كيف تحضر عيد ميلاد بطريقة مميزة واقتصادية؟

كيف تحضر عيد ميلاد بطريقة مميزة واقتصادية؟
عيد ميلاد اخر العنقود عنا ابن اختي مهند, تخبرنا بكل تفاصيله المبدعة والمميزة صديقة زاكي Jasmin Hasn

كيكة الاناناس:
3 بيضات وكاسة سكر ومعلقة صغيرة فانيلا وتلت الكاسة زيت نباتي بنضربهن بالخلاط كتير منيح وبننخل كاستين طحين مع معلقتين صغار بيكنغ باودر وبنضيفهن بالتناوب ع مزيج البيض وكاسة عصير اناناس وبندهن القالب بالزبدة ونحط شرايح الاناناس وفوقها المزيج وعالفرن لمدة 45د عالشبك المتوسط بدرجة 180

فطيرة الدجاج:
عجينة 10د وبقطعها دوائر وبحشيهن بتتبيلة(بصل وفليفلة الوان وجزر مبشور ودجاج مكعبات ناعمة وبابريكا وملح وفلفل) وطريقة الفطيرة بالصورة

كيك الكيندر:
كيكة شوكولا معتمدينها وبس تبرد بنقسمها بالعرض وبنسقيا عصير او حليب وبحط طبقة كريمة بين النصفين وبدهنه بكريمة شانتي عادية بس بضيف عليها كاكاو ونسكافه وبالشوكة بعمل تعريجة عالداير وزينة كريمة عادية عالداير وعالوش كيندر بوينو وجلاكسي فليك وكيت كات وبيضة كيندر وشو بيخطر ببالكن

كبة مقلية:
نصف كيلو برغل ناعم و300غ لحمة هبرة وبصلة صغيرة بنطحنها مرتين والحشوة لحمة وبصلة وجوز

يالنجي:
رز مصري وبقدونس ونعنع وبندورة وبصلة وتوم شرايح ومعلقة بن وعصير ليمون وزيت

برك بالجبنة:
العجينة لمدام منال الحمصي ..4 كاسات طحين وكاسة حليب دافية ونص كاسة مي دافية ومعلقة صغيرة ملح وربع كاسة زيت نباتي ..الحشوة معلقة طحين ونص كاسة حليب عالنار ليسمكوا وكاسة جبنة النوع اللي بتفضلوه

تحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي