قصة واقعية للعبرة والعظة ادخلوا وأعطونا رأيكم بالتعليقات
هذه القصة مقدمة من قسم المنوعات في زاكي
معانا اليوم قصه واقعيه ل بنت معنا بالقروب ، حبت تحكي قصتها .. وهي ندماانه ع الغلط اللي عملته ، يمكن القصه هاي منشوفها ب حياتنا كتير ، بس حبيت أكتبلها اياها لانها ندماانه .. وحبت تعطي عبره للبنات اللي ممكن يغلطوا هالغلط .. و يمكن هالشي صار معاها حتى تتعلم من هالغلط وترجع تبني ثقة أهلها من جديد .. رح تحكي كلمتهاا بآخر القصه .
و حبّت تسمي القصه #غلطة_الحب
#بقلمي_هبه_نزال
ب سردي وتعديلي ل بعض الاحداث .. وتغيير الشخصيات 
❤
القصه رح تكون جزئين .. الجزء الاول هلأ والجزء الثاني بكرا الظهر ..
الجزء الأول ..
داني : ولك تيم .. في بنت جننتني بمدرسة البنات اللي بمنطقتنا ، بحاول أزبطهاا بس ما زبطت معي .. خلص حطيتها براسي
تيم : هههههههههه انت شوف شكلك .. مثل البوومه شلوون بدها تزبط معك ..
داني : كثير واثق من نفسك يعني
تيم : بتحدااك اني بقدر ازبطها 
😏
داني : ما رح تزبط معك .. وك قعدت شهرين وانا بلاحقها .. هاد غير مسجااتي لإلها بس يززم تقول حجر .. ع شو شايفه حالها مش عارف !
😒
تيم : خلص إتركهاا علي وبتشووف خلال شهر بس بكوون مزبطهاا .. نعم يا عمي انا تيم ..
داني : طيب بنشوووف
تيم : هلأ تعال فرجيني اياهاا .. واحكيلي اسمها والاكاونت تبعها ع الفيس
داني : مع اني متأكد ما رح يطلع معك اشي ..
تيم : هساا امشي خلصني ..
.
.
.
داني : شايف هديك البنت اللي طلعت من المدرسه هسا !
تيم : اي وحده ؟ في كتير
داني :وك ام الشنته الحمره اللي ع اليساار
تيم : اه اه شفتهااا .. شو اللي عجبك فيها مش عارف
داني : ولا عجبتني ولا اشي بس عناادها خلاني أحطها ب راسي .. هيك حيونه
تيم : طيب ل عيوونك .. شو اسمها ؟
داني : حيااة .. خد هاد الاكاونت تبعها ع الفيس ..
تيم : خلص رح أراسلها اليوم .
.
.
ع الفيس بوك ..
حيااة : ااخ في واحد جنني .. ع الفيس كل شوي يبعت آدد
سوار : هههههههه شكله معجب
حيااة : إلحاحه خووفني
سوار : خص اعطييه بلووك
حياة : ااه والله هلأ احلى بلوووك ..
ثاني يوم ..
داني : شوو صاار معك يزلمه
تيم : يززم مبارح فوق العشر مرات ابعتلهاا ادد وتحذفه وبالاخير اعطتني بلووك
دااني : ههههههههههههههه عنجد ضحكت هههههههههه يزم حكيتلك راسها يابس مش زي باقي البنات
تيم : بس رااسي رح يكوون ايبس من راسها وبتشووف يا دااني ..
داني : شلوون يعني ؟
تيم : رح اعمل فيس تااني وارجع اراسلهاا
داني : ههههه طيب الله يوفقك
المسااء .. ع الفيس بوك .
حيااة : ام السوووس انا مخنوووقه من الحياة كلها
سوار : ياا حياتي طولي بالك .. بعرف انه فرااف ابووكي لساتك بوجعك
حياة : بس انا تعبت .. نفسيتي وحياتي زفت ..
سوار : ايام ورح تمرق مش كل الايام حلووه .. في ايام بتبكينا دمووع من الفرح .. وايام بتبكينا دمووع من الحززن .. النتيجه وحده هيه الدمووع بس القدر هوو المختلف .. وانا معك حبيبتي بكل خطووه .. ومتى ما كنتي متداايقه اتذكري ام السوووس .. اوك حيااتي
حياة : ياااه لولاكي شو رح اعمل .. انتي رووحي وحيااتي وكلشي الله يخليلي ايااكي ..
