صدفه غيرت حياتي قصه حقيقيه اللي بتحب تقرأها تكتب في التعليق تم

181 7٬947
 صدفه غيرت حياتي قصه حقيقيه اللي بتحب تقرأها تكتب في التعليق تم
صدفه _غيرت_حياتي
في قسم المنوعات في زاكي نقدم لكم مجموعة من المقالات الاجتماعية الترفيهية الهادفة, متابعة ممتعة وقراءة مميزة نتمناها لكم يا شلة الأنس العظيمة.

 صدفه غيرت حياتي قصه حقيقيه اللي بتحب تقرأها تكتب في التعليق تم
صدفه غيرت حياتي قصه حقيقيه اللي بتحب تقرأها تكتب في التعليق تم


الجزء الاول و الثاني و الثالث و الرابع
و الخامس و السادس

.: كل شي بالدنيا قسمه ونصيب بس ابدا مااتوقعت يكون نصيبي هون
شهد:الو لك وينك ليه اتأخرتي يلا بسرعه كتير زحمه تقولي واقفين على طابور الخبز
شام:ههههههه لك ماجاي عبالي انزل نعسانه كتير
شهد:لك شو ماتجي اليوم أخر يوم لدفع أقساط الجامعه
شام:طيب جاي مسافه الطريق

شهد وشام رفقه عمر بحبو بعض كتير اكتر من انو يكونو خوات
شام:ماما انا نازله عالجامعه
شهد:اي اهلا وسهلا وشك ولا ضو القمر انا بوقف عالدور من 7وحضرتك بتشرفي ب10
شام:هههههههه لك ليه اسمنا رفقات
شهد :لك احكيلي شو صار معك بعدا لسا عم تحكي مع فراس لك دخيل الله بس افهم لشو عم تحكي معو
شام:لك لا ولاشي بس هيك لك صحي واعدتو انا اليوم ب10عباب الاقتصاد هههههه لك هلأ بكون ناطرني
شهد:لك يعني مابدك تشوفيه
شام :اكيد لا بس من كتر مااصر علي قلتلو ماشي بس اكيد مارح شوفو
سكتنا شوي بعدا قلت بقلبي (ياالله لو تعرفي ليه عم احكي معو بس بدي اعرف اخبار عن محمود ياربي وينو شواخبارو صرلي 3سنين مابعرف عنو شي والله مشتاقه لصوتو لااسمع اخبارو اكيد اتجوز معقول لهلأ مااتجوز لك لا لا اكيد اتجوز وصار عندو اولاد
شام:لك شهد شو اخبار رفيقو لفراس محمود
شهد مسافر من زمان على دبي اجا اسمو احتياط من سنتين وسافر انا هاد يلي بعرفو
شام :عنجد يعني مالو هون بالبلد
اااوف ياربي هالازمه شو فرقتنا
شهد:لك وين صفنتي
شام:لك شو عرفني ايمتا رح يجي دورنا شو هالعجئه هي
طيب هلأ هدول شو عم يعملو هون لشو واقفين عالدور مو مبين عليهن طلاب
شهد:هدول موظفين جايين ياخدو رواتبن
شام:طيب وهدول
شهد:يلا بلش النكد هدول جايين يدفعوا للبنك رسوم بس لشو بالضبط مابعرف
شام:لك شهد اطلعي معي منيح مع هدول يلي واقفين هون شفت حدا بعرفو كأني بس ماانتبهت على ملامح وشو بس ياالله والله بعرفو
شهد:لك مين يعني
شام:لحظه لحظه كأنو هاد هو والله هو

