حقيبة العروس وصفة رائعة سلسلة الوصفات التركية 7

37 5٬062
 

حقيبة العروس وصفة رائعة سلسلة الوصفات التركية 7

حقيبة العروس وصفة رائعة من "سلسلة الوصفات التركية" ♡7♡

حقيبة العروس وصفة رائعة سلسلة الوصفات التركية 7

حقيبة العروس وصفة رائعة سلسلة الوصفات التركية 7 , معكم صديقة زاكي الشيف الموهوبة ,
تيرارارا وصفة اليوم يا امورات وصفة تركية سهلة ولذيذة وشكلا حلو اسمها حقيبة العروس ليش وشلون ماحدا يسألني لأنو بحياتي ماشفت عروس حاملة شنتاية سودا هههههههه انا عم انقللكم التراث بس هههههه بس بغض النظر عن الاسم هالاكلة خفيفة ورائعة ومكوناتها مو معقدة وشكلها حلو متل مو شايفين بقى يلا نبلش بالمقادير ونقول بسم الله

المقادير

  • للعجينة:
  • بيضة واحدة
  • 4 ملاعق كبيرة سكر
  • رشة ملح
  • باكيت فانيليا
  • 4 ملاعق كبيرة زيت
  • ثلث كوب حليب
  • نصف باكيت بيكينغ باودر
  • 3 ملاعق كبيرة كاكاو
  • ثلاثة أرباع الكوب طحين
  • للحشوة:
  • كريما شانتيه
  • حليب
  • قشطة او زبدة بنكهة معينة او شوكولا نوتيلا

الخطوات

☆بسم الله الرحمن الرحيم☆

اول شي منجهز العجينة البسيطة

مننخل المواد الجافة مع بعض بوعاء ومنخلط باقي المواد بوعاء تاني وبعدين منخلطهم مع بعض ومنكون محميين صاج أو مقلاة تيفال

منصب الخليط عليها حسب الحجم اللي بدنا ياه واول مايبلش يطلع فقاعات منرفعا بهدوء ومنقلبا عالوش التاني كم ثانية بس لينشف شوي

انتبهو مابدنا العجينة تنشف ابدا لحتى تتني معنا

منحطهم على فوطة مطبخ لحتى يبردو بعدين منحشيهم بالكريمة ومنزينهم حسب الرغبة

فيكم تتحكمو بكمية الكريمة قد مابدكم

بالنسبة الي زوجي مابحب الكريمة كتير لهيك اذا بتلاحظو اللي من قدام اخف كريما

اللي ورا كريما اكسترا الي لزوم الريجيم هههههههه

و بعد ماحشيتهم غطيت الكريمة اللي باينة بجوز الهند لتعطي شكل وطعم احلى

للحشوة:
كريما شانتيه مخفوقة بالحليب بس نحاول نخليها جامدة شوي يعني ماتكترو حليب لحتى نقدر نحشي فيها وتبقى متماسكة وفيكم تضيفولا قشطة او زبدة بنكهة معينة او شوكولا نوتيلا لتعزيز النكهة الخيار بيرجعلكم شايفين الديمقراطية ما أحلاها هههههه

وزينوها وقدموها حسب رغبتكم

وهلأ كل وحدة تحمل حقيبتها وتاكلها عادي صارت الحقائب تتاكل على آخر هالزمن هههههههه

دعولي حبيباتي بتمنى تكون الوصفة عجبتكم♡

عرض التعليقات (37)