي وقمري
قمر لم تعطيه أي اهتمام ولم تبادره مثل كل مرة بقبلة علي شفتيه
اكرم :دا انتي زعلانة كتير معلش حقك عراسي
قمر: لا مش زعلانة ولا علبالي اصلا تزوج 4 كمان مش فارقة
اكرم مسك وجهها وطلع بعيونها شو بتحكي
قمر: بالمختصر اللي ببيعك بيعه.
وقامت علي غرفتها
اكرم عم يحاكي نفسه ..لك هاي انجنت توقعت تكون زعلانة
لحقها اكرم علغرفة ونام جنبها وحضنها وقال:اشتقت لرشفة من العسل حبيبتي
قمر:تعبانة بدي نام لأنه بكرة علية دوام
أكرم :لكن الحق علية شو هذا
وطلع اكرم وكمل قعدتو مع أولاده
. ……….
اجي تاني نهار صحي اكرم من نومه شاف قمر لابسة وعم تحشي ساندويتشات لأولادها وجهزتهم لتاخدهم معها
اكرم بمزح: وانا وين ساندويشتي
قمر:انا مستعجلة اعمل لحالك أو خلي العروسة تعملي
. ………..
اكرم لبس وطلع عشغله وانتبه انه اجتو رسالة فتحها ولقاها من ريم (اشتقتلك النوم ليس فيه راحة إلا بحضنك)
كمل شغله ورجع علبيت مزعوج وعم بيفكر بقمر وليش عم يصير هيك وفات بيته شاف ريم لابسة فستان أزرق وكعب عالي ومتمكيجة ومتعطرة ابتسم ابتسامة خفيفة وحضنها وقبلها من خدها وهمس بأذنها وانا اشتقتلك (لكن حكاها بكل برود)
ورجع قبلها وتتالت القبل …
ريم: لحظة لحظة ما رح تأكل
اكرم:اه والله جوعان شو عاملة
ريم:سمك وسلطة ورز
اكرم:رح غير اواعي واجي
حضرت ريم الأكل وكانت عم تطعمي اكرم بايدها وتدلله وخلصو أكل واخذها بحضنه ليعيشوا أجمل لياليهم
وبعد 2ساعات طلبت ريم أن يذهبوا لبيت أهله فوافق فلحال
………. … .
اما قمر فحكت لختام ماحدث معها وختام قالت لها:برافو عليكي..
…………………….
مرت أيام وأسابيع والحال علي ماهو ..قمر أهملت زوجها من كل النواحي وريم تزيد بدلالها ودفعها واهتمامها ب اكرم ولكن تكره بريده ومعاملته معها ببرود ولا مبالة
……………
في يوم بعد شهر ونصف
اكرم بيتصل علي قمر وبلغها انو فرح ابن خالته اليوم اذا حابة تيجي معه ومن غير تفكير رفضت …..
……………….
وبعد ساعات جهز نفسه وريم جهزت نفسها وكانت فائقة الجمال ب فستانها ومكياجها
اقتربت من اكرم وهمست باذنه:اعشقك وطبعت قبلة علي شفتيه
وخرجا وذهبا للفرح
……………………………..
اما قمر فذهبت لبيت أهلها وكانت اختها روند هناك وحكت لروند كل شي
روند: أنتي غبية وهبلة وجدبة
قمر:شو في مالك
روند:انا ما رح احكي هلقيد بعدين حاحكي معك بس قومي معي
قمر:لوين
روند:البسي فستان وتمكيجي واطلعي علي الفرح ما تخليها تاخد الجو الها
قمر:ما بدي
روند: هاي عروسة رح تدلل عليه وتأخذ الجو الها بس انتي هيك عم تخسري حب حياتك …فلازم تروحي وتكوني معه
….
😍😍😍😍😍😍😍
الجزء التاسع
كان الكل عم يرقص ومبسوط كانت ريم عم تتطلع ب اكرم وعم تلاحظ بعيون اكرم لمعة فرح وحب ونظرات شوق وعشق وهية ولا مرة لاحظت هيك نظرات معها وحست بغيرة كيف حدا يحصل علي هيك نظرات وهية العروسة لا
التفتت علي مين عم يطلع شافت ملكة جمال عم تمشي وتسلم علي الناس وماشية ناحية اكرم وريم …رجعت التفتت لاكرم كان عم يبتسم ابتسامة حب وعشق
……
من غيرتها قرصته من خصره وقالت:بيكفي تطلع علي الست علاقل انا واقفة
اكرم ب ضحكة :شو غرتي
ريم: اه ممنوع غار علي زوجي وحبيبي …
…….
