أفضل وصفة كنتاكي نفس طعم الكنتاكي الأصلي
أفضل وصفة كنتاكي نفس طعم الكنتاكي الأصلي
الكنتاكي المميز بوصفه مستخدمه من سنين واطيب بطاطا مقليه بلون فاتح وسلطه كول سلو وصفه من المبدعه الفنانه
Suzan Tahhan, بتحبو الكنتاكي صبايا
طريقة صحيحه مية بالميه صارلي بعملها اكتر من ٢٥ سنه
قدمتها مع كول سلو وبطاطا مقليه هشة وبتقرش
المقادير:
٢ دجاج مقطع ٨ قطع ( الوزن ١٢٠٠-١٣٠٠ غرام) حتى يستوي مع القلي
ملعقه طعام ونصف ملح
ملعقة طعام بهارات مشكله
ملعقة طعام فلفل احمر حر ناعم او مجروش انا خلطت من النوعين
رشة كركم
تبلي فيهم قطع الدجاج
للتغليف:
في طبق عميق ضعي ٤حبات بيض يضاف عليهم ملعقتين طعام حليب بودره رشة قرفه وعصرة ليمون مع ٤ ملاعق طعام ماء اخفيهم معا
( هاي الطريقه بتعطيكي تغليفه سميكه وبتقرش )
في طبق اخر ضعي كوب دقيق
طبق ثالت ضعي كوب بقسماط+كوب شوفان+كوب كورن فلكس
(ممكن تستخدمي نوعين او تكتفي بالبقسماط حسب رغبتك لكن الخلطه بتعمل طبقة بتقرش ونكهة اطيب)
مرري قطع الدجاج بالترتيب الدقيق ثم البيض واخيرا خليط البقسماط مع الضغط الخفيف على القطعه حتى تتماسك التغليفه
غطي الدجاج بالنايلون وضعيه بالبراد على الاقل ساعتين كلما كانت الفتره اطول بيعطي نتيجه افضل انا تركتهم ليله
طريقة القلي:
من المهم ان يتم قلي الدجاج بطنجره سميكه مرتفعة الجوانب حتى تتم قلي وتحمير الدجاج وبنفس الوقت عملية نضجه من الداخل
يقلى الدجاج بزيت عميق على درجة حراره منخفضه لمده ٢٠ دقيقه بعد مرور عشر دقايق يقلب الدجاج بهدوء
لاحظي اثناء القلي بتكون القشره طريه بسبب السوائل اللي بتنزل من الدجاج اخر دقيقتين من القلي ارفعي درجة حرارة الزيت حتى تحصلي على قشره كريسبي
بهالطريقه بتحصلي على قطع طريه ونديه من الداخل وطبقه كريسبي وبتقرش من الخارج والطعم روعه
كالمعتاد قدمته مع بطاطا مقليه وكول
طريقة الكول سلو
(سلطة الملفوف)
في وعاء عميق ضعي ٤ ملاعق طعام مايونيز ضيفيلهم ٣ ملاعق سكر واخلطي المزيج
٦-٧ أوراق ملفوق تخلصي من العرق السميك ورتبيهم فوق بعض وافرميهم شرحات رقيقه جدا وضيفيهم عالمايونيز مع جزرة مقشره ومبشوره وقلبي
ممكن عصرة ليمون اختياري انا ما بضيفها الاصل انه تكون السلطه حلوه
ضعيها بالبراد ساعه حتى تمتزج النكهات
البطاطا المقليه المقرمشة
ميزة هالطريقه انه بتكون البطاطا هشه ومقرمشه وينفس الوقت لونها فاتح وصحيه اكثر من الفروزن اللي بيستخدموها بالمحلات
قشري البطاطا وقطعيها اصابع رقيقه نوعا ما
اغسليها جيدا بالماء البارد حتى تتخلصي من النشاء
ضيفي عليها كمية من الملح الخشن وضعيها في مصفاة لمدة نصف ساعه رح تلاحظي انه البطاطا دبلت ونزلت منها السوائل وهو المطلوب
اقليها نصف قليه بزيت مغمور حتى تنشف شوي وارفعيها بطبق جانبا
رح تلاحظي انها تشربت زيت بكثره عادي
بعد ما تبرد البطاطا اقليها قليه ثانيه بزيت حامي مع تقليبها لمده دقائق حتى تنشف من الزيت وتقرش
ضعيها في طبق عليه ورق المطبخ
رح تلاحظي انها اصبحت هشه وبتقرش وما بتحتوي على كميه كبيره من الزيت
وصحتين وعافيه
تحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي