الدجاج المقلي الأصلي KFC بطعم وطراوة ولا أروع ملكة رمضان
الدجاج المقلي الأصلي KFC بطعم وطراوة ولا أروع ملكة رمضان
الدجاج المقلي الأصلي KFC بطعم وطراوة ولا أروع ملكة رمضان
المقادير
- كيلو دجاج (يفضل نختار قطع صغيرة شوي بالحجم)
- للتتبيلة منحتاج:
- نصف كوب حليب
- ثلثين كوب لبن
- البهارات عبارة عن:
- ربع ملعقة كبيرة فلفل أبيض
- ربع ملعقة كبيرة هيل مطحون
- ربع ملعقة كبيرة بصل بودرة
- ربع ملعقة كبيرة توم بودرة
- نص ملعقة كبيرة بابريكا مجروشة
- نص ملعقة كبيرة بابريكا مطحونة
- حوالي ملعقة ملح.. دوقو التتبيلة المفروض يكون ملحها واضح شوي
- ملعقة كبيرة شطة
- أما بالنسبة لخليط الطحين منحتاج:
- كوب طحين
- نفس البهارات بنفس الكمية اللي استخدمناهم بتتبيلة الدجاج ماعدا الملح يكون أقل شوي
- نصف ملعقة كبيرة أوريغانو
- ظرف بيكينغ باودر
- لهون بتطلع ممتازة بس لو بتحبوه مقرمش وكرانشي أكتر بإمكانهم تضيفو مع الطحين:
- شيبس مكسر ناعم
- أو ملعقتين بكصمات
الخطوات
“بسم الله الرحمن الرحيم”
* منخلط مكونات التتبيلة ومنحط فيها الجاج ومنخلط لنضمن انو التتبيلة اجت على كل القطع ومننقعهم فيها ويفضل ليلة كاملة بيطلع الجاج بياخد العقل وطري ومستوي
* بعد النقع منصفيهم من التتبيلة الزايدة ومنضيف الشطة منخلطهم ومنتركهم ساعة
* بهالأثناء لبين ماينتقعو منجهز خليط الطحين ومنخلط كل شي سوا
* أسهل وأسرع طريقة لتغليف الجاج بالطبقة الخارجية انو نحط الطحين بعلبة كبيرة أو كيس ونحط قسم من الجاج ونغطي العلبة أو نسكر الكيس ونخض الجاج مع الطحين ليتغلف منيح ومنرجع منكبس الطحين عليه بإيدينا وهيك صار جاهز للقلي
* لازم نحمي الزيت تمام وبس ننزل قطع الجاج منخليه عالي دقيقتين ومنوطي النار لحتى يتشقر ويستوي بياخد حوالي ١٠ دقايق (فيكم تطالعو قطعة تشوفوها اذا استوت)
* استمتعو بالطعم انتو وحبايبكم ولا تنسوني من دعواتكم الحلوة
وانتظروني بالوصفة الجاية رح تكون تابعة لهالوصفة وبشكل ونكهة غيييير شكل
بحبكم كتييير ديرو بالكم على كروشاتكم والله يتقبل منا ومنكم
