جرائم الكترونيه الجزء الأخير بقلم هلا غرابلي

15 7٬253
 

جرائم الكترونيه الجزء الأخير بقلم هلا غرابلي

جرائم الكترونيه بقلم هلا غرابلي

جرائم الكترونيه الجزء الأخير بقلم هلا غرابلي

جرائم الكترونيه الجزء الأخير بقلم هلا غرابلي, معكم صديقة زاكي الشيف الموهوبة ,كريمة الجزائريه
سلام :بتول…..سلفتي بتول …ولله ما عم صدقسامر:العمى بقلبا هالكلبة ،هي يلي عاملة هيك …ماشي اخي يعطيك العافية …مشي سلام

سلام(تبكي):ليش عملت هيك ،كنت معتبرتا متل اختي

سامر: خلص ما تبكي ام السوس.. لو زوجك ما زبالة و ما رخيص ما كان تركك فورا و راح يتزوج و هاي حسابا عنا بس كيف رجعت اخدتو ؟

سلام:انا فتت على محل الساعات اشتري ساعة ل ليث و هي فجأة قلتلي انا واصلة بس عبي وحدات و برجع ما بطول

سامر:طب من وين حضرو المصاري فورا؟

سلام:ما بعرف انا كنت قايلتلا انو بدي بيع موبايلي قبل بيوم و قلتلي بروح معك انا لانو لازمني كام غرض الي من السوق

سامر:ايوااا مخططة كل شي يعني من قبل الله يلعنا

طلعنا بالسيارة و رجعنا على البيت و خبرت اهلي ،انصدمت امي كتير و وقت سمع لؤي جن

لؤي: انا رايح

سلام :لوين ؟

لؤي:بدك اياني ضل قاعد بعد ما عرفنا هالشي بدنا نروح نردلك اعتبارك قدام العالم كلا ، رح نروح نجيب موبايلك و نفضحا لزوجا و بيت حماها ،يعني بدنا نخربلا بيتا بالمختصر ، و بما انو الليلة عرسو للعريس منضرب عصفورين بحجر

سلام: طب خليها لبكرا

لؤي:لا اليوم فار دمي ما بقدر انطر لبكرا

سلام:ما فيني روح معكن انا ؟

لؤي:لاااا خليكي هون ما بدي يشوفك هالكلب ولله لخليك يبوس رجليكي ليرجعلك

سلام:طب بروح و بقعد بالسيارة بس بحال انكرت انو ما كانت معي انا بواجهها و نفسي شوف ملامح وجهو وقت يعرف الحقيقة

لؤي:طيب

ام سامر:امي ولله انا خايفة عليكن لا سمح الله تعلقو و تضاربو ،انا برايي نبلغ الشرطة و هي بتتصرف او تروحو و تاخدو معكن الشرطة و هي بتفتش بيتا و بطالع موبايلا

لؤي:رح ياخد البلاغ معنا وقت كتير و لبين ما الشرطة تتاكد بكون وصلن خبر و منخاف تكسرو للموبايل و تكبو لهيك انا بدي روح بالاول فشكلو العرس و جيب الموبايل و بعدين منقدم منرفع دعوى عليها

طلعنا بالسيارة انا و لؤي و سامر و قبل ما نتابع عند بيت حمايي ،مرينا و اخدنا اياد معنا ليشهد بانو بتول هي يلي كذبت على لساني و رجعت اخدت الموبايل ،و بعدينا تابعنا على بيت حمايي ،اول ما وصلنا شفنا عجأة رجال ،كانو عم يزفو ليث ،و انا شفت المنظر و ما قدرت امسك اعصابي وبلشت ابكي و ادعي على سلفتي يلي كانت السبب بخراب بيتي

لؤي:ولله انا ما كان بدي تجي كرمال هالموضوع بس ،نحن نازلين خليكي بالسيارة و ما تنزلي الا اذا ناديتلك

سلام:ماشي بس لؤي امانة ما تضربو بعض ،حكون بهدوء

نزلو اخواتي و اياد و بقيت انا بالسيارة ، عم اطلع من بعيد ،شفت اخواتي دخلو بين العجأة و بعدين ما عاد شفتن ،كنت قاعدة على اعصابي و خايفة يصرلن شي ،بعد شوي وقفت الزفة و خفت العجأة ،شفت اخواتي واقفين مع ايمن و اولاد عمو و معن ليث يلي كان لابس بدلة عرسنا ،بعدين ركض ليث لجوا و لحقو ايمن ، بعدين اجا سامر من بعيد و اشرلي بايدو انزل ،مسحت دموعي و نزلت من السيارة و لحقتن

