عجة البيض والزهرة أو المشاط الفلسطيني
هاد الجو بده هيك اكلات الله يديم علينا وعليكم النعم يا رب
معكم صديقة زاكي المميزة الشيف Fatmah Abu Diab
عجة البيض والزهرة أو المشاط الفلسطيني
هاد الجو بده هيك اكلات الله يديم علينا وعليكم النعم يا رب
معكم صديقة زاكي المميزة الشيف Fatmah Abu Diab
المقادير:
رأس زهرة
حبة بصلة كبيرة
نصف حزمة بقدونس
3 بيضات
ملح
وفلفل أسود
ملعقة صغيرة باكينج باودر
كاسة ونصف طحين
كاسة ماء أو حسب ما تشوفي طراوتها ما تكون جامدة, رخوة شوي
الطريقة:
نقطع الزهرة ونسلقها, بس غلوة وبكب عنها المية, وبغسلها بماء بارد من الحنفية, أنا ما بحب أسلقها كتير عشان يضل فيها قرشة لما اقليها,
وبعدها بفرم الزهرة لقطع صغيرة بس مش كتير وبحطها بجاط عميق
بفرم راس البصل والبقدونس الناعم وبحط البيض والملح والفلفل الاسود وبخلطه بالملعقة, وبضع الطحين والباكينج باودر والماء, وبعجنه بالملعقة لحد ما يتجانس
بعدها بحمي المقلاية وبحط فيها زيت زيتون يعني قدر كاسة شاي وبمغرفة بغرف بالمقلاية وبحاول أمسدها عشان تصير مثل الرغيف وبخليها تستوي من جهة, وبقلبها للجهة الثانية, بتركه لحد ما يتحمر, وصحتين وهنا
