الرئيسة / منوعات / زوجة من دار الأيتام بقلم الكاتبة جمايكا أحمد

زوجة من دار الأيتام بقلم الكاتبة جمايكا أحمد

/
/
/
10179 مشاهدات
زوجة من دار الأيتام بقلم الكاتبة جمايكا أحمد
هذه القصة تأتيكم من قسم المنوعات في زاكي
#زوجة_من_دار_الايتام
#للكاتبة_جمايكا_احمد
زوجة من دار الأيتام بقلم الكاتبة جمايكا أحمد
زوجة من دار الأيتام بقلم الكاتبة جمايكا أحمد
#زوجة_من_دار_الايتام
#الكاتبة_جمايكا_احمد

الجزء الاول الثاني الثالث الرابع الخامس:السادس

#نغم : بترجااك لاتحرقني بترجااك شو مابدك ررح اعمل ..اهدى اهدي..قلي شو بدك وانا رح اعمل ..

#جبر : انتو النسوان تستاهلو الحرق ..لك قليل فيكن الحرق ..

#نغم : اتوسل لالك انا مالي ذنب .

#جبر: ههه لك انتي متلهن الوجه البرئ هاد لاتمشيه عليه فهماني ولي ..

#نغم : جبر الله يخليك اذا بدك انابروح من حياتك ..

#جبر: لا مارح تروحي ..بدي شوف هاد الوجه اللي رح ينحرق على طول قدامي ..

(هذا ليس كل حزني
انه ما استطعت أن ابكيه فقط
خشيت ان لم انفقه أن اكتب مانع زكاة
فقد بلغ القهر النصاب ..
#ادهم_الشرقاوي ..

انا نغم العمر 20 يتيمة الام ..عشت وتربيت من عمري 8 سنوات في دار الايتام انا واخي محمد..حكايتي بلشت من اول ما اوعيت على الدنيا …كنت عايشة انا واخوتي الاتنين مع امي وجوز امي ..عندي اخ اكبر مني اسمو محمود ..وامي وقت كانت عم تولد صار معها نزيف وماتت هي والجنين اللي كان في بطنها ..عشنا بعد موت امي عند جوزها ابراهيم كان رجال طيب وحنون معنا ..بس مرقت سنة ونحنا ورق ماعم نملك ولا جنسيات لنحسن انسجل بالمدارس كانت مشاكل امي قبل لتموت مع ابي لتحصل منو على اوراقنا الثبوتية ..

#ابراهيم : محمود ياعمو انتو وضعكن هون مابصير لازم ترجعوا لعند ابوكن هو معو الاوراق وانتو من حقو ..انا ماعندي ايه احقية انو تبقوا عايشين معي ..رح رجعكن بكرة لالو وهاد ياعمي ياحبيبي رقم البيت اذا صار شي معكم اتصلو عليه ..

#محمود: عمو ابراهيم بس ابي مجوز ومرتوا مانها منيحة معنا وانا مابحب عيش عندها ..خلينا هون بنوعدك مانعزبك واذا بدك انا صار عمري 13 سنة بحسن اشتغل ..

#ابراهيم : لا عمي انت واختك واخوك محتاجين مدارس ..العلم احسن من كل شي ..

((يومها ضبينا تيابنا لنرجع لعند ابي …كنت صغيرة ما اهتم اذا مرت ابي منيحة او لاء ..بس يلي كنت اسمعو من اخي محمود هو اللي كان يخوفني …انتقلنا لنعيش عند ابي وبلشت المشاكل بين ابي ومرتوا على وجودنا كانت دائما تشكي من وجودنا ..وتشكي وتبكي بسببنا انو على طول عم اندايقها ونعزبها بالبيت ودائما تطصنع المرض ..اخي محمد الصغير كان وقتها عمروا 6 سنين من مرت ابي اتعمدت انها تحرق حالها بالزيت وتقول انو اخي السبب …

#حليمة : اسمع انا ماعندي قدرة ربي اطفال ضرتي ..بكفيني ابني وبنتي اللي ببطني ..ابنك الصغير بشقاوتوا حرقني ..شو انطر من يشوهني لك هادول مو اولاد هادول شياطين ..

#ابي: اي والحل شو يعني ..صغار طولي بالك عليهن ..

#حليمة : الحل بيدك ..امهن اخدتهن وراحت تتجوز وهلاء رجعهن لالك ..

#ابي: امهن ماتت ..وجوزها مانو مجبور يربيهن ..

#حليمة : اسمع يا اولادك يا انا بالبيت ..

#ابي: شو قصتك حليمة روقي بكرة انا بحكي معهن ..

#حليمة : لا مارح روووق كل يوم بتقلي نفس الكلام انا قايمة ضب تيابي..

#ابي: ييييه انطري للصبح

#حليمة : اي هيك ..وديهن لعند اهلك او اهلها .

#ابي: انا اهلي ماعندهن قدرة يربوا اولادي ..واهلها مانن بالبلد ..

#حليمة : بيعهن !

#ابي: شو ابيع اولادي..

#حليمة : اي بيعهن ..يعني حد ماعندو اولاد يشتريهن منك ..او حد بدو اطفال يعلمهن صنعة ..ومنها نحنا بنسكر الديون اللي عليك ..اللي ممكن ادخلك السجن لو ما دفعتها ..

((الحديث اللي صار بين ابي ومرتو كان مر علقم على صدرنا ..كان اخي محمود قاعد وخايف من يلي رح يصير ..يمكن وقتها ابي ما اخد وقتو بالتفكير وقرر ينفذ قرار حليمة انو يبيعنا …

#محمود : انتو شو عملتو لالها ..

#نغم : والله ماعملنا هاي كدابة محمد كان يلعب معي والله ..محمود شو رح تعمل ..

#محمود : اذا ابي وافق يبيعنا ..يعني رح نعيش متل صابر..

#نغم : انا بخاف لا مابدي …يعني رح نعيش عند حد يضلو يضربنا اذا مابعنا العلكة والجرايد …

#محمود : اي اختي ..

#ابي : محمود

#محمود: نعم

#ابي : ضبوا تيابكن رح نسافر

الجزء الثاني ..

((كذبة ابي ما انقذتنا من الحال يلي فتنا فيه ..بس من شفنا مرتوا مجهزة الشنت ومجهزين امور السفر ..كنا نعتقد انو ابي قرر يسفرنا كلنا سوا ..بس الخطة ماكانت هيك وصلنا مكان انزلنا انا وابي واخوتي محمد ومحمود كانت الدنيا حر ساعة الظهر والناس كلها بالبيوت هربانة …لوقت اجا رجال واعطى ابي ظرف ..

#ابي: انطروا هون رايح جبلكن عصير بارد وراجع …

#محمود: يابي خدنا معك

#ابي: لا خليكن هون ..انا راجع مارح اتاخر ..

#نغم : طيب وحليمة خليها معنا.

#حليمة : ام لسان قلك بيك راجع انطمزي هون ..

#ابوعلي : فوتوا هون بالورشة من الشمس ..

((بعد ما ابي غادر بحجة انو راجع فوتنا ابو علي صاحب ورشة حدادة للمحل ..وطلب منا ننطر ليرجع من الغدا..مرقت الساعة واتنين وابي مارجع وقتها …وابوعلي كمان ما اجا …اجا رجال بشتغل عندو سكر الورشة وطلب منا نروح لبيت ابوعلي اللي اساس مابنعرف هو وين ..ويلي فهمتو انو ابو علي معتقد انو ابي حاكي لانا كل شي وانو رح نعيش عندو …وقتها ابي كان بايعنا بمبلغ وقدروا ليسافر برا البلد مع مرتوا وابنو …مرق ساعات الظهر وفاتت بساعات المغرب لا ابو علي اجا ولا ابي رجع …ماعرفنا وين انروح ..

#محمود : عمو بدي اسالك \

#مجهول : اتفضل

#محمود: وين ابو علي ؟؟..

#مجهول : اها قصدك صاحب الورشة هاي ..هو هلاء سكر الورشة لان امو بالمشفي بكرة تعال لعندو ..

#محمود : اها شكرا ..نغم محمد ..

#نغم : اي اخي ..

#محمود : بابا مارح يرجع ..وابو علي مارح يجي مشوا خلينا نشوف وين رح نروح ..

((اخدنا اخي وارجعنا لمكان ماكان ابي عايش ..وصلنا دقينا الباب ماكان حد عم يرد حاول اخي ينط من الشباك ليفووت بس ماحسن كان البيت كلو مقفل ..ومتل ما اتوقعنا ابي وقتها سافر برا البلد …نمنا ليلتها على الدرج ..والصبح تركنا اخي ووصانا مانطلع من البيت لعند مايرجع بقينا نلعب انا واخي على الدرج لرجع اخي بعد ساعات وكان جايب معو اكلنا .وبقينا على هاد الحال لاسبوع كامل كنا انام تحت الدرج ..ووقت المسا اخي يرجع جايب معو اكلنا ..واوقات يجي مامعو اكل واوقات يجي اخي مضروب كان الوضع كتير مزري ..

#محمود : انا رح اوديكن على مكان متل جمعية بتفوتو فيه وبتقولوا انو ابي تركنا ..

#نغم : بخاف خلينا هون معك

#محمود: اختي انا ماني حسنان عيشكن ..يوم بطعميكن ويوم مابلاقي اكل ..انا ماقدرنا اعيشكن يادوب اعيش حالي …

#نغم : محمود

#محمود : اسمعيني اختي انا رح وصلكن هني رح ياخدونكن لبيت فيه العااب كتير واكل طيب ..انا اذا كمشوني رح يعملو لالي مشكلة ..هاد المكان للعمر تحت 10 سنين ..اتفقنا ..

#نغم : طيب..

#محمود: بصير اجي لعندكن دايما واشوفكم خبيلي شغلات طيبة لالي ماشي اختي ..وانتبهي على محمد ..

(يوم الجمعة هو اللي قدرت اعرفوا من كان موعد صلاة الظهر كان اخر يوم اشوف فيه اخي محمود اللي وصلنا لهاداك البيت ماكنت بعرف شو هو ..بقينا انا ومحمد قاعدين بحديقة البيت الكبير ..

#الراهبة: قطة ياحلوة انتي من وين ومين جابك لهون ..

#نغم : اخي محمود جابني ..

#الراهبة : وين بابا وماما ..

#نغم : بابا سافر وماما ماتت

#الراهبة : طيب تعي معي ..

