تجربتي الاولى بطباعة صورة عالكيكة

المقادير

• مقدار اي نوع كيكة
• كريمة بودرة
• صورة مطبوعة عند محلات تجهيز الكيك
• شوكولا خام للزينة
• علبة فواكه للحشوة

الخطوات

هاي اول تجربة الي في طباعة صورة عالكيكة والحمدلله زبطت من اول مرة

اول شي انا هون عملت تلات مقادير كيك تنين فانيلا وواحد كاكاو

بعد ما عملتهم واستوو وبردو حطيت طبقات الكيك فوق بعض وحشيتهم بالفواكه ودهنتهم بالكريمة وغلفت الكيكة كاملة بالكريمة وخليتها ليلة كاملة بالتلاجة

بالنسبة للكريمة حضرتها بانه حطيت لكل كوب كريما بودرة كوب حليب سائل

تاني يوم جبت الصورة اللي طبعتها بالمحل وهي عبارة عن صورة مطبوعة ع ورق سكر ونزعت منها ورق التغليف وحطيتها شوي شوي عالكيكة عشان ماتتكسر معي بعزين زينتها بالكريمة والشوكولا الخام وحطيت الكيكة بالتلاجة