سلام:شو صار ؟شو قلتولن

سامر : قلنالن كل شي

لؤي: قلتلو اطلع قلا لمرتك تنزل الموبايل متل ما هو و بدون ما تحذف منو شي لانو كل شي ببين و معاها ربع ساعة بس و الا رح نجيب الشرطة و رح تاخدا قدام الناس كلها و تحقق معا و تهمتا كبيرة تشويه سمعة و تشهير وخرب علاقة زوجية و هون الشاب شاهد عليها و في غيرو شابين كمان و الاهم في كاميرا بالمحل يعني مصورتا لمرتك وقت رجعت اخدتو ،يعني ما في مجال لتنكر ،اعطونا الموبايل و تابعو عرسكن حتى ما نقلبو لعزا ،قام قلو ليث لايمن انا طالع على بيتك بدي دور عالموبايل و هداك لحقو

سامر :انشالله يلاقوه

سلام :يا رب

بعد نص ساعة سمعنا صوت علقة رجال و نسوان ،كانت بتول عم تاكل اتلة من زوجا و شفناها طالعة على بيتا لفوق و زوجا ماسكة من راسا ،التمت الناس تتسمع و تتفرج علين ،وقفنا ناطرين برا اكتر من نص ساعة بعدين طلع ليث من البيت ،كان ليث شالح جاكيت البدلة و الكرافيت ، انقلب حالو فورا ،صار شعرو منكوش و عيونو حمر و وجهو احمر

ليث : تفضلو

لؤي:يا هلا ولله …هات لايدي لشوف

مسك الموبايل اخوي لؤي ،فتحو فورا على الاستديو ،انا وقفت جنبو ،ليكن هدول الصور

سلام :لؤي شوف اذا منزلة الفيس عليه و حاطة الحساب يلي نشرت منو الصور

لؤي:ايييه يلا

كان واقف ليث و خجلان و موطي راسو على الارض

لؤي : ليكو ….شوف بعينك

حط الموبايل قدامو ل ليث

لؤي :عرفت مين هلأ القيصر ماجد ، بتكون مرة اخوك ،وقت اخدتا لاختي ما كنت بتعرف شو هي و شو تربايتا ،من اول مطب بحياتك رميتا و تخليت عنا يا حيف على الرجال بس

سلام:يلا خلينا نمشي حتى يكفو العرس

سامر : الله يلعنا الهي ،ولله ما رح نسكتلا

لؤي:يلا سلام منلتقي بالمحاكم

رجعنا على محل ما صافين السيارة و طلعنا فيها ، و وقت كان لؤي عم يدور بالسيارة ،شفنا العروس طالعة من بيت حمايي

لؤي :شكلو تفشكل العرس

سلام :لحظة لحظة لؤي …ماتمشي ….لك مو هاي ….ولله ما عم صدق عيوني ..العروس.اختا لبتول بسمة

سامر:اه لهيك عملت كل هاللعبة بدا تزوج اختا ل ليث

لؤي:يلا الاتنين لايقين لبعض كتير

نحن و واقفين بالسيارة و عم نشوف من بعيد شو عم يصير ،كانت العروس واقفة عم تبكي هي و بتول حالتا بالغلبة و جنبن امن و ناطرين سيارة لتجي تاخدن ،كان شكلن مقلعين ،كان نفسي انزل اضربا و ابزق بوجها بعدين بلشت المعازيم يطلعو من بيت حماييي واحد ورا التاني ، شافتني صبية من بعيد و اشرتلي

لؤي:مين هاي يلي عيونا ثاقبين كل هالقد و شافتنا على بعد كيلو متر

سلام :هاي بنت عمو ل ليث سارة ،بس هاي مقيمة بدبي ما هون

لؤي:ليكا جاي لعنا

سارة :مسالخير

سلام : مسالنور اهلين سارة

سارة :شو في شو صاير انا مبارح وصلت و تفاجأت ولله وقت انعزمت على عرسو ل ليث ،ايمت اطلقتو و ايمت لحق خطب

