كيكة على شكل كرة على حشيش اخضر

المقادير

• مقدار اي نوع كيك
• كريما بودرة ( اللي تنباع بالكيلو )
• صبغات

الخطوات

اول شي هاي الكيكة عبارة عن تلات كيكات فوق بعض

بالنسبة للكرة عملتها بصحن بايريكس متل اللي مبين بالصورة وخبزت الكيكة عادي وخليتها تبرد ودهنتها كريما بيضا بعدين جبت ورقة ورسمت عليها الخماسي تبع الكرة وقصيته وبعدين الشكل الخماسي حطيته عالكرة وصرت احدد عليه بالسكينة لحتى حددت الشكل كامل بعدين بكريما سودا حددت كل الخطوط والشكل الخماسي شي نقطته بكريما بيضا وشي،بكريما سودا لحتى تشكلت الكرة متل الصورة وخليتها ع جنب

بالنسبة للكيكة كاملة عملت قالبين فوق بعض ودهنتها كاملة بكريما خضرا وبعدين جبت الكرة وحطيتها عالكيكة الكبيرة وحطيت من كريما خضرا

وهيك كانها كرة على حشيش اخضر

ملاحظة: هاي كانت طلبية لعيد ميلاد ولد