سوار : وانتي الله يخليلي اياكي يا وتيني ..
ابو مراد : مسا الخير
حياة ( داخليا ) : ييييي فتحت المسج بالغلط يا ربي .. مين هاد ابو مراد ؟ عادي خليني ارد ع مسجه .. وبعدين بعطيه بلوك )
حياة : مسا الورد
ابو مراد( وهو نفسه تيم ): ممكن نتعرف
حياة : اه ممكن انا حياة عمري 14 سنه .. وانت ؟
ابو مراد : انا بصراحه اسمي تيم .. عمري 17 سنه ..
حياة : تيم ! امممم
ابو مراد : مالك ؟
حياة : حلوو كتير هالاسم .. بس ليش مسمي حالك ابو مراد ؟
ابو مراد : لاني بحب اسم مرااد كتير .. وان شااء الله رح يكوون اسم ابني مستقبلياا ..
حياة : امممم ان شااء الله
ابو مراد : انتي وين ساكنه .. (عمل حاله ما بعرف )
حياة : انا ب منطقة *****
ابو مراد : وانا ساكن بهااي المنطقه .. و بأي مدرسه ؟
حياة : اممممم ليه ؟
ابو مراد : لأ بس سؤال اطمني
حياة : طيب انا لازم ارووح
ابو مراد : اووك تمام تصبحي على خير
حياة : وانت من اهله .
ابو مرااد ( داخليا ) : صدقت حالها هههههه عشان تشووف يا سيد داني مين هو تيم ..
حياة ( داخليا ) :هههههههه كيف البنات بكيفوا على هاي القصص مش عارف
يوسف : حيااة يا حيااة تعالي تعشي
حياة : يلا هيني جااي
ثاني يوم بالمدرسه ..
حياة : لوو تعرفي شو صاار مبارح
سوار : شو ؟
حياة : بصراحه حكيت مع شب واسمه تيم
سوار : عنجد عم تحكي ؟
حياة : لا تفهميني غلط سوار .. بالغلط مبارح فتحت مسجه .. وبعدين وافقت ع الآدد ، من باب التسلايه وحتى اهرب من واقعي مش اكتر .. وانا حكيتلك لاني عاررفك ما رح تفهميني غلط .
سوار : بس يا حياتي هاي الشغلات موو لعبه ! لازم تنتبهي وانا رأيي تقطعيه من هلأ قبل ما تتورطي اكتر ..
حياة : خلص سووستي لا تخاافي علي .. اليوم بطفشه ..
سوار : خلص تماام عنا دراسه وبلاكي من هاي السوالف ..
.
.
المساء في منزل حيااة ..
كانوا ام حياة واخووها يوسف .. قاعدين وهيه بغرفتها وسمعتهم بيحكوو ..
يوسف : امي شو قصة ماريا بنت جارتنا ..
ام حياة : يييييي وانت مين خبرك ؟
يوسف : مو مهم هلأ احكيلي
ام حياة : ولشي بتتذكر الصرااخ اللي سمعناه من بيتهم قبل يومين
يوسف : ااه !
ام حياة : هاد كاان مهند عم بضرب اخته مااريا .. لانه اكتشف انه مااريا معجبه ..
يوسف : كيف يعني ؟
ام حيااة : يعني كاينه تحكي مع شباب
يووسف : الله لا يوفقهاا .. محلاها واختي عامله هيك والله والله لأكسر راسهاا تكسير ..
ام حياة : لا لا بنتي انا مربيهاا وعارفها منيح و واثق فيها ..
الجزء الثاني ..
.
.
حياة : قال يكسر راسي تكسير .. اما همه عادي يحكو مع بنات .. يي اجاني مسج منه ..
ابو مراد : مساء الخير كيفك ..
حياة ( داخليا ) : ( حتى اثبتلك يا يووسف اني مش خايفه منك ) يا هلا مسا الورد
كان هااد التاريخ 2016\5\5 .. اللي بلشووا فيه يحكو بعد التعاارف .. استمروا بالحكي وصار تيم يرووح ع باب مدرستها ويستناها وهي نفس الشي كانت تشوفه من بعيد بدوون علم اهلها .. كيف القدر خلاها تغلط هالغلط بالرغم من انه ما كانت تحكي مع شباب
بتاريخ 2016\7\19 .. هيه اعترفتلو بحبهاا .. وهوه كماان بادلها المشاعر الكذاابيه وغرقهاا اكتر ، وهيه كانت تصدقه .. وحبته ..وهو كمل ما اشترط عليه وهوه دااني .. وضل يضحك عليها ويوهمها بحبه ل إلهاا ..