سلام :قصة طويلة بس صارت الامور بسرعة كتير

سارة :يالله شي ما بيتصدق ،رح مر عليكي بهاليومين و اسمع منك كل شي

سلام :اهلا و سهلا

سارة:يلا انا لازم روح باي

سلام: يلا خلينا نمشي …لؤي …لؤي …

سامر:هههههه صار خارج التغطية سوق عمي سوق

لؤي:اييه شبكن ماشي ،سلام هاي اول مرة بشوفا لهل البنت

سلام : اي قاعدة بدبي هي و اهلا ،و بتجي كل صيفية بتقعد شهر و بترجع لهيك ما شفتا

لؤي:ايواا حلوة كتير بس لو ما بتكون بنت عمو لهل الواطي بس

رجعنا على البيت و تاني يوم رحنا عند المحامي انا و اخي لؤي لنرفع دعوى على بتول بتهمة التشهير و تشويه سمعة بس تفاجئنا وقت قلنا المحامي انو هيك جرائم ما الها عقاب ببلدنا ،هاي تعتبر جرائم الكترونية و لحد الان ما في الها نصوص او احكام و المبدأ بقول انو ما في جريمة او عقوبة بدون نص قانوني و بحالة الانترنت صعب كتير اثبات اي جريمة على اي حدا ،طلعت من عند المحامي انا و عم ابكي لانو بتول عملت يلي عملتو و ما قدرت عاقبا بس اخي لؤي قلي ارفعي الدعوى لعند القاضي العادل يلي ما بضيع حق حدا و قولي حسبي الله و نعم الوكيل و رح ياخدلك حقك لو بعد سنين و نحن راجعين على الطريق بالسيارة و داخلين على الحارة وقف اخي شوي ليحكي مع رفيقو

تاني يوم بالليل الساعة 2، كنت نايمة بغرفتي ،فقت على صوت واحد بالحارة عم يصرخ ،قمت حطيت الروب علي و بجية امي و اخواتي الشباب ،طلعنا كلنا على البرندة

ليث(يبكي ): سلاااااااام ….يا سلاااام

كان واقف ليث بالحارة و سكران و عم يبكي و عم ينادي باسمي

لؤي:ولا شو عم تعمل تحت ، حاج تجعر و روح من هون احسن ما انزل ادبك عليك

سامر:طول بالك هادا مطفي على الاخر انا بنزل بحكيه ليك الناس بلشت تطلع على برنداتا تتفرج علينا

نزل سامر ليحكي ليث

ليث:بعد عني ….انا جاي اخد مررررتي .

سامر:روح من هون و بكرا بالنهار منحكي

ليث:ماااا راييح قبل ما اخدا ….سلاااااام انزلي ..سلااااااام …انااا بحبببك انا عم بموت بلاكي

سامر :طيب و هي بتحبك بس روح من هون و حاج فضايح

ليث:عم قلك ما رايح قبل ما اخداااا معي …سلاااااام تعي ..زتي حالك انا بسلقاكي ..يلا

لؤي:انا يلي بدي زتك باقرب حاوية انطرني نازلك

ام سامر:امي الله يخليك الله يرضا عليك ما بدنا مشاكل

لؤي:لك امي بعدي من وجهي ما شايفة لم الناس علينا بدي انزل خربطلو ملامح وجهو فار دمي

ليث:سلاااااام ….سوسو …سوسيتي ….اشتقتلك

سلام :طول بالك خلينا نحكي اخوه ايمن يجي ياخدو

ام سامر:اي زينة العقل

دقلو لؤي لايمن و فيقو من النوم و قلو تعا خود اخوك من تحت بيتنا لم العالم علينا

ليث (يبكي ) : سلااام ….يا روحي انت …انا ضعت بدونك انا متل الولد الصغير بلاكي ..انزلي …بيتك اشتقلك و انا اشتقتلك ….سلااااام …انزلي قبل ما اطلع انا احملك و نزلك

لؤي:ليش انت قادر تحمل حالك

ام سامر:فوتو امي ، هلأ بجي اخوه بياخدو

فتنا جوا و طلع سامر و ضل ليث برا يحكي و ينادي حتى اجا اخوه بالسيارة

ليث:اتركني عم قلك ….مااا رااايح …مرتك العقربة هي السبب …الله ياخدا و ياااخدك …لك بعد عني ….سلاااام …بوس ايدك ارجعيلي

بعد شوي سمعنا صوت سيارة ايمن مشيت و ما عاد سمعنا صوت ليث ابدا ،رجعنا نمنا ،بس نمت انا و عم ابكي على الشي يلي وصلنالو انا و ليث ، تاني يوم اندق باب بيتنا ،رحت فتحت الباب و شفت شاب واقف على الباب و حامل معو بوكيه ورد

الشاب:مرحبا هون بيت سلام ….

