قواربي العملاقة و كرواسون ملكة المعجنات

13 3٬432
 

قواربي العملاقة و كرواسون ملكة المعجنات

ملكة المعجنات

قواربي العملاقة و كرواسون ملكة المعجنات

قواربي العملاقة و كرواسون ملكة المعجنات, معكم صديقة زاكي الشيف الموهوبة ,Alaa Abdullah Lolla

المقادير

  • طحين
  • سكر
  • زبادي
  • حليب
  • خميرة
  • مية

الخطوات

قواربي العملاقة 😁 و كرواسون بعجينة مورقة عملتها من نفس العجينة

معجنات خفيفة و طيبة كتير 😍😍

هادي  عجينة سريعة ما بتاخد وقت ابدا

مية دافية تقريبا كاستين الا ربع و ملعقتين كبار خميرة

و اربع ملاعق كبار حليب بودرة

و ملعقتين كبار زبادي

و فنجان صغير سكر و نفس الفنجان زيت

و كاسة طحين خلطتهم كلهم سوا و غطيته و تركته ربع ساعة بعدين ضفت عليهم ملعقة صغيرة ملح و بياض بيضة و خليت الصفار لدهن المعجنات قبل الخبز

و ملعقة خل حركتهم  و صرت اضيف طحين شوية شوية لين ما صارت العجينة تمام تقريبا اخدت معي ما بين 3 كاسات و نص و أربعة و بالآخر اخدت مكعب صغير زبدة و دخلته بالعجين تماما و دهنت الوجه شوية زيت و غطيته و تركته تقريبا 20 دقيقة

اما بالنسبة للعجينة المورقة قطعت كرات من العجينة بنفس الحجم و رقيت كل كرة بالطحين و نفضت الطحين الزايد و دهنت وجه الاولى بخليط من الزيت و الزبدة و حطيت التانية و دهنت الوجه كمان بعدين حطيت عليهم  التالتة و ما دهنت وجهها شي و فردتهم  و قطعتهم مثلثات و حشيتهم بخلطة جبنة و لفيته ع شكل الكرواسون و صفيتهم بالصنية و تركتهم يرتاحو بعدين دهنت وجه كل وحدة بخليط الدهن اللي هو صفار  البيضة مع خل و رشة نسكافيه و حطيت سمسم و ع الفرن

و حشوة  القوارب 😁

قلبت بصل شرايح بشوية زيت ثواني بس و ضفت باقي المكونات سن توم  مفروم و فلفل أخضر شرايح و زيتون أخضر و ملعقة دبس فليفلة و ملعقة دبس بندورة و ملح و شطة و شوية بهارات و نقانق قلبتهم ثواني و بس طيبة و سهلة

حشوة الكرواسون خليط من كنت نوع جبنة و حطيت فلفل أحمر و بقدونس ناشف و نعنع ناشف

و بالعااافية

Alaa Abdullah Lolla 😊😊


عرض التعليقات (13)