كيكة باربي سهلة وبسيطة وبأقل تكلفة لتفرحي بناتك سلسلة اكلاتي وحلوياتي 9

12 5٬145
 

كيكة باربي سهلة وبسيطة وبأقل تكلفة لتفرحي بناتك سلسلة اكلاتي وحلوياتي 9

كمان كيكة باربي سهلة وبسيطة وبأقل تكلفة بالليمون وكريمة الليمون لتفرحي بناتك سلسة اكلاتي وحلوياتي 10

كيكة باربي سهلة وبسيطة وبأقل تكلفة لتفرحي بناتك سلسلة اكلاتي وحلوياتي 9

كيكة باربي سهلة وبسيطة وبأقل تكلفة لتفرحي بناتك سلسلة اكلاتي وحلوياتي 9 , معكم صديقة زاكي الشيف الموهوبة ,وردة الأردن(الجبل) طبعا كيكة الباربي من أكتر الكيكات الي بيحبوها البنات وبيطلوبها وفي منها أشكال وألوان كتير وفي منها مكلفة وبتحتاج وقت كمان بالتحضير بدها عجينة سكر وكريمة زبدة وكريمة شانتي وغيره بس إحنا هون أكيد بندور عالشي البسيط وغير المكلف وبنفس الوقت بكون موفر بالوقت والتحضير وحلو ولذيذ كمان وهيك كيكتنا التالية مقاديرها بتمنى تعجبكم

المقادير

  • مقادير الكيكة:
  • كوبين طحين منخولين
  • كوب زيت
  • كوبين سكر
  • معلقتين بيكنج باودر
  • معلقة صغيرة فانيلا
  • بيضتين
  • رشة ملح
  • بشر ليمون
  • نص كوب صغير عصير ليمون
  • مقادير الكريمة:
  • كريمة النشا:
  • ثلاث أكواب مي
  • ثلاث معالق كبار نشا
  • ثلاث معالق كبار حليب بودرة
  • معلقة سكر أو بدون بالمرة ع حلاوة الكيكة نفسها
  • كريمة الليمون:
  • معلقتين كبار نشا
  • كوبين مي
  • كوب صغير عصير ليمون
  • وبشر ليمون
  • ممكن نضيف معلقة سكر أو بدون بنخليها حامضة ومنعشة مع الكيكة
  • وطبعا لعبة الباربي الجزء العلوي منها وبيكون ملفوف بسترتش التغليف

الخطوات

أول شي بنحضر الكيكة بنخفق البيض مع السكر ومعلقة الفانيلا ليفتح لونه بعدين بنضيف الزيت وبحركه منيح وبنضيف عليه الطحين المنخول مع البيكنج باودر ورشة الملح وبشر وعصير الليمون وبنحركهم كلهم سوا طبعا بنضيف مي حسب الحاجة ليزبط قوام الكيك المعروف أنا ما بحط معها حليب

بعدين بندهن قالب مناسب بيعطي تقريبا شكل الفستان بعد قلبه بسهولة أنا استعملت قالب بايركس معرج بندهنه زيت ورشة طحين وبنحط فيه خليط الكيك وبنكون محمين الفرن قبل بنحطه بالفرن ع 180

ليستوي منيح وقبل ما نطلعه متل مو معروف بنختبر سواه بخلة أسنان أو حفة سكين وبنخليه يبرد بعد قلبه

بالنسبة للكريمة بنجهزها قبل كمان لتكون باردة وجاهزة للاستخدام أول وحدة بنضيف مقاديرها النشا والحليب والمي وسكر او بدون وبنخلطهم عالبارد بعدين عالغاز خمس دقايق لتتجانس وتنعم

وبنبردها بصحن تاني وبنستعملها لتغطية الكيكة

تاني كريمة للتزيين بندوب كمان مقاديرها النشا والمي وعصير الليمون وبشر الليمون ونقطة ملون أصفر غذائي ما في أنا استعملت رشة كركم صغيرة وعالغاز بس لتثقل وتتجانس وبنبردها ونعبيها بعلبة كريمة أو كيس حلواني وبنستعملها لتزيين الكيكة تبعتنا

وصحة وهناااا

عرض التعليقات (12)