كرسبي دجاج لمحبي الأكلات المقرمشة
كرسبي دجاج لمحبي الأكلات المقرمشة
معكم صديقة زاكي المميزة الشيف لينا عرار
الطريقة:
بنقطع 3 صدور دجاج ( او حسب الرغبة ) مغسولين بالخل ومنشفين ومقطعين بشكل طولي.
بصحن غميق بنحط كوب ونص طحين ، نص كوب سميد ناعم جدا (فرخة)، التوابل معلقة كبيرة من ( البابريكا، الفلفل الاسود، كزبرة ناشفة ، اوريجانو،ثوم بودرة، فلفل ابيض، باكينغ باودر) ورشة ملح وبنخلطهم سوا.
بصحن ثاني بنخفق 3 بيضات مع 4 معالق حليب سائل ورشة اوريجانو ومعلقة من خليط الطحين ( معلقة من الخليط السابق 
?) وبنحركهم سوا.
بنوخذ قطع الدجاج المقطعة بنغطها بخليط البيض ثم الطحين مرتين بنكرر نفس العملية لتتشكل طبقة سميكة.
بنقليهم بزيت عحرارة متوسطة وبس يغلي بنوطي الغاز ليوخذ اللون الاشقر بنحطوا عورق نشاف وصحة والف هنا.
الصوص : 2 م ك مايونيز مع 3 م ك حليب سائل بنخفقهم ،بعدها بنحط 1 م ك كاتشب ، 1 م ك خردل، 2 م ك عسل وبنخفقهم وصحة والف هنا.