((يومها ادركت انو اخي وصلني لكنيسة ..كانت الراهبة يومها كتير منيحة معنا اكلنا وغيرت لالنا تيابنا بقينا يومين لوقت اجت سيارة اخدتنا ..وكانت سيارة لدار الايتام …

الجزء الثالث..

((كان اول يوم لالي بهاداك البيت يوم الاثنين الساعة 10 الصبح ..فتت البيت اللي كان كلو اطفال صغار وكبار….دخلنا مكتب الام …((المديرة ))كانت لطيفة وحنونة علينا ..سالتنا عن ابي اسئلة كتيرة وعن اسمو..اكتر من ثلاث ساعات وهي عم تعمل اتصالاتها ..وكانت النتيجة متل ماخبرناها انو ابي سافر …ومافي لالنا حد يهتم فينا ..وخاصة انو اعمامي رفضو ياخدونا لعندهن …وبحديثي مع الام كنت على طول احكي عن اخي محمود واسال عنو اذا لقوه او لاء …وبلشت حياتي بهاديك الدار مع رفيقاتي واخي محمد مرقت السنين بلمح البصر ..وصرت هاديك نغم اللي بلشت تعيش بمدينة اسمها مدينة الايتام اللي ماشفت نقص شي فيها كانت كاملة مكملة من مدارس وجامعة ..يومها انتقلت للقسم الخاص بالبنات اخي محمد انتقل للقسم اللي فيه شباب …ومرق العمر فيني وصرت 18 سنة …درست للبكالوريا واتعملت اشغال يدوية ..كانت حياتي مستقرة لحد ما..عندي عائلتي وخواتي بهاد المكان وكان شخص قريب لالي وهي دادة سامية هي اللي اعتنت فيني انا واخي من الصغر…اللي عوضتني عن حنان الام كانت مخبا اسراراي ..وكانت الدفا اللي الجأ لالو لاحكيلها كل شي مر بحياتي..

#سامية : نغم خلصتي حبيبتي الكنزة الصووف ..

#نغم : اي ماما سامية ..بس كأنها كتير صغيرة ..

#سامية : اي ياعمري هاي التياب لطفل عمروا شهر ..اسمعو عمر رح يجي يعيش عنا شو قلتي …

#نغم : ماما سامية ..هلاء ليش قسمونا هيك وصرنا عائلات ..

#سامية : هاد نظام جديد بالمدينة ..عملوا هاي البيوت كرمال نصير عائلات مثلا ..بيت القدس هاد لماما رانية اعطوها 4 اطفال تربيهن ..

#نغم : ونحنا

#سامية : نحنا سموا بيتنا دمشق …في عمر عمروا شهر … وفي اسلام وزيينب عمرهن و .5 سنين ..و4 سنين رح يجو لعنا بكرة …

#نغم : ماما سامية عندي سؤال ..وارجوكي لاتزعلي مني ..

#سامية : اسالي حبيبتي ..

#نغم :هلاء انا صرلي بعرفك شي 10 سنين وانتي عايشة هون ..ماما انتي يتمية متلي ..

#سامية : لا حبيبتي انا اهلي عايشين …امي ست عجوزة وابي كمان الحمد لله …بس انا كنت متجوزة والله مارزقني اولاد الحمد لله الف مرة …جوزي ماقبل ضلي عايشة معو لاني مابجيب اولاد طلقني ..تعرفي كنت اموت واعيش بس لحظة واحمل طفل بين ايدية …لعند ما اخي اتزوج وجاب توأم اولاد وقتها رفضت مرتوا شوف الاولاد خافت احسدهن ..او يصيبهن عين ..لاني مابجيب اولاد..ماشفتن انا ..حزنت على حالي وقررت اجي اشتغل هون بمدينة الايتام هاي..صح الله حرمني منهن بس عوضني فيكي وباخوكي محمد وكمان اخوكي رأفت اللي ربيتو معكن وبهديل ..كنت شوفكن اغلي شي بحياتي ..ليكن رافت ومحمد عم يدرسوا بجامعة المدينة ..وهديل اتجوزت وبقياني انتي عندي ..وليكن رح يجبولي اولاد غيركن …شفتي نعمة الله شلون ماحرمني منكن ولا رح يحرمني انا عايشة هون كرمال اربيكن وحطكن بعيوني انتو عوضتو النقص اللي كنت حرماني منو ..صح مانكن من بطني بس انتو قطعة من قلبي وروحي ..

#نغم : الله يخليلي اياكي ماما سامية ..امي عندي سؤال محيرني عمر اخي الجديد ليش اهلو تركوه وهو عمرو شهر ..

#سامية : عمر ابوه وامو ماتو بحادث سير …يتيم الام والاب …اخوكي رافت مانو يتيم لا اب ولا ام ..اهلو عايشين ..بتعرفي انا كان لالي اسبوع بدار الايتام عم اشتغل من جابو رأفت كان عمروا يوم واحد بس..

#نغم : جد يوم واحد ..

#سامية : اي امي ..امو كمان جابتو …

#نغم : لا مابسدق امو جابتو وهي ماصرلا يوم جايبتوا..

#سامية : اي والله كنت قاعدة عم لاعب هديل ..من نادت عليه الام ..واجيت اشوف شو في كانت امو لرافت كلها مضروبة وكانت حاملة رافت بين اديها وعم تتوسل لالنا ناخدو منها ..لانو استغفر الله بالحرام ..واهلها طلبو منها تروح ترمية …لتتخلص من الحرام كانو عم ينطروها برا الدار حاولنا نحكي مع اهلها بس كانو حاملين سلاح …اخدوا بنتهن واعطونا رافت ..كانت الدار بسيطة انتي بتذكريها قبل ليبنوها ويعملوها مدينة …كنتو كم طفل هلاء صرتوا بالمئات ..المهم اخدتو لرأفت من شافتو عيوني ..الروح لجسمي ردت يمكن الله اراد يصير معها لامو هيك لتجيبو لالي .اخدتو واخدت هديل وبلشت ربيهن وبعد كم سنة جابو لالي محمد ونغم ..وهيكن يا امي صرتو شباب ..

#نغم : نيالكن عند الله انتي …بدي عيش متلك واهتم باخواتي متلك ..

#سامية : لايامو روحي عيشي حياتك ..يمكن نصيبكن يكون من الله حلو …شكلو جرس البيت بدق ..

#نغم: اي ماما هاي خالة سجود ..فوتي خالتو ..

#سجود : ياعيني انتو اخدين اسم دمشق نيالكن والله …

#سامية : وانتي سوسو شو سمو بيتكن ..

#سجود : انا القاهرة ..ورانية القدس ..

#سامية : اي شفتا صارت مقابيل بيتنا حلو..نظام البيوت هاد ..

#سجود : اي والله جابوا لالي 3بنات وولد ..

#سامية : كترانين البنات ..

#سجود : اي والله …بس متل اللعب ماشاء الله ..وعبودي اسمراني دخيل عمروا شو نغش ..

#سامية : انا جابلولي عمر وزينت واسلام ..

#سجود : اها ذكرتيني ..اي ماما نغم بكرة رح تروحي على معرض مع ماما عنود …مشان شغلك ..

#نغم : هون بالمدينة ..

#سجود: لا ياعمري برا …رح روح هلاء بكونوا الاولاد خلصو من المدرسة ..

#سامية : ياعيني مانن صغار ..

#سجود: لا كلهن 6 سنين …و7 سنين .رح روح جهزلن الغدا يلي بنحكي …

#سامية : ماشي حبيتي سجود…بالسلامة ..

الجزء الرابع …

#نغم: الوو محمد كيفك خيي..

#محمد: مشتقلك اختي شو عاملة .

#نغم : عم رتب اموري للمعرض بكرة كيف دراستك..

#محمد:ماشي حالها شوي صعبة …ديري بالك على حالك اختي وموفقة ..

#نغم : ماشي اخي وانت كمان الله يوفقك ..

#سامية : محمد

#نغم : اي امي
\

#سامية : قفل ….كنت بدي احكي معو …

#نغم :دقيلو تاني انا رح نام ..لان بكرة عندي شغل كتير…

((بالمعرض كانت الامور عجقة وكان لأول مرة شارك بمعرض خارج المدينة ..كانت الناس ملهية بتحقيق الافضل لحياتهن ولاول مرة اعرف انو في ناس عندهن هدف ممكن يعيشو كرمالو …..بلشت رتبت بشغلي ..وكانت بين الاشغال تطريزة عملتها باسم اخي محمود وعلى ظهرها كتبت انها اهداء لاخي الغائب ..

#عنود: نغم خلصتي حبيبتي تعي في لقااء هلاء ورح يلقو كلماتهن تعي نقعد …شايفة هاداك اللي قاعد قدام ..

#نغم : وينو ماني شايفتو ..

#عنود: هاداك اللي قاعد قدام ..هاد جبر اسمو هو المسئول عن المعرض ..

#نغم : اي شفتو حلو شخصية …الله يحميه

#عنود: اخدتي الحكي من تمي اي هاد برنس الاحتفالات ..عندو حنجرة بتجنن ..بحكي كلام وشعر وبغني وفنان بمعنى الكلمة وشخصية شوفي شلون البنات عم يتغامزوا عليه ..

#نغم : اي الله يوفقوا ..صار دوري القي كلمة …

#عنود: اي والله جهزتيهن ..

#نغم : خايفة ماماعنود ومتوترة شوي ..

#عنود : سمي بالله وبلشي لا تخافي ..

#نغم : حجابي مرتب واموري تمام شلون تيابي ..

#عنود: قمر طالعة يالا روحي عم ينادوا عليكي ..

((من بين عشرات المجتمعين وقفت لألقي كلمة بأسم مدينة الايتام تبعتي اللي كنت عم مثلها بالمعرض…الامر اللي كان صعب عليه ..بلشت عيوني تفتح على الدنيا اللي خارج اسوار هاداك البيت …كان الكل عم يسمع لالي بهدووء ونظراتهن ما ارتفعت عني …لعند ما خلصت كلمتي بقوة وصار الترحيب والتصفيق من كل مكان …

#عنود : دخيل قلبك كنتي بتجنني ..هلاء رح ينشد جبر اسمعي اسمعي ..

#نغم :ماما عنود هاي العالم من وين ..

#عنود: اصحاب مؤسسسات وهاداك بكون رئيس بلدية ابووه لجبر ..

#نغم : شو قصة جبر ليش مركزة عليه ..