الجزء الثاني
شهد:لك ديه مين شو صرلك رح تنطي من محلك
شام:لك شوفيه طلعي منيح لك هاد محمود
شهد:لك دخيلو يلي لسا نعسان شو بدو يجيبو هاد لهون عم تتوهمي ياروحي لسا المخده لزقانه بوشك هههههه مو هيك بتقليلي عم نقلك سافر على دبي
شام:ياشهد والله هو طلعي منيح انا متأكده لك بعرفو من بين مليون شب لك هو هو عم يلتفت لهون خلص مابقى فيني رح امشي (باي)
شهد:ولك مجنونه انت لوين رح تمشي رح يجي دورنا شو بدك فيه ماعم افهم
شام:تركيني امشي قبل مايشوفنا
لك ياالله شافنا
محمود:شام لك هي انت شو هالصدفه الحلوه
كيفك
شام:اهلين محمود تمام
محمود:شو عم تعملي لكن هون
شام:عم ادفع اقساط الجامعه وانت …
الجزء الثالث

محمود:عنجد شو عم تدرسي
شام:حقوق وانت شو عم تعمل هون
محمود:كان في مشكله بالبيت وحليتا وعم ادفع الرسوم بالبنك شو مااتجوزتي
شهد:هههههه اتجوزنا واتطلقنا
محمود:هي هيه انت مارح تتغيري
شورأيكن بس خلصنا نشرب قهوه سوا
شام:لا لا مشغولين
محمود:اوك متل مابدك انا رح ارجع وقف مكاني قبل مايروح دوري باي
شام:باي
شهد:لك يضرب كيف صاير شكلا مرتو مكفرتو
شام:مرتو

شهد:اي مرتو اكيد متجوز لكن هاد شكل واحد اعذب
شام:اي يمكن يلا اجا دورنا رح ادفع وامشي
شهد:طيب ليه بدك تطلعي عالبيت تعي نشرب قهوه وبعدا منروح لشو هالعجله
شام:مابعرف حاسه حالي تعبانه
شهد:اي معك حق لانو انت يلي واقفه من 7
شام:هلكتيني ها انو انت وقفتي ب7يلا باي
رجعت عالبيت وقلبي رح يوقف ماعم تعرف من الفرحه ولامن خوفا انو شافت حبا الاول
ياالله ليش مااخدت رقمو لا لا مابدي اصلا خلص المهم اتطمنت عليه هو بخير وماعاد شوفو
وصار يرن موبايلي ولي هاد فراس هلأ رح يجن لانو نطرتو وماجيت

شام:الو اي اهلين فراس
فراس:وينك ياخانوم وقفت استناكي وماجيتي
شام:صار عندي ظرف
فراس:هلأ هلأ بدي اعرف مين انت انا متأكد انو انت بتعرفيني
شام:اي اي بعرفك وبتعرفني
فراس:عنجد طيب مين انت
شام:انا…..انا……..شام
فراس :شام مين شام اي اي تذكرتك لك اهلين كيفك لك ليه ماجيتي اليوم
شام:لك مابدي شوفك بس حبيت اتطمن عليك من بعيد واعرف اخبارك
فراس:لا لا بدي شوفك شورأيك نلتقي بكرا ع3
شام:امممم بفكر
فراس:مابدى تفكير حابب نرجع متل قبل شله ونرجع نطلع وننبسط انا رح خبر محمود وانت خبري شهد لك صحي انت وشعد لسا انتيم
شام:اي طبعا ليه فيني استغني عنا
فراس:حلو معناها موعدنا بكرا

