img
الرئيسة / مرجعك لشهر رمضان / حلويات رمضانية / كيكه الكاكاو وكرات جوز الهند الملونه ملكة تحضيرات رمضان

كيكه الكاكاو وكرات جوز الهند الملونه ملكة تحضيرات رمضان

/
/
/
3595 مشاهدات

 

كيكه الكاكاو وكرات جوز الهند الملونه ملكة تحضيرات رمضان

كيكه الكاكاو وكرات جوز الهند الملونه مسابقه ملكه تحضيرات رمضان

كيكه الكاكاو وكرات جوز الهند الملونه ملكة تحضيرات رمضان

كيكه الكاكاو وكرات جوز الهند الملونه ملكة تحضيرات رمضان , معكم صديقة زاكي الشيف الموهوبة ,رشا رشا

المقادير

  • كوبين طحين
  • كوب زيت
  • كوب الا ربع سكر
  • اربع بيضات
  • معلقتين صغار فانيلا سائل
  • رشه ملح
  • معلقتين صغار بيكنج باودر
  • كوب الا ربع حليب سائل
  • ثلاث معالق كبار كاكاو بودره
  • معلقه صغيره خل ابيض

الخطوات

بنخفق السكر والزيت بواسطة االخلاط الكهربائي وبعدين بنضيف الحليب والكاكاو وبنستمر بالخفق لما يذوب السكر تماما وبنشيل منو كاسه للتزيين وبعد هيك بنضيف البيض إلى الخليط وحده وحده مع استمرار الخلط وبعدا بنضيف الفانيليا وفي وعاء أخر بنخل الطحين والباكنج باودر ورشة الملح وبنضيفهن تدريجيا للخليط وبنستمر بالتقليب لما يمتزج الخليط منيح بندير خليط الكيك في صنية مدهونة بالزيت وبندخل صينيه الكيك للفرن على درجة حرارة 180 لمدة تتراوح ما بين 35 إلى 40 دقيقة.

ويخرج من الفرن وبس يبرد بنزينو بصوص الشوكولاه

وكرات جوز الهند

طريقه عمل كرات جوز الهند الملونه

المقادير

نص كوب فستق مجروش خشن

نص كاسه قطر ثقيل

كاسه جوز الهند تقريباا

معلقه صغيره فانيلا سائل

صبغه طعام ملونه

الطريقه

بنخلطهن مع بعض منيح لما يسهل علينا تشكيلهم وبنقسمهن عده اقسام وبنلونهن بالوان الصبغه الي بدنا ياها وبنشكلهن وبنحطهن ساعتين بالثلاجه يتماسكو وبنقدمهن او بنزين فيهن الكيك والف صحه وهناا يا رب يعجبوكو

تحياتي الكم صديقتكم رشا ام احمد


45 تعليقاً

  1. يسلمو اديكي يا رشا شو هل منظر هاد بجنن وبشهي يا ويلي 😋😋
    بس ياألبي ما عليكي امر عطيني طريقة جوز الهند لملون 🌹🌹

  2. اسف رشا صح انتي كا تبيتها الشبكة ضعيفة عندي كانت ما طلعو بلاول خلص يا عمري شففت الطريقة

  3. حرام عليكي يا رشا انا عامله رجيم 😣😣😣😣😣احسن حل انام واحلم اني اكلت منهم😋😋😅😂😂

  4. تسلمولي حبيباتي على تعليقاتكم الحلوه متل عيونكم الله لا يحرمني منكم كل الاحترام كلكم جميعاا 😍😘😍
    وكل عام وانتو بخير ورمضان كريم
    😙😙😙
    حبيبتي سوزي خربيلك نظام الرجيم شوي هههه وبترجعي تواضبي ههههه 😍😘😍

  5. رورو شبول هلا حبيبتي طريقه جوز الهند مكتوبه يلي بالصحن الاخير نفس الشي
    بتضيفي صبغه الوان لجوز الهند والقطر وبتعجنيهم لما يتماسكو ويسير سهل تشكيلهم وبتفرديهم مستطيل كبير وبتحشيهم بالفستق وبتلفيها رول ا وبتحطيهم بالثلاجه يتماسكو وبتقسميهم بسكينه متل مبدك الحجم ال بتفضليه ان شاء الله وصلتلك الفكره وانا جاهزه اشرحلك ازا بدك كمان ولا يهمك 😍😘😍

اترك تعليقاً

لن يتم نشر عنوان بريدك الإلكتروني.