الرئيسة / أطباق رئيسية / أطباق لحوم / السماقيه الغزاويه بطريقه الصور مرتبه بالتفصيل

السماقيه الغزاويه بطريقه الصور مرتبه بالتفصيل

/
/
/
5202 مشاهدات

السماقيه الغزاويه, وصفة من التراث الغزاوي, في فلسطين, تتحفنا بالطريقة ملكة الابداع وصاحبة الأنامل الذهبية أم بلال السويركي, نتركم مع مبدعتنا التي تقدم لنا السماقية والتي يكثر تناولها في أول أيام عيد الأضحى مع الفسيخ والمخلالات.

السماقية

يسعد مساكم اليوم عملت سماقيه وهي اكله غزاويه ببشتهروا فيها الغزازوه هي كتير زاكيه وطريقه تحضيرها طويله وبدها عنايه خاصه, و هي بدها تحضير مسبق من قبل.

المقادير:
كيلو سماق ( 4 أكواب من السماق)

11748802_757054174417495_1704639272_n
5 كيلو سلق مغسول ومفروم ومنقى ( 20 كوب من السلق / أو السبانخ لو لم يتوفر)

11748731_757054401084139_1904481960_n
2 كيلو بصل مقطع مربعات (8 كوب من البصل المقطع)

11758833_757060607750185_278908567_n
ربع كيلو حمص ( 1 كوب من الحمص)

11759422_757057354417177_396461686_n
ربع كيلو طحينيه (1 كوب من الطحينية)

11741779_757075544415358_1804238794_n
الفلفل والتوم حسب رغبتك كيف بتحبي يكون حرقانها, عين جراده( بذور الشبت) ملعقتين كبار

11759557_757052637750982_171812231_n

لحمه 2 كيلو ونص

11756571_757070091082570_1357665647_n
كاسة زيت زيتون

ملعقه كمون

الطريقه:
– اول شي بتنعقي حمص قبل بيوم وتاني يوم بتسلقيه بطنجره الضغط.

– تاني شي بتجيبي لحمه من غير عضم قد عقده الاصبع او اكبر شويه.

– تالت شي بتسلقي السماق الحب مش ناعم مع ملعقه ملح وبس يبرد بتصفيه وبتاخدي السماق وبتضربيه بالخلاط مع كاس ماء وبتضلك تعصري فيه حتى تنزل كل الحموضه.

11737075_757076181081961_2011288214_n

– الان اهم خطوه انك تصفي ماء السماق بمنخل ناعم جدا وبنحط عليه كل كاسه من ماء السماق ملعقه طحين
تقريبا كل كيلو سماق بياخد 5 كيلو سلق مغسول ومفروم ومنقى.

– وبياخد 2 كيلو بصل مقطع مربعات, الان بطنجره كبيره بتسفحي البصل حتى يدبل منيح بنحط عليه السلق وبنضل نقلب حتى يدبل.

11748589_757075614415351_564649807_n

– وبنعمل الدقة من عين جراده ناشفه وفلفل احمر حراق وثوم وبنحطهم على السلق وبنحط الحمص واللحمه وشوربه اللحمه وملعقه كمون وكاسه زيت زيتون وبنخليها على النار حتي يستوي السلق.

11733503_757081214414791_1479885118_n

 

السماقيه الغزاويه

11739682_757110157745230_758882737_n

11749275_757110004411912_282156039_n

– الان بنحط الملح وماء السماق وبنحركه منيح بنضل نحرك باستمرار حتى ما يلزق و عندما يغلي بنعدل الملح والحموضه والحرقان (يعني قدي بتحبيها بتحرق من الفلفل) واخر شي بنحط طحينيه حمرا مع الاستمرار بالتحريك وبعدين بنسكبها بصحون وبتتقدم مع المقبلات والدقه الغزاويه الحاره.

11741730_757115157744730_737775787_n

10531069_757114727744773_70869392_n

11749687_757124977743748_905898250_n

 

السماقيه الغزاويه

11754114_757125114410401_2082190530_n

11721789_757143154408597_1337469585_n

– هاي الاكله تعتبر تراث لاهل غزه وغالبا بتنعمل بالافراح او ليله الحنا الاكله هاي اذا انطبخت لازم كل الحاره والجيران ياكلو منها فبنعملها بكميات كبيرررره, صحتين وعافيه.

ملاحظة/
العين جرادة هي عشبة عطرية وليس عين جرادة حقيقي 🙂 للذين لا يعرفوه, وهي عبارة عن  بذور الشبت, ويمكن استعمال الشبت الأخضر لو لم تتوفر.

85476

– اللي بستخدم هي مية السماق مش السماق نفسو وبنخلطو حتى ناخد كل طعم الحموضة اللي فيه ونصفيه وناخد المية فقط, السماق بخلطه وبصفيه منيح بمنخل ناعم وباخد الماء الاحمر الناتج عن غليان السماق وبعيره بكاسه وبحط له الطحين وكل كاسه الها ملعقه طحين.

– الطحينية الحمراء لو لم تتوفر, بإمكانكم استخدام الطحينية البيضاء, وصحتين وألف هنا.

نسعد بمتابعتكم لنا على جروب زاكي لفن الطهي:
السماقيه الغزاويه بطريقه الصور مرتبه بالتفصيل

 

5 تعليقاً

اترك تعليقاً

لن يتم نشر عنوان بريدك الإلكتروني.