مقبلاتي سلطة الفول وقلاية بندوره
مقبلاتي سلطة الفول وقلاية بندوره
المقادير
- لقلاية البندوره :
- بندوره
- ثوم
- فلفل حار اما حلو
- زيت زيتون
- رشة ملح
- فلفل أسود
- لسلطة الفول:
- علبة فول
- بندوره
- خيار
- ليمون
- بقدونس
- بصل أختياري
- فلفل اما حار أو حلو
- زيت زيتون
- دبس رمان
- ملح
الخطوات
مسااكم سعيد… راح اقدملكم طريقتي بمقبلات قلاية البندوره وهي تعد من الذ المقبلات عالسفره ..وسلطة الفول بتشهي وتغير عن المعتاد ..بتمنى تنال أعجابكم ..مقبلات سهله وبسيطه …
ويلاااا مع الطريقه ..اذا عجبتكم ضيفوها عالمفضله
& اول شي طريقة القلايه وهي أكيد معروفه عند الكل بس انا حبيت يكون الها حضور بالمسابقه لانها لذيذه
& بغسل البندوره وبقشرها وبفرمها قطع ناعمه ..
&بضع بالقلايه زيت زيتون ومن ثم تلات سنون ثوم مفرومين ناعم وبضيف قرن فليفله مقطع اما حار او حلو حسب الرغبه بس الحار ازكى ..بقليهم بالزيت شوي
& ومن ثم بضع البندوره عليهم وبتركها تتسبك عالنار وسط وأخر شي بضيفلها رشة ملح ورشة فلفل أسود
& واخر شي بقدمها بصحن التقديم وبزينها
وعملت بجنبها صحن خضار مشكله منظرها جميل عالسفره
& والأن مع طريقة سلطة الفول :
& بنجهز علبة فول وبنغسلها من المواد الحافظه
& بقطع الخضار البندوره والخيار والليمون والبقدونس والفلفل ( واذا بترغبو ضيفو بصل ) أنا ما ضفته
& من بعد ما اكون خلصت فرم السلطه بضيفلها الفول وبضع عليه ملح وزيت زيتون ورشة دبس رمان وبحركه واخر شي بضعه بصحن التقديم وبزينه
والف صحه وعافيه