#عنود: بدك الصراحة

#نغم : اي

#عنود: ممممم جبر متقدم لخطوبتك…

#نغم : مافهمت شو يعني وشلون بيعرفني …

#عنود: ابوووه بكون ابن عمو للام ..مديرة المدينة ..وهي قالت عنك لالو ..وطلبت مني اخدك للمعرض هون مشان هو يشووفك …هش هش ليكو جاي هو وابووه ….اهلا وسهلا استاذ عادل..

#استاذ عادل : اهلا وسهلا مدام عنود شلون الصحة وشو الاخبار

#عنود : بخير كلو من فضل الله ومن ثم فضلك ..

#استاذ عادل : كيفك بنتي نغم ماشاء الله كبرانة وصايرة عرووس قمر..

#عنود : شكرا استاذ عادل كلو من زوئك ..

#استاذ عادل: ابني جبر ..مدام عنود ..وانسة نغم

#عنود: اهلا وسهلا اتشرفت فيك

#جبر:شكرا وانا بالاكتر ..يابي انا خلص شغلي هون عندي كم شغلة رح اعملها ..توصوني بشي …

#عنود : لا يسلمو شكرا لالك …

#استاذ عادل : ميسر ياابني ..مشو نشرب قهوة..

#نغم : ماما عنود شو ..هلاء

#عنود : رح انروح ماحلوة نرفض كلامو بعدين في حكي بدو يقولوا لالنا هيك قالت لالي الام …

#نغم : كتير متوترة ..

#عنود : لا تشغلي بالك ..ان شاء الله ربنا يكتبلك حظ يعجبك ..

#استاذ عادل : اهلا وسهلا ..اول شي يابنتي يانغم يمكن عندك خلفية بسيطة لمقابلتنا معك ..انا طلبت ايدك من الام ..ومن سامية ..لابني جبر..طبعا قبل لتحكي شي بدي جاوبك على كل اسئلتك ليش بنت يتيمة وليش نغم بالذات لابن رئيس البلدية …اولا ..ابني جبر يتيم الام ..شغلة تانية انا ماعندي مشكلة انك عايشة بدار الايتام ..لانو هاد بيتي وانا اللي محافظ عليه وانتو اولادي كلكن واانا عم اخطب بنتي لابني …وانا بناتي بختار لالهن الشخص المناسب متل اختك هديل …لهيك انا اخترتك لجبر ابني لاني بعرف انك الشخص الوحيد اللي ممكن يوقف مع ابني …وانا مارح خبي عليكي هو مطلق ..لاسباب خاصة ..اذا حب هو يقلك اياها فهاد برجع لالو …هو ماعاش كتير مع طليقتو شي شهرين بس ..يمكن انا كترت بالحكي بس اكيد القرار برجع لالك …

#عنود : اكيد استاذ عادل مابدها حكي مع رح نلاقي شخص متلك ومتل جبر لبنتنا نغم …مو هيك نغم ..

#نغم : اي ماما عنود …

الجزء الخامس ..

(( المعرض هو المكان الاول اللي شفت فيه جبر ..ماكنت بعرف اي شي عن الحياة الخارجية اللي برا مدينتي اجا استاذ عادل وطلبني رسمي من الام الكبيرة …وتمت خطوبتي لجبر اللي بس شفتو يوم عرسي …مابعرف شو اللي خلاني وافق يمكن اختيار الامهات بالمدينة ويمكن لاني بسمع انو مستحيل بنات دار الايتام يعيشو معاناة وانهن كلهن من يتزوجوا بعيشو مبسوطين …

#محمد : رح تفارقيني اختي خلص

#نغم : محمد عمرك شفتني فارقتك يا اخي ..لك انت قطعة مني ..

#محمد : خايف تتركيني متل محمود وامي وابي واصفى لحالي ..

#نغم : لا اخي مارح اتخلى انا عن نبض قلبي…. وامي والله يرحمها وابي الله يسامحو ..ومحمود الله يجمعنا فيه شي يوم من الايام او نسمع شي خبر عنو ..

#محمد : تعرفي كل يوم بدعي الله اني قابلو شي يوم يمكن بدي اعاتبو ..بس هو يمكن شاف انو يتركنا بهيك مكان هو الافضل ليكني انا عم ادرس معهد وانتي كبرتي واتعلمتي ورح اتصيري عروس ..صح تركنا بس تركنا بالمكان المناسب كان خايف علينا نضيع بالشوارع ..

#نغم : خليتني ابكي محمد ..والله مشتاقلو ياريتو ماتركنا هلاء يمكن صار شاب كبير ويمكن اتزوج او الله يعلم وينو يارب يكون عايش ..

#محمد : اذا خلصت دراستي رح اشتغل بالشرطة او المباحث لاعرف مصيرو

#نغم : ان شاء الله اخي حبيبي ..شو مابدك تربط على ايدي السلسلة هاي ..شوف كتبت عليها اسمك ..وهاي لالك كتبت عليها اسمي هاي لالك اخي هدية ضلك على طول اتذكرني وحاكيني ..

#محمد : بدي قلك شي بصراحة

#نغم : قلي حبيبي اخي ..

#محمد : ماني مرتاح لهاد جبر …نظراتو مانها مريحتني ..

#نغم : حتى انا ..خايفة اسال عن سبب طلاقو من مرتوا الاولى ..تزعل الام ..

#سامية : شو امي جاهزين …يالا دخيلها العروس الله يحميكي امي ..ديري بالك على حالك لاتنسي امك اللي ربتك تعي ضلي دايما اشووفك …ماهاين عليه يا نغم اتركك بس نصيبك يا امي هاد ..ارضي ربك وارضي جوزك ..لاتسمحي لحد يخربلك حياتك ابني اسرة واولاد شليهن امي بعيونك …انتي بنت فهماني وعاقلة يالا عم ينطروا بالسيارة …

((كان فرحي بختلف عن فرح هديل لا فيه طبل ولا رقص ..كنت لابسة فستان سوارية ابيض ..اخدوني من بيت الايتام لبيت جبر…كان بيت فخم ومرتب بس كئيب حتى الصور اللي معلقة كئيبة الالوان غامقة اسود بأسود …

#جبر : اهلا وسهلا ..

#نغم : شكرا ..

#جبر : من هون غرفة النوم والحمام على ايدك اليمين ..ريحي حالك ..هون غرفة الضيوف وهاد الصالة هاي الغرفة فيها اغراض لشغلي بعمل فيه تسجيلات صوتية هي مقفلة على طول ..مابفوتوها لا من يكون عني شغل ولاتفوتيها بخاف يضيع منها شي…

#نغم : حاضر تكرم ..

#جبر: الله يكرمك ..انتي عروسة حلوة كتير ..وعجبتيني ..

#نغم : يسلمو جبر ..

#جبر: حلو اسم جبر منك …فوتي خدي حمام وغيرتي تيابك انا ناطرك بغرفة المعيشة مجهز العشا ..

#نغم : لاتعزبك حالك ..

#جبر: اكيد مارح عزب حالي بس هاليوم هههه…

((معاملة جبر بالبداية كانت رائعة كلها اهتمام وحنان يحب يضحك معي ويمزح بهاديك الليلة كان الوضع مختلف بالنسبة لالي ..اني عيش مع شخص غريب ببيت واحد كان الامر شوي صعب ..مرقت هاديك الليلة على خير ..بس كنت اشعر انو في شي مابعرف مانو راكب على بعضو ..مثلا من اقعد جنبو لجبر يضحك ويبتسم بطريقة مجاملة ومن اقوم الاحظ عليها كشرات وصفنات ما تريح قلبي ..كنت مسالمة على الاخر ومطيعة بكل الحالات ..من يجي وقت النوم كان جبر يفوت الغرفة تبعتو ..كنت اسال حالي الف سؤال شو ممكن يكون فيها وليش بتاخر جوا ..واذا تسجيلات بيشتغل فيها ..ليش مافي صوت ..حاولت كتير من يفوت الغرفة المح على الاقل جواتا ..بس ماكنت احسن ..كانت معتمة ماكنت شوف شي …بيوم من الايام كنت تعبانة وفتت انام وكان جبر برا البيت …غفيت بكير كتير ..وماحسيت على رجوع جبر …بالمرة الاولى فقت لقيتو نايم جنبي وكانت تقريبا الساعة 1ونصف ..بالمرة التانية من فقت تاني بسبب نومي بكير ماكان جبر جنبي نايم ..اخدت موبايلي لاشوف الساعة وكانت 3 الصبح ..قمت من مكاني لاتحسس مكان الضو…اسمعت صوت انين او يمكن همس خفت وارجعت بمكاني ماعرفت شو هو اللي اسمعتو بس حسيت انو صوت جبر ..ارجعت اخدت موبايلي وشغلت اضاءة الكشاف اللي فيه ..ومشيت لاطلعت من الغرفة كان الصوت جاي من الغرفة المقفولة …قربت جنبها كانت مفتوحة نصف شق ..

(بهمس)

#جبر: والله بقتلك والله لك بتفكريني انا مغمض عيوني ..اعملي هيك وشوفي شو بصير لالك ..

((ماكنت بعرف جبر بالغرفة مع مين عم يحكي دب بقلبي الرعب ..وصرت ارجف بمكاني ..خايفة افتح الباب واشوف شي ياذيني ..

#نغم : جبر..جبر..انت هون ..

((بعدني ماكملت كلامي باب الغرفة انطبق بقوة لدرجة وقفت مصدومة ..

#جبر: نغم روحي من هون فوتي غرفتك نامي ..بعدي عن الغرفة

#نغم : جبر احكيني صار معك شي عم يوجعك شي ..

#جبر: شووووووو قلتك روووحي من هوون ..

الجزء السادس ..

((ارجعت للغرفة وانا عم فكر شو عم يصير مع جبر …اتأخر وصار الصمت موجود ..لوقت طلع الصبح وشقشق ..قمت اتوضا ارجعت اسمعت همس عم يطلع من الغرفة تاني وكان مو بس صوت واحد كان اكتر من صوت لاكتر من شخص..وقفت بمكاني وانا عم حاول ركز باللي عم يدور بالغرفة مين هادولي العالم اللي جوا وشو عم يحكو ..ماكنت فاهمة اي كلمة لوقف الصوت مرة وحدة وانفتح الباب فجأة ..كان جبر قبالي عيونو حمر ووجهو اصفر وايدية عم يشروا دم ..وقفت مرعوبة اتجمد الدم بشرايني معقول اللي بصير قدامي ..

#نغم : ججججج

#جبر: شو قلتلك انااااا ليش ماعم تسمعي ليش لتخليني اصرررررخ على وجه الفجر.