و مرت الاياام وهمه على نفس الموال .. وهي كل يووم تتعلق فيه اكتر واكتر ..
حتى ب تاريخ 2016\11\199 .. اكتشفت ام حياة انه في رساله تحت مخدة حياة ب تختها .. ولما رجعت حياة من مدرستهاا ..
ام حياة : حياة إلحقيني ع الغرفه بسرعه
حياة ( حست في شي مو طبيعي ) : حااضر ماما لاحقتك
ام حياة : حيااة انتي بنتي وربيتك ع الغالي وحطيت كل ثقتي فيكي .. بس انتي يا حيااة تخووني هاي الثقه هاد الشي ما برضيني ( واعطتها هداك الكف )
حياة فقدت تواازنهاا من وجع الكف ومن الصدمه ..
حياة ( وهي بتبكي ) : ءءامي يا ءءامي خليني بسس اشششرحلك
ام حياة : شوو بدك تشرحيلي انتي بتحكي مع شب وبتحبيه وبتشووفيه ! مش انتي حياة اللي ربيتهاا مستحيل
حياة : ماما مشان الله ءء انا .
حياة ما عرفت شو ترد ع امها بهديك اللحظه .. لانه ما كان في تبرير ع الغلط اللي عملته ، توجعت ع صدمة امهاا .. وتوجعت انها كيف كسرت ثقه امها اللي منحتها ايااها .. كل هاد كان بدوور بعقل حياة .. حست بالغلط بس مشااعرها كانت اقوى من انه تبعد وتترك وترجع حياة ل حياة القديمة المربيه وهمها بس دراستها واحلامها .
ام حياة : حيااة انا ما خبرت اخووكي يوسف لانه انتي بتعرفي عقله وممكن يدبحك .. ع الاقل حافظي ع ترباية ابوكي الله يرحمه .. التلفوون رح أسحبه منك فااهمه .. واذا بعرف او بسمع انك رجعتي تحكي رح يكوون حسابك عسير فاهمه !
حياة : ( بتبكي )
ام حياة : احكيلي ااه ردي علي
حياة : ااه ماما اه خلص .
طلعت ام حياة من عندها بعد ما سحبت التلفوون منهاا .. ام حياة نهارت من البكي ويلها الثقه اللي كسرتها و ويلها الحب اللي حبته وهي مفكره انه هو بحبها كمان .. و ويلها من حياتهاا اللي تعبت منهاا .. بس مع هيك ما قدرت ما قدرت تبعد .. صارت كل ما امها واخوها يطلعوا من البيت .. تسرق التلفون وتحاكيه وطبعا هي خبرته اللي صار معهاا ، وهو بدووره صار يواسيهاا وأكّد حبه ل إلهاا ، و وعمل دور البطل وصار يحكيلها مشان اهلك خلص منترك .. اهم اشي رضا الوالدين .. بس حياة استمرت بالحكي معه ..
ثاني يوم بالمدرسه :
حياة : هاد كلشي صار معااي
سوار : حيااة إنهي كلشي ولا تغرقي اكتر وارجعي ابني ثقة اهلك من جديد .. وانسيه
حياة : يا سوار افهميني ما بقدر ما بقدر .. مشاعري اقوى من اني اترك ..
سوار : وهلأ شو بدك تعملي ؟
حياة : كل ما يطلعوا امي واخوي بسرق التلفوون وبحاكيه وبستمد القوه منه ..
سوار : وك حياة اخوووكي صعب اذا كشفك ..
حياة ( قاطعتها ) : يدبحني ! شو الدنيا سايبه هاد الزمن غير عن زمنهم .. مستحيل اخليه بس يجرب يمد ايده علي ، شو هاد البنت انساانه عندها مشااعر ..
سوار ( قاطعتها ) : كلنا عنا مشاعر بس الصح .. انه نستعملها صح .. وما نغلط فيها ابداا ابدا ..
حياة : ————–.
من جاانب تاني ..
تيم : هههههههههه اما مبارح ضحكت عليها من كل قلبي
داني : والله وطلعت قدها يا سيد تيم وعرفت كيف تغرفهاا فيك ..
