قطايف عنجد العجينة رووووووعة
معكم صديقة زاكي المبدعة صاحبة أفخم الأكلات و الحلويات الشيف الرائعة حنان السليتي
نعمة كريم والحمد للّه
قطايف عنجد العجينه روووعه
المقادير :
2 كوب طحين
2 كوب ونصف ماء
ملعقه صغيره بيكمباودر
ملعقه كبيره خميره
2 ملعقه كبيره حليب بودره
ربع ملعقه صغيره كربونه
نصف كوب سميد
ملعقتين كبار سكر
**الخطوات* *
- منخلط كل المكونات مع بعضها بالخلاط الكهربائي لمدة خمس دقائق وبريحها على جنب مدة تلت ساعه
- بحمي مقلاه او صينيه اول شي على نار عاليه و عند التشكيل منخلي النار على الوسط
- وبحط الخليط في ابريق الشاي اول دلة القهوه او اي شي بدك اياه ومنشكلها بالحجم الي منحبه
- وكل حبه منشكلها منحطها على فوطه نظيفه ومنخليها تبرد شوي ومنغطيها
- وهيك لنخلص الكميه كلها اخر شي منحشيها زي ما منحب ومنحطها على طول بالقطر البارد
(((طبعا القطر او الشير منعمله قبل بوقت ومنخليه تقيل شوي)))
- كوبين سكر بدهم كوب وربع ماء وعصرة ليمون ومنخليهم لحتى يغلوا
- وبعدين منهدي عليه النار لحتى يتقل القطر..
- **طبعا ازا بدنا منضاعف الكميه* *
- **ملاحظه المقادير اتكون بنفس الكوب* *
و صحة و ألف هنا يا رب
محبتكم حنان السليتي