#نغم : ممممممأأأأأ

#جبر: شو قصتك انطقي .

#نغم : كنت رايحة اصلي اسمعت صوت عالم جوا مين هاي العالم ..

#جبر: شو اسمعتي..

#نغم : مافهمت شي ..شو يلي بايدك ليش كلك دم هيك .,..جبر شو عم يصير معك عم ترعبني الله يخليك قلي شو في جوا ..كلك عم تنزف ..

#جبر: فايت اخد حمام هاي الغرفة اذا بشووفك واقفي قبالها رح تندمي ندم كبير ..مارح تسامحي حالك عليه …

#نغم : مممممم طيب طيب متل ما بدك بس قلي شو بصير معك ..

#جبر: مابخصك فهماني مابخصك ..انتي زوجة من دار ايتام وبس هووون ..متل ما ابي بدوووو..

#نغم : ليش هيك عم تحكيني ..

#جبر: لانو انتي اللي اضطريتيني احكي هيك وهاد الانذار الاخيرلالك .اذا بشووفك قبال هاي الغرفة حياتك رح تنقلب جحيم ليكني قلت ..بعدي عن وجهي رح اخد حمام وانام..اذا بتلاقي انك تروحي تزوري المكان اللي جيتي منو لعند ما اروق واهدى بكون افضل لالك …

#نغم : ممممم حاضر ..

((بعد ما دخل جبر لينام كانت الشمس طالعة البست تيابي ورحت ازور اخي وسامية …بقيت عندهن لصارت الساعة 10 بالليل وانا عم فكر باللي صار معي الصبح …

#سامية : امي صاير معك شي ..عم شوفك سرحانة شو القصة فضفضي لالي ..

#نغم : مافي شي ..بس اشتقت للبيت اللي تربيت فيه ..

#سامية : اي امي بعرف مو سهلة ..بكرة بتتعودي عليه …موبايلك بدق ..هاد جبر ..شكلو جاي ياخدك ..

#نغم : امي احكيه ..انتي

#سامية : ليش ..متزاعلة معوو..

#نغم : لا امي بس مابعرف خلص احكيه ..

#سامية : الو اي يا ابني شلونك بخير من الله ..

#جبر: دوم ان شاء الله ..نغم عندك ..

#نغم : قليلو اني بالحمام ..

#سامية : اي بس هي بالحمام هلاء ..

#جبر : طيب انا ناطرها بالمكتب مشان اخدها للبيت من تطلع الحمام قليلها اني ناطرها ..

#سامية : ماشي مع السلامة…امي ناطرعند الام جهزي حالك ..بس قليلي صاير شي ..قلبي نقزني ..زعلانين شي ..

#نغم : مو زعل بس انا اشتقت لالك وقلي روحي وبجي اخدك يالا امي اذا اجا محمد بوسيلي اياه وقليلو يجي يزورني .,,

#سامية : ماشي بأمان الله ديري بالك على حالك ..لا اله الا الله

#نغم : ماشي ..محمد رسول الله سلام …

#جبر: انبسطي اليوم ..

#نغم : اي شوي

#جبر: ريحتي حالك ..

#نغم : اي

#جبر: ماتزعلي من تصرفي الصبح كنت مدايق ..

#نغم : شو صار بايدك ..

#جبر: ولا شي..

#نغم : اعطيني شوو ..هاد بالشفرة ..

#جبر: قلتلك مادخلك ليش ترجعي تنزعيلي مراقي ..

#نغم : اسفة بس كنت بدي اطمن عليك ..بس من شو

#جبر: اسمعي شكلك بدك ترجعي تاني لعند سامية ..لاتسأليني لا تسأليني لاتجبريني اعمل شي مابرضيكي ..مشي رح وصلك لعند ابي شوي ونطلع على البيت ..

#نغم : حاضر …

((كان الموضوع عم يكبر براسي بزيادة كان في جروحات شفرة بايدين جبر ..متل يلي كان عم ياذي حالو او يمكن كان عم ينتحر …الف سؤال كان عم يدور براسي …وصلنا لعند عمي ابو جبر ..انشغل جبر مع اخواتو ..وبقيت انا وعمي بالغرفة …ضليت محتارة اسالو او لا ء..

#استاذ عادل : عمي صرلك شي من اول ما وصلنا انتي ساكتة صاير معك شي..

#نغم : عمي قبل ليجي جبر ..جاوبني اتوسل لالك ..شو صاير مع جبر ..وشو قصة الغرفة …انت شفت اللي بأيدو

#عادل : اي شفت يابنتي …مافيني احكي شي ..بس بهاي الفترة حاولي انك تروحي كتير لعند سامية لاتناقشية بشي ..ومتل ماعم يوصيكي امشي لاتقربي الغرفة لاتقربيها ….

#نغم : عمي جاوبني اتوسل لالك شو قصة الغرفة ..

#عادل : اااخ لاتجبريني عمي الغرفة متعلقة بماضي جبر …

#جبر: شوو

#نغم : جبرر

#جبر: لا خيالوو…انتي كتير فضولك قاتلك …ومابدك تسمعي منيح ..على العموم انا خلصت زيارتي …راجع على البيت انا سابقك للسيارة ..

((على طول المشوار وانا ماقدرت احكي شي ..حتى عمي خايف يحكي ..وجبر عم يشد على ايدية وهو عم يسوووق وعم يركز النظر بقووة ..في شي عم يحرقووا بس كامش حالو لوقت ما وصلنا البيت وفات وصار كل شي حوالية يكسروا ..كل شي بالبيت انقلب على عقب ..وهستر وصار يتشنج على الارض ايدية كامش رقبتو وعم يحاول يخنق حالو ..انا واقفة مصدومي من يلي عم يصير حوالية ..معقول متجوزة شخص مجنون ..او ممسوس..لحظات وكمش قزازة مكسورة انا من الخوف اتخبيت ورا الصوفاية المقلوبة وصار بقطعة القزاز يجرح حالو ..صرت اترجااه يوقف يوقف ..

#نغم : جبر جبر ..اسفي اسفي والله بوعدك ما ارجع اسال شو مابدك اعمل بس لالا تأذي حالك ..

#جبرك بعدي من وجهي لا تبقي بهاد المكان اطلعي برا فوتي الغرفة ..سكري على حالك بالباب شو ماعملت لاتفتحي لاتفتحي ..بسرعة بسرعة .,, لاتنطري لاتطلعي عليه لاتنطري بترجاكي روحي روحي من وجهي نغم نغم نغم نغغغغغغغغغغغغغغغغغغغغغغغغغغغغغغغغغم…

#نغم : على هاديك الصرخة كنت فايتة الغرفة وقافلة على حالي الباب…من الرعب صرت ارجف ماني قدراني اكمش موبايلي ودق على اخي او على سامية …هدي الجو وماعدت اسمع صوووت جبر ..لعند ما اسمعت صوت باب عم يقفل بالمفتاح …كان باب الغرفة المقفوول …نطرت وانا خايفة افتح الباب مرقت الساعة والاتين ..وقت اطلعت لاشوف شو صار …بعد لحظات التكسير والتدمير والرعب اللي عملها جبر بالصالة كان كاتب على حيطان الصالة بدم ايدية ….هاي العبارة …

((ارحميني ولاتصيري متلا ))

#يتبع


الجزء السابع …___, حتى النهاية

((كل يلي حسنت اعملو اني جمع تيابي وارجع على مدينة الايتام ..اللي وقتها شفتو ماكان سهل اني اتحملو ..وقتها عرفت انو جبر عندو مشكلة نفسية او مجنون …ومن خلصت تجميع تيابي اسمعت صراخ عم يجي من هاديك الغرفة ..او صرخة اجت بطريقة خلتني ضل واقفة مفزووعة بمكاني …يمكن الخوف اعطاني الشجاعة لاواجه اللي عم يصير حوالية او ماعرفت شو اللي خلاني روح لهاديك الغرفة واقف قبالها لاسمع شو بصير فيها …قربت لعند الباب اللي كان دافي كتير …وحظيت اذني لاسمع منيح شو في جوا ..اي كان اكتر من شخص عم يحكو لا شخص واحد ..لا هاد جبر اللي بحكي ..وبعدها بلش صووت غنااااء ولا كلمة كانت مفهومة وبعدها وقف وبعدها رجع ينغم مقاطع موسيقية ..بعدها حكي عادي ..وبعدها اسئلة كان عم يسأل ويجيب وبعدهاااا صراااااخ بعدها انين لحد عم يتالم ..كل يلي قدرت اعملو اني دق الباب بالقوة لازم الشي اللي عم يدور جوا يوقف …كل ما ازيد من قوة الدق على الباب كان عم يزيد الصراخ والانين …اخدت من على الارض طرف الطاولة اللي انكسر وحملتو لاستعد اواجه اللي عم يدور جوا ….صرت دق بقطعة الحديد اللي بأيدي ..وبلش يتنقل الانين لصراخ قوي ..وقتها صرت اقرا قراءن بطريقة لا ارادية وعليت صوتي ..كان الامر عم يزداد سوووء…

#نغم : قل اعوذ برب الفلق من شر ماخلق ..قل اعوذ برب الفلق من شر ماخلق ..قل اعوذ برب الفلق من شر ماخلق ….

ومن بلشت عيد وزيد بقراءة الايات كان صوت ضرب ..كانو صوت حد عم ينضرب بالحيط وقفت وقتها ..ومن وقفت وقف كل الصوت اللي كانت عم يدور …انا ماعرفت يمكن انا اللي عم اهلوس يمكن كااابوس يمكن انا بعالم تاني ..وللحظة وبعد مرور 30 ثانية بالزبط انفتح الباب بهدووووء مع صوت صرير الباب المرعب …

#نغم : جبر …………………..جبر انت هون ..اااااااااااااااااااااااااااااااااااااااه

((وقف جبر قبالي ووانفو كان عم ينزف ومو بس انفو كمان اذنو غير كدمات الضرب …قرب لعندي جبر حاول انو يأذيني بس كانت نهاية اللي صار معي هي اني اضرب جبر براسوو بقطعة الحديد اللي معي ..مع انها ضربتي ماكانت بهاي القوة الا انو جبر وقع على الارض واغمى عليه …كنت معتقد انو صرلو شي او انو مات ..كنت من بعيد عم راقبو وخايفة يرجع يفيق ويأذيني …كل يلي حسنت اعملو اني اقدر اربطو منيح ومسحت لالو الدم اللي كان عم ينزف منو ..كانت جرحوا اللي بايدية وجهو عبارة عن اظافر كانت عم تغرس بجلدو …

#نغم : الووو محمد

#محمد : اي اختي كيفك

#نغم : محمد ابووس على ايدك اخي تعال بدي اياك بشي…

#محمد : اختي مافيني انا برا المدينة ..اليوم في امتحان بجامعة العلوم وبدي اقل شي 6 ساعات صاير معك شي خبريني لاتخوفيني ..