الجزء الرابع

سكرت الخط ومبسوطه انو رح ارجع اشوف محمود ويمكن اقدر احكي معو
لك شام نسيتي شو عمل فيكي نسيتي الوجع يلي تسببلك فيو
اتصلت على شهد وحكيتلا شو صار وشهد وافقت انو نطلع
بس انا خايفه كتير ياربي ضو اعمل اطلع معن ولا لأ لازم قرر
وانا عم فكر نمت وشفت منام شفت بنومي محمود كيف التقينا اول مره ونحنا صغار وكيف حبيتو وبعدا صارت مشاكل بالبلد وانقطعت اخبارنا عن بعض وتركنا فقت وانا مبسوطه كتير فقررت روح وشوفو واعرف ليه تركني ليه ماعاد سأل عني
قمت وغسلت ولبست واتصلت بشهد واتفقنا نطلع سوا ورحنا عالكافيه يلي اتفقنا نشوف بعض فيا قعدنا بس ماكان في حدا وانا كنت متلبكه كتير
فجأه دخل فراس وسلم علينا وقعد جنبي
فراس:اوووه لك شو هالحلا كلو شام
شام:تسلم
محمود:كيفكن صبايا بعتذر عن التأخير
وقعد جنب شهد نأزت شهد واتلبكت
لك شبك خلص بعدت
هون انا جنيت واتغيرت ملامح وشي ليه ليقعد جنبا درت وشي عنو وماعاد اتطلعو فيو ابدا ويحكي معي فراس بس ولا كأنو موجوده
هون عصب محمود كتير وباين عليه بدو يعلق معي واخيرا خلصت القعده وقررنا نمشي
فراس:اتفضلو ياصبايا وصلكن
شهد:لاشكرا فينا نروح لحالنا
فراس:لامابصير شو تطلعو لحالكن
وصلنا فراس عالبيت وطول الطريق ماحكيت كلمه
وصلت عالبيت ومعصبه كتير لك لشو لطلعت انا
تاني يوم نزلت عالجامعه وقررت انو خلص ماعاد رد على اتصالات فراس
شهد:شام اتصل فيني محمود وبدو قال يحكي معك ضروري

شام:نعم محمود ليه معك رقمو
شهد :اي ليه ماقلتلك انو اخد رقمي وانصل فيني امبارح وحكى معي وقلي بدو يحكي معك ضروري
شام:اي مابدي احكي معو
شهد:بس عم يتصل خدي شوفي شو بدو
شام:الو اهلين
محمود:كيفك شو اخبارك
شام:تمام منيحه وانت
محمود:منيح فيني شوفك اليوم لو سمحتي
شام:ليه شوفي
محمود:لا ولاشي حابب شوفك
شام:طيب عالساعه 4بالكافيه يلي جنب الجامعه
محمود:اوك اتفقنا بس لحالك لوسمحتي بدون شهد
سكرت الخط وعم فكر شو بدو ياترى معقول عرف انو
شهد :اي شام شو بدو محمود
شام:لا ولا شي اقلك انا مارح خبي عنك بدو يشوفني وقال ضروري والله حاسه انو عرف بقصتي
