img
الرئيسة / منوعات / قصة الليلة بعنوان غضب الحموات ولا كيد السلفات بقلم مال الشام

قصة الليلة بعنوان غضب الحموات ولا كيد السلفات بقلم مال الشام

/
/
/
7973 مشاهدات

قصة الليلة بعنوان غضب الحموات ولا كيد السلفات بقلم مال الشام

هذه القصة تأتيكم من قسم المنوعات في زاكي, متابعة ممتعة, واترك لنا رأيك في القصة في التعليقات.

قصة الليلة بعنوان غضب الحموات ولا كيد السلفات بقلم مال الشام
قصة الليلة بعنوان غضب الحموات ولا كيد السلفات بقلم مال الشام

#غضب_الحموات_ولا_كيد_السلفات.. 
#بقلم_مال_الشام
(( عبارة عن 3 اجزاء)) .. 

-1- 


هي يا جماعة الخير انا مخلوئة مسالمة… بمشي الحيط الحيط و يارب السترة
ست بيت تعلمت من امي الله يرحم ترابا الاكل الشامي على أصولو… بفهم بالخياطة و التطريز و الحياكه
و جمالي مو قاتولي بس كل الي بشوفوني بحبوني..
و مبسوطه انا و جوزي الله يحرسنا و يهنينا..
تجوز سلفي… و جبلنا هالعروس و سكنت بالطابق الي فوقي
و انا فرحت خيرات الله و قلت صار عندي اخت..
بس ولي شو هالسلفه.. اول فترة ما كان مبين عليها انها قادرة و قويه و مبينه مسكينه و ادميه
بس بعمرو ما صفي جو بين السلفات… الا ما الغيرة تشتغل شغلها /مال الشام /
يعني انا كنت غار من اهتمامها بحالها انو عروس بس ما ضريتها رحت اهتميت بحالي انا كمان و حسيت بالرضى و قلت هالبنت حبابه طلعت حية ان شاء الله بتهرسها شي دبابه…

بعد 4 شهور و بعد ما كانو بنات حماي يموتو فيني و ما يقطعو زياراتي بطلت شوف خيال وحده منن… اتصل عليهن ما يردو و عطول مشغولين
اطلع لعند سمية (( سلفتي)) لاقيهن كل الوقت على هالتليفونات يتسايرو و يتضحكو
قلت يا بنت اخزي الشيطان…انتي فهمانه غلط
قلت ما الي الا روح زياره لعند وردة بتكون بنت حماي الكبيرة طيبه كتيررر و ما بتعرف تخبي شي يعني الي بدو يفضح حالو يحط سرو عند هالمخلوقه
ايه لو هي عامله عمله بتقر على حالها
عملتلها تبولة و يبرئ و هيلطيه و لفيتهن و قلت لجوزي يجي ياخدني بعد ال 9 و تركت عندو الاولاد و تيسرت.. /مال الشام /

دقيت هالباب و فتحلي جوزها استقبلي خير استقبال ليش الكزب
قلي ثواني خبر ورده… و فات هالرجال خمس دقائق… 10
ربع ساعه ايه والله خجلت لحالي..
بعدين طلعت لعندي و كانت ناشفه شوي
قعدنا و صارت هالمخلوقه تبكييي و تنوح
جوزي بيضرني
ولادي ما بنفعو لشي
علينا ديون
انا رح اتطلق
ما عنا شي ناكلو

و انا ابكي و نوح معا..
فات جوزها و شافنا عم نبكي عم تبكي و ارتعب صار يقلنا لك شووو في
حدا صرلو شي شبكنننن
انا من جدبتي و البي الطيب صرت قلو الله يصلحك الله يسامحك بدك تطلئ ام ولادك.. لك كل العالم بتحلف براسك ليش ليش بتضربا
لك ليش ما قلتلنا عندك ديون والله منقصر معك

ما شفتا غير جمدت بارصها و صارت تضحك و جوزا مصدوم
قالتلو يوووووه كنا نمزح تئبرني مافي شي
و الله انا انشلشت شو هالحكي
قلتلها ورده هلا كنتي تقليلي
جوزي بيضرني
ولادي ما بنفعو لشي
علينا ديون
انا رح اتطلق
ما عنا شي ناكلو
/مال الشام/