#نغم : محمد ولاشي اخي رح دق على سامية …طفي من عندك برجع دقلك بعدين …

((اخي محمد كان وقتها برا البلد وسامية من دقيت لالها كان هاتفها مغلق لان بهيك وقت لازم يكونوا نايمين ….شعلت كل اضاءات البيت …وسحبت جبر لغرفة النوم وقفلت عليه بالمفتاح..وقررت اني فوت هاديك الغرفة …وبكل قوة قلب ….
جهزت حالي وواتوضيت وصليت قبل لافوت وطلبت من الله يقوي قلبي على اللي رح شوفو جوا …بلشت اتمتم بايات الله …وفتحت الباب كانت جد عتمة وغرفة ريحتها مانها سيئة ..بتشبة ريحة الاماكن اللي بتهجدو فيها .. شلون اوصفها البيوت المبخرة مابعرف شو نظامها ..شعلت اضاءتها …وهون كانت الصدمة …

غرفة شبه خالية ونظيفة جدا …مافيها الا صوفاية وخزانة صغيرة وسرير لشخص واحد …لافيها ادوات تسجيلات متل ماخبرني ولا فيها اي شي يوحي انو هون مكان رعب …كل يلي لاحظتو انها غرفة طرازها قديم مافيها ولا شبااك من كل الجهات حيطاان …اللي صدمني صوت التكسير اللي كنت اسمعو وصوت الناس يلي كانت عم تصرخ وتحكي وينهن …شو عم يصير بهاي الغرفة …اطلعت من الغرفة لارجع اتاكد انو بعدو جبر مغمى عليه او لاء …وبعدني ما بطلع من الغرفة الا بابها اتقفل بعدي بقوة لدرجة اسمعت شي انكسر …

#نغم : جبر..مين هون اتوسل لالك حاجي تعذبنا مين انت وشو بدك ..

(مابعرف شو اللي خلاني اشعر انو في حد بالغرفة عم يختفي وعم يعذبو لجبر على طول …هربت لغرفتي وبلشت فيق بجبر مشان يفيق يشوف شو عم يصير او يقلي شو صااار …

#جبر: اااااااخ

#نغم : ابووس على ايدك اتقلي شو بصير بهاد البيت ..قوم جبر قوووم ..

#جبر: شوو …اعطيني مي …

#نغم : جبر الحقني ..قلي شو بصير هون ..انا خايفة اذا في شي قلي لاترجعي هون ..بس انك تخليني هون وتعذبني …مين يلي بالغرفة .

#جبر: الغرفة ..

#نغم : اي الغرفة فتتها ..

#جبر: يلعنك يلعنك ..شوووووو قلتلك انا شووو ما صار لا تقربي الغرفة ..لاتقربيها ….

#نغم : ما انا هاد اللي رح يموتني ليش عم تحذرني ..جبر قلي شو عم يصير جوا ..في شي مخبيه عليه ..

#جبر : خلص انتي اللي حفرتي قبرك بايدك حاولت احذرك احميكي ماعم تردي عليه …

#نغم : شو يعني شو افهم ..

#جبر : انتي مصيرك متل مصير جناان

#نغم : مين جنااات

#جبر: طليقتي اللي راحت او مرتي اللي اختفت …انا حذرتها متلك بس هي ماسمعت بالمرة ..

#نغم : فهمني شوو صار …قلي …يمكن احسن انقذ حالي او انقذك

#جبر: لا فات الاوان ..هي كانت غبية فضولية متلك …

#نغم : خبرني ابوس ايديك ..

#جبر: اسمعي رح قلك قصتها …لانو فضولك وصلك لهاي المرحلة ومابقي شي احسن خبيه …جنان اتعرفت عليها بالكالوريا قبل 8 سنين ..كنت حبها بجنون بس بيئتها غير بيئتي …بعد ما مرت على علاقتنا 4 سنين طلبت مني اجي اتزوجها ..وانا طلبت من اهلي يروحو يخطبوها ..

#عادل : يابي ياجبر البنت مانها من مستوانا

#جبر: انا مابهمني اذا من مستوانا او لاء انا بدي البنت وبحبها ..

#عادل :جبر انت شفت البيت اللي عايشين فيه ما ارتحت فيه ..كل الحيطان تعويذات ومابعرف …

#جبر: يابي هاي مانها تعويذات هاي رقية من العين

#عادل: اي رقية اللي كلها رمووز وكفوف وعيون وايدين مرسومة على الحيط بتحكي جد انت … قال امها قال بتعالج من السحر ..

#جبر: انا راح اتزوج جنان ومابهمني اهلها شووو …

#عادل : اي تصطفل انا قلتلك اللي عندي بكرة رح تندم يابي ..

((هيك عارضت اهلي واقبلت اتزوجها لجنان …كانت جدا حنونة عوضتني عن حنان امي كتير..بس البنت ماكانت معي كانت مسيرة كان حد عم يتحكم فيها متل اللعبة ..كانت تجيها لحظات ماتكون هيه..تحكي كلام مو بلسانها …مو صوتها ..تفيق بنص الليل كل يوم على هاي الوضعية وهي عم تصفن بكل زاوية بالبيت وعم تأشر ..

#جنان : جبر بدهن يقتلوني ..

#جبر: مين هني ..

#جنان : اضافيرهن سكاكين بدهن يضربوني ..

#جبر: وينهن ومين هني ..جنان انتي مرضاني شي ..

#جنان : جبر لليكن جاييين احميني احميني اااااااااه ..

((وتبلش حالات الصرع والصراخ بنصف الليل كانت تتشنج لدرجة من تشد على اذنها تتقطع ..وتصير تشر دم غير من افك تربيط ايديها بقوة ..بقيت على هاد الحال فترة طويلة وانا عم عاني ..لدرجة صارحت ابوها وامها باللي بصير مع جنان ..كانت مرتي وقتها حامل جديد بأبني وكنت متحمل تصرفاتها كرمال ابني وكرمال حبي لالها …

#ابو جنان : البنت مطلوبة للي فووق ..

#جبر: مافهمت شو هالحكي ..

#ابو جنان : الطفل مو لالك هاد لالهن ..يالطفل ياجنان اختار

((خرافات عمي والكلام اللي كان يقولوا ما اعطيتو اي اعتبار …كل يلي عملتو اني طردتو من البيت ..بس للاسف ازداد امر جنان بطريقة اسوء …وقتها اجت مرت عمي اللي طلبت مني اتعالج جنان بنفسها …حاكم انهن بيعرفوا بالسحر …وطلبت مني اعطيها الغرفة هاي …غرفتي وانا صغير لانها مافيها شبابيك …وبلشت جلسات علاج مرتي فيها …كنت اصمع صراخها بجنون غير الضرب …كانت امها وخالتها وابوها بالغرفة وهي ..كانو عم يحكو بطريقة ماكنت افهمها لانتهي الامر باجهاض ابني بهاي الغرفة …انا من سمعت صراخ جنان فتحت الباب لقيت الدم بكل مكان حتى على حيطان الغرفة مكتوب بالدم حرووف ماعرفت افهمها غير رسمات الكف والعين والشياطين وجسر وشغلات ماحسنت افهمها ..ولقيت ابني..جنين مانو كامل على الارض . شي عم ينتفض بالارض منظروا كسرلي قلبي كان بعدو عايش او شي عم يتحرك فيه .كانت ابشع جريمة ممكن شوفها بحياتي ..من شفت المنظر

#ام جنان : حلينا كل شي ..كانو بدهن الولد واخدووه ..وهلاء جنان بترجع منيحة متل ماكانت ..

((انا ماشفت اللي صار وطريقة الكلام المستفزة والجنون اللي صار جوا بالغرفة وابني اللي مات ..ومرتي اللي مفتحة عيونها وماعم تحرك ساكن متل يلي شي شافتو صادمها ..طردت عمي ومرتو وخالتها من بيتي ..ومرتي اخدتها على المشفى …بقيت حالة مرتي على هاد الحال مابتحرك ساكن …نيمتها على السرير وفتت نظف اللي صار بالغرفة ..كل شي جمعتو وبقايا ابني دفنتها ومسحت الغرفة وعملت حيطانها ورجعت كل شي متل ماكان …بس الحكاية مو لهون خلصت …

المعاناة بلشت من جديد…كانت جنان لا اراديا تروح على الغرفة وتقعد ووجها بالزاوية تحكي مع عالم او تحاكي حالها كنت كل ما ارجعها تصير نفس الحالة كنت حذرها كتير لاترجع تفوت الغرفة بس كانت مصممة تقلي رايحة تحاكي ابنا.. …لعند ما اقفلتها وطلبت من اهلها يجو يقولوا لالها شو عملو وشو اللي صار …اجت مرت عمي وعمي ..

#ابو جنان : البنت منيحة بدها فترة وترتاح وهاد الحجاب مشان تروق …انت من تشوفها هيك لاتزعجها ..خليها لحالها وبترجع تروق ,….

((وهاد يلي صار صرت اتركها تتصرف لحالها بكل شي وبلشت جنان تتحسن شوي شوي …بس تحسنها كان ضدي انا اللي فيه انا هلاء بسبب جنان …اخر فترة بلشت زيارتها تكتر لبيت اهلها وكل مرة تجي بشي جديد معها ..كانت تحب الغرفة هاي كتير وبتحب تقعد فيها كتير ..انا بلشت مل من الامر ..واقرفت من الوضع يلي انا فيه …لعند ما قفلت باب الغرفة بالمفتاح ..

#جنان : جبر انت قافل الغرفة …

#جبر: اي قفلتها ..

#جنان : ابني جوعان بدي رضعوا..هلاء بموت من الجووع ..

#جبر: استغفر الله ارجعنا انهلوس من تاني ..

#جنان : جبرررر عم قووول افتح بدي ارضع الولد …

((انا كنت حاول طنشها بس وقتها انقلب كل شي ..صارت تكمش حالها وتجرح حالها باظافيرها …حاولت وقفها بس ماقدرت كانت اقوى مني بكير او مو هي جنان …صارت تحكي بطريقة متل يلي اهلها كانو يحكوها ..

