معكرونة بالبيتزا

/
/
/
1708 مشاهدات

KU

أكلة سريعة ومفيدة  والأجمل هي الألوان الشهية التي تكسوها, المبدعة Sondos Mazen تخبرنا الطريقة وبالتفصيل.

المقادير:
نص كيلو صدور دجاج
بصلتين
نص كيلو معكرونة
علبة قشطة
معلقتين مايونيز كبار
2 جبنة لافشكيري
ملح و فلفل أسمر
معلقة كبيرة بهارات بيتزا
فلفل رومي ملون
وزيتون اسود
فطر
جبنة للوش

المقادير للصلصة:
بصلتين مفرومين ناعم
حبتين بندورة مبشورين
معلقتين صلصة

الطريقة:
– بنقلب نص كيلو صدور دجاج مقطعة صغيرة مع بصلتين وبنتركهم يستوو.

– بنكون سلقنا المعكرونة، بنجهز علبة قشطة ومعلقتين مايونيز كبار و2 جبنة لافشكيري “هدول لكل نص كيلو معكرونة” بنخلطهم منيح مع سوا بعدين بنحطهم بالبايركس بنخلطهم بالمعكرونة.

– بنقلب عالنار بصلتين مفرومين ناعم بكونو وسط وحبتين بندورة مبشورين, بنقلبهم عالنار وبنحط كمان معلقتين صلصة كبار لحتى ما تتسبك, بس يستوو بنخلطهم بالمعكرونة اللي بالبايركس.

– بنشوف الدجاج ازا استوا بنحط عليه ملح و فلفلاسمر ومعلقة كبيرة بهارات بيتزا.

– بعدها بنرش الدجاج ع وجه المعكرونة ،بس ما بنخلطه بكون مفرود عالوجه وبعدها بنزينه باغراض البيتزا “فلفل رومي ملون وزتون اسود وفطر وبعدها بنبشر جبنة وبنحطه بالفرن لحتى تتحمر وتسيح الجبنة بس ننتبه ما تنحرق.

لمتابعة الوصفة على جروب “زاكي”:
معكرونة بالبيتزا

2 تعليقاً

اترك تعليقاً

لن يتم نشر عنوان بريدك الإلكتروني.