img
الرئيسة / كيكات / طريقة كيك بشكل جديد وحشوة مميزة

طريقة كيك بشكل جديد وحشوة مميزة

/
/
/
3123 مشاهدات

 

طريقة كيك بشكل جديد وحشوة مميزة

كيك بشكل جديد وحشوة مميزة

طريقة كيك بشكل جديد وحشوة مميزة

طريقة كيك بشكل جديد وحشوة مميزة , معكم صديقة زاكي الشيف الموهوبة ,rose

المقادير

  • كيك شوكولاتة
  • كيك فانيلا
  • بسكويت شوكولاتة
  • بسكويت بنكهة الفانيلا او الفراولة
  • كريمة خفق 2 باكيت
  • قشطة
  • 2ملعقة صغيرة جيلاتين واذا ما اتوفر الجيلاتين ممكن جيلي بالنكهة اللي بتحبيها
  • جبنة كريمية او جبنة مثلثات او كيري
  • للتزيين :
  • فتات الكيك او بسكويت مطحون
  • صوص فراولة
  • صوص كراميل او صوص شوكولاتة
  • قطع فراولة
  • كريمة فانيلا
  • كريمة شوكولاتة

الخطوات

نجهز الكيك في صواني دائرية (انا اعملت صينيتين وحدة بيضا بنكهة الفانيلا ووحدة بنكهة الشوكولاتة .)

بعد مايبرد الكيك نقسمه من النص وبنجيب جاط مجوف وبنحط بلاستيك التغليف في قاعه وبنحط نصف الكيك

وبالمعلقة بنشربه شوية حليب سائل او نسكافيه

بعدها بنحضر الحشوة وهي نفس خلطة التشيز كيك

( بنخفق كريمة وقشطة وجبنة وبندوب الجيلاتين بماء دافي )

بعدين بنضيف نصه فوق الكيك اللي بالجاط وبنصف بسكويت شوكولاتة او بسكويت بنكهة الفانيلا

انا اعملت جاطين واحد بكيك الشوكولاتة وحطيت على خلطة التشيز كيك نسكافيه وحطيت نص الخلطة فوق الكيك وصفيت بسكويت شوكولاتة وصبيت باقي الخليط وغطيته بنص الكيك التاني

والجاط التاني حطيت فيه نص كيك الفانيلا وسقيته شوي بالحليب وحطيت فوقه نص خلطة التشيز كيك وصفيت بسكويت محشي بنكهة الفراولة وبعديت حطيت على نص الخلطة التاني نكهة فراولة وصبيتها فوق البسكويت وغطيتها بنص الكيكة التاني بعدين غلفتها بالنايلون وضغطت اشوي ليتماسكوا سوا ورفعتهم بالتلاجة لتاني يوم

بعد هيك التزيين اختياري

استخدمت كريمة مخفوقة وقطع فراولة وفتات بسكويت

وصوص فراولة

طريقة صوص الفراولة :

2كاسة سكر مع كاسة ماء على النار لحد ما يعملوا رغوة

بعدها بدوب ملعقة نشا مع نص كاسة ماء وبضيفهم عالقطر مع التحريك وبضيف عصير فراولة بودرة او نكهة الفراولة وبنتركه يبرد وبنصب فوق الكيك

يارب تكون الوصفة عجبتكم

♡وصحتين وعافية ♡


37 تعليقاً

  1. ام عمر …ام عمر عدنان يعني هي بدها شغل عن الكيك العادي بس والله خفيفة وكتير طيبة جربوها ♡♡♡

  2. ممكن بدل خلطة التشيز كيك تعملي خلطة كاسترد وتخلطي معها بسكوت وتصبيها عليها وفيكي تضيفي هالكسترد كاكاو بتصير بنكهة الشوكولاتة وممكن تعملي مهلبية وتضيفي معها جوز هند وتصبيها عالكيك

اترك تعليقاً

لن يتم نشر عنوان بريدك الإلكتروني.