طريقة عمل الكزبرية

1 7٬639
طريقة عمل الكزبرية, الكزيريه هو طبق مقبلات سريع وسهل وشهي, تخبرنا بالطريقة المبدعة الاردنية Reema Awwad فلنتابع معها الطريقة.

طريقة عمل الكزبرية

المقادير:
٤ حبات بطاطا متوسطة الحجم مقطعة مكعبات مش صغيرة كتير
سنين توم
ربع كوب عصير ليمون حامض
رشة ملح
معلقة صغيرة شطة حمرا
الكزبرة الخضرا المفرومة

الطريقة:
– بقطع ٤ حبات بطاطا متوسطة الحجم مكعبات مش صغيرة كتير، وبقليها وبخليها على جنب.

– في مقلاية واسعة بحط شوية زيت وبقلي سنين توم كبار لحد ما يبلشو ياخدو لون يادوب خفيف وبضيف البطاطا وبقلبها معاهم شوي ومباشرة بضيف حوالي ربع كوب عصير ليمون حامض ورشة ملح وبقلبهم لحد ما تتشرب البطاطا الحامض.

– وبضيف معلقة صغيرة شطة حمرا وبقلبهم مزبوط، وآخر خطوة بضيف الكزبرة الخضرا المفرومة وبطفي النار مباشرة وبقلبها مع البطاطا على الحرارة بس ومباشرة بفضيها في جاط التقديم لحتى ما تسود الكزبرة وتبقى خضرا، وصحتيييين

تابعونا على جروب “زاكي” لفن الطهي أضخم تجمع لأمهر شيفات وربات بيوت محترفين في فن الطهي:
طريقة عمل الكزبرية

عرض التعليقات (1)