برياني الدجاج

12 7٬379
 

برياني الدجاج

برياني الدجاج 😍😍

برياني الدجاج

برياني الدجاج , معكم صديقة زاكي الشيف الموهوبة ,aseel-foodies

المقادير

  • ٢ حبة بصل
  • حبة زنجبيل طازج مبشور
  • راس تومه مهروس
  • ٦ حبات فليفله ملونه
  • قرن فلفل حار
  • ٦ حبات بندورة
  • ٢ ملعقة رب بندورة
  • حبة بطاطا مقطعه مكعبات
  • بهارات :كاري +برياني + كركم +, ملح +تومه باودر +بصل باودر + فلفل اسود “
  • ملعقة صغيرة دبس الرمان
  • ملعقة صغيرة خل
  • زيت نباتي
  • صبغة ل تلوين الرز
  • نص كاسة لبن

الخطوات

بتبل الدجاج قبل بساعتين ب بهارات كاري وبرياني وكركم ورشة ملح وملعقة الخل وملعقة زيت زيتون .

لعمل تتبيلة الرز : بقطع البصل شرائح وبهرس التومه والزنجبيل المبشور وبتبلهم عالغاز ب زيت النباتي مع رشة ملح وفلفل اسود و تومه باودر وبصل باودر

بعد ما يتبلوا منيح بفرم عليهم فليفله ملونه شرائح رفيعه بعدها بحط البطاطا المقطعه مكعبات والبندورة مقطعه حجم كبير وبحط فوقهم نص كاسة اللبن ع نار هادئة وبحط بهارات كاري وبرياني و كركم ورشة ملح وملعقة دبس الرمان وملعقتين رب البندورة وبحط الدجاج المتبل مع الخلطه عالغاز مع نص كاسة صغيرة مي ادا احتاج الأمر بخليه يغلي شوي بعدين بوطيه عالاخر مدة ساعه ل يستوي الدجاج .

بس يستوي الدجاج بشيله وبخزقه شوي وبدهنه بمرقة. الخلطه وبحمره بالفرن

وبخلي الخلطه عالغاز ل تنشف ميتها منيح

بسلق رز البرياني بوعاء اخر وبآخر استواء للرز بحط الصبغات الالوان الي بتحبيها وبحركها ل يتلون

بعدها بوعاء التطبيق بحط طبقة رز بعدين طبقه خلطه وهكذا ل تخلص الكمية

وبحطه عالغاز ع نار هادئة جدا مدة خمس دقائق تقريبا ل يصبح الوعاء ساخن تقريبا

ويزين باللوز أو الصنوبر أو الزبيب وصحه وهنا

عرض التعليقات (12)