سلام:اي

الشاب :انت سلام ؟

سلام:ايه

الشاب:تفضلي هيدول الك

سلام:مين حضرتك؟

االشاب:انا شاب توصيل من محل ازهار لميس

سلام:من مين هدول ؟

الشاب:مكتوب على الكرت

سلام:ماشي يعطيك العافية

فتت و سكرت الباب ،فتحت الكرت ،كان مكتوب عليه

أحبك جداً

وأعرف أن الطريق إلى المستحيل طويـل وأعرف أنك ست النساء وليس لدي بديـل وأعرف أن زمان الحنيـن انتهى ومات الكلام الجميل أيا امرأة تمسك القلب بين يديها ،سألتك بالله لا تتركيني

لا تتركيني فماذا أكون أنا إذا لم تكوني

أحبك جداً

وجداً وجداً

ويرفض ليث من نــار حبك أن يستقيلا

وهل يستطيع المتيم بالعشق أن يستقيلا…

وما همني

إن خرجت من الحب حيا

وما همني

إن خرجت قتيلا

دمعو عيوني انا و عم اقرأ لاجت امي

ام سامر:شو هدول ؟

سلام:خدي شوفي و اقرأي

ام سامر:….امم هلأ حس بقيمتك مين جبلك اياهن

سلام:شاب من محل الورد

ام سامر:شو في بالاكياس هدول ؟

سلام: ما بعرف يلا رح افتحن

فتحت اول كيس ، شفت فيه صندوق ،فتحت الصندوق كان فيه اوراق ورد و علبة شوكلا

سلام: هههههه خدي دوقي….بيعرفني بحب الشوكلا السادة

ام سامر :شايفتك مبسوطة

سلام :انا ..لا بس انو عم اضحك عليه بس يعني

فتحت الكيس التاني و شفت فيه علبة بارفان

سلام: سكادا..حلوة …شمي

ام سامر:ضبي الاغراض و ما تفرجين لاخواتك و الا بخلصو عليه

سلام:ايه اكيد رح ضبن

فتت على غرفتي و ضبيتن انا و عم اضحك بس تذكرت شو عمل فيني ليث و الضرب و الاهانة و الفضايح ،رجعت ابكي لانو حسيت انو جرحني من جوا و قلبي ما صفي عليه ابدا و ما ممكن انو يصفي عليه مع الايام ،و العصر اجت عندي بنت عمو سارة و حكتلا كل شي صار بيني و بين ليث و خبرتني انو سمعت ليث جانن و ندمان كتير و ما عارف كيف بدو يرجعك و انو عم يطلقا لبسمة اختا لبتول و بتول عند اهلا و موصلة للطلاق بينا و بين ايمن ،اخدنا ارقام بعض وبعدين قلتلي تاخر الوقت انا لازم روح و هي واقفة على الباب عم تودعني اجا اخي لؤي ،سلم على سارة و وقف شوي ،اطلعت فيه و ضحكت

سلام:امك جوا

لؤي:…ايه فايت

راحت سارة و سكرت الباب و فتت ،حكتلن لاهلي شو حكتلي سارة عن يلي صاير بعيلة بيت حمايي ،تاني يوم دقلي ليث على موبايلي ،،ما رديت عليه ،رجع دقلي بحدود العشرين مرة ،بالاخير رديت

سلام:الو

ليث:سلام..كيفك

سلام:منيحة كتير من وين جبت رقمي الجديد ؟

ليث:جبتو من سارة بس ما مهم ،المهم انا لازم شوفك و نحكي

سلام :مستحيل و لهون ما بقا ترجع دقلي و الا ولله بقلن لاخواتي و هن بيتصرفو معك فورا

ليث:اسمعيني بس ولله انا غلطت بحقك و ما توقعت تكون هيك الامور يعني يلي صار بيناتنا سوء فهم بس و بتول هي خربت حياتنا و انا قلتلو لايمن اذا ما بطلقا انا لا اخوك و لا بعرفك ،قليلي شو بدك اعملك حتى تسامحيني و ترجعي لبيتك ،ولله العظيم من اول يوم عرفت فيه و انا كل يوم عم ببعت حدا شكل لاخواتك ليقنعون برجعتي الك و هن راكبين راسن …

سلام:انا بمشي متل ما بدن اخواتي لانو هن الوحيدين يلي وقفو جنبي اما انت رحت صدقت فورا

ليث:اي رجال بمحلي رح يعمل يلي عملتو انا و هالشي من كتر حبي الك ما عاد شفت قدامي ولله و فقدت السيطرة على اعصابي،اعطيني فرصة تانية

سلام:مستحيل ،مستحيل انسى شو عملت فيني و رحت تزوجت فورا بعد اسبوعين و عملت عرس و زفة يا ليث انت طلعت ما رجال و انا بدي رجال ،لهون ما بقا ترجع تتصل الله معك

سكرت الخط بوجهو ،رجع اتصل فيني كتير و ما رديت عليه ابدا ،تاني يوم اندق باب بيتنا ،رحت افتح ،ما لقيت الا وحدة فاتت و وطت على رجلي تبوسن

……

سلام:بتول ..قومي

بتول:بوس ايديكي و رجليكي ارجعي لزوجك ولله ايمن رح يطلقني و عم يدور على عروس و بدو يتزوج علي

