الرئيسة / حلويات / وصفه المعمول بالسميد

وصفه المعمول بالسميد

/
/
/
11839 مشاهدات

وصفه المعمول بالسميد

معكم صديقة زاكي المتألقة بوصفاتها الشيف الشيف المبدعة Faoz Massry

وصفه المعمول بالسميد
وصفه المعمول بالسميد

المقادير:

كيلو سميد ناعم او وسط
نص كيلو سمنه
معلقه صغيره محلب
معلقه صغيره يانسون مطحون
معلقه صغيره شومر مطحون
معلقه صغيره مستكه
ظرف بيكنغ باودر
ظرف سكر فانيل
نص كيلو طحين
4 علب كبار كريما حامضه

الطريقه:
سخني السمنه لحد ما تقدح معك حطيها عالسميد بالتدريج وحركي بحركات دائريه واتركيها ليله كامله او عالاقل 8 ساعات.
بعدها زيدي الطحين وباقي المواد ما عدا الكريما الحامضه وحركيهم مليح مع بعض وبعدين اعجني بالكريما الحامضه نص الكميه واذا حسيتها بدها مي زيدي شويه شويه لحد ما تتكون معك عجينه وسط مش يابسه ولا طريه
ريحيها 10 د بعدين اشتغلي فيها.
نشكل من العجينه كرات صغيره.

ملاحظه مهمه جدا جدا
كميه الكريما الحامضه والمي بتتعلق بنوع السميد ونوع الطحين عشان هيك بنعجن بالكريما الحامضه تدريجيا ما بنحط كل الكميه مره واحده بس نوخذ قوام العجينه الي بدنا اياه بتوقف عن اضافه السوائل اذا كان كريما حامضه او مي.

الحشوه:
كيلو تمر حب
ربع كيلو جوز مفروم
معلقه كبيره قرفه
معلقه كبيره يانسون مطحون
معلقه كبيره شومر مطحون
ربع معلقه قرنفل مطحون
نص كاس زيت ذره.

الطريقه:
نخرج بذره التمر مع عنق حبه التمر نفرم التمر على ماكينة اللحمه ونعجنها باليد مع البهارات وزيت الذره والجوز المفروم فلم خشن باليد.
نشكل من عجينه التمر كرات.

طريقه التشكيل:
ناخذ قطعه من العجين نفردها على كف اليد نحوها بالتمر ونسكرها ونكورها وبعدها ننقشها بالملقط.

11 تعليقاً

  1. احلا شي حبات المعمول بالشتوية جربيه بدون سميد بس طحين يعني لكل كيلو طحين نص كيلو سميد وبدل الكريما حطي قشطة وجبنة وفانيلا سائلة الجبنة لازم تكون كيري او مثلثات والسكر لازم يكون مطحون وبس تخلصي عجن حطيه ساعة بالثلاجة وطلعية واشتغلي فيه مباشرة

اترك تعليقاً

لن يتم نشر عنوان بريدك الإلكتروني.