كيكة الكاسترد وجوز الهند والطعم روعه ملكة زااكي 3
كيكة الكاسترد وجوز الهند والطعم روعه ملكة زااكي 3
كيكة الكاسترد وجوز الهند والطعم روعه ملكة زااكي 3
المقادير
- 5 او 4حبات بيض بحرارة المطبخ
- كوب الا ربع زيت ذره
- 2 كوب طحين
- نص كوب جوز هند
- 3 ملاعق حليب باودر
- 3 ملاعق كاسترد
- م.ك.بكنج باودر
- ربع م.ص.كربونات الصوديم
- م.ك. فانيلا
- م.ص.خل ابيض
- رشة ملح
- كوب ماء بدرجة حرارة المطبخ
- للتزين :
- ظرفين كريما
- بكيت قشطه
- ربع كوب ماء بارد
- شوكلاته سائله جاهزه
- كراميل
- مكسرات
- لتشريب الكيكه :
- نص كوب حليب مكثف محلى
- ربع كوب حليب سائل اختياري، ممكن الاكتفاء بتشريبها بالحليب السائل فقط
الخطوات
السلام عليكم ويسعد أوقاتكم بالخير
اليوم بقدملكم كيكة الكاسترد وجوز الهند نكهتها طيبه وبسيطه ان شاء الله بتعجبكم وبتجربوها
يلااا نشووف الطريقه ….
& أولاً ، بنشغل الفرن عالحرارة 180 وبنجهز صينية الكيك او القالب بندهنها زيت وبنرشها بالطحين
& بنخفق البيض والفانيلا والخل والسكر لحتى يفتح لون البيض بنضيف الزيت وبنخفقهم لحتى يذوب السكر بنضيف المواد الجافه الطحين والحليب والكاسترد وجوز الهند والبكنج باودر والكربونات ورشة الملح،، وبضيف كوب الماء وبخفقهم بس لحتى بختفي الطحين ويتجانس الخليط بضعهم بصينية الفرن وبدخلهم عالفرن عالرف الأوسط ل35 دقيقه وبنختبر استواءه بعود خشبي …وهيك بكون جاهز معنا الكيك ما احتاج معي للتحمير بتركه يرتاح ويبرد وبعدين بقلبه عشان التزين طبعا التزين اختياري وحسب الرغبه انا حبيت ازينها بالكريما وخطوط من الكراميل الجاهز والشوكولا السائله …
& للتزين : خفقت ظرفين كريما باودر مع بكيت قشطه وربع كوب ماء او اقل حسب ما تشد معي الكريما الماء لازم يكون بارد خفقتهم لحتى تجهز معي الكريما بزين فيها الكيك عملت التزين بالملعقه ضربات عشوائيه شكلها حلو وعالجوانب مديتها بالشوكه لفوق واعطتني هالشكل البسيط وبدخلها الثلاجه قبل التقديم عشان الكريما تضل ماسكه يعني من عشر دقائق لربع ساعه ..وبعدين بقدمها وصحه وعافيه …
ممكن استبدال القشطه والماء بنص كوب من الحليب السائل البارد
& ممكن الاكتفاء بتشريب الكيكه بنص كوب من الحليب المكثف المحلى المخفف بربع كوب من الحليب السائل بنخرم الكيكه بعود خشبي و بنشرب الكيكه بشكل كامل وبنزينها حسب الرغبه
دمتم بكل الخير
ما شاء الله منظر لا يقاوم يسلموا ايديكي وصحتيين والف عافيه على قلبك ابدعتي👏😋😋😋❤️
الله يسلمك ويسعدك يا رب
ما شاء الله عليكي حبيبتي
والله الشكل لحالو بفتح النفس
يسلمو ايديكي يا قلبي
ابدعتي 💖
الله يسلمك ويسعدك يا رب
صحتين وعافية اللهم بارك شكلها بتفتح نفس 😘
الله يعافيكي ويسعدك يا رب
يسلمو ايديكي
الله يسلمك ياا رب
ماشاءالله شكلها رائعه وبتشهي تسلم اديك صحه وهنا
الله يسلمك من كل شر يا رب
ما شاء الله يسلم دياتك الشكل غير شكل بس دوء بحكي عن الطعم صحة وميت عافية
الله يعافيكي ويسعدك يا رب
اللهم بااارك رووووعه تسلم ايدياتك ام محمد مبدعه
الله يسلمك ويسعدك ياا رب
بالعافيه شكلها بيشهي 🤤
الله يعافيكي يا رب
ما شاءالله.. شو هالإبداع.. يسلم هالديات وع المفضله أكيد
الله يسلمك يا رب
ماشاء الله يسلم ايديكي صحتين وعافيه عليكم
الله يسلمك يا رب
ما شاءالله عليكي أم محمد اشي بيفتح النفس
الله يسعدك يا رب
تبارك الله عليك مثل كل كيكاتك منظر شهي و من المكونات باينة لذتها ❤️
الله يسعدك ويسلمك من كل شر ياا رب
ما شالله تبارك الله تسلم ايدك
الله يسلمك ويسعدك ياا رب
ام نبيل
ما شاء الله عنك الكيكه روعه وشكلها بشهي
يعطيكي الف عافيه
الله يعافيكي ويسعدك يا رب
وعليكم السلام ورحمة الله.. نوووووورتي. زاكي. بطلتك. وصفاتك ست الكل ام محمد
النور نورك ام علي برجعتك ..الله يسعدك ويسلم قلبك يا رب
وَعَلَيْكُمُ السَّلَامْ وَرَحْمَةُ اللهِ وَبَرَكاتُهُ
اللهم بارك.. ذوق وأناقة
صحة وعوافي يا رب🌹
الله يسعدك ويسلمك يا رب كلك ذوق
تسلم ايدك ماشالله عليكي
الله يسعدك يا رب
تسلم ايدك حبيبتي ام محمد رووووعه ربي يسلم هالديات
الله يسلم قلبك ويسعدك يا رب