قالتلي ام ايهم هلا بفهمك خلص اسكتي و لفلفت السيرة و طلعت جوزا و رجعت لعندي

ام ايهم: لك شو في
وردة: اختي والله هالحكي كلو كزب و انا و جوزي متل السمنه و العسل
ام ايهم: لك لكن ليش هيك قلتيلي؟؟؟؟
ورده: بصراحه؟
ام ايهم: لك اي نشفتي البي شو السيرة
وردة:سمية
ام ايهم: شبها سمية؟
ورده: يعني والله خجلانه منك
ام ايهم: لك لعيتي قلبي قولي
ورده: هي سمية قالت انو عينك بتخوف… قال انكسرت رجل جوزا ووقع من ع السلم
و احترقت تنورتها وقت زرتبها و قلتبلا انو حلوه
و حبلت و طرحت بس قلتيلا شو حبلتي بسرعه
و قال كانت تقلك عن تجارة اخوها و تاني نهار اخوها نصبو عليه و فلس
و كمان كل ما تنزلك طبخه و تعجبك ما بتعود تزبط معا مره تانيه… يعني والله نحنا خفنا كتيو لا تواخذينا بتعرفي انك غاليه بس العين حق… روحي اكتبي حجاب عند شيخ مشان ما تعودي تطرئي حدا عين
ام ايهم: لك العين تطرئك انتي وياها هلا انا بطرئ عيييين!!
يبلاها بئتلها هالسحليه الشرنه
اول شي جوزا طلع ع السلم و هو مكسور و التلو يا سلفي لا تطلع و ما رد ووقع انا شو ذنبي
و هي لابسه تنورة شيفون و انا جاملتلا وقلتلا حلوه و هي نسيت المكوايه عليا و احترقت هالظالمه
و ايمت حبلت عالكزابه؟؟ ما حبلت و لاشي اصلا رحت معا ع الدكتورة و قالتلها انو بدها علاج لتحبل..
/مال الشام/
فعلا انها قليلة زوق بس بسيطة محدا رح يربيها غيري

وردة: صلي عالنبي لك اختي صغيرررة صغيرة ما بتنلام

ام ايهم: هلا هي صغيرة الله لا يكبرا
بعدين انتو ما بتعرفوني عيني مليانه و بسمي بالله دايما كيف سدئتوها… الي عمر معكن لو اني حسوده ما كان حسيتو علي الله يسامحكن عتبي عليكن انتو

و طلعت من عندا و انا شياطين الدنيه عم تنط قدام عيوني
فتت عالبيت و جوزي استغرب رجعتي بسرعه و ضل يسالني شبني اخر شي فرطت بكي و قلتلو كل شي
قام صار يضحك و يقلي انتو النسوان ما بتبطلو هالفصول
قلتلو والله ازا ما باخود حئي ما بقعدلك بهل بيت
لكن انا تطلع علي هالسمعه اخر هالعمر ايه لا والله ما رح اسكتلا
قلي يعني بدك اعلق انا و اخي لترتاحي؟
قلتلو لا مو هيك انا بعرف اتصرف بس بدك تساعدني
قلي ايوه و كيف بقى؟ 
قلتلو اسمع لقلك شو رح تعمل

 

 

-2- 

نطرت يومين لفكرت منيح شو رح اشتغل… و بس رتبت كل شي… طلعت لعند هالحربايه شلفتي و كأن شيئاً لم يكن..

سمية: اهلين سلفتي شو وين الك يومين مانك مبينه انشغل بالي عليكي..
ام ايهم: لا يشغلك بال على غالي حبيبتي مافي شي… خدي من ايدي اشتهيتلك طقم هالكاسات جبت الك واحد و الي واحد..
سمية: يعيشو هالديات تفضلي فوتي
قلت بقلبي يا لطيف شو هالمخلوبه بالوش مرايه و بالضهر… مارح قلكن شو بالضهر انتو اكبر قدر 😂😂

قعدت سايرها شي نص ساعه و قلبي عم يقول حق بق لاخود حقي منا… لوقت ما قالتلي فوتي معي عالمطبخ نحضر الغدا هون قلت يارب يلا هلا بدي بلش

