وصفة كبسة صدور دجاج والوراك وصفات طعام رئيسية من زاكي

1 2٬617
كبسة صدور دجاج

كبسة صدور دجاج، تعد كبسة الدجاج من اشهر التي تعدها منطقة شبه الجزيرة العربية وخاصة
المملكة العربية السعودية، ويعد الرز المكون الأساسي لوصفة الكبسة بالإضافة الى الدواجن
او اللحم ويضاف اليها الزبيب والتوابل والمكسرات، تعد وصفة الكبسة وصفة ذات قيمة غذائية عالية فهي تحتوي على الكربوهيدرات والبروتينات ونسبة من السعرات الحرارية، بالإضافة الى فوائد الكبسة العديدة فللكبسة طعم رائع وتقدم في الكثير من المناسبات، نقدمها للكم اليوم متابعينا على منصة زاكي للطهي بصحبة صديقتنا المبدعة Sumaia Soso لتأخذنا في تفاصيل وصفة كبسة صدور الدجاج الرائعة واللذيذة.

 


متابعينا الكرام يمكنكم مشاهدة المزيد من وصفات الطعام الرئيسية من هنا على موقع زاكي للطهي.

 

والان لنبدأ متابعينا الكرام وصفة كبسة صدور دجاج.

 

مقادير وصفة كبسة صدور دجاج:

بصلة
فليفلة خضرا
بندورة
معلقة سمنة

كاسين رز
رشة زنجبيل
معلقة صغيرة بهار مشكل
معلقة صغيرة ملح
قطع صدور الدجاج
عود قرفة
حبتين قرنفل
اثنان من اللومي

للتلميع الدجاج:

زيت زيتون ودبس بندورة

سلطة الكبسة:

بصلة مع بندورة وفليفلة ودبس والقليل من الفليفلة وتوم فص واحد وملح وخل

طريقة تحضير وصفة كبسة دجاج:

– نحضر بصلة وبندورة كبيرة او تنين صغار ووحدة فليفلة بحط بالخلاط بصلة وفليفلة خضرا وبندورة رح اعطيكي عيارات لكاسين رز

– بعد ما تخلطين حطي معلقة سمنة بالطنجرة او اذا بدك زيت حطي معلقتين زيت وحطي الخلطة فوق السمنة وحركيهن بعدين حطي البهارات عليهن رشة زنجبيل ومعلقة صغيرة بهار مشكل ومعلقة صغيرة ملح وبعدين حطي قطع صدور الدجاج فوق الخليط وخليهن شي خمس دقائق ليصير لونن حلو.

– بعدين حطي اربع كاسات مي وعود قرفة وحبتين قرنفل وتنين لومي وخليهن على النار نص ساعة بعدين خدي الدجاج حطيهن بصينية والمي يلي على النار صفيها وخدي منها تلت كاسات مرقة وبس يغلو حطي كاسين رز طويل وخلي النار قوية عليهن ونغطيهم وبس تنشف المي حطي معلقة صغيرة سمنة على الوجه ونغطيها تلت ساعة على نار هادية وتحتا حديدة طبعا وبعدين حطي الدجاج بالفرن ودهنيهن بزيت زيتون ودبس بندورة كمية قليلة يعني بس مشان اللون وحطيهن وشعلي الفرن من فوق حتى يصير لونن حلو.

وانا بعمل صوص جنب الكبسة بصلة مع بندورة وفليفلة ودبس فليفلة نتفة وتوم فص واحد وملح وخل بالخلاط وصحتين وهنا

الى هنا متابعينا الكرام نكون وصلنا الى نهاية وصفة كبسة صدور دجاج، أتمنى ان تكون اعجبتكم،
الى اللقاء في وصفات اكل رئيسية جديدة على منصة زاكي للطهي.



متابعينا الكرام يمكنكم متابعة المزيد من وصفات الاطباق الرئيسية على منصة زاكي للطهي.

أيضا يمكنكم متابعينا الأعزاء متابعة صفحتنا على موقع تويتر لمشاهدة المزيد من وصفات الطعام.

عرض التعليقات (1)