سمك محشي و مشوي

27 6٬139
 

سمك محشي و مشوي

سمك محشي ومشوي

سمك محشي و مشوي

سمك محشي و مشوي , معكم صديقة زاكي الشيف الموهوبة ,Mariam Ramadan

المقادير

  • سمكتين وزن كل سمكة 2كيلو
  • 4 حزم بقدونس
  • راس توم
  • زيت زيتون
  • ملح
  • شطة
  • بطاطا
  • ليمون

الخطوات

بنغسل السمكة منيح تحت الحنفية بماء غزير

بنرش ملح على السمكة من الخارج والداخل وبنعصر عليها ليمون من الداخل والخارج وبنتركها شي ساعتين

بنغسل حزم البقدونس ونحطهم بمصفاية يتصفو وبنفرمهم فرمة وسط وبندق التوم مع الملح وبنضيفه للبقدونس وبنضيف الشطة وزيت الزيتون

بنجيب صينية بطول السمكة وبنفرشها بورق القصدير وبنحط السمكة فيها وبنحشيها من الداخل بحشوة البقدونس وفيكي تضيفي حول السمكة شو ما بتحبي ،ممكن تحطي شرحات بطاطا وليمون وممكن فليفلة وبندورة زي ما بتحبي ،لكن انا ما بفضل البندورة مع السمك والناس اذواق ، وبنحطها بالفرن بالرف الوسط وبنتركها مكشوفة لمدة ساعة او اقل ع نار وسط تقريبا وبس تستوي بنطفي الفرن وبنشغل الشواية بدون ما نحرك صينية السمك يعني بتضل بوسط الفرن

ويقدم مع البطاطا المقلية والبقدونسية وهي عبارة عن بقدونس مفروم وسنين تون وشوية فلفل اخضر ورشة ملح وعصير ليمون وطحينة وبنخلطهم منيح ..وسلطة بطحينة .وتتبيلة فلفل وتوم بالليمون والطحينة

وصحة وهنا

#سمك مشوي ام نضال


عرض التعليقات (27)