بعدت عنا و هي ماسكة برجلي

سلام:انت كيف الك عين تجي لهون بعد يلي عملتيه فيني وحدة بلا اخلاق و مبادئ اطلعي برا و زوجك اصلا بكون ما رجال لو ما عمل هيك

بتول:ولله ندمانة و شو ما بدك مستعدة اعمل بدك بفوت على بيت بيت بالحارة و بقلن انا يلي عملت هيك بس ارجعي لزوجك حتى يرجعني ايمن

سلام : انا ما رح ارجع ل ليث و انت و ايمن تصطفلو ، بس انت حسابك عند ربك كبير فضحتيني و قذفتيني بابشع التهم و نشرتي صوري على كل شباب حارتي و خليتيني امشي انا و اخواتي بالشارع موطين راسنا و خجلانين

بتول :اخدتو لحسابي ،هاي بوطي على رجليكي و بوسن و شو ما بدك بعملك ،كل يلي عملتو غيرة منك بس ما كره

سلام:روحي من هون و ما عاد تفرجيني وجهك و انا خلصت من يلي اسمو ليث و خلصت من كل هالعيلة و ما بقا مفكرة ارجع

طلعت بتول من عندي هي مذلولة و عم تبكي ،بالرغم من انو كان شكلا بقطع القلب بس ما شفقت عليها ابدا لانو خلتني مر بايام سودة بسواد الليل و قضيتن عم ابكي و انا بريئة و ما الي ذنب ،بعد يومين فتت على غرفة لؤي لقلو يطلع يتعشى و شفتو عم يحكي على الموبايل

لؤي:لاااا مستحيل بعد يلي عملو …لااا لو انا كنت بمحلو ما كنت رح اعمل هيك عالاقلية بدق لاخواتا يجو ياخدوها ما بنزل فيها قتل و ضرب و سب و كان رح يدبحا لو ما لحقناه على اخر نفس …بعرف وولله بعرف يا سارة …..بس هاي مشكلتو ….يصطفل …خليه يجن ..بيستاهل…و لسا بدو ينذل اكتر بس يعرف انو بدا تتخطب ….ايه …رفيقي …لا طبعا ما قبل 3شهور بس الشاب حكى فيا و قلتلو يأجل الموضوع شوي …..ماشي …الله معك

سلام:مين هاي ؟

لؤي:سارة

سلام :شو عرفا برقمك ؟

لؤي:بكون ليث اعطاها اياه و انا ضفتا من يومين عالفيس و حكينا شوي مع بعض ،شكلا قايلتلو ل ليث و هو فكر يفوت لعندي من هالباب

سلام:مين رفيقك يلي كنت عم تحكي عليه الا كنت عم تحكي لتجاكرو يعني بس؟

لؤي:لااا جد ،رفيقي فؤاد يلي مرة وقفت بالسيارة و حكيتو و انت مرة رحتي عندو عالمحل

سلام :ايوااا قوم تعشى

لؤي:قايم ليكي سلام حطتلك شوية مصاري بالرف بالمطبخ هدول مني و من سامر جيبي شو لازمك فين

سلام:يسلم ايديكن الله يخليلي اياكن بس ما لازمني شي

لؤي:معلش خلين معك …مشي نتعشى

تاني يوم بس وصلو الخبر ل ليث بانو انا محكي فيني لرفيقو ل لؤي ،كانت الساعة 12بالليل وقت اجا شفط بسيارتو تحت بيتنا و نزل

ليث:سلااااام ….سلااااام

حطيت الروب علي و طلعت على البرندا و لحقوني امي و اخواتي

لؤي:ولا انت كل يومين بدك تعملنا نفس القصة روح من هون احسن ما جبلك الشرطة …سلام فوتي لجوا ولله لخليك تشتهي تشوفا بس

ليث:بدك تزوجا لرفيقك ولله بقتلك و بقتلو …سلام حاج تذليني بقا قلتلك انا حمار و انا غبي و دب …

لؤي:و ندل و واطي كمان و انقلع من هون

ليث:انا عم بحكي مع مرتي ما معك

سامر:ليث روح من هون ما بدنا نجبلك الشرطة

لؤي:هاي ما بقا مرتك افهم بقا

ليث:لا مرتي و غصب عنك و غصب عن الكل ..سلااااااام اذا ما رح تنزلي هلأ رح اقتل حالي سلاااام

طلع المسدس من جيبتو و ضرب رصاصة بالهوا

سلام:يييييي اميي جن هادا

لؤي :يا امة الله جاي يشبح تحت بيتنا

ام سامر :اتصلو باخوه يجي ياخدو قبل ما تجي الشرطة تاخدو

سامر:يلا يلا

اتصل سامر باخوه ايمن و اجا ياخدو

ليث: لؤؤؤؤي انا كل يوم بدي اجي و بدي زهقكن ،رجعولي اياها و ما بقا بدايقكن ….سلاااااام (يبكي)ولله انا بحبك و ما تزوجتا لهديك الكلبة الا لجاكرك و احرقلك قلبك بس

