كيكة الجزر بنكهه مميزه وصوص الشكولاته ملكة الكيك

31 1٬249
 

كيكة الجزر بنكهه مميزه وصوص الشكولاته ملكة الكيك

كيكة الجزر بنكهه مميزه وصوص الشكولاته بطعم واااو،# ملكة الكيك #

كيكة الجزر بنكهه مميزه وصوص الشكولاته ملكة الكيك

كيكة الجزر بنكهه مميزه وصوص الشكولاته بطعم واااو،# ملكة الكيك #, معكم صديقة زاكي الشيف الموهوبة ,

المقادير

  • 2 كوب طحين
  • 2 كوب سكر
  • 1 كوب زيت ذره
  • 3 حبات بيض
  • 4 حبات جزر حجم وسط مبشورين
  • م.ك.فانيلا
  • م.ك.بكنج باودر
  • م.ص.برش برتقال اختياري
  • مقادير الصوص :
  • علبة حليب مكثف محلى
  • 3 او 4 ملاعق كاكاو خام
  • ملعقة زبده كبيره ما يعادل 50 غ
  • علبة قشطه كبيره او بكتين قشطه
  • للتزين استخدمت : برش الجزر والبرتقال

الخطوات

السلام عليكم ويسعد مساكم بالخير

اليوم بقدملكم كيكه بنكهه رااائعه وبصوص أروع وسهله وما بدها مكونات كثيره ،،كيكة الجزر مع صوص الشكولاته،

ان شاء الله بتجربوها وبتعجبكم

يلااااا نشوف الطريقه ….

& بنحتاح لأربع حبات جزر مبشورين او مقطعين لشرائح وبيض بدرجة حرارة الغرفه والسكر والزيت والفانيلا والبكنج باودر والطحين ..(انا ضفت ملعقه برش البرتقال لاضافة النكهه اختياري اضافته) الكيكه ما بتحتاج لحليب

& بندهن الصينيه او القالب بزيت ورشة طحين،،، الصينيه المستخدمه بالوصفه كبيره ممكن استخدام صينيه وسط لارتفاع اكبر للكيك او صينيتين صغار حسب الرغبه

وبنشغل الفرن عالدرجة حراره 180 قبل ما نبلش بخليط الكيك عشان يكون محمى مزبوط

& بنضيف البيض والفانيلا والسكر بخلاط الكوكتيل وبنخلطهم لمدة دقيقتين لحتى يفتح لون البيض ثم بنضيف الزيت والجزر وبنخلطهم لحتى يختفي الجزر تماما

& هالمره راح نضيف المواد السائله عالمواد الجافه بنضيفهم وبنخلطهم بالخلاط اليدوي لحتى يتجانس الخليط ( الطحين والبكنج منخول لنتيجه افضل )

& نضعهم بالصينيه وبندخلهم عالفرن محمى مسبقا عالرف الثاني من الفرن لمدة 40 دقيقه تقريبا،، بنختبر استواءها بعود خشبي ،،، بنتركها ترتاح بالفرن لمدة عشر دقائق ثم بنخرجها لحتى تبرد بدرجة حرارة المطبخ يعني بنضيفلها الصوص وهي دافيه او بارده عالجهتين ممكن

( ممكن الاكتفاء بالكيكه بدون اضافة الصوص حسب الرغبه بس الصوص بعطيها طعم رهيب )

& لعمل صوص الشكولاته : بنضع حليب مكثف محلى والقشطه والكاكاو والزبده وبنحركهم قبل وضعهم عالغاز

بشغل الغاز عالنار وسط وبستمر بالتحريك لحتى يكثف الخليط معي بعد الغليان بستمر بالتحريك لحتى يثقل الصوص ..وبعد ما يجهز بخفقه بالبلندر او الخلاط لحتى ينعم ويتجانس اكثر وبزين فيه الكيكه

& للتزين استخدمت برش البرتقال،، او ممكن جوز الهند او برش الجزر او الفستق الحلبي حسب رغبتكم

& ملاحظه : ما في طعم للجزر بالكيكه لا يلاحظ وجود الجزر فيها بالاخص اذا كان فيه اطفال ما بفضلو طعم الجزر…وبعطيها لون برتقالي حلوو كثير وبالفعل هالكيكه طعمها من الذ انواع الكيك واولادي كثير حبوها لانه نكهتها مميزه والجزر اضافلها طعم راائع

وهيك الوصفه صارت جاهزه بتمنى تعجبكم وتجربوها وتعطوني رأيكم فيها ،،صحه وعافيه مقدما

دمتم بكل الخير

31 تعليقات
  1. um saleem :

    تبارك الرحمن ما شاء الله
    كيكة الجزر جداً جداً بعشقها
    يسلم اديكي وعينيكي يا عسل 😍

    1. 🍒أم محمّد🍒 :

      الله يسلمك ويسعدك يا رب بالفعل كثير زاكيه

  2. خديجه :

    ماشاء الله
    ااابداع ما ينوصف

    1. 🍒أم محمّد🍒 :

      يسعدك ويسلمك من كل شر يا رب

  3. تبارك الله عليك 😍 منظرها رائع و لونها ماشاء الله كيشهي الله يعطيك الصحة 💖 و إن شاء الله من الفائزات

    1. 🍒أم محمّد🍒 :

      ان شاء الله جميعا نكون من الفائزات بالدنيا والاخره …الله يسعد قلبك يا رب

    2. اللهم آمين يارب العالمين
      تستاهلي الجنة و نعايمها 💝

  4. فوفه🥀🥀 :

    الحلاوه والترتيب واضح من الغلاف

    الله يباركلك بصحتك وعافيتك 🌼🌹🌹

    1. 🍒أم محمّد🍒 :

      ويكرمك بكل الخير يا رب
      الله يسعدك ويسلمك ام علي

  5. هيام :

    شو هالابداع ماشاءالله

    1. 🍒أم محمّد🍒 :

      يسعد قلبك ويسلمك يا رب

  6. 🌹 ايمان 🌹 :

    يسلمو ايديكي 🍒أم محمد🍒
    بتشهي رح جربها

    1. 🍒أم محمّد🍒 :

      يسلمك من كل شر يا رب
      ان شاء الله بتجربيها وبتعجبك

  7. ام احمد العزاوي :

    ما شاءالله

    1. 🍒أم محمّد🍒 :

      الله يسعدك يا رب

  8. أمل :

    منظرها بجنن يعطيكي الصحه والعافيه يارررررب رح اجربها بكره واخدها لأمي لانها بتحب الجزر ويسير بدون الصوص

    1. 🍒أم محمّد🍒 :

      الله يعافيكي ويسعدك يا رب
      ان شاء الله راح تعجبها طعمها جدا زاكي وصحه وعافيه مقدما ..واكيد بتنفع بدون صوص

  9. ما شاء الله عنك ابدعتي ذوق وفخامة ام محمد يعطيكي ألف عافية ويسلمو هالايدين يا رب وصحه وهنا على قلوبكم

    1. 🍒أم محمّد🍒 :

      الله يعافي قلبك ويسعدك يا رب

  10. joudi :

    ما شاء الله عنك شكلها رائع ومنظرها رهيب

    1. 🍒أم محمّد🍒 :

      الله يسعدك ويسلمك يا رب

  11. زهوووور :

    تبارك الرحمن إبداع مشاء الله صحتين وهنا يا رب ويسلمهن ايديك 😍😍😍😍

    1. 🍒أم محمّد🍒 :

      الله يسلمك ويسعدك يا رب

  12. 🌷❤ غزل ❤🌷 :

    صحتين وعافيه بتشعي

    1. 🍒أم محمّد🍒 :

      الله يعافي قلبك يا رب

  13. 😍😍😍 :

    ام سيف
    يسلم هالديات حبي
    مبدعه بتوفيق ان شاء الله

    1. 🍒أم محمّد🍒 :

      الله يسلمك ويسعدك يا رب

  14. لون الكيكة خرااافي ماشاء الله
    وطبعا شو ماحكيت عن ابداعك وتميزك قليل عليكي
    ابدعتي ماشاء الله عليك 👌👌

    1. 🍒أم محمّد🍒 :

      الله يسعد قلبك ويكرمك بالخير يا رب

  15. اسمهان :

    يسلمو ايديكي ع ها الوصفة الرائعة اكيد ع المفضلة ورح جربها
    ماشا الله عليكي شغل متقن وع الأصول موفقة حبيبتي

    1. 🍒أم محمّد🍒 :

      الله يسلمك ويسعدك يا رب
      ان شاء الله بتجربيها وبتعجبك

اترك رد

لن يتم نشر عنوان بريدك الإلكتروني.