قعدت عالطاولة بالمطبخ و صرنا نحكي و هي عم تعمل شاكريه و رز…
قربت ووقفتا بضهرا قلتلا هاتي عنك حرك الشاكريه…بس غفلت عينا عني اخدت الملح و حطيتو عالشاكريه و كملت تحريك…

ام ايهم: والله يا سميه ريحة هالاكل بترد الرووووح يا عيني يا عيني لك شوووو هاد شو هالرز المفلفل و لا هالشاكريات الي بيشهووو و هي نفخت ريشاتها و لفت ضهرها تجيب المساكه قمت قويت النار تحت الرز لاخر شي مافي دقابق و طلعت ريحة الرز… قام ركضت و طفت تحتو و ما انتبهت انو كان الغاز مفتوح ع الاخر
قلتلها له له له ضيعانون هالرزات كانو غير شكل
قام هي لسه مصدومه و عم تتزورني و انا فاهمة عليا انو قصدا طرقتلا الرز عين…
قلتلا يلا بسيطة كلو بس الشاكريه..
قالتلي يلا هو هيك خلينا شوفا بالله
ومسكت للملعقه و داقتها و صارو عيونا حمر حمر و انا ما عدت احسن خبي ضحكتي
قلتلها لك بسم الله عليكي شبك السوم ما عم تعرفي تطبخي
الله وكيلكن ع شوي حسيتا رح تبكي و انا عم قول لسه ما شفتي شي…
قلتلها خلص روحي ارتاحي لاعمل شاي…
عملت شاي و طلعت الكاسات الي جبتلها ياهن
محسوبتكن جابت كاسات من الي بتطق ع الحامي… تبعون ال 50 ليرة… قعدنا و حاولت غير السيرة… شفتا بدا تصب الشاي قام قلتلا لك والله. هالكاسات غير شكل جبت منن من 7 سنين و بعدون عندي… وهي تقلي يسلم هالديات و صبت الشاي السخن بهل كاسه ما صار شي
قمت قلت يا ويلي شكلو ما رح تزبط معي…
صبت بالتاني ما شفنالكن الا هالكاس طق بالنص و سلفتي طق مخها
صارت تقول بسم الله بسم الله… و انا اعمل حالي مستغربه و قلها يييييه لك كيف هيك هدول كاسات تركيه مستحيل يطقو يا خسارة ال 500 ليرة له له له

هالمخلوقه ما عاد عرفت تقوم من مطرحا صار فيها متل الي كزب الكزبه و سدئها و انا بقلبي عم قول والله لسه ما شفتي شي…
قامت ع المطبخ لتجيب شي تمسح الشاي قمت فورا و كان في مرايه معلقه بالصاله… محطوطه على مسمار هي للزينه…
طلعت مقص من جزداني و رحت قصيت الهيط و خليت شي بسيييييط يعني بأي لحظة بنقطع و رجعت ع مكاني متل الملاك البريئ المصدوم…
شي هي عم تمسح و تقع هالمرايه تتكسر مية شقفه و مية نتفه
و هي ما حكت و لا حرف قمت شهقت هديك الشهقة و قلتلها ييييييه لسه هلا هلا عم قول بقلبي هالمرايه محلايه الصاله يا خسارتا انكسرت… له له له… روحي روحي لميهن سلفتي بس ديري بالك ينجرحو رجليكي حاكم متل الدهب حرام ينجرحو
هي سمعت هيك و قعدت بارضها و صارت تقلي لا لا ما بدي لمهن خليهن ما رح لمهن
قلتلا لك بس انتبهي ما بصرلك شي صحيح شو بتستعملي لرجليكي والله موردين و غير شكل

صارت المخلوقه تهمس و تحكي شي بقلبها و الله العليم كانت عم تقرأ المعوذات 😂😂

#غضب_الحموات_ولا_كيد_السلفات..

