قصة شيخ الشباب لأحلى شلة الأنس على زاكي

93 12٬933
قصة شيخ الشباب لأحلى شلة الأنس على زاكي
هذه القصص مقدمة من قسم المنوعات في زاكي
#الجزء_الأول_الثاني_الثالث_الرابع_الخامس_أنتهت
#شيخ_الشباب
#ليان_الشامي

قصة شيخ الشباب لأحلى شلة الأنس على زاكي
قصة شيخ الشباب لأحلى شلة الأنس على زاكي

(ماتيجي هنا وانا حبك عشان عيش على حسك حبيبي دانت الدنياواناموت لو غيري يمسك ماتيجي هنا خد فكرة دانا بالنسبة لك بكرا أستاذة في الدنيا مذاكرة كمل روحك دانا نصك )
ماما:لك ياجنى نوصي هالصوت احسلك ها 
لانا:ماما طولي بالك لاتعصبي
ماما: لك مالك شايفة اختك لح تجبلي الجلطة ,هي خامس عريس بطفشو وليكي قاعدة عم ترقص ومو هاممهاشي اصل كلو بسبب أبوكي هو مطمعها
لانا:بعيد الشر عنك لا تحكي هيك خلص هلق بفوت بحكي معها الله يهديها
جنى:لانا تعي تعي رقصي تعي (معجبة مغرمة أنا بقى مش عايزة الاهو )💃💃💃💃💃
لانا:جنى نوصي الصوت والله حاسة هالبيت قلب ديسكو انتي من جهة ومحمد من جهة تانية
جنى:هههههه ليش شبو محمد كمان الظاهر في بنت مقلعتو 👎
لانا:عيب تحكي هيك عن أخوكي ,بعدين ليش هيك مزعلة امك
جنى:ييي علينا لك ماشفتي العريس يلي جايبتلي ياه هههههه لك… بتحسي هربان من شي حلبة مصارعة 💪💪💪
لانا:ههههههه والله الحق معك عنجد بخوف بس انتي هيك بدك مواصفات فارس أحلامك 😏
جنى:لك قلتلا بدي واحد طويل و كتافو عراض تكون ملامحو رجولية بس مو هولاكو دركولا 😂😱 لك طلعت قدامو متل الجملية والوحش 😜
لانا:ههه والله الحق معك أنا خفت منو ,لك هاد أذا جاع بياكلك بلقمة وحدة ,طيب… فهمت انوا هادا مو مناسب لألك بس يلي قبلو شو كانت علتو
جنى😑😑 يييي… لا تذكريني كان متل قطرميز مصر لارقبة ولاخصر ههههههه
لانا:يبعتلك الهنا شو هالحكي
جنى:لك والله متل ماعم قلك واصحك تسأليني عن يلي قبلو لك من كترشو أبيض بيشبه سطل اللبن
لانا:لك حاجتك بقى الناس عم تشتهي العرسان بكرا بتعنسي هي عم قلك
جنى:هههههه عنس مين والناس نايمين 😂😂😂لك لسا كل يلي عمري 16 سنة بعدين انا مابدي اتجوز وامك مدري شو صايرة من وقت ماعرفت أنوا بنت جيرانا علا أنخطبت وهي ماخلت لا قريب ولاغريب ولابعيد ولاصغير ولامقمط بسرير مادلتو عليي لك حتى الخضرجي وتبع السوبر ماركت عم يجبولي عرسان اصلا امك ماصفي غير تنزل بالجريدة اعلان يلزمنا عريس 😂😭
لانا:هههههه لك مو لهدرجة يعني بدها تطمن عليكي مو اكتر
جنى:اي ههههه مبلا بتحسيها بس بدها تجوزني مشان يفضلا الجو مع بابا
لانا:😒
جنى:😂لك شبكي بتعرفي والله هالخطابين لح يجننوني
لانا:لك بتجنني بلد
جنى:سمعي مبارح دقت وحدة وانا رديت عليها وطلعت خطابة طبعا امك حكت معها لك بتعرفي هالكركمه شو سالت امك
لانا:ههههه شو سألتها
جنى:قال بتقلا بنتك حلوة شي هههههه لك شفتي أغبى من هيك سؤال
لانا:لك ولي على قطاطك الله يعين حماتك عليك شو مسحوبة من لسانك
جنى: أسمعي بدي اعترفلك أعترف
لانا:شو عاملة كمان
جنى:شفتي وقت نزلتي على السوق انتي وماما وماأخدتوني معكن
لانا:لك اي
جنى:دقت وحدة كمان خطابةههههه بس هي فكرتني أنتي وانا لعبت الدور قال بتقلي أختك رز بزاليا(اكلة شامية )
لانا:ههههههه شويعني
جنى:يعليكي شو هبلة قصدها بيضا وعيونا خضر متلي يعني
لانا:هههههه والله أول مرة بسمع بهيك سمعة وأنتي شو قلتيلا
جنى:قلتلا لا والله أختي مجدرة ههههههه
لانا:ولييي والله ماتعرف أمك لتدبحك قوم حاج نحكي خلينا نساعد أمك قبل مايجو توم وجيري
جنى:قصدك رية وسكينة هههههه يالله سبقيني لاحقتك لح شوف محمد شو قصتو كمان —–
