طريقة عمل البرياني الهندي

5 7٬305

طريقة عمل البرياني الهندي
معكم صديقة زاكي صاحبة الوصفات الشهية و المميزة الشيف المتألقة Om Mohammad Mostafa

طريقة عمل البرياني الهندي
طريقة عمل البرياني الهندي

السلام عليكم يا احلي جروب 😘😘
🌹🌹 البرياني الهندي 🌹🌹
البرياني له كذا طريقه ودي من احلي طرق البرياني علمتهالي جاره هنديه بس الصراحه قللت الشطه عنهم وكان برضو مشطشط وررررروعه والطريقة بالتفصيل الممل يارب يعجبكم😘😘
🌹🌹المقاير 🌹🌹

1- دجاجه متنضفه كويس اوي ومغسولة ومقطعه ٨ قطع
2- نصف كيلو أرز بسمتي ( أنا هنا عملت ٣ أكواب بالأكواب المعياريه)
3- معلقه كبيره من بهارات البرياني بودر (نزلت صورتها قبل كده )
4- بصل جوانح مقلي حوالي كوب ( زي بصل الكشري)
5- ٢ ملعقه كبيره شطه حمرا بودر ( أنا ضفت ملعقه واحده صغيره لان توابل البرياني أصلاً حاره جداً )
6- ملعقه كبيره كزبره بودر
7- ملعقه صغيره كمون بودر
8- ملعقه صغيره فلفل اسود
9- ملعقه كبيره مليانه توم علي جنزبيل فريش مطحونين مع بعض # توضيح ( ل٣ أكواب رز راس ونص توم وقطعة الزنجبيل تكون نفس حجم التوم)
10- رشة كركم صغيره يعني اقل من ربع معلقه صغيره
11- كبشة ( قبضة أيد) كزبره خضرا مفرومه الورق فقط)
12- كبشة ورق نعناع اخضر مفروم
13- خمس قرون شطه خضرا مقطع قطع كبيره ( أنا الصراحه استخدمت قرنين فقط وكمان فتحتهم بالطول ورميت البذر بتاعهم وكان البرياني مشطشط عالاخر )
14- ٢حبة طماطم وسط مفرومه زي السلطه
15- نص كوب زيت ذره ( لازم زيت نضيف عشان الطعم يبقي كويس)
16- كوب زبادي

🌹🌹الطريقه🌹🌹

🌹🌹اول حاجه بتقلي البصل الجوانح وتطلعيه في مصفاه وتسبيه علي جنب لحين الاستخدام

🌹🌹 افرمي التوم والجنزبيل والملح كويس جداً في الكبه و ضيفي عليهم باقي التوابل البودر وتوابل البرياني والزيت وقلبيهم كويس وتسيبيهم شويه ياخدو من طعم بعض

🌹🌹بتقطعي الفرخه ٨ قطع وتشيلي عنها الجلد وتعملي فيهافتحات بالطول

🌹🌹نزلي التوابل بالزيت علي الفرخه ومعاهم كوب الزبادي ونص كمية البصل المقلي # تعديل# والطماطم المفرومه وقرنين الشطه الخضرا والكزبره الخضرا والنعناع الأخضر المفرومين وادعكي بيهم الفراخ كويس جداااً

🌹🌹 غطي الفراخ ودخليها التلاجه طول الليل أو
اقل شئ اربع ساعات
وبعدين تطلعيها تسويها بالخلطه بتاعتها اول حاجه علي نار عاليه اول خمس دقايق بس تغلي هدي النار عالاخر وسيبيها تستوي ٩٠٪‏

تجهيز الرز 🌹🌹
بتسلقي الرز في ميه مغليه وزيت وملح ( الملح يكون زايد شويه عن ما انتي متعوده عشان يدخل في قلب حبة الرز ويطعمها)
وتوابل سليمه( حب) شوية فلفل اسود علي شويةكزبره علي عود قرفه وحبهان سليم
وورقتين لورا وشوية قرنفل
يتسلق زي المكرونه يادوب ٧٠٪‏ صفيه من الميه ونزليه علي الفراخ و افرديه فوقها كويس

🌹🌹قلبي ربع معلقة بودرة صفار الزعفران في ربع كوب حليب دافي اوميه ومعاه معلقه كبيره ماء ورد ومعلقة كبيره ماء زهر ونزليه بأي رسمه
علي وش الرز باي شكل عشان يطلع الرز ملون حبه بيضاوحبه صفرا
علامة Xاو دايره

🌹🌹ضيفي علي وش الرز معلقه كبيره سمنه بلدي او مكعبات زبده
انثري عليه باقي البصل المقلي
وشوية زبيب ودا اختياري
وآخر حاجه رشة نعناع اخضر مفروم بتديه نكهه مميزه جداً

🌹🌹غطيه بفويل كويس جداااااً وعليه غطا الحله
🌹🌹هدي النار. علي الاخر وحطي شياطه او حائل تحت الحله عشان تكمل سوا علي راحتها ومتنحرقش منك حوالي ٢٠ دقيقه وطفي عليه
🌹🌹عند التقديم هتشيلي وش الرز بالبصل ال عليه والزبيب في طبق صغير

🌹🌹 فرغي البرياني في طبق التقديم وزينيه بالبصل والزبيب ال شلتيه في الطبق الصغير وقدميه بألف هنا وعفواًللاطاله

طريقة عمل البرياني الهندي
طريقة عمل البرياني الهندي
طريقة عمل البرياني الهندي
طريقة عمل البرياني الهندي

طريقة عمل البرياني الهندي
طريقة عمل البرياني الهندي
عرض التعليقات (5)