أفضل طريقة لتفريز ورق العنب ويضل لونه أخضر

32 83٬389

أفضل طريقة لتفريز ورق العنب ويضل لونه أخضر 
معكم صديقة زاكي المميزة والغالية صبا عوني المهتدي
حبيت افرجيكن آخر طبخة لورق العنب من الموسم الماضي طبختها من يومين كيف لونها اخضر وكانها فريش

أفضل طريقة لتفريز ورق العنب ويضل لونه أخضر
أفضل طريقة لتفريز ورق العنب ويضل لونه أخضر

طريقتي بتفريز ورق العنب
افرد ورق النايلون الغذائي وارتب طبقات الورق وابدأ الفه مع النايلون وكأنو سويسرول مع الضغط عليه حتى يخرج كل الهوا منه

وبعدها ببرم الاطراف كانها بونبون لاضمن خروج الهوا واغلاقه بشكل محكم

12994300_599082566924425_6153613401400017975_n

وبعدها بغلفه بلفة سريعة حتى الاطراف ما ترجع تفتح وعالفريزر وعند الاستعمال بطلعهم قبل بليلة بتركهم بالثلاجة عادي حتى يدوبو براحتهم … وعند الاستعمال بغسلهم منيح

ازا الورق صغير وطري ما بسلقه بتاتا … لكن ازا الورقات كبيرة بس بحط ماء مغلي غليها لدقايق وبعدها بنشلها لماء بارد جدا

بالنسبة للون الورق بعد الطبخ عم بصير غامق معي لانو الورق سماري اصلا (ورق عنب اسمر )

أفضل طريقة لتفريز ورق العنب ويضل لونه أخضر

12938364_599082600257755_3618815995838159175_n

سؤال وجواب:
هل بتسلقيه قبل التفريز؟
قبل التفريز ما بسلقه حتى اللون ما يتغير وليبقى متماسك وما يتمزق بعد التفريز

تسلم الايادي ممكن اعرف انت بتغسليه قبل التخزين ولا لاء
ما بغسله قبل التفريز لانو لو بقيت شوية رطوبة حيتغير لونه مع التفريز …. بغسله بعد التفريز وبعد ما يتفكك براحتو في الثلاجة طول الليل

كيف أرتب الكوسا ورق العنب لما اطبخهم؟

معلش بدي اسال لو بدي اطبخ كوسا ودوالي نفس الطنجره مين احط فوق ومين تحت
عزيزتي بيعتمد على الطنجرة اللي حتطبخي فيها
يعني لو طنجرة عادية بالعادة بحط الكوسا على الاطراف حول الحفف وبالمنتصف بحط شرحات بطاطا مع شرحات بندورة وفوقهم ورق العنب
واحيانا لانو العيلة بحبو حبات الورق طريين شوي بطبخه بطنجرة الضغط وممكن احط الكوسا معه لكن لونه بيتغير من ورق العنب لهيك بطبخ الكوسا لوحدة وبنفس سايل طبخ الكوسا اطبخ الورق

طيب بتغليه لما تستعمليها ولا من غير غليه
ما بغليه بتاتا …. ازا كانت الاوراق كبيرة بكتفي باضافة ماء حار على الورقات وبعدها بنشلهم على ماء بارد

هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي

عرض التعليقات (32)