#جنان: الدور عليك لاتقلق لاتقلق ..

((هيك كان اخر كلمات اسمعها من جنان . ..لاني بلحظتها طلقتها ..وطلعتها برا البيت …الحياة اللي صبرتها كرمال اني بحبها ..ماعدت اتحملها …عشت حياة ناس مجانين او ممسوسين ….صبري وقتها نفذ ..تاني يوم بعتت لالها ورقة طلاقها مع حقوقها …وبالمسا وانا عم ضب تيابي لاطلع سافر وانسى اللي صار معي ..واجتني ورقة من تحت الباب وبعدها فاتت مية لعندي …انا ماكنت بعرف شو فيه غير اني لمست المية بايدي ..وبلشت اقرأ الرسالة او اقرأ احرفها ..كلمة مفهومة وعشرة لاءء..لحظتها شي تقيل ووقع على صدري اتخنقت وماعدت احسن اتحرك كل يلي عملتو فتت الغرفة ..وتلقائيا قعدت نفس القعدة اللي كانت جنان تقعدها . ووجهي للزاوية ..

#نغم : يالطيف بعدها شوو صار …

#جبر: بعدها رح تشوفي بعينك شوو صار تعييي تعييي..

#نغم : لووووين مارح روووح …

#جبر : رح تسمعي وتشوفي وتشعري باللي عم يصير معي كل ليلة …

#نغم : جبر اتركني مابدي ارجع فوووت الغرفة ..خلص مسدقتك ..

#جبر: لا مانك مسدقتيني ..لازم تشوفي بعينك انا حذرتك وانتي ما اسمعتي …تعي..

#نغم : اترك ايدي ..اسمع انا بقدر لاقي ناس اتساعدك والله ..اللي فيك مس شيطاني وبتعالج والله ..

#جبر: ههههههههههههههههههههههههههه مش قادر اضحك لك بقلك تعي اللي فيني قوى الكون كلها مارح تقدر عليه ..

#نغم: استغفر الله

((شدني جبر من ايدي بقوة وفوتني الغرفة اللي كانت هالمرة مظلمة على الاخر بلشت اقرا قرءان بصدري ..كان ايماني بالله قوي كتير …استعنت بالله ..وغمضت عيوني مشان ما اشووف شو بصير حوالية …وبلشت اسمع اصوات ..صوت رجال ونسوان وصوت طفل بيبكي وكل هالشي عم يطلع من جبر ….صوتو عم يتشكل كل مرة بشي تاني ..وبلشت اسمع اصوات تكسير واصوات ناس بتألم لا لا هاي صووت وحدة اي كان صوت حد عم يتوجع من شي الم ولادة انا بسرعة خطر على بالي جنان ..من كتر التفكير انسيت ايات القراءن لساني تقل ….بس ارجعت بصدري اردد من تاني ذكر الله …وصوتي بلش يطلع صرت اقرأ ايات قرءان ماكنت حافظتها …مابعرف شلون كنت رددها …وقف الضجيج ..ومن فتحت عيوني كان ضو الغرفة شعال وجبر مغمى عليه بنفس الحالة على الارض …

#نغم : عمي ابوووس على ايدك الحقني …

#عادل : انا على الطريق ..

((دقيت على عمي عادل ليجي يساعدني باللي صار قدامي واول ماوصل ..

#عادل : انتي فتي الغرفة ..

#نغم : اي فتها ..

#عادل : عمي مو انا حذرتك …

#نغم : انت ليش عملت فيني هيك ….ليش انا بالذات اخترتني لاجي عيش هاي الحياة ..

#عادل : مابعرف لاتسأليني ..

#نغم : طيب مارأفت بحالي ..مادامك عارف انو ابنك في شي مانو سهل ..ليش لتختار بنت يتمية شافت الويل بحياتها لتجي تعيش هيك عيشة ..مو الله قال ((فأما اليتيم فلا تقهر ))) ليش لتعيشني حياة تظلمني فيها ..ولا مشان ماعندي اهل ..

#عادل : مممممم انتي اسأتي الفهم …بس جبر اتعقد من دار حماة اللي قبل وكنت ما اقعد معو يقلي الواحد احسن يتزوج وحدة بلا اهل …فما كان مني الا جبلو يتيمة ..وهو ماكان بدو يأذيكي هو حذرك وانا حذرتك ..

#نغم : انت وابنك كنت بدك بنت تعيش وتشوف المر من تم ساكت لانها عارفي مالها مكان تاني لو طلعت من دار الايتام ..لانها مالها اهل ياخدو حقها …مو هيك …الله لايسامحكن ..

#عادل : عمي اهدي واستهدي بالله ..ابني رح اعالجو انا

#نغم : بعد شوووو …ليش صابر هالفترة الطويلة عليه ..

#عادل : هو بيرفض وبخاف من الناس اللي بتعالج من المس والسحر وبقلي كدابين كلن ..انا رح روح هلاء وراجع المغرب ..رح شوف حد يجي يقرأ عليه قرءان ..انتي قفلي الغرفة منيح …وخبي مفتاحها ..وان شاء الله برجع قبل ليفيق ..

((طلع عمي من هون ..وانا بلشت ارتب بكل شي متل ماكان لانو شغلي بلش لاطلع حالي من يلي انا فيه ..كل شي كان مدمر رتبتو ..وعند ما اجيت اقفل الغرفة ماحسيت الا حد كمشني من ظهري وقفل علي عيوني وتمي ..لاعدت احكي ولا عدت شوف مين …وبعد ساعتين حسيت بشي بارد عم ينصب فووقي ..

#نغم : اااااح شو هاد .. مين ؟

#جبر: بردتي هلاء بتدفي ياجنان ..

#نغم : جنان ..جبر انت بعقلك شي ..انا نغم ..شو عم تصب عليه ..جبر جبر حاجي خلص ..شو هاي الريحة مازوووت ..جبر انت عم تصب عليه مااازووت ..

#جبر: اي بردان بدي ادفى فيكي ..بدي احرقك متل ماحرقتي قلبي على ابني وعليكي ..ليش تروحي وتتركيني فهميني ..

#نغم : بدك تحرقني جبر..

#جبر: اي ياجوجتي …

#نغم : جبر انا ماني جنان انا نغم ..والله نغم ..

#جبر: بعرف ما انتي متلها ..

#نغم : بترجااك لاتحرقني بترجااك شو مابدك ررح اعمل ..اهدى اهدى..قلي شو بدك وانا رح اعمل ..

#جبر : انتو النسوان تستاهلو الحرق ..لك قليل فيكن الحرق ..

#نغم : اتوسل لالك انا مالي ذنب .

#جبر: ههه لك انتي متلهن الوجه البرئ هاد لاتمشيه عليه فهماني ولي ..

#نغم : جبر الله يخليك اذا بدك انابروح من حياتك ..

#جبر: لا مارح تروحي ..بدي شوف هاد الوجه اللي رح ينحرق على طول قدامي ..

#نغم : طيب ليش بدك تحرقني انا شو عملت ..قلي بشو اذيتك ..حتى انت كمان مابدك تقصر بتعذيبي ..انت كمان لالك دور بحياتي ..والظاهر رح تاخد الدور الاكبر بتعذيبي ..

#جبر: مو لحالك اتعذبتي انا كمان عشت يتيم متلك ..والناس مارحمتني يا نغم ..استغلو طيبتي معهن …

#نغم: بس انا ما اذيتك بشي انا ماعملت متل جنان..

#جبر: كنتي رح تعملي اسوء منها …انا جنان ماحرمتها من شي كنت لالها ولاهلها متل الفانوس السحري …بس ماشبعواا كانو بدهن كون تحت ايديهن متل الدمية اللي سهل يلعبو فيها ..

#نغم : جبر …اطلع فيني منيح ..انا انسانة جيت هون لاعيش حياة اعوض فيها كل الحرمان اللي عشتو ..شوف بعيوني انا بنت عاشت بلا ام وبلا اب وبلا قريب ولا اخوة …انا بنت امها ماتت وتركتها ..واب باعها ..واخ كبير رماها …انا بنت حملت هم اخوها الصغير وهو عمروا 6 سنين ..انا بنت ماكنت بعرف بالدنيا الا سامية ودار الايتام اللي عشت فيها …انا بنت مابعرف بحياة الشعوذة والسحر الا من شوية كتب كنت اقراها ..انا بنت بحياتي مامرت عليه علاقة مع شاب ..انا بنت بعدني ماشفت من دنيتي شي حلو ..من قالو لالي جبر منيح وحنون ..وافقت عليك وانا مغمضة عيوني …تعال عوضني عن سنين الحرمان اللي عشتها ..حط جرحك على جرحي وخليني انداوي بعض …اللي انت عم تمر فيه سدقني في لالو علاج ..لاتحبس حالك بغرفة فيها ناس مرضى ومشعوذين سجنوك فيها …مو انا مرتك انا رح احمل وجيب بدل الطفل 5 و6 انا ماني زعلاني لانك رح تحرقني ..انا ااساسا قلبي من الصغر محرووق …يمكن بتريحني من كل شي مر بحياتي ..

((كنت بحوار مع جبر لاحسن اقنعو ليوقف يلي عم يعملو معي …صار الهدور مالي الغرفة ..جلس جبر على الارض وراسو بين رجليه ..كان عم يبكي متل طفل صغير …يمكن كان محروق وموجوع من جوا على شغلات كتيرة صارت معو ..بلش يسال حالو ويجاوب اسئلة ويحكي عن ناس كتير اذتو اسماء اول مرة باسمع فيها …من وقت ماماتت امو لوقت عانى من رفيقو اللي غدر فيه …يمكن ماحد بحس بالوجع الا اللي مر فيه …

#نغم : جبر المازووت عم يحرقلي جسمي ..

((يمكن من قلت هالحكي ذكرت جبر بانو يحرقني ..كنت خايفة كتير ..بس تصرفو وقتها غير توقعي فكني وشلحني تيابي وحطني تحت الدووش …كان تصرفوا بسيط وعفوي لوقت دق جرس البيت ..هو اتوتر على الاخر ..

#جبر: لاتفتحي ..

#نغم : مين رح يكوون

#جبر: خايف لاتفتحي لحد

#نغم : هاد عمي هو قال رح يجي وقت المغرب..

#جبر: لا لا هاد حد جاي يأذيني لاتفتحي ..