شهد:جدبه من وين بدو يعرف خلص روحي وشيلي هالفكره من راسك
خلصت محاضرتي وطلعت فورا شوفو
فتت عم دور عليه شفتو قاعد على طاوله ظريفه كتير قلبي صار يدق كتير سلمت عليه وقعدت
محمود:كيفك شواخبارك ماقلتيلي شو سرهالجمال
شام:يعني قصدك ماكنت حلوه
محمود:لك لا ماهيك قصدي طيب سمعي بهديكي هالاغنيه
صار الحكي بيناتنا كلو عتب
في شي انكسر جواتنا وماتسألي
مين القرر يبعد ومين السبب
هون دمعو عيوني وماعاد قادره احكي
محمود:شام انا اذيتك شي
شام:لا …..مابعرف يمكن بس سامحتك
محمود:يعني صافي يالبن
امبارح اتضايقت منك كتير ليش هيك عملتي كنت على شوي رح اتخانق معك
شام:لك ماشفت حالك كيف قعدت جنب شهد
محمود:ههههههه يعني غرتي
شام:لا لا لشو لغار بيني وبينك مافي شي
محمود:ههههههه طيب شو رأيك نطلع نتمشى تحت التلج كتير حلو الجو بعرف بتحبي المطر والتلج
طلعنا نتمشى ومابعرف اذا مبسوطه ولا لأ
محمود؛بتعرفي طول فتره غيابك عني مارحتي من بالي دائما كنت فكر فيكي ووين صرتي ماتوقعتك ابدا تكوني لسا بسوريا
شام:لك وين بدي كون ههههه انا لازم روح عالبيت اتأخرت وانت هلأ بينشغل بالا مرتك عليك
محمود:ههههههه ليه مين قلك انا اتجوزت انا لسا مااتجوزت تعي هي تكسي
وصلت عالبيت والدنيا كلا مو سعانتني من الفرحه لك لسا مااتجوز ياالله بس لازم انسى الموضوع فوراخلص اذا عرف انو انا ياالله شو رح تكون رده فعلو
بس انا لسا بحبو رح احكي مع شهد وخبرا شوصار
شام:الو كيفك شهد
شهد:تمام احكيلي شو صار
شام:مابعرف شو احكيلك بس يمكن انا لسا بحبو
شهد:نعم ليه انت كنت تحبي محمود
شام:شهد اي اسمعيني انا ومحمود كنا نحب بعض من قبل مااتعرف عليكي وكانت علاقتنا كتير حلوه ليوم ماتركنا
شهد:طيب مافهمت ليه تركتو
شام:مابعرف عنجد مابعرف بس هلأ اعتذر بطريقتو
وسألني اذا اذاني از سببلي اذى بس قلتلو انا سامحتكً
شهد:اي طيب
شام:انا شو اعمل احكيلو قصتي مثلا او اقطع علاقتي فيه فورا
شهد:طيب هو بلكي مفكر هلأ انو تبقو اصدقاء وبس
شام:اي والحل
شهد:خلي علاقتك معو عاديه لنشوف شو رح يصير
اتطورت علاقتنا وصرنا نحكي يوميا مع بعض ونشوف بعض ليوم من الايام

