سندوتشات الجبن المشوي Grilled Cheese Sandwich
وصفة مميزة للعشاء أو للفطور, صحية جداً وطعمها مميز, تقدم الوصفة المبدعة الماسة فلسطين, استمتع بتعلم الوصفة,
بالخطوات المصورة, ومع قصص مبدعتنا.
اللهم ارزقني حبك وحب من ينفعني حُبه عندك
ما بيجي اخر الليل
الا وانا مش حاسة بكعوب اجري من الوقفه
بفكروني قاعده عالمكتب حاطه رجل عرجل
وبفكروها ست بيت ما بتفيق من النوم غير الساعة ١١
بفكروها صاحبة بنك وبتقبض قبضة مرتبة هالقد قدها
بفكروها ام شحرور جوزها بيعطيها وما بيبخل عليها
لا تفكرش يما
وتغلبش خلاياك الدماغية
وخلي عينك عبيتك ومرتك واولادك
وانتي اهتمي بحالك وبجوزك وبطبخك وغسيلك
ودعو الخلق للخالق
وتسألنيش لانه جد بخصكش
ولانه بقبض وهو بقبض بتفكرو كل يوم بناكل لحمه وبعده جاج وبعده سمك والقلاية والمفركة والمجدره بنقربلهاش
متى العالم هيكون عندها وعي بضرورة اهتمامها بشؤونها دون الغير
هي نعمة من الله ولا اسلوب تربية ونشأة
وعشان الاقتصاد والتدبير عملنا
سندوتشات الجبن المشوي Grilled Cheese Sandwich
فليفله ملونه
جبنة بيضة
بصل بندوره سماق جرجير او اي اشي متوفر
شويت الفليفلة بمقلى تيفال
شويت الجبنه بعد ما صفيتها من مية النقعه
حضرت الخصرة وفركت البصل بالسماق
بالخبزه فردت الجبنه والفليفلة وفوقها الخضره
طبقتها ورديتها للمقلى مشان تتحمص الخبزه
وصحتين
تحياتي واحتراماتي
الماسة
نسعد بمتابعتكم لنا على جروب زاكي لفن الطهي بالضغط على هذا الرابط:
الكنافة النابلسية بالعجينة الناعمة
حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j