تيم : بس بتعرف كيف .. بحب اشووف البنات وهنه بهاي الحاله هههههههههه
داني : يا زلمه خلص إتركها .. انت ربحت .. اتركها للمسكينه
تيم : طيب طيب بشوووف ههههههه وانت شو صار معك ..
داني : هههههههههه انسى .
.
.
و مرت الاياام وحياة بالسرقه حتى تحكي معااه وهو كالعاده كمّل ضحك عليها ..
حتى اجى تاريخ 2017\1\22 .. كانوا امها واخوها طالعين وكانت عم بتحكي معااه ع التلفوون .. حتى اخووها رجع وسمعها عم بتحكي ..
يوووسف : ولك يا حقيييره عم بتحكي مع شب ولك والله والله لادبحك فضحتيناا
حياة : ييوسسووف خخليني افهههمك .
ام حياة كانت عند جاارتهم ع صووت يووسف اجت على طوول ..
ام حياة : ولكو شو فيه .. ليش صرااخكم واصل لآخر الشاارع
يوسف : تعالي شوفي بنتك المربيه والمحترمه والشريفه كمان
حياة : ( بس كانت بتبكي لانه فعلا ما كانت عاارفه شو تحكي )
ام حياة : رجعتي تحكي معه ردييي رجعتي !
يوسف : ليش انتتي كنتي بتعرفي !!!! ياا الله .
وهجم يووسف ع حيااة وضربهاا ضرب .. وامهاا برضو ضربتهاا .. كانت نفسهاا تمووت وتروح عند ابووهاا .. ما قاومت ضربهم بالعكس استسلمتلهم
وعيونها متل الشلال .. تلفووونها كسروووه بالمره .. لانها كانت تسرقه .. و صاروا ما يخلوووها لحالها بالبيت ابدا .. تغيرت معاملتهم ل إلها ، وهووون هي زادت تعب اكتر .. و تيم سمع باللي صاار وتركها و هو بضحك .. كانت تشووفه بالكنيسه وهوو كأن شيء لم يكن .. هاد الاشي استفزززها وحرقها اكتر من جوا ، عرفت انه اللي عملته غلط .. هي تدمرت انه هوو طلع واحد كذاب ، لحد هلأ بتبكي بس ما بتبكي عليه لأ ، بتبكي ع الثقه اللي كسرتها .. صارت اوعى واقوى من هييك .. لسااته ما معها تلفوون ولسا اهلها مراقبينها .. حتى يووسف بيجي يووخدها من باب مدرستها ، وهاد الشي زادها تدمير .. صاحبيتها سوار ضلت معها و واقفه معهاا .. حتى سوار خبرتني بقصتها وحكتلي اكتبها ، اكيد حياة كان عندها علم ب هالشي وفرحت لانه حدا رح يهتم ب قصتهاا ، اناا بعرف انه اللي عملته غلط ، وهي رح تتعلم منه ، بتمنى تحكوولها كلمه ل بنت بهاد العمر ، والله لا يساامح كل حداا بضحك على بنت وبستغل مشااعرها البريئه .. بتمنى تعليقااتكم ما يكوون فيها تجريح بس دعووه ل إلها ، وان شااء الله قصتها تكووون عبره للكل ..
وهاي كلمه من البنت نفسها :
بدي احكي لكل بنت انو عمرك عمرك لا تحبي بهاد العمر لأنك لسا مش عارفة اش مخبيتلك الدنيا وبالنسبة للشب الي من بنت لا بنت استحي عا شواربك ولحيتك عيب عيبب بتضيع حياتها للبنت صدقوني هاد المجتمع الحب فيو حرام 
💔 لك تعبت وتعبت من الدنيا كاملة وخاصة هو💔 هو الي كنت حاطة كل املي فيه انو رح يصبرني على الحياة راح وتركني اتعذب واموت وانقهر لك روح ربنا يوجع قلبك متل ما وجعت قلبي💔💔 ..
كلمه مني انا هبه نزال :
خليكم عند ثقة أهلكم .. اهتموا ب دراستكم واحلامكم 
💙 لا تتطرقوا ل هاي المواضيع ابدا .. حافظي ع سمعتك وسمعة أهلك ..
وان لا سمح الله وقعتي بالغلط .. اتعلمي منه واهم اشي ما تكرريه ..