كيف تحضر عيد ميلاد مميز؟

49 31٬322

كيف تحضر عيد ميلاد مميز؟
لا يخلو بيت من ذكرى عيد ميلاد, يلجأ بعض الأهالي إلى شراء مستلزمات عيد الميلاد من كيك ومعجنات من المخابز ومحلات صنع الكيك, لكن صديقتنا المبدعة Dyaa Abbas ستعلمنا كيف حضرت عيد ميلاد مميز ومن مكونات متوفرة في كل بيت, لنتابع.

10354791_10155746932530038_8666215072332632238_n

الطريقة:
سفرة عيد ميلاد بنوتي….معجنات وكبة وتبولة وسلطة معكرونة وورق عنب وفطيرة تركية ..والحلويات كيكة هيلو كيتي وكيك بالجيلو وموكا كيك(اخدت طريقتها من صبية بالمجموعة اسمها علا مشكورة)

10353190_10155746930660038_7710599506705545094_n

نبدأ بالمعجنات

معجنات
طريقة تحضير العجينة:
4 كوب طحين
4 ملاعق حليب ناشف
ملعقة وسط بيكينغ باودر
بنخلطهن وبنعمل بالوسط حفرة
بنكون محضرين كوب ماء وفيه ملعقة كبيرة خميرة وملعقة او 2 سكر حسب اللي بدك تعمليه بالعجين.بتنتظري الخميرة لتفور.
بتضيفي نص كوب زيت وكوب الماء الموجود فيه الخميرة وبتبدي العجن…بتحتاجي ماء اضافية يمكن كوب
اهم شي العجينة تكون سلسة بالعجن ومش شادة وهيك بتتأكدي انها حتنجح بالتشكيل.
المرحلة الاخيرة حطي على كفوف ايديكي شوي زيت واعجني عالخفيف وغطي العجينة بنايلون وبطانية وانطريها لتختمر
هيدي عجينتي غالبا.
احيانا بضيف كوب لبن مع الزيت اذا عمبعمل صفيحة بيعطيها هشاشة, وبالبيتزا بستعمل زيت زيتون بدل زيت الذرة.
وقت مد العجينة مديها مع رشة طحين تحتا وفوقا اذا فطاير ومدي مع نقطة زيت اذا بيتزا

بالنسبة للحشوات:
المعجنات على شكل ورقة حشيتهن:
بصلة محوسة بالزيت.بنضيف برش جزر وفليفلة ملونة وبهارات مشكلة وملح (ممكن تضيفوا ملعقتين جبنة كريمية).بنطفي النار وبنكون سالقين دجاج.بنفتته وبنضيفه للخليط السابق

1907486_1417931055199487_5956918294352892154_n

الفطيرة التركية:
المبدأ نفس العجينة بس لما تمديها بالصينية بتتركيها اوسع شوي من الصينية وبتحطي الحشوة(اي حشوة يتحبيها وبتحطي على وجهها موزاريلا ).انا حطيت حشوة لحمة وبصل وبرش جزر وبهارات.
بتفردي عجينة تانية عبى حجم الصينية وبتحطيها فوق الحشوى والجبنة وبتسكري الاطراف منيح.بتدهني الوجه بصفار البيض او بيضة مخفوقة مع فانيليا.وبترشي شوي موزاريلا عالوجه وحبة البركة او سمسم..الاهم انو لازم تتركي الفطيرة نص ساعة لترجع تختمر وبتدخليها الفرن لتتحمر من تحت وفوق.

البيتزا:
البيتزا عملتا بس حشوة خضار: على العجينة حطيت بالتتالي: كاتشاب.جبنة .فليفلة ملونة.فطر.رشة زعتر جاف.زيتون اسود واخضر .جبنة.. الاطراف تركتا زيادة 3 سم وحشيتا موزاريلا

11226923_10155747905340038_7924867804887055928_n
بس بنصحكن تستعملوا جبنة مثلثات لان مجربيتا من قبل وكانت افضل نتيجتها.