#نغم : جبر روووق اكيد اذا عمي مارح ياذيك ..

#جبر: سدقيني جاي ياذيني …

#نغم : شلون عرفت مين هني وليش بتقول هيك ..طول ما انا جنبك ماحد رح ياذيك..

#جبر: افتحيلي الغرفة ليش مقفلتيها ..نغم ..المفتاح جاي ياذيني المفتاح نغم ..

(((مابعرف شواللي خلى جبر يخاف لهدرجة من يلي كان على الباب كان مرعوب ضعيف …همو بس شلون افتح لالو الغرفة المشئوومة …

#نغم : مارح افتح ..بس رح شووف من العين الساحرة …اذا عمي رح افتح مانو عمي مارح افتح ..

#جبر: لا لا لاتفتحي لحد ..

((اتجمع جبر عند باب الغرفة متل حجم كورة وهو كامش بالباب بقوة …قربت لعند الباب لاشوف كان عمي عادل ..ومعو رجال بس باينة منو عباية …انا كنت خايفة من الحدث اللي رح يصير بعدها حطيت ايدي على مفتاح الباب لافتحو بلش جبر يصرخ ويدق على باب الغرفة ..ويحكي حكي غريب ..متل صوت حد خايف وبيبكي ..وانا مع كل طقت مفتاح كنت اسمع صرخة اقوى من يلي قبلها …لعند مافتحتو وهربت لاتخبى ورا عمي …

#عادل: شو صار

#نغم : عمي خلينا انروح جبر فيو شي ..مانو طبيعي ..

#عادل : بعرف هاد الشيخ محمود …هو رح يساعدو …اتفضل ياشيخ ..

((يمكن الاسم الوحيد هو اللي خلاني التفت لشكل الشيخ اللي كان كل وجهو شعر اسوود ..ماكان شيخ كبير بالعمر …تقريبا باوائل الثلاثينات او باخر العشرينات ..باين من شكلو هيك ..بس كان جدا خجول ومحتشم …ونظراتو بالارض وخاصة اني طلعت من البيت بشعري ..حاولت انتبه لملامح الشيخ بس ماحسنت لانو كان سابق عمي ليدخل البيت …وهاد اللي كان خايف منو جبر …هو الشيخ ..

فات عمي لجوو وانا بقيت برا خايفة افوت واشوف الاحداث الجديدة اللي ممكن تصير قدامي ..

#الشيخ محمود: خلي المدام تفوت ..

#عادل : فوتي عمي الشيخ محتاجك ..حطي شي على شعرك ..

#نغم : عمي الله يخليك بلاها انا ..

#الشيخ محمود: فوتي اختي لازم تكوني موجودة الموضوع كبير ..

#نغم : شو يعني كبير ..

#الشيخ محمود: جبر ممسوس ومو واحد بس …يعني اكتر من مس فيه ..وهالشي انعكس عليكي بطاقة سلبية …اتفضلي اختي ..

((البست حجابي ودخلت لاقعد جنب عمي …وكان الشيخ قاعد قدامنا ..وجبر كانت حالتو لايرثى لها ..لدرجة شفت اوتار ايدية من كتر ماهو كان شادد عليهن …عيونو جحروا لبرا…وأوردة عيونو الحمرا صارت ظاهر .وقبل ليبلش طلب من عمي يقوم يسكر كل المرايا اللي موجودة بالبيت او ينزعها او يغطيها بشي …وطلب مية واشعل نار قدامو …واعطاني حبل كان كلو عقد ..

#الشيخ محمود : اكمشي هاد كل ماتسمعي صوت جديد بيطلع فكي عقدة واقراي سورة الفلق ..ورددي من شر النفاثات بالعقد …

#نغم : حاضر ..

#الشيخ محمود: استاذ عادل ..رح تقوم تفتح الباب انت من اطلب منك ..باب الغرفة..وقت مايصير جبر بالارض متربط وماحسنان يقووم ..

#عادل : ان شاء الله ..

#الشيخ : ان شاء الله هاد الامر بينتهي على خير ..لانو الوضع مانو سهل ..مسلط عليه كتير ..وكلهن يهوود وصعب انهن يعلنو اسلامهن بسهولة ويخرجوا الله يقدرني

بسم الله الرحمن الرحيم ..

– وَأَوْحَيْنَا إِلَى مُوسَى أَنْ أَلْقِ عَصَاكَ فَإِذَا هِيَ تَلْقَفُ مَا يَأْفِكُونَ(117)فَوَقَعَ الْحَقُّ وَبَطَلَ مَا كَانُوا يَعْمَلُونَ(118)فَغُلِبُوا هُنَالِكَ وَانقَلَبُوا صَاغِرِينَ(119)وَأُلْقِيَ السَّحَرَةُ سَاجِدِينَ(120)قَالُوا آمَنَّا بِرَبِّ الْعَالَمِينَ(121)رَبِّ مُوسَى وَهَارُونَ(122)الأعراف

– إِنَّ هَؤُلآءِ مُتَبَّرٌ مَا هُمْ فِيهِ وَبَاطِلٌ مَا كَانُوا يَعْمَلُونَ(139)الاعراف

((الامر ماكان بهاي السهولة …من وقت مابلش الشيخ يردد ايات القرءان اعراض المس على جبر بلشت تظهر ..حركات جسمو والتشنجات واذيتو لنفسو ماكنت سهلة …لوقت بلش الشيخ يحاكيه لجبر …بس اتغير فجاة الصوت وكان وصوت وحدة اللي بتحكي وانا بلشت اقرا قراءان وفكيت العقدة الاولى ..وعلى حسب مافهمت من كلامها هي من طرف امها لجنان…ماكان الامر بسهولة ليقدر الشيخ يخلص من يلي كان بجبر…كان الصراخ بكل مكان والحكي الغريب والاوصوات المرعبة مانو بسهولة …سدقوني كان جبر ضعيف جدا ماحسنان يعمل شي …كان متسطح على الارض ..وعم يحاول يهرب لجهة الحمام ..بس الشيخ سبقوو وقفل باب الحمام …كان عم يحاكي الشيخ ..يهددو انو اللي بالحما م رح يأذية ..سبحان الله كان بيعرف مركزهن وين …وكان الشيخ قلبو قوي وعلى علم كبير رغم صغر سنو…خلال الساعتين الاولى شفت الوان واشكال من حياة العالم الثالث وكنت فاكة العقدة الرابعة لوصلت لاخر عقدة من طلب الشيخ من عمي يفتح الباب لان الاصعب كان مس صغير …كان من رقة قلب جبر ماعم يحسن يقاومو …ومن كان يحكي على لسان جبر كان يقول اسمو انو شامين جبر .ةيقول انو ابن جبر..صوت طفل صغير كتير ..وصار يبكي مشان نرأف بحالو ..بس الشيخ كان اقوى من هيك واستمر لوقت هرب جبر داخل الغرفة ولحقو الشيخ وعمي وانا بقيت برا عم شوف شو بصير …لوقت انتفض بقوة واغمى عليه واجى الشيخ بسرعة واخد مني الحبل وفك اخر عقدة صغيرة ورماها بالنار …طلعنا جبر من الغرفة وصار الشيخ يقرأ عليه قران شي نص ساعة …

#الشيخ محمود : الله يكتبلو الشفاء …وضعو صار احسن هيك ..هاي المية استاذ عادل كل يووم تغسلو وجهو فيها ….وانتي اختي هالفترة لازم ترجعي على بيت اهلك ..

#نغم : مممممم بس انا ..

#الشيخ محمود: اختي احسن لالك انتي مافيكي شي ..بس حاولي تقرأي قراءن واقراي ايات الحفظ ..

\\#استاذ عادل : شيخ محمود..كنتي نغم ماعندها اهل فيها اضل مع جبر ..

#الشيخ محمود: نغم ..

#نغم : اتفضل شيخي معك..

#الشيخ محمود: انتي اسمك نغم و لالك اخ اسمو محمد ..

#نغم : اي ..

#الشيخ محمود: انتي امك ماتت وابوكي سافر مع مرتو ..

#نغم : اي ..

#الشيخ محمود: اطلعي بعيوني منيح ..هاي الملامح بتعرفيها شي ..

#نغم :مممممم مو كتير ماني متأكدة ..

#الشيخ محمود: اي هو اختي محمود اللي تركن على باب كنسية متذكرتيه ..

#نغم : محمود اخي ..

#استاذ عادل : شو بصير هون ..

#نغم : هاد اخي عمي ..هاد اخي محمود ماغيروا والله ماغيروا …

#استاذ عادل: انتي لالك اخ اسمو محمود ..مو محمد بس..

#الشيخ محمود: انا محمود الكبير ..اختي سامحيني والمصحف اني غلطت اني تركتكن ..انا حطيتكن عند الكنسية وارجعت تاني يوم ماحد قبل يفتح لالي…لعند مافتت الكنسية غصب لاسال عنكن قالو لالي انو في ناس اخدوكن ..ماتركت مكان الا سألت عنكن فيه …صرت اتردد على المساجد لاهل الخير يساعدوني لاقيكن ..ومن عشت بالمسجد بلشت اتعمق بالدين والقرءان اتعملت اعالج الناس وافوت كل البيوت على امل لاقي نغم ومحمد …سامعتيني اختي ..

((يمكن النصيب والقدر خلاني اجرب حياة مع جبر كلها رعب لاقدر بيوم انجمع بأخي محمود …لقائي باخي ردلي الروح كنت ادعي الله انا واخي يوميا انو يجمعني فيه …اخي كان بحفظ الله..ومرق العمر والنصيب ليجي هلاء يوقف قدامي يعالج فيها جبر …مرقت شهر كامل وجبر يوم عن يوم عم يتحسن …ووضع البيت كان هادي..بعدها قرر عمي يبيع البيت مشان ماتنعاد ذكرياتو والماساي اللي شفناها فيه ..غير هيك اخي محمود ومحمد كان لقائهن يبكي الحجر…بهاديك الايام انتقلنا فترة قصيرة لنعيش عند اخي محمود ومرتو ايمان ..لعند ما نشوف بيت جديد..غير هيك قدر اخي محمود ياخد عنوان اهلها لجنان اللي كشفو عصابة كبيرة تضحك على العالم باعمال السحر والشعوذات .. بعدها اقدرنا نشتري البيت اللي بحارة اخي محمود …وبهاديك الفترة انخرطت بحياة محمود وصرت اقرا واتعمق بالعلاج بالقرأن وصرت ساعدو …اما من ناحية جبر حياتي اتحسنت ..والحمد لله بفضل الله ومن ثم مساعدة اخي محمود..بلشت حس اني متزوجة متل باقي البنات ..اهتمام جوزي تجاهي وحنانو هو اللي خلاني حط اللي صار ورا ظهري ..

