المقادير للكفتة:
1/2 كيلو لحمة مفرومة
بصلة مفرومة ناعم
بقدونس مفروم ناعم
فلفل أسود
بهار حلو
رشة قرفة
ملح
2 حبة متوسطة بطاطا
المقادير لصوص الطحينية:
750 مل ماء (750 مل تعادل 3 أكواب)
100 مل طحينية ( تقريبا ثلث كوب)
عصير الحامض
ملح
الطريقة:
بتجيبي اللحمة المفرومة وبتضيفي عليها بصلة مفرومة ناعم وبقدونس مفروم ناعم وبتحطي فلفل أسود وبهار حلو ورشة قرفة صغيرة وملح وبتخلطيهم مزبوط وبتشكليهم أصابع وبتحطيهم في صينية وعالفرن لحد ما تنشف ميتهم.
– بعدين بتشيليهم على صينية نضيفة وممكن اتضيفوا بطاطا أصابع عريضة مقلية وممكن بدون.
وبتحضري في ابريق الخلاط ٧٥٠ مل ماء وبتحطي طحينية لحد مايصير السائل على ٨٥٠ مل وبتكملي العيار للتر بعصير الحامض وملح حسب الرغبة، بتخلطيهم وذوقي اذا بيحتاجوا كمان حامض أو ملح، ولما يجهز الخليط بتضيفيه فوق الكفتة وعالفرن يغلو شي ١٠ دقايق وعالسفرة وصحتين وهنا.
شاهدي طريقة المبدعة في عمل أشهى كفتة بالبندورة
لمتابعة الوصفة الشهية المميزة من الشيف ريما, ووصفات أخرى مميزة تابعونا على جروب “زاكي” لفن الطهي:
كفتة بالطحينية على طريقة الشيف ريما