بسكوت هش وطري بدون زبدة و بيض 😋😋 بمكونات موجودة عند الجميع 👍😎

27 16٬010
 

بسكوت هش وطري بدون زبدة و بيض 😋😋 بمكونات موجودة عند الجميع 👍😎

بسكوت هش وطري بدون زبدة و بيض 😋😋 بمكونات موجودة عند الجميع 👍😎

بسكوت هش وطري بدون زبدة و بيض 😋😋 بمكونات موجودة عند الجميع 👍😎

بسكوت هش وطري بدون زبدة و بيض 😋😋 بمكونات موجودة عند الجميع 👍😎, معكم صديقة زاكي الشيف الموهوبة ,um.ameer

المقادير

  • كوب زيت ذرة
  • كوب حليب سائل … انا استعملت حليب ناشف وذوبتو بمي
  • كوب سكر
  • ٢ ظرف فانيلا … مو كتير … بلعكس … واعطت البسكوت طعم وريحة طيبة كتيير 😋
  • ١٤ غرام باكينغ باودر … يعني ظرف ونص
  • طحين … ما في كمية محددة بسبب اختلاف انواع الطحين +العجن … لكن اجماليلا بتحتاجي من٥-٧ اكواب

الخطوات

اول اشي بتحطي الزيت +الحليب + السكر + الفانيلا

وبتخفقيهم منيح لمدة دقيقتين تقريبآ ممكن ع الخفاقة الكهربائية وممكن بإيدك … بتخفقي لحتى يختلطو منيح والزيت يختفي …

بعدين بتبلشي تضيفي الطحين المنخول بلتدريج وتحركي … بيتكون عندك خليط بيشبه خليط الكيك … بتستمري بإضافة الطحين والتحريك … بعدين بتضيفي الباكينغ باودر وشوية طحين … وبتبلشي تعجني بإيدك … بنصحك هون بإنك تلبسي قلفزات نايلون … لانو العجينة طرية ورح تلزق بإيدك … ولو م عندك اللبسي كيس نايلون بس م تشتغلي بإيدك وتغلطي غلطتي 😭😂😂😂 بس بعدين عدلتها ههههه

بتبلشي تعجني … العجينة رح تكون طرية هتشفوها بلصور وبتستمري بلعجن لحد م تشوفي انها تماسكت وبطلت تلزق … لكن خليكي محافظة على طاروتها ولمعتها … لا تزودي طحين

بتريحها ١٠ دقائق هي مو بحاجة للراحة لكن هيك افضل …

هون بتشغلي الفرن ع درجة ١٨٠ م تستخدمي الرف الشبكي … وماتحطي الصنية تاعت الفرن بلوسط .. تحت الوسط خليها …

بعدين بتفرديها على سطح مرشوش بلطحين وكمية قليلة طبعا … وبتدهني الشوبك بشوي مشان م يلزق … وبتبلشي تشكلي وتزيني ع كيفك

انا كنت اجيب الحبة واحطها ع السكر الخشن … او جوز الهند … وفي حبات كنت اعملها بلزبيب .. وممكن شوكولا هيرشي …. وبتقدري ازا حبيتي تقسمي الخليط قسمين … وتحطي كاكاو على جزء والتاني تخليه ابيض …

بتحطيها بلصنية المدهونة زيت او ورق زبدة… خلي الزيت وفير شوي … بتخبزيها على درجة حرارة ١٨٠ مدة ٢٠ دقيقة من تحت او حسب فرنك … من فوق م بتحتاج كتير وقت للتحمير … انتبهيييي

بعدين بتطلعيها من الفرن لكن لا تلمسيه ممكن يتكسر لانو سخن … بتتركيه شوي … وبتبلشي تزيني ازا بتحبي … انا حشيتو بشكولاتة كل حبتين سوا … وممكن مربى … او بتسيحي شوكولا بحمام مائي وبتغمسي بس الوجه هون اشتغلي ع كيفك … وممكن تكتفي بدون تزين … قدميه مع كاسة شاي او نسكافيه 😋😋👍

وصحتيين وهنا جربوها وان شاءالله تعجبكم وتتدعولي …

ملاحظات: انا حكيت كتير بعرف … بس انا بصراحة اول مرة بنزل وصفة 😂😂🙊+ بتمنى الوصف يكون كافي وتزبط معكم وتكون طيبة + انا اول مرة بعملو اليوم … وزبط معي وكان بشهي 👍😋😎

بدي تشجعوني وتحطولي كومنتات حلوة وأي استفسار انا جاهزة …

رح احطلكم صور كتير لاني م بحب الوصفة بدون صور او بصورتين وبس 😂😂😅


عرض التعليقات (27)