وصلت قمر سلمت علي اكرم وباسته وقالت:اشتقتلك حبيبي
وسلمت علي ريم: كيفك ضرتي
. ……….
ريم كانت بصدمة لك كل هلجمال عنده وبيتزوج عليها
ريم:اهلين حبيبتي كيفك انتي
بس نظراتهم كانت مليانة غيرة وحقد
……….
قعدت قمر معهم وكان اكرم بالنص اكرم كان فرحان كتيبيير
اكرم بيهمس بإذن قمر:شو خلاكي تيجي
قمر:ما بعرف حسيت انو لازم اجي
اكرم:اكتر شي عملتيه صح حبيبتي
وريم عم تأكل بحالها بس شوي وهدت حالها وقالت إنه هاي مرته ولازم أتحمل واتعود
………………….
مرت أيام وكانت ريم عم بتحب اكرم بزيادة ولهيك اهتمامها فيه زاد أكثر وأكثر ب يرجع علبيت بيكون نظيف ومرتب وفيه أكل مطبوخ ودايما تكون مزبطة حالها وكل أسبوع يروحو علي بيت أهله واهلها
……………………….
اما اكرم بلش يتعود ويتعلق باهتمام ودلال ريم اله بس عم يحس حاله انه عايش قصة زوجية عادية بس ما حبها أو عشقها مع أنه لاحظ حبها اله
………………….
قمر نوعا ما بلشت تتغير لأنه اختها روند حكت معها وفهمتها انه اللي عم تعمله غلط وأنه لازم تتحمل نتيجة خطأها لاهمالها لزوجها وفهمتها انو لازم ترجع مثل ما كانت وانو اكرم ما في منه وبلبيت ما تشتغل بأوراق الشغل وحكت حكي كتير معها وفهمتها وقلتلها ما تسمعي كلام ختام هاي بس بدها تدمر بيتك
……….
اكرم لاحظ تغيير قمر وما وسعته الدنيا من الفرح رجعت تهتم فيه وتطبخله وأوقات تجيب جاهز ورجعت علاقتها مع بيت أهله
…………………
كانت قمر قاعدة ببيتها وسرحانة ورجعت لماضيها
ختام:امبارح كان عيد الحب شو جابلك زوجك
قمر:وردة حمرا ودبدوب
ختام:بجد ههههههههههه
قمر:ليش بتضحكي
ختام:الواحد بيجيب لمرته شي ذهب أو فضة أو بوكيه ورد مو وردة
قمر:بس زوجي مزنوق شوي
مزنوق (متضايق ماديا)
ختام:انا زوجي جابلي خاتم ذهب وبوكيه ورد
…………..
رجعت للواقع عم تحاكي بحالها
:انا مجنونة هديك الأيام كيف كنت رد عليها لا وتمشكلت مع اكرم ليش ما جابلي شي ذهب
……..آخ ما اغباني. .فعلا انا اللي خليت اكرم يتزوج ب باستهتاري
*******
رجعت لسرحانها وتتذكر شو حكت لها روند
😍😍😍😍😍😍😍
الجزء العاشر والأخير
روند:هبولتي انا زوجي ما بيجيب هدايا بعيد الحب ولا عيد المرأة ولا حتي عيد زواجنا بس مرات بيجيب اشي بسيط يوم ميلادي
.قمر:شو بتحكي
روند: والله عمري لا زعلت ولا حسسته انه ليش ما بيجيب أو ذهب وفضة مثلك ياحوبة
المهم انه بيحبني وبيعاملني منيح ويخاف علية هادا بكل الدنيا
قمر😮😮
روند :حبيبتي الحب مش بلهدايا ياما ناس بتجيب هدايا بكل مناسبة لكن القلوب ما بتحب بعضها
قمر: أخ يا اختي جايا هلقيد تحكي معي وينك من زمان
روند: فيكي تصححي خطأك وترجعي قمر اللي بتحب زوجها وبتكون معه علحلوة وعلمرة
…………………………
بيان كانت جاية زيارة لريم وكانو عم يحكو وموضوع فتح موضوع
ريم:بتعرفي صحيح أنه جنتل وبيحترمني بس بحسو ما بيحبني ودايما أسلوبه بارد معي.