#جبر: نغم شو عاملة اليوم اكل لالنا ..

#نغم :شيشبرك شو رايك طيبه ماا..

#جبر: كل شي من ايديكي طيبين ..بس على لحمة خرووف مااا..

#نغم : ابووس دياتك بلاها هاللحمة والله معدتي بتقلب منها ..

#جبر: مابصير لازم تتغذي …عملتي شوربة اللي وصيتك عليها ..

#نغم : حبيبي عملت بس هالمرة اعفيني من شربها والله بالعافية عم اهضمها .ز

#جبر: ياعمري ياحياتي انا بدي ابني يطلع جسمو قوي ..وبعدين انا عم غذيكي لضلك قوي …اتخيلي بكرة تجيبي ابني وتخربي بسرعة سدقيني بتجوز عليكي ..

#نغم : كأنو اسمعت شي فيه جواز..

#جبر: مين قال ..مين جبر ..يوووه هاد شكلو محمود بدو يتجوز على ايمان ..

#نغم : اها قلتلي محمود …مو انت يعني ..

#جبر: اساليه ..

#نغم : رح اسالو خليك هون انت لا تهرب ياويلك من ظلام عليك لو طلع الحكي مافي منو ..والله لاخلي حسابك عسير قصب ..

#جبر: عسير قصب ياوقتك ياجبووور ..اوقعت وماحد سمى عليك ..

#نغم : الووو محمود خيي شو بدي قلك ..

#محمود: اختي بدي قلك شي ..

#نغم : شو هو اخي..

#محمود: انا شفت ابي بالمسجد عم يصلي وكان وضعو لايرثى لالها معو شلل نصفي ..

#نغم : ابي لا انت بتتوهم ..

#محمود: سدقيني انا متذكر ملامحو وسألت عنو قالو انو هاد ابو محمود ..وعايش لحالو وحالتو بالويل لان مرتوا هربت مع عشيقها واخدت اولادها وكل تعبو منو ..

#نغم : شو يعني محمود..

#محمود: مابعرف اختي مابعرف انا قبل ما اشوفوا ماكنت مسامحو وادعي عليه لانو السبب بحالنا كان بس من شفتو قلبي رجف عليه ..

((حديث اخي عن ابي ..ماكان ماثر فيني كتير ..صح عانيت بحياتي بسببو ومابنسى من باعنا وتركنا بالشارع …بس رفضت روح مع اخي محمود شوفوا وحتى اخي محمد رفض متلي…ولهاد اليوم #ياجمايكا محتارة روح شووف مسامحتو مانها سهلة عليه …يمكن هيك كانت قصتي وجيت اقولها لالك ..يمكن كانت صعبة على القراء والبعض يشوفها خيالية ..بس عرفت من قلك رح تسرديها لالهن ..بدي منك طلب متابعينك يقولوا لالي شو اعمل بقصة ابي ..

#جبر: حبيبي مو حاااج تحكي تلفوون .

#نغم : يالا حبيبي ليكني جااي ..بأستودعك الله حبيبتي #جمايكا …

#انتهت

حبيباتي انا انهيت القصة وتركت اليوم كلو لانهيها كرمال عيونك لاتبخلي علينا بلايك ورايك ..وبتمنى ماحد تجرح بالحكي صاحبة القصة متابعة

91 تعليقاً

  1. يسعد صباحكم القصه في منتهى الروعة انا صراحه خفت شوي من أحداث القصه بس الحمد لله وعسى أن تكرهوا شيئ وهو خيرا لكم صارت هاي المشكله مشان تلتقي انتي واخوكي الله يهدي بالكم نغم انتي بنت طيبه وبتستاهلي كل خير مشان ابوكي حرام بضل ابوكي ومرته الله يصطفل فيها المسامح كريم الله يبعتلك ايام حلوه تعوضك عن الي شفتيه

  2. الله يسامحك على هيك قصه رحت اقرأها نص الليل وانا لحالي متت رعب والله مانمت لوجه الصبح من الخوف .. الله يشفي كل مريض من هالنوع يا رب ويحفظنا ويبعد عنا اهل الحسد والشر والأذية

  3. حبيبتي السماح والتسامح اصدق سامحيه لانوه رب العالمين ارحم من عباده والله مابينسا حدا وبيضل ابوكي واطيعوه الوالدين لو كانوه كافرين والله يحميكي وصبرك قوي

  4. قصه حلوة بس مومسدقه كيف تحملتي تشوفي كل هاد وكيف تغير صوتو وشكلو قدامك مو طبيعي والله الواحد مابيتحمل وبيهرب وسامحي لأبوكي مابتعرفي قديه لسا بدو يعيش هوكتير ندامان وبيتمنى لو ماصار بس خلص الانسان خطاء

  5. حبيبتي نغم انت انسانه مؤمنه وبتخافي الله وقلبك كتير طيب وكبير لدرجة انك وقفتي مع جبر وساعدتي ليرجع لحياته الطبيعيه وهو مافي صلة دم بينكم فكيف بالاب صحيح هو غلطو لا يغتفر لكن ربنا اعطا جزاء الي بيستحقو وهون بيجي دورك انت واخوانك تقفو معا وتساعدو وما تكونو جاحدين وتقابلو الأسأه بالمثل واجركم على رب العالمين وموقفكم هاد رح اتلاقو باولادكم عند الكبر وربنا مابضيع مثقال ذره امنياتي الكم بحياه سعيده

  6. الله يسامحك اقسم بالله ما نمت بليل وانا قرآته بليل وكنت لحالي كل ما اسمع حركه اخاف ههههه نغم انتي طيبه والله عطاكي على نيتك ومدام ربي العالمين اعطاكي القوه والشجاعه وتعالجي ناس بالمرض هاد خلي عندك شوية تسامح لابوكي وشو من كان بصلو ابوكي والحق مو عليه مرته لعبت بعقله لحتى يكرهكم والدنيا دواره وابوكي هﻷ بحاجتك وحاجة اخوانك الله يخليكم لبعض

  7. قصة مأثرة والله اعلم اخوية هيج من السحر حسبي الله ونعمه الوكيل كلش تغير ،وجسمي قشعر و كمت ابجي من ظلم الناس لان اكو ناس متخاف من الله

  8. يا الله شو عانت نغم بحياتها ، والحمدلله ربنا جمعها باخوها والتم شملهم
    بالنسبه لابوكي يا نغم فيكي تسامحي مهما كان بيظل ابوكي وانتي قلبك كبير

  9. قصه مؤثرة وحسبي الله ونعم الوكيل ع يلي بيعملوا السحر ونصيحه روحي شوفي ابوكي هو غلط معكم كتير بس الله بيجازي كل واحد باعمالو سامحيه لانو الله كبير وبيسامح عباده والله يوفقك

  10. قصة مؤثرة جدا والحمد لله انك اجتمعتي مع اخوتك وان جوزك الله شفاه من المرض يلي فيه وحسبي الله على كل شخص بشتغل في السحورات والموشعوذين الله ينتقم منهم اما ابوكي الله يسامحوا علي عملو هو ومرتوا فيكو بس بيضل ابوكي والمسامح كريم يمكن ربنا عمل فيه هيك لانوا باعكو وما سال عنكو سامحيه

  11. ياالله القصة شو محزنة وتعبت قلبي لدرجة حسيت بخوف الله يعوض عليكي وعلى اخوانك بس بقلك سامحي ابوكي وديري بالك عليه واحتسبي اجرك عند رب العالمين

  12. قصة رائعة و بتخوف و مؤثرة و محزتة كتير بس معلي سامحي بيك و ما تنسي بر الوالدين هوي ما دخلو هيي مرتو لعبت براسو و الله رح ينتقم منها

  13. والله إلي متحمليته ما حد متحمله يا لطيف أنا تجمدت لما قرأتها كيف لو إني بل موقف الله يعينك
    وابوكي اهتمي فيه مش عشانه لأنه هو ما بستاهل عشان ربنا

  14. مابعد الضيق الا الفرج
    صح عانيتي بس ربنا بلاخر عوضك
    بزوج بحبك وساعدتي انو يشفى
    وواخوكي صار شيخ بيساعد الناس
    وكبرت عائلتكن وابوكي رجعلكن
    لازم تسامحيه والدم مابصير مي والضفر مابيطلع من اللحم الله يسعدك مع عائلتك

  15. قصتك غريبة كانها من نسج الخيال ومرعبة انا تجمدت وقلبي وقف وانا اقرا فيها من الخوف كيف تحملتي كل هاد الاشي انتي انسانة شجاعة وكلك اصل لانك وقفتي مع زوجك وامثالك قلال بهالدنيا بس رب ضارة نافعة ربنا جمعكم ولم شملكم الحمد لله ضايل تكملي لمة عيلتكم وتسامحي ابوكي خذي العبرة من قصة سيدنا يوسف مر بكرب عظيم وفي الاخير ربنا جمعه باخوته وامه وابوه وسامح اخوته على الي عملوه فيه وانتي مش افضل عند رب العالمين من يوسف عليه السلام … وربنا يوفقك ويكتبلك حياة كلها سعادة مع زوجك واخوتك والوالد ويعوضك عن كل حزن مر بحياتك

  16. هاد أبوك وانتي قطعة منه وعانى كتير
    حليمة. هي الأجبرته يبيعكم بكفي انها خانته وخانتكوا انتي مبينة من القصة بتتحملي كتير
    يعني ارجعي لأبوكي بلاش اولادك يعملوا فيكي هيك
    الله. بغفر وبسامح انتي بدكيش تسامحي أبوكي
    الأنبيا غلطوا والدنيا سلف ودين والدم بصيرش مية يعني. متخليش أبوكي ضميره تعبان
    المسامح كريم. خلص ارجعي لأبوكي

    أنا بدي أعرف تعليقاتي بنقرين بتردي علية عشان أعرف انهن بنقرين ولا لأ

  17. قصتك مؤثرة يا نغم.. بس مع هيك صبرتي و الحمد لله الله عوضك بزوجك و اخواتك.. و مشان ابوكي سامحيه مهما كان بضلو ابوكي
    الله يبعتلك ايام حلوة يارب❤

اترك تعليقاً

لن يتم نشر عنوان بريدك الإلكتروني.