11536107_10155747907600038_95355850979575264_n

البيتزا
المعجنات على شكل مربع حشيتهن كفتة: لحمة مفرومة وبصل وبقدونس وشوي صغيرة فليفلة خضراء وبهارات.طحنتن عالمولينكس.

الحلويات:

10354791_10155746932530038_8666215072332632238_n

كيكة الجلي

كيكة الجيلي
– نجهز الكيك الخاصة بكية الجلي وطريقته كتالي:
11407316_10155747001770038_4466154972934676552_n

لما تطلعي الكيك اتركيه ليبرد تماما.
حضري بهالاثناء الجيلي (ظرفين جيلي .250 مل ماء ساخن ولما يذوبوا ضيفي 250مل ماء بارد جدا).
ارفعي الكيك من قالب الخبز.اغسلي القالب حطي حبات فراولة مقطعة انصاف وصبي عليهن غمرتهن جيلي ودخليهن البراد ساعة.
حطي الكيك فوق طبقة الجيلي بالقالب وارجعي ضيفي باقي كمية الجيلي على الكيك حتى يغمره.دخليه البراد واتركيه ليجمد.
لما بدك تطلعيه من القالب حطي بجاط مي ساخنة وحطي قالب الجياي كيك بالجاط دقيقتين ليتحرك الجيلي وتقدري تقلبيه..اقلبيه لتحصلي على كيك مغطى بالجيلي ومزين بالفراولة.

كيكة الموكا الباردة

كيكة الموكا
الطريقة لكيكة الموكا كتالي:

11406539_10155746979010038_2672496872492072673_n
كيكة هيلو كيتي

كيكة هيلو كيتي

طريقة الكيكة:

10659254_10155747006745038_6645382331862137364_n
بعد ما خلص الكيك اتركيه يبرد .بواسطة السكين وافقيا قصي المنطقة المنتفخة من الكيك لتحصلي على سطح مستوي.
اقطعي الكيك لعدة طبقات بواسطة خيط.

حضري الكريمة للحسو.انا استعملت كريم شانتييه.بس المي اقل من الكمية المكتوبة على العلبة نصف الكمية تقريبا حتى يطلع كثيف
احشي بين الطبقات ودخلي الكيم البراد حتى يتماسك.
حضري كريمة الزبدة لتغليف الكيك من الخارج حتى يتكون عندك بطانة لتلزق فيها عجينة السكر
, طريقة كريمة الزبدة كتالي:

54
نخلط المكونات في الخلاط كلها معاً مع مراعاة أن الزبدة مطلعها من الثلاجة قبل فترة وأنها بحرارة الغرفة, لكي تحصلي على خليط كريمي واستخدميها فوراً.

مراحل عجينة السكر:

1

2
3

المقبلات:
التبولة

تبولة
7 باقات بقدونس مفروم ناعم.كيلو ونص بندورة حمراة مفؤومة ناعم.بصلتين مفرومين ناعم.رمانتين .كوب برغل بتنقعيه بمي غمرته لينفش البرغل.نعناع يابس مبعقتين كبار.
حطي كل هالمكونات فوق بعضا.ضيفي عصير 3 حامضات وكوب زيت زيتون او اكتر وملح واخلطيهن والف صحة

ورق العنب:

ورق عنب
الحشوة: رز مصري منقوع ساعة ومصفى منيح.بندورة.بقدونس.بصل.نعناع.ملعقة صلصة بندوررة.رشة بابريكا كمون.بهارات وزيت زيتون ملعقتين وملح…بينخلطوا وبينحطوا بالورق ..
الورق بينصف بالطنجرة وبينحط عليه نصف كوب زيت زيتون وغمرته وشوي مي وبتضغطيه ولما تغلي المي خففي النار واتركيه ينضج ..حسب نوع الورق بياخد وقت اطول او اقل…وصحتين