بيان: ليش هيك بتحكي
ريم: شفته وهو عم يطلع بمرته الأولي كانت عيونو عم تحكي الف قصة حب لك ولا مرة شفت عيونو هيك معي ..ما بحسو بيشتاقلي مثل أي عريس بيشتاق لعروسته. ..
بيان عم تحكي بحالها (أخ منك قلنالك ما تتزوجيه بس ياللا اللي صار صار )
بيان:حبيبتي بدي أسألك عمرو قصر فيكي شي أو رفضهم طلب
ريم:لا
بيان: طيب بيعاملك منيح
ريم:اه
بيان: طيب شو بدك أكثر من هيك حبيبتي اسمعي لاقلك كل راجل عن راجل بيختلف في ظهور مشاعره يمكن بيحبك بس ما بيحكي.
ريم:طيب ولا مرة قلي بحبك
بيان: أخ منك وانا شو بقول يمكن ما بيحكي أو ببين عليه المهم يكون ب بيحترمك وصاينك خلص
…………… ………..
بعد كم يوم طلبت ريم من اكرم تنام عند أهلها أسبوع لأنه فرح بنت عمها اللي هية رفيقتها واختها ولأنه المشوار بعيد ما بدها كل يوم تروح وتيجي وأكرم ووافق
وطلعت ريم وكانت مبسوطة لفرح بنت عمها ومستغربة كيف اكرم وافق علي غيابها أسبوع
. ………………
مر اول يوم وكان اكرم عند قمر وكان مبسوط لأنه قمر اتغيرت ورجعت مثل اول ومر ثاني يوم وكان عند قمر برضو بس حاسس في اشي ناقص عليه حاسس لازم يسمع صوت ريم واتصل عليها وكلموا بعض
…اجي ثالث يوم رجع علي بيت ريم بس ما كانت موجودة اشتاق لحضنها اول ما يفوت البيت اشتاق لكلمة اشتقتلك اشتاق لطعم أكلها
اكرم عم يحاكي حاله (هاي البنت سابتني يومين بس لحقت لاشتاقلها لحقت لاشتاق لصوتها)
قاطع تفكيره اتصال بجواله وكانت ريم
ريم:اشتقت لاسمع صوتك قلت اتصل عليك.
اكرم : وانا كنت بفكر فيكي
ريم بفرحة:بجد
اكرم: اه جد .بس قوليلي متي الفرح
ريم:ضايل 2 يوم
اكرم:شو رايك تيجي علبيت اليوم ووقت ما بدك تروحي باخذك انا وبوصلك
ريم: أمم ضروري اجي
فرك شعره: وقال الصراحة اشتقتلك
ريم ماصدقت وتسمع هلكلمة:بحبببك
اكرم:وانا كمان يا بت بس ما تطولي هيني بستناكي
……ريم رجعت علبيتها فرحانة وهي أول مرة تحس اكرم عم يحكي بطريقة مختلفة ..ووصلت بيتها فتحت الباب وراحت تجري علي اكرم ووقف حضنها وصار يلف فيها
ريم : اشتقتلك بجنون
اكرم:بحبك
ريم:شو عيدها
اكرم:بحبك ..ياللا هاتي بوسة
باسته …..
*************
ختام دخلت مكتب قمر بعد استئذان وهية عم تبكي
قمر مالك :إيش فيه
ختام: لك طلع الحقير متزوج علية اله 7 سنين ومخلف منها بنت وولد وانا مثل الحمارة خلفت بنت وقلت بدي ارتاح بعدها أخ ياقمر انحرق قلبي
قمر:صحيح حقك تزعلي بس اوعي تبينيلو انك زعلانة كوني قوية
مش هدول كلماتك
.😍انتهت😍
حبوباتي العسولات كالعادة بانبسط كتير لما اشوف تعليقاتكم رايكم بالقصة
ونصيحة مني يا صبايا ماحدا تلتفت لكلام البنات أو غيرهم خلي اسرارك ببيتك ..خلي حبكم يكون اقوي اشي ما في فرق بين الرجل والمرأة بس كل واحد اله مهامه بالحياة

أخبرنا رأيك بهذه القصة بكتابة تعليق

عرض التعليقات (122)