الخامس

محمود:شامو ماقررتي تحكيلي شو هو السر
شام:اي سر
محمود:السر يلي مخبيتيه عني
شام:اشرب كم حبه بنادول بالاول لااحكيلك ههههههه
محمود:وهي شربت العلبه كلا بس احكي
شام:بعد مانزلت قذيفه عبيتنا وطلعنا منو ونزحنا على مزرعه لقرايبينا وقعدنا فتره هنيك شافوني جيرانا بالمزرعه وحبوني كتير كانو كتير يزورونا
لطلبوني لابنن يلي هوا برا البلد وانا هون كانت نفسيتي تعبانه كتير ومتضايقه من اخوتي ونسوانن وكانت هي فرصه لااخلص منن وافقت وتمت الخطبه عن طريق الصور بعتلي صورتو وبعتلو صورتي وصرنا نحكي عالسكايب بس كان كتير بارد وانا ماهتميت لانو نحنا مامنعرف بعض وبعيدين وقلت بس نتزوج رح يختلف كل شي
وبعد شهرين طلعنا انا واهلي واهلو لعندو وشفتو كان شب خجول مابيحكي الا الشي الضروري لدرجه انو نكون انا وياه بغرفه وحده ومايحاول يطلع فيني كنت فكر انو خجول بس
محمود:يعني شام انت متجوزه
شام:خليني كملك لوقت ماصار العرس وفتنا عبيتنا وغيرت فستاني ولبست قميص احمر حرير وفردت شعراتي وطلعت عالصاله وقلي تعي اتعشي تعشينا وفتنا على غرفه النوم وحط راسو ونام
محمود:شو مافهمت نام يعني ماقرب عليكي
شام:لا ابدا بس الصدمه تاني يوم وقت اجو اهلي واهلو وسألوه وقلت مشي الحال
وضلينا على هالحاله اكتر من شهر حتى مايجي ياكل بالبيت وقضيت وقتي كلو بكى بالبيت حتى منعني اطلع من البيت او اشوف حدا ولا حتى احكي مع اهلي مشان مااخبرن وكنت رح جن واعرف شو السبب
ليوم خطرلي فكره انو احكي مع امو
اتصلت فيا وخبرتا وقاتلي انا رح اتصرف
محمود:اي وبعدا انا ماعاد استوعب
شام:بعدا اجا عمي ابوه لزوجي زياره لعنا
وطلب من زوجي يحكو لوحدن بالغرفه طلعت انا اعمل قهوه بس الفضول خلاني وقف ورا الباب اسمع شو بدن يحكو وياريت ماسمعت
محمود:ليه شو حكو
شام:قلو انت بدك تجننا بدك يقولو عنك مالك رجال جنيت شو صرلك انساها لاايمان انساها
خلص رح تتزوج البمت وانت هي مرتك بالحلال عيش حياتك وانسى الماضي
طلع عمي من البيت وهو معصب وهجم علي جوزي متل المجنون حملني وشلفني عالتخت واخد يلي بدو ياه بالغصب وانا عم ابكي بحرقه قلب وبعد ماخلص قلي شو طلع معك طلعت رجال ولا لأ
ولبس وفتح الباب ومشي وماعاد رجع لبعد اسبوع وانا ماكان عندي شي بالبيت حتى اكل مافي
ولا موبايل اتصل والباب مقفول علي كنت رح جن كنت قوم صلي وادعي وبعد اسبوع وقت اجا رجع قرب علي توقعت انو انصلح حالو بس للأسف طلعت حامل بعد شهر عرفت كنت مبسوطه يمكن تتغير حياتنا بس ابدا كان وضعنا من سيئ لااسوأ
بعد مااتحملت ابدا حملت حالي وسافرت عالشام لعند اختي وقعدت عندا فتره حملي وقت قربت ولادتي قررت سافر واولد جنب جوزي يمكن يشوف بنتو ويحن قلبو
محمود:يعني انت عندك بنت
شام:اي ومتل القمر اسما لين