سلطة المعكرونة الايطالية بالمايونيز

سلطة المعكرونة
السلطة الايطالية
اسلقي المعكرونة بمي مغلية مضاف الها ملح وزيت.طلعيهن وصبي فوقهن ماء بارد.
حضري: فليفلة ملونة مفرومة.زيتون اسود شرائح.ذرة .زعتر جاف.برش جزر(نسيت ضيفه).عصير حامضة ..كوب مايونيز.شوي زيت زيتون.ملح.اخلطي كل المكونات.ارجعي ضيفي المعكرونة وقلبيها بهدوء..كتير طيبة

الكبة

كبة
الطريقة:
مقادير كبّة أقراص
عجينة الكبة:

٢ كوب برغل ناعم
١ كوب سميد ناعم( اسمه صريصيرة ..ممكن تستبدليه ب كوب طحين).
١⁄٢ كيلوغرام لحم مفروم، ناعم
١ بصل، مفروم ناعم
١⁄٤ ملعقة صغيره بهار
١⁄٤ ملعقة صغيره كمون
١⁄٢ ملعقة صغيره ملح
اذا متوفر تحويجة كبة جاهزة كتير منيح واذا لا حطي: نعنع.حبق.مردقوش.قرفة.كمون.ورد…

الحشوة:
١⁄٢ كيلوغرام لحم مفروم، خشن
٢ بصل، مفروم ناعم
١ ملعقة كبيرة زيت نباتي
١ ملعقة صغيره دبس الرمان
١⁄٤ ملعقة صغيره بهار
١⁄٢ ملعقة صغيره ملح
صنوبر

طريقة تحضير كبّة أقراص
١. لتحضير الحشوة، يقلى الصنوبر ثم البصل المفروم بملعقة كبيرة من الزيت النباتي الى أن يذبل ثم يضاف اللحم المفروم، البهار، دبس الرمان والملح، يقلب المزيج الى أن ينضج اللحم ويصبح لونه بنياً، يرفع الخليط عن النار ويوضع جانباً.
ممكن تعمليها بدون دبس الرمان..

٢. لتحضير الكبة، يغسل البرغل الناعم بماء دافئ ثم يصفى جيدا.

٣. يوضع البرغل المغسول في وعاء مع مكونات عجينة الكبة ويخلط جيداً، يمكن اضافة القليل من الماء اذا ما أصبح الخليط لاصقاً.(انا بطحنهن سوا بالمولينكس بتصير العجينة اسهل بالحفر)

٤. تقسم عجينة الكبة الى كريات بحجم البيضة وبواسطة الاصبع يصنع حفرة وسط كل كرة للحصول على قرص مجوف(انا جوفتا بالجزرة ) مع الحرص على أن تكون سماكة القشرة متساوية من كافة الجهات ومن المهم تبليل اليد من وقت لآخر بالماء البارد وذلك لتمليس الكبة.

٥. تملأ أو تحشى الكبة المحفورة ب 2 ملعقة صغيرة من الحشوة ثم تغلق مع الحرص على إعطائها شكلا بيضاويا ثم توضع في صينية.
انا هون عن تجربة بنصحك تحطي الاقراص ب تابرويل وتفرزيهن ولما يكون عندك العزيمة دغري من الفريزر عالزيت الحامي.

اشترك في قناة زاكي على اليوتيوب لتصلكم جديد وصفاتنا, بالضغط هنا:
https://www.youtube.com/channel/UCmLqs6sqDBxNIUgKns-5VyQ

نسعد بانضمامك لجروب “زاكي” على الفيس بوك:
https://www.facebook.com/groups/zakibook/?fref=ts

اعمل لايك بصفحة زاكي على الفيس بوك لتصلك جديد وصفاتنا:
https://www.facebook.com/groups/zakibook/?fref=ts

حمل تطبيق زاكي للاجهزة الذكية قوى مرجع عربي لفن الطهي:
https://goo.gl/ze0y3j

اشترك في قناة زاكي على اليوتيوب من هنا:
https://www.youtube.com/channel/UCmLqs6sqDBxNIUgKns-5VyQ

موقع زاكي المميز:
www.zakibook.com

عرض التعليقات (49)