السجق اللبناني وبالخطوات المصورة

26 28٬233

السجق اللبناني وبالخطوات المصورة
معكم صديقة زاكي المميزة الشيف  Oumaima Hakim

السجق اللبناني وبالخطوات المصورة
السجق اللبناني وبالخطوات المصورة

مساء الخير صبايا اليوم حبيت علمكن على السجق اللبناني على طريقة الأرمنية وكل بلد بيختلف طريقة والبهارات وهيدي طريقة الحشي بلكلسات النيلو اخدتها من مدام دلال وانا على طريقتي اشتغلت وكتير هينه وكتير بتشكر مدام دلال لانو عنجد هونت عليه لانو ما كنت احصل على مصران بي المانية لانو كتير صعب ينباع عند اللحام التركي
المقادير
٣ كيلو لحمة ناعمة مدهنة بقر( عجل ) ويلي بحب لحم الغنم بيحط فقط الدهنة غنم واللحمة عجل يعني ٢ كيلو ونصف لحمة هبرة بدهن دهنة نصف كيلو غنم او بقر او بيدعم اللحمة بضلع غنم لانو بيكون مدهن
كوب خل ابيض او احمر
٢ ملعقة كبيرة ملح
٥ ملاعق كبار كمون ناعم
١ملعقة كبيرة فلفل اسود
١ملعقة صغيرة جوزة الطيب
٣ ملاعق كبيرة بابريكا حلو وحر مطحون ناعم بودرة حسب الذوق
٢ ملعقة كبيرة حلبة ناعمة
٢ ملعقة كبيرة بهار حلو
ربع ملعقة صغيرة صبغة حمراء خاصة للآكل
١٥ حص ثوم مهروس جيدآ
الطريقة
اولآ انا اخدة اللحمة المفرومة وعملتها شوية على مكنة الكبة حتى تتماسك
وحطيت فيها كل البهارات وخلطت الصبغة مع الخل حتى تخطلت جيدآ
وخلطتها مع البهارت والخل جيدآ وتركتها في البراد لمدة ٢٤ ساعة
وتاني يوم حضرة الكلسات ( كولون نسائي نيلون ) قصيت كل رجل ثلاث قطع او حسب ما بتحبو او جربات يلي متوفر بس( جديد ) وغسلتو بشويةماءو كلوركس وغسلتو منيح ورجعت حطيت شوية خل وعقمتهن وربطهن من ميلة وميلة التانية حشيت فيها وانا عندي تعليق يلي بيجو مع البرداية البانيو انا ما بكبهن بخليهن لاهيك شي بيلزمو وبرمتهن وعلقت خيط نيلون سميك وعملت تعليق وعلقتهن حطيت شبك الفرن ورفعتو او فيكن على منشر الغسيل النقال بس منشان ما ياخد مطرح بلمطبخ وتركتهن ثلاث ايام كنت افتح شباك المطبخ عددة مرات بلنهار وهوي المطبخ فيه تدفئ
وبعدين شلحتهن الكلسات بسهولة لانو نشفو مش كتير يعني مش تجفيف على الأخر ولفيتهن بنيلون الأكل منيح حتى ما ياخد اي شي منهن بلڤريزر ريحة لانو بيتميز بي ريحة الثوم والحلبة
وانتو بتحبو تعملهن متل ما بتحبو على البيتزا او مع بيض مقلي او مقلي بلزبدة او زيت شوية او سندوش مع جبنة حسب الرغبة وبس تشيلوهن من الفريزر وهني مثلجين بتقطعوهن بسهولة بيطلعو معاكن مبرومين وحسب ما بتحبو رقيقة او سميكة””

السجق اللبناني وبالخطوات المصورة السجق اللبناني وبالخطوات المصورة 13872698_1765992753685705_6622798146492292107_n 13631613_1765992727019041_4685476506286602484_n 13781738_1765992717019042_570913893197901753_n 13659012_1765992690352378_4101126251861426054_n 13645315_1765992683685712_4853384808638246957_n 13658969_1765992640352383_4630543405559014962_n

عرض التعليقات (26)