عكوب باللبن

26 10٬831

عكوب باللبن

عكوب باللبن

عكوب باللبن

عكوب باللبن , معكم صديقة زاكي الشيف الموهوبة ,Mariam Ramadan

المقادير

  • كيلو عكوب منظف
  • كيلو ونص لبن نعاج
  • كيلو لحمة
  • زيت ذرة
  • ارز ابيض
  • ملح
  • فلفل اسود
  • رشة زنجبيل

الخطوات

اليوم طبخت طبخة صارلي عشر سنوات ما طبختها الا وهي العكوب

يوم الجمعة كنا بالغور بزيارة واحنا راجعين اشترينا شرحة عكوب صغيرة وطبعا العكوب معروف في بلاد الشام ومعروف انه مليان شوك وتنظيفه صعب جدا يعني اديكي بتهبرن بعد ما تنضفيه مع اني بالمقص نضفته وبعدين غسلته ونقعته بمي وملح حتى ما يسود .

سلقت اللحمة عادي زي اي لحمة مع راس بصل ورشة ملح وفلفل اسود

صفيت العكوب وقليته بزيت ذرة وصفيته من الزيت بورق المطبخ واضفته للحمة بس استوت وتركته يغلي لحتى استوا

خفقت لبن مخيض مع لبن نعاج بالخلاط واضفتهم للعكوب واللحمة وتركتهم يغلوا مع بعض ع نار هادية

فيكي تضيفي توم للطبخة وكزبرة لو حبيتي حسب الرغبة لكن انا ما ضفت لا توم ولا كزبرة

وبيني وبينكم هالطبخة ما بتستاهل غلبتها ابدا ،يعني الزهرة بلبن والفول بلبن اطيب منها بس قلنا تذويقة كل عشر سنين ما في مشكلة 😄😄😄😄 خصوصا الاولاد ما بحبوها

وكل موسم وانتوا بخير

#عكوب ام نضال

عرض التعليقات (26)