بعدين حطو اخوه بالسيارة و راحو ،و تاني يوم مسكوها الجيران لامي و قلولا رجعولو سلاااام بقا ولله وجعلنا راسنا و قلبنا،صار اسم سلام عم يضرب على راسنا،بعد يومين الساعة 12بالليل سمعت صوت اغاني عالية من الشارع ، طلعت شفت سيارة ليث تحت بالشارع و مفتوح بابا و قاعد فيا و عم يتسمع على اغنية و معلي الصوت على الاخير

انا حنيت انا انذليت

ارجعلي اتوسل حيبيبي بيك

انا مشتاق يكفي فراق

كل شي بيه يسالني حبيبي عليك

عيوني تشتهي تشوفك

واذوب بلمسة جفوفك

حبيبي من البعد صدك

انا مليت

من غبت عني وانا صدقني

مراية مكسورة وجرح يعكس جرح

من ضعت مني قلبي تعبني

مااحس اني على قيد الفرح

اول ما شافني ،طلع من السيارة و اشرلي بايدو على موبايلو اني رد عليه ،فتت لجوا و رديت عليه

سلام:وطي الصوت دخيل الله هلأ بفيقو اخواتي حاجتنا فضايح بقا

ليث:طيب لحظة بس ما تسكري الخط …ايه منيح هيك

سلام:ايه انت ما معقول كل يومين نفس القصة

ليث:ما رح مل و اتعب قبل ما يفهمو اخواتك البغال اني رح ضل وراهن ..

سلام:ما تقول عنن بغال ،ما في بغل و انت موجود ،روح من هون

ليث:ما رايح ما راااايح ما رايح ،لك ليش ما عم تفهمي علي ،بتول كانت بدا تخرب حياتنا و انت هلأ نفذتيلا طلبا

سلام :لا بتول ما هي يلي خربتا ،انت يلي خربتا ،قلة ثقتك فيني هي السبب

ليث:طيب انا يلي خربتا و خربتا على راسي و هلأ بدي صلحا اعطيني فرصة تانية لردلك اعتبارك

سلام:اخواتي ردولي اعتباري

ليث:اخواتك ما دايمين الك،زوجك هو يلي بدملك

سلام:صح معك حق بس ما اي زوج ،و انشالله هالمرة رح اعرف اختار

ليث:سلام حاج بقا ..ما بقا تحكي هيك بتجنيني سلام حاج تذليني اكتر ،ولله برجعك بمهر و عرس جديد و شو ما بدك

سلام:يلا سلام

سكرت الخط بوجهو و حطيت راسي و نمت انا و مبسوطة و مرتاحة كتير ،تاني يوم دقتلي رفيقتي هبه

سلام:عنجد ايمت ؟

هبة:مبارح

سلام :و انت شو رايك؟

هبة:ما بعرف هو عجبني بس انا خايفة من انو مثلا يكون عم يجاكر مرتو فيني او يحن لمرتو و يرجعا مع انو هو قلي انو طلعت من نفسو و قرف منا

سلام:اي بتوقع كلاموو مزبوط

هبة:و انا ما خرج فوت بتجربة تانية و ارجع اطلق ،اعصابي ما بتحمل

سلام:صلي استخارة و اتكلي على الله ،ايمن كويس كتير و ما بحياتي سمعت عنو كلمة عاطلة او بدر منو شي ما كويس مع حدا

هبة:هيك قولتك

سلام:هبة…. بدي قلك شغلة ما قلتا لحدا و ما عارفة اصلا كيف بدي قولا

هبة:قولي شوفي؟

سلام(تبكي):انا …شاكة باني كون حامل

هبة:حااااامل من ليث

سلام:لكن من مين وليه هبلة

هبة:اي اي بس فوتيني بالحيط

سلام : شفتي على هالحظ لك كنا كل شهر ننطر لاطلع حامل ،و شوفي بس اطلقت هيك صار معي

هبة: طب جبتي اختبار حمل ؟

سلام:لسا بس عم يصير معي اعراض حمل و كنت عم احسب هلأ الي شهر و نص عند اهلي و لهلأ ما…

هبة:اي فهمت عليكي طب تعالي عندي و انت جاي مري على الصيدلية و جيبي اختبار حمل

سلام:طيب جاي

لبست و رحت فورا عند هبة ،كان قلبي عم يدق بسرعة على الطريق ،كنت مبسوطة و ما مبسوطة ،ما عارفة بشو حاسة ،فتت على الحمام و طلعت و بايدي الاختبار و ناطرة طلع الخط الاول و انا قلبي عم يدق بسرعة و بعد شوي طلع الخط التاني و بلشت ابكي

