فتة حمص على أصولها

28 12٬215

فتة حمص شهية وسريعة في يوم تريدي فيه أكله على الطراز السوري الأصيل, تقدم لنا المبدعة والفنانة في عالم الطهي Reema Awwad‏, فلنترك المجال لمبدعتنا لتخبرنا طريقتها الشهية جدا.

فتة حمص
المقادير:
خبز صمون أبيض
حمص حب
طحينية
عصرة ليمون
ملح
ثوم
زيت زيتون
رشة كمون
بقدونس
صنوبر


الطريقة:
-قطعي خبز صمون أبيض في صينية وبتدخليه عالفرن يتحمص وياخد لون خفيف.

– اسلقي الحمص وبتشيلي الكمية اللي رح تنحط حب عالوجه وباقي الحمص بتتركيه زيادة عالنار لحد ما يطرى كتير، بتشيلي جزء عشان تعمليه حمص بطحينية والباقي لازم يكون فيه مي زيادة شوي، بتهرسيه بهراسة البطاطا بس لا تنعميه عالآخر.

– وبتضيفيه فوق الصمون المحمص مع شوية طحينية وعصرة ليمون وملح و بتغليهم شوي عالنار لحد ما يتشرب الصمون مية الحمص، وبتشيلي الصينية عن النار وبتضيفي شوية حمص بطحينية اللي جهزتيه وبتخلطيهم وبتفضيهم في جاط التقديم وبتوزعي الحمص الحب وبتكوني داقة كم سن توم وعليهم عصير حامض وشوية زيت زيتون ورشة ملح وبتوزعي منها فوق الحمص.

– وبترشي عالوجه رشة كمون، وبتوزعي البقدونس عالوجه وآخر خطوة بتقلي صنوبر بزيت زيتون وبتطشيهم سخنين عالوجه، وصحتين وعافية.

لمتابعة الوصفة الشهية من الشيف ريما, ووصفات أخرى مميزة تابعوا جروب “زاكي”:
فتة حمص على أصولها

 

عرض التعليقات (28)