كيكة هيللو كيتي محشية بكريمة التوفي وعيدان المارشميلو عملتهم لبنتي

المقادير

• كيكة شوكولاته اي نوع
• كوبين كريمة بودرة
• لكل كوب كريمة كوب حليب سائل
• شوكولاته خام للرسم
• صبغات ملونة
• مقادير الحشوة:
• باكيت كريم كرامل
• علبة قشطة
• نص كوب حليب بودرة
• نص كوب زيت
• نص كوب مي

الخطوات

اول شي بعمل الكيكة بالطريقة المعتادة وانا كتير نزلت طريقتي لكيكة الشوكولاته

انا هون عملت كيكتين فوق بعض لما استوو وبردو بلشت اجهز الحشوة:

بحط الزيت والحليب عالنار وبضل احركهم ليتحمصو واحصل على لون متل التوفي بعدين بضيف الكريم كرامل والقشطة والمي وبحركهم منيح بعدين برفعهم عن النار وبضيف عليهم معلقتين من الكريما اللي انا بكون مجهزتها من قبل وانا بالمقادير شرحت كيف بحضر الكريمة،

بعدين بجيب الكيكة الاولى وبحط عليها التوفي وبعدين بحط عليها الكيكة التانية والكيكتين سوا بغلفهم بكريما بعدين بكون مجهزة الرسمة اللي بدي ياها وبحط عليها ورق زبدة وببلش اخطط عليها بالشوكولاته الخام ( بكون دوبتها بحمام مائي ) واخر شي بلون الكيكة كلها عن طريق التنقيط بالكربمة بحط الكريمة بكيس حلواني حسب اللون اللي بدنا ياه وبقص الكيس من طرفه وببلش الون الكيكة بالتنقيط نقطة نقطة وهيك لاخلص الكيكة كلها.