هبة:خلص طولي بالك لعله خير

سلام:شو بدي قول لاهلي؟

هبة:قليلن انك حامل عادي يعني ،شو انت لاسمح اللله حبلتي فيه بالحرام و ارجعي ل ليث ،ولله شفقت عليه ،دايب على نصو و عقلو رح يفقدو ،يعني اي رجال بمحلو رح يتصرف نفس الشي ،حطيها علي انا ،اءا اجتني رسائل عن زوجي من وحدة و باعتلي صورو ،اكيد بدي شك فيه و اعلق معو

سلام:اخواتي ما بقبلو و انا ما بقلن لا ،بس خايفة يقلولي نزليه للولد و انا مستحيل اقتل ابني ،انا بحب الاولاد و كنت ناطرة احبل

هبة:هلأ قليلن انك حامل و شوفي شو بقلولك

طلعت من عند هبة و رجعت عند اهلي و خبرتا لامي ،يلي بلشت تولول و تندب على قلة حظي و بس رجعو اخواتي خبرتن

لؤي:حامل !!!..متأكدة؟؟

سلام: ….ايه

سامر:بدك تنزليه ما هيك؟

لؤي:وحد ربك لا ما تنزلو ،بدو يجينا ببو صغير ههههه يا حبيب خالو

سامر:بربك عم تحكي ،انبسطت يعني ،هلأ اذا وصلو خبر لهداك المجنون شو بدو يعمل ،بصير يجي تحت البرندا و يجعر و يقول بدي مرتي و ابني و بعدين فؤاد بدو اياها ،اكيد وقت يعرف انو حامل اكيد بدو يلغي الفكرة

لؤي:….سامر خلص دخلت الامور ببعضا بدك اختك تقتل الولد حرام هي بتتحاسب و نحن منتحاسب معا كمان ،هاي نعمة من الله و ناس كتير مشتهيتا و بعدين منخاف عليها من الاجهاض لانو اول ولد

سامر:انت عم تفكر بالعاطفة و انا عم فكر بالعقل

لؤي:لا ما عاطفة بس انا عندي مخافة الله و ما بفكر شجعا لاختك تقتل روح ،خلص اتركني انا اتصرف ،سلام انت بعدك بتحبي زوجك ؟

سلام:…….

سامر:يا سلام سلم ههههه

لؤي:عادي قولي ما تخجلي يعني هلأ الوضع اختلف شوي ،صار فيه ولد بالنص ،ما بدي اظلم هالولد يلي جاي عالطريق و خليه يربى بين اب و ام مطلقين

سامر :يعني بدك ترجعا لاختك ؟وللله ما عم صدق مين يلي قال مستحيل نرجعلو اياها لو يموت و ببوس الرجلين

لؤي:لك ايه ايه ابو السمرة حكيت هيك بس افهم ،في ولد جاي عالطريق ،لو ما هالولد كنت ما بخليه يشوف ضفرا ،ايه سلام ما قلتيلي؟

سلام:متل ما بدك اخي

سامر:طب اتصرف انت معناها و فرجينا شو بدك تعمل ؟

لؤي:اي بتصرف ،قعدي لافهمك شو تحكي

تاني يوم الصبح ،وصلو خبر ل ليث اني حامل ،و شكلو سارة هي يلي اتصلت و خبرتو بعد ما خبرا لؤي خصوصي ،اتصل فيني و كان لسا اول ما فايق من النوم

ليث:سلام انت حامل ،يالله ما عم صدق ،احلى خبر بسمعو بحياتي

سلام:مبارح انا لعرفت،مين قلك انت ؟

ليث:ما مهم

سلام:بس انا اخدت موعد عند دكتورة بكرا و رايحة نزلو

ليث:شووو ما رح خليكي هادا ما بس ابنك و ابني كمان

سلام:نحن مطلقين و بعدين ليش متأكد انو هالولد ابنك ممكن مثلا يكون ابن حدا تاني ،مثلا ابن القيصر ماجد

ليث:لك خلص ،ما بقا تنسيلي هالنقطة السودة ،نسيتي كل شي منيح عملتلك اياه و بعدين ان الله غفور رحيم ،اغفريلي هالذلة

سلام:يلا انا بدي سكر

تاني يوم نزلت انا و امي لنروح عند دكتورة لاطمن على حملي و كنت متأكدة انو ليث ناطرني تحت لانو خايف روح نزل الولد ،اول ما جينا نفوت على بناية العيادة ،ركض و وقف على الباب و فتح ايديه