محمود:اي شام وبعدا شو صار
شام:يلي صار انو بعد ولادتي ب10ايام نسيت خبرك انو مااجا عالمشفى ولا شاف بنتو نزلت عسوريا وبعدا بعتلي ورقه طلاقي ودخلت بحاله اكتئاب ضليت على هالحال ليوم اقترحت علي شهد ارجع عالجامعه وفعلن رحت عالجامعه وزبطت اوراقي وبلشت دوام وصرت نظم وقتي بين بنتي لين والجامعه وقت بنزل عالجتمعه بتهتم فيا ماما وهيك ليوم شفتك
محمود :ياالله ياشام كل هاد صار معك بعد ماتركنا مااتوقعت ابدا يكون هيك السر
شام:اي عمري 21مطلقه وعندي بنت صغيره عم ربيا
محمود:اسف خليتك تفنحي هيك مواجع بس بتعرفي شو لو وحده غيرك عم تحكي كانت غرقت بدموعا بس انت ابدا
مابكيتي هاد دليل على انو صرتي قويه كتير ومالازم شي يكسرك
شام:يمكن بعد هالسر ماعاد تتصل فيني وماعاد بدك تشوفني انا لازم امشي
قرب محمود مني وضمني وقلي لاتخافي انا جنبك
رجعت عالبيت وانا مبسوطه انو واخيرا خلصت من هالسر يلي مخبيتو ورح اختنق فيو
وصارت علاقتنا تكبر وتكبر لوقت….لوقت ماقررو اهلي اسافر عبيروت واعيش مع اختي وصرت ابكي كتير
شام:محمود محمود اهلي رح يخلوني اسافر رح يخلوني ابعد عنك وماقدرت امسك حالي من البكى
محمود:شام سافري ….سافري وشوفي حياتك يمكن تكون حياتك برا احسن واحلى والله رح يبعتلك الاحسن مني
شام:بس انا مابدي الاحسن انا بدي ياك انت
انت محمود بس بتعرف شو قلي الله يبعتلك رجال اكتر مني
محمود:انا مافيني اتزوجك امي مريضه واذا عرفت يمكن يصرلا شي ورح يكون بسببي
شام:بس لاني مطلقه وعندي بنت بس شو ذنبي انا شو ذنبي
ودعت محمود وقلبي عم يموت بكيت كتير وعملتلو بأيدي بلوزه صوف وهديتو ياها ليضل يتذكرني
بس قبل ماسافر قلي محمود شام بوعدك رح ترجعي بالسلامه ورح ارجع شوفك
ابتسمت وقلتلو اوعدني قلي بوعدك وتركتو وسافرت
سافرت بس روحي وعقلي وقلبي تركتن معو تركتن بهالبلد يلي ترمت فيو زكريات كتيره
وصلت عبيروت واستقبلتني اختي واتفاجأت انو طليقي طلب يشوف بنتو شافا وماكان متوقع بنتو كبرت هيك وصارت تحكي وحلوه كتير حبا واتعلق فيا وطلب مني انو يستأجرلي بيت اسكن فيو ويجبلي كل طلباتي بس يجي كل كم يوم يشوف بنتو وانا وافقت
وبقيت على هالحاله 4شهور وفقدت الامل برجعتي على سوريا بس ضليت على تواصل مع محمود يلي ماتركني لحظه
هيك ليوم من الايام اجا طليقي لياخد ليت معو مشوار فتت عالغرفه لاالبسا ومابعرف كيف نسيت موبايلي عالطاوله قدامو فتحو وشاف محادثاتنا ومسجاتنا انا ومحمود اخدرقمو وصور المحادثات واخد بنتو وراح وانا ماكنت بعرف شي
اتفاجأت بأهلي عم يتصلو فيني وعم يصرخو ويحكو حكي ماعم افهمو لبعتولي المسجات والمحادثات انصدمت وماعرفت مين هيك عمل لفهمتني اختي شو صار وانو طليقي يلي بعتن لااهلي ولااخوتي الشباب