الجزء الثالث والأخير …

-3- 

بيني و بينكن زعلت عليا… بس فلت لازم علمها درس ما تنساه مشان ما تعيد تصرفها هاد و ما تقابل الاحسان باساءة
انا عاملتا متل اختي… وهي طلعت علي سمعه بين العالم…
ضلت هي قاعده و ساكته بدها ياني اطلع من عندا… و مبين عليها انا خايفه و معصبه…
و انا متلي متلا مو طايقه القعده معا بس ضلت اخر مرحله بخطتي… ما في ربع ساعه و فات سلفي… سلم علينا و شافنا قاعدين ساكتين قلنا شبكن؟
قلتلو والله هالمرايه انكسرت و مرتك زعلانه عليها و ما رضيت تلمها لمها انت ما بنخاف عليك طول بعرض ما بتجرحك لمهن سلفي
قام فتحت عيونها و بحلقت فيني و صرخت هداك الصوت و صارت تقلو لا لاااااا لا تلمهن و قامت من مجرحا وصارت تقلو فوت لجوا فوت ع غرفتك 😂😂😂
قلها لك شبك؟؟؟
صارت تبلع ريقها و تقلو فوت ع غرفتك نام ما في غدا…
حط مفاتيحو و جوالو ع هالطاوله و فات و هو ساكت قمت انا فورا دقيت لجوزي و كانت اختي قاعده عنا بالبيت تحت لان هيك اتفقت معهن…
قعدنا و صارت تقلي والله نعسانه بدي فوت نام جنب جوزي
زبطت قعدتي و قلتلا نيالك على هالرجال شايفك و مو مسدئ و من بيتو لشغلو و من شغلو لبيتو ما الو ع النسوان والله نيالك بحسدك من كل البي
صارت تصب عرق و تقلي لك لااااا كل يوم بمسكو مع وحده
هي عم تحكي و رن جوال سلفي قامت لترد شافت رقم غريب
اخدتو بدا تفوتلو ياه قلتلا لك لاااا خطي ردي انتي
انتي و ياه واحد… ردي عليه صفنت شويو فتحت الخط
الي متصل كانت اختي
قالتلها الووو…
قام اختي ردت بصوت ناعم: الوو.. مين معي؟
و سكرت الخط بوش سلفتي
و سلفتي صارت تحكي شي فهمتو شي ما فهمتو بس سمعتا عم تقول الله لا يوفقك طار الزلمه 😂😂😂
انا هيك خلصت شغلي و نزلت لعند جوزي الي ما كان راضي عن شي بس مجبور…
ما في ساعه و رن الموبايل… اختي روحت و صل الرقم عنا…
ما ردينا بنوب… جوزي كان قابل لسلفي انو مغير رقمو و رح يدقلو منو
و سلفي شكلو عم يحلف لمرتو انو هاد رقم جوزي و بدو يثبتلها و انا ما خليت جوزي يرد عثب علي و قلي حاج لعب ولاد انا رح رد ما بجوز اخرب بيت اخي…
ما سفناهن الا نزل هو و مرتو لعندنا و صار يقول لجوزي لك ما بعرف شو صاريلها هالمجنونه بتقلي سمعت صوت بنت و بخونها بالله قلها مو رقمك الجديد هاااد؟؟؟
قمت انا اتدخلت و اخدت الموبايل قلتلو يووووه ايه والله تؤيرني رقمك هاد.. مو رقمك؟ اي والله رقمك…
و تركت الجوال و فتت ركض ع غرفتي و وولادي لحقوني و قفلت الباب و صرت اضحك و بدي اعرف شو صار معهن برا ما كنت اعرف 😪😪😪

بعد 10 دقايق دق جوزي الباب قلي اطلعي… قلتلو راحو؟
قلي اطلعي لا تصغري عقلك
قلتلو ما بدي… قام عيط علي قلي اطلعي بقلك
قلت ولي الله يستر فتحت الباب… قلتلو شو بدك؟
قام مشى و مشيت وراه لقيتهن قاعدين
خجلت من سلفي قعدت…
قام صار سلفي يضحك…
و ضحك جوزي
استحيت اكتر قلتلو والله يا سلفي مرتك هي السبب
قلي ايه ابو ايهم حكالي كل شي و ما قصرتي فيها
قلتلو يعني مانك زعلان مني؟؟
قلي لا بنوب بالعكس يسلم ايديكي والله اللت و العجن انا ما بحبو و هي فلطت بحقك انتي ما غلطتي معا…

والله و راحت ايام و اجت ايام و صارت سلفتي متل الليرة ما تخل معي بشي… و كل ما نتزكر شو عملت فيها بفرط قلبي من الضحك

#تمت

 

63 تعليقاً

اترك تعليقاً

لن يتم نشر عنوان بريدك الإلكتروني.