فلافل وحمص وخبز شغل البيت

20 5٬570
 

فلافل وحمص وخبز شغل البيت

فلافل وحمص وخبز شغل البيت

فلافل وحمص وخبز شغل البيت

فلافل وحمص وخبز شغل البيت , معكم صديقة زاكي الشيف الموهوبة ,Mariam Ramadan صباح الخير لاحلى جروب خبزاتي يا خبزاتي ما اطيبكم مع فلافلاتي وحمصاتي جهزت اليوم فلافل شغل البيت وحمص .واكيد عجنت عشان ما في اطيب من خبز البيت السخن مع الفلافل طبعا ما صورت السفرة .صورت الحمص والفلافل قبل القلي وصورت الخبز …لانه الهدف التعليم

المقادير والخطوات

الطريقة

نقعت كيلو حمص حب من الليل للصبح وطبعا غسلت الحمص منيح قبل النقع وحطيت معلقة كربونات الصوديوم

الصبح زليت المي عنههم وفرمت ثلثين الكمية للفلافل وخليت ثلث للحمص ..

طبعا الفلافل بفرمه على ماكنة اللحمة وبفرم معه حبتين بصل متوسطة الحجم و4 فصوص توم وحبة فلفل حلو وكم عرق بقدونس ..ما بكتر بقدونس عشان ما يسود الفلافل بالقلي

وبملحهم وبحط كمون وقرنفل مطحون وفلفل اسود وكزبرة ناشفة ..وبغلفهم وبحطهم بالثلاجة ..ولما بدي اقلي فلافل بطول الكمية اللي بدي اياها وبحط معها معلقة كربونة صغيرة وممسوحة وبخلطهم منيح وبتركهم عشر دقايق وبعدين بقليهم

الحمص

بسلقه ع النار لحتى يستوي ع الاخر

بحطه بالخلاط الكهربائي مع عصير الليمون ورشة ملح ومعلقة لبن وبخفقهم لحتى يصيروا زي الكريمة .بحطهم بجاط وبحط عليهم طحينية وبخلطهم منيح وبدوقهم لاشوف شو ناقصهم .ممكن يحتاجو شوية ملح او ليمون او طحينة

المهم انتي بتقدري هالشي بالذواق ..

العجين

كيلو طحين ابيض

معلقة خميرة كبيرة مذوبة بفنجان ماء دافي ومعلقة سكر

معلقة حليب جاف

فنجان صغير زيت ذرة ورشة ملح وبتخلطيهم كلهم مع بعض وبتعجنيهم بماء دافي .وبتحطي ع الوجهة زيت زيتون وبتغطيهم بنايلون وباي شي دافي

ولما يختمروا بتقطعيهم وتتركيهم يرتاحو وبعدين ترقيهم وتتركيهم يرتاحوا وبعدين تخبزيهم بالفرن على حرارة عالية

وصحة وهنا يا هوانم

#فلافل وحمص وخبز ام نضال

عرض التعليقات (20)