السادس

اتصلت بطليقي وصرت صرخ وقلو انت شو دخلك فيني وبخصوصياتي وليش لتفتح موبايلي سكر الخط وصار يندق الباب ركضت فتحت وكان هو قلي شوفي معك يومين للتطلعي من هون ومن دون بنتك انا مابسمح لبنتي تعيش معك
شام:لك انت وين كنت وقت ولدت وربيتا لوحدي هلأ صارت بنتك وانا اكيد مارح ضل عايشه على ذكراك
وعلت اصواتنا كتير وفتح الباب ومشي وهو عم يهدد ويتوعد
قعدت بالارض وصرت ابكي كتير وفجأه خطرلي فكره انو فورا ضب اغراضي وارجع عسوريا مع بنتي بدون ماحدا يعرف
وفعلن ضبيت كل تيابي انا وبنتي واخدت تكسي ونزلت عسوريا وصلت عسوريا وانا كنت ميته خوف انو مايعرف طليقي ويوقف بنتو عالحدود
وصلت وياريتني ماوصلت ياريت كان صاير شي حادث او شي قدره الهيه منعتني من انو اوصل
كان استقبال اهلي في قمه اللباقه ضرب واصوات وشو عملت طيب حبيت ممنوع حب بس لانو فتت بتجربه وخسرتا
قضيت شهور بكى منعوني اطلع من البيت او ارجع للجامعه وصرت دائما صلي وادعي ربي بس انقطعت اتصالاتي بمحمود لانو نفسيتي تعبانه كتير
بس طليقي ماخلص سخافتو ورفع علي دعوه ا
وطبعا خسرا لانو مافي سبب مقنع لياخد بنتي مني
ليوم اتصل فيني محمود
محمود :كيفك شام
شام:تمام انت كيفك
محمود:بدي شوفك ضروري
شام:بس انا ماعم اطلع من البيت ابدا
محمود:اعملي اي شي وطلعي بدي اعرفك على امي حكيتلا عنك وبدى تشوفك
شام:تشوفني بس ليه
محمود:لاتكتري حكي تعي وبس
شام:ماما لازم انزل عالسوق ضروري بكرابدي جيب تياب للين ماما ساعديني حبابه
ام شام:طيب رح نطلع سوا ونقول رايحين سوا عالسوق وانت بتروحي عالسوق وانا رح اطلع عند خالتك بتخلصي وبتلحقيني عند خالتك ومنرجع سوا عالبيت اتفقنا
شام:اي اي اتفقنا
اتصلت على محمود وخبرتو انو رح اجي واتفقنا عالمكان
فقت تاني يوم متفائله كتير لبست ورحت عالموعد
شام:مرحبا خالتو كيفك محمود
ام محمود :اهلين بنتي اتفضلي اقعدي
محمود:هي ماما وهي شام حب حياتي
ام محمود:اي اهلا وسهلا وبنشافه
محمود:اي شو رح تشربو
شام:عصير برتقال
ام محمود:قهوه ساده
محمود:اي مو تكرمو
انا رح فوت عالحمام وانتو خدو راحتكن بالحديث واتعرفو على بعض منيح
ام محمود:ليكي شام انت بنت حلوه بس
شام:ماتكملي خالتو بعؤف شو بدك تحكي انا بنت مطلقه وعندي بنت بعرف صعب ترضى بوضعي بس هاد مو ذنبي مو ذنبي يلي صار فيني مو ذنبي انو فتت بتجريه خسرانه ممكن بيوم من الايام لاسمح الله تكون بنتك مكاني شو رح تعملي رح تحكمي عليها انو ماتتجوز ولا تحب بس لانو مطلقه عفكره يمكن تجوزي ابنك بنت انت بدك ياها بس برأيك رح يكون مبسوط
انا بيوم من الايام رح كون مكانك بس مارح اقضي على مستقبل ابني صدفيني انا مارح اخد ابنك منك انا بهمني بالاول والاخير انت تحبيني وصدقيني اذا ماحبيتيني رح انسحب بكل هدوء من حياه ابنك وماعاد تسمعي بأسمي كل شي بالدنيا قسمه ونصيب واذا كان ابنك خير بحقي الله يقدمو واذا شر الله يبعدنا عن بعض وماعاد فيني اقلك شي تاني
/‏اجا محمود وسكتنا

كملنا القعده عالساكت واعتذرت منن انو اتأخرت وصار لازم امشي
تركتن ومشيت ودمعتي على خدي وقلت اكيد ماعاد شوفو ابدا بس ماعاد فيني اعمل شي اكتر هو يلي لازم يعمل بس بتفاجأ تاني يوم بأتصال ام محمود

وانو جاي لعنا زياره انبسطت كتير بأتصالا وفعلن اجت زارتنا وطلبتني لاابنا وتمت الخطبه كنا اسعد تنين بالعالم
قضينا ايام من العمر ومحمود حبا للين كتير واتزوجنا وقضينا شهر عسل بجنن هيك لطلعت حامل محمود ماصدق الخبر وكان مبسوط كتير وصار يدللني اكتر لينسيني الوجع يلي عشتو وصار وقت ولادتي ورفضت فوت عالغرفه الا محمود معي وفات معي وكان جنبي وماسك ايدي لفتحت عيوني وشفت جنبي توأم بجننو صبي وبنت وسميناهن نهله ومحمد على اسم عمي وحماتي
حماتي انبسطت كتير وصارت تحبني اكتر بعد ماعرفن انو رح سمي بنتي نهله على اسما بعد رفض كنتا الاول والتانيه يسمو من اسما لانو انا الكنه التالته وصرت الكنه المدلله متل ماهي بتقلي انت كنتي المدلله وهيك صدفه غيرتلي حياتي كلا (تمت)
#النهايه

 

عرض التعليقات (181)