أزكى تتلبية للدجاج على الاطلاق لو عرفتها راح تعتمدها فورا

أزكى تتلبية للدجاج على الاطلاق لو عرفتها راح تعتمدها فورا
معكم صديقة زاكي المميزة الشيف لينا عرار

الطريقة:
المقدار يكفي لدجاجتين 2 علبة لبن زبادي حجم صغير مع 3 م ك مية بندورة وعصير نص ليمونة و2 م ك زبدة ورشة ملح مع معلقة صغيرة من التوابل ( فلفل اسود ، اوريجانو ، كاري ، بودرة ثوم ) حطيت تقريبا ربع ملعقة صغيرة صبغة صفار الزعفران مع معلقة صغيرة صبغة حمرا وخلطتهم كلهم منيح بنظف الدجاج منيح بالخل والليمون والطحين مع ابقاء الجلد ، بنخلط الدجاج بالخلطة وبنحاول برفق ندخل الخلطة لتحت الجلد وبنخليهم ليلة كاملة بالثلاجة.

طريقة الشوي:
بنجيب صينية الشوي بنحط بالقاعدة قصدير بعدها بنقطع بصل شرايح ليغطي تقريبا القاعدة ، بنحط عصير ليمونتين بقاع الصينية وتقريبا ربع كوب او اقل حسب حجم الصينية زيت زيتون والقليل من الماء ، بنحط قطع الدجاج وبندهن وجه القصدير اللي حيغطي الدجاج بزيت الزيتون حتى ما يلزق بالدجاج وبنغطي الصينية وبنحطها بالفرن عحرارة وسط اقصى شي حتوخذ ساعة بنشيل القصدير اللي فوق وبنحمرها من فوق مع المراقبة لتوخذ اللون وصحة والف هنا