طريقة عمل دجاج محشي بالأرز

27 10٬831
طريقة عمل دجاج محشي بالأرز, من أطباق يوم الجمعة المشهورة هو الدجاج المحشي, حيث تجتمع الأسرة حول مائدة واحدة, صديقة زاكي المميزة  Reema Awwad  ستخبرنا بأسهل وأشهى طريقة للإعداد الدجاج المحشي بالأرز.

11701132_10153348102310907_8796369168310792322_n

المقادير:
2 دجاجة متوسطة الحجم
لحمة مفرومة
فلفل أسود وبهار حلو وقرفة ورشة هيل ورشة جوزة الطيب وقرنفل
مكسرات
الرز المصري
حامض و القليل من دبس الرمان

الطريقة:
– بنظف الدجاج كالمعتاد وبتركه كامل بدون تقطيع وبخليه يصفي منيح.

– وبقلب اللحمة المفرومة في طنجرة بدون زيت وبحط عليها فلفل أسود وبهار حلو وقرفة ورشة هيل ورشة جوزة الطيب وقرنفل وبس تنشف مياهها بضيف الزيت.

– (بكون قالية المكسرات من قبل ومخلية زيتها على جنب للرز لإنه بيعطيه من نكهة المكسرات) وبحمر اللحمة زيادة شوي.

– بعدين بضيف الرز المصري والملح وإذا عندك مرقة جاج بتضيفي عالرز أو ماء عادية يادوب بنفس مستوى الرز لإني ما بدي اياه يستوي عالآخر عشان رح يكمل استوى داخل الدجاج.

– وبترك الرز يبرد بعدين بضيف للدجاج حامض و القليل من دبس الرمان وبدهنه كله من جوه وبره وببهر الجاج بفلفل أسود وبهار حلو وقرفة وبودرة بصل ورشة صغيرة هيل وجوزة الطيب وقرنفل وملح وبحشي الدجاج وبخيطه وبحشي جلدة الرقبة كمان وبخيطها.

– وبدهن الدجاج كله زيت وبحطه في صينية إلها شبك وبحط تحت الشبك كام حبة هيل وورق غار وعيدان قرفة وفلفل أسود حب وقرنفل حب وبقطع بصلة جوانح وقبل الشوي بحط في الصينية شوية ماء وبغطيها بورق ألومنيوم لمدة ساعة إلا تلت بعدين بكشفها وبتركها تتحمر وبقلب الجاج عشان تتحمر عالوجهين وصحتييين.

طريقة عمل دجاج محشي بالأرز طريقة عمل دجاج محشي بالأرز

تابعونا على جروب “زاكي” لفن الطهي أضخم تجمع لأمهر شيفات وربات بيوت محترفين في فن الطهي:
طريقة عمل دجاج محشي بالأرز

عرض التعليقات (27)