ليث:ما الكن طلعة

ام سامر:بعد من هون ابني

ليث:مرة عمي ببوس ايدك …

ام سامر:انا ما بقا مرة عمك ،روح من هون ييلا ،ناطرتنا الدكتورة

سلام:بعد من طريقنا اذا بتريد

ليث:سلام ما تخليني احملك بنص الشارع و قدام العالم كلها و اخدك غصب عنك

سلام: اي جرب اعملا

ليث:اي انا يلي بعملا

ام سامر:عزا نزلها للبنت يا مجنون

سلام:ليث نزلني لك نزلني ليك العالم عم تطلع فينا خلص ما منطلع لفوق

ليث:تقلانة

سلام:نزلني بقا

ليث: طيب بس ارجعو على البيت و المسا بجي انا و اخوي ايمن منحكي مع اخواتك

رجعنا على البيت انا و امي نحن و عم نضحك على ليث و دقتلو ل لؤي و حكتلو شو صار و انو جاين المسا ، و المسا اجا ايمن عنا اول الشي و بقي ليث ناطر تحت،فات و قعد مع اخواتي و قلن انو ليث ندم على الشي يلي عملو و مستعد لكل طلباتكن ،بعد شوي طلع ليث

لؤي:ايييه بس انا اختي ما برجعا هيك

ليث:شو بدك انا جاهز

لؤي:بدا كتب كتاب جديد و مهر جديد ،بدك عرس سلام؟

سلام:لا ما في داعي

لؤي:انا ما برجعا تسكن فوق خرابة البيوت هديك ؟

ايمن:انا ماشي بمعاملات طلاق بتول و عم اخطب هلأ

لؤي:امم سلام حابة شي تغيري عفشك او تغيري بديكور البيت؟

سلام :لا عاجبني اخي بس بدي حماتي تجي تعتذر مني و من امي على الحكي يلي قلتو بحقنا

ايمن:اي منقلها تجي

لؤي:و انت ليث ؟شو وضعك؟

ليث:انا بعتذر منك سلام و الحق علي انو صدقت الحكي و نسيت مين انت و بدي قوم بوس راسا

لؤي : معناها للاسبوع الجاي بتكتبو كتابكن و بترجع سلام

ليث:لا خليها بكرا ،كتير بعيد الاسبوع الجاي

لؤي:طيب

ليث:خلينا نقرأ الفاتحة

كتبنا كتابنا انا و ليث و رجعت على بيتي و بعد اسبوعين رحنا نحضر عرس سلفي على رفيقتي هبة وخلال العرس اجت بتول تخرب العرس بس قلعتها حماتي ،بعد يومين فتت عند ليث انا و ماسكة موبايلي و شفتو قاعد عم يتفرج عالتلفزيون

سلام:ليييث …لييييث

ليث:شبك

سلام:مين هاي …مين هاي يلي باعتلي صورك بالبوكسر

.اسما الاميرة الجميلة…قول لشوف من وين بتعرفا و من ايمت

ليث:ولللله ما بعرفا من وين جابت صوري

مسكت المخدة و ضربتو فيها

سلام: يا خااين انا ما بقا قاعدلك بهالبيت

مسكت الموبايل و حطيتو على داني

سلام : بدي دق لاخو لؤي خليه يتصرف معك

ليث:لاااا دقي للامن الجوي يجي يشحطني و لا دقي لاخوكي لؤي

رحت على غرفتي انا و مخبية ضحكتي و قفلت الباب ،لحقني

ليث:سلاام طولي بالك هاي يمكن بتول بدا ترجع تخرب بينااتنا الله يلعنا

سلام: الو لؤي …وينك ….تعا بسرعة …وحدة باعتلي صورو لليث بالبوكسر عالفيسبوك….اي …هالخاين ….فورتلك دمك مو ….يلا ناطرتك…الله معك حبيبي

ليث:سلام ولله العظيم ما بعرفا طب فرجيني الصور …سلااام…

فتحت الباب

سلام:هههههههه

ليث:عم تضحكي؟

سلام:ههههههه ليك كيف وجهك اصفر

ليث: لك شو بدي اعمل فيكي ؟

سلام :هههههه ولاشي ،انزل اشتريلي فريز عم اتوحم على فريز و جبلي شوية فواكه طالعين العرسان يسهرو عنا

ليث:لك انا عندي احلى فريزة

سلام: طب تعا لقلك شغلة …

ليث:شوو ؟ما فهمتا

سلام:روح هلأ عالطريق فكر فيها و بتفهما

ليث:اه اه يا خبثونة انتو النسوان ما اقواكن

……………………..انتهت…………………………..

عرض التعليقات (15)