(دقيت الباب وصوت غنية كتاب حياتي ياعين واصل لأخر الشارع )
جنى:حمودة شبك مين مزعلك ياحلو
محمد:جنى روحي من وشي
جنى:😕😑 طيب احكيلي شبك
محمد:لك اليوم دلع تركتني
جنى:اي الحق معها كمان انت من بنت لبنت (صارو كتار يمكن صارو أكتر من ألف ومية شرف كبير ماحدا قدك صاحب بهالكمية)
محمد:هههههه لك جنى بالله لاقيلي وحدة تكون ظريفة أخطبها
جنى:لك مين بدها تقبل فيك وانت صايع لك والله أنت وأخواتك الباقيين عملتولي عقدة بالجواز
محمد:شوو قصدك وليه
جنى:ماقصدي شي بس انت كمان حاج تعلق بنات الناس فيك لسا من وحدة لوحدة بترضى حدا يعلقني
محمد:شوو امرتي ست جنى يعلقوكي على المشنقة بركي بدبحك وبدبحو
حنى:لك اااااي خلص اتركي راسي بعدين انت بتعرفني
محمد:اممم اي لو مابعرفك كان ألي حساب تاني معك 😏😏هلق شو مشان لح تلاقيلي شي بنت
جنى😨😨 مادخلني قلع شوكك بإيدك
محمد:هلق هيك ياجوجو الله يسامحك
جنى:ليك الباب عم يندق أجت العائلة الكريمة
محمد:يالطيف هدول نسوان أخوتك ماحبيتن مابعرف كيف قيس وليث حابينن كل وحدة شبه السحلية
جنى:هههههه لنشوف بكرا مرتك 😒😒
محمد:شو قلتي ماسمعت 😡
جنى:هههه ولاشي عم قول أصلا نيال مرتك فيك😔
(هي قصتي مع الخطابين على قد ما عم يصير فيني فصول لح أعمل مسلسل هندية وسمي أنا والخطابين قصة عشق لاتنتهي 😍😭😂 )
جنى:لك اهلين نور البيت
ولاء وروان (نسوان أخواتي وبيكونو اخوات كمان)أهلين جوجو اشتقنالك
جنى:وانا بلاكتر شو وين راحو الشباب
ولاء:والله مابعرف وين اخدن عمي
ماما:وأخيرا راحو والله طوشولي رأسي
جنى:ههههه له ياغالية أحفادك هدول صحي هنن ماشاء الله عليهن حتى ليف الجلي بياكلوها بس يالله صحتين وهنا ههههههه
ماما:عم تخففي دم ست جنى 😒
جنى:هههه تؤبشي قلبي لاتنسي بكرا فيقيني بكير مشان المعهد
ماما:بس بدي أعرف من وين طلعتي بقصة هالمعهد
جنى :شو نسيتي أني رسبت الفصل الأول بسببك من ورا الزيارات العائلية والصبحيات عند الجيران لك ماخليتي لا أفراح ولا أتراح ما أختيني عليهن
ماما:😑😑 ماشي لشوف وأخرتها معك
بابا:لك خلص يا أم ليث تركيها للبنت قلتلك أنا بدي خليها تكمل دراستها
ماما:ماحدا مدللها غيرك
بابا:جوجو روحي بابا نامي بكرا عندك فيقه بكير
جنى:ماشي يا قلبي يالله سلام تصبحو على خير
(تاني يوم )
علا:صباح الخير
جنى:صباحو
علا:لك شو قصتك مبارح صوتك أنتي وأمك وصل لعنا شو الظاهر مشان العريس
جنى:مشان الله لاتذكربني كلو بسببك 😫
علا:ليش شو دخلني لك والله ياجدبة كتير حلوة أيام الخطبة أصلا خطيبي …
جنى:أصحك تحكي عن خطيبك لك والله لعيتي قلبي فيي لك صرت أعرف شو بحب وشوبيكره وشو بياكل وأيمت بنام ههههههه
(نسيت خبركن أنوا علا بنت جيرانا معي كمان بالمعهد والله هالبنت كانت ظريفة لوقت ماأنخطبت مدري شو صرلا تحولت👽 لك أذا بتساليها شو طابخين بتقلك خطيبي لك كل قصة لازم تدحش أسم خطيبها كل يوم بتنزل لعندي وبتبلش خطيبي جبلي هدية بتجنن وهو بيكون جايبلا كنزة من شي بسطة من السوق👚هههه واحلا الشي أمي وقت بتسمعها بتعطيني هديك النظرة الخارقة الحارقة 😎
علا:هلق هيك الله يسامحك
جنى:حبيبتي بكرا بس تتزوجي بتلبشي بقصة الشلي والحكي والردح على جوزك وبيت حماكي 😣
علا:أي أمشي لح نتاخر
————–
جنى :لك كتير حلو هالمعهد وخاصة أنوا بالحارات القديمة
علا:سمعتي قال بكرا جاية أستاذ جديد أن شاء الله يكون حلو
جنى:يييييههه يحلا وبرك شو نسيتي خطيبك
علا:هههه لا ما نسيت بعدين أنا شو حكيت ، ليكي هون في محل بيبيع كروسان وكيك وكعك🍩🍞 كتير ظريف أمشي ناخد من عندو شي شغلة
جنى:أستني لشوف ،لك يييي
علا:لك شبكي
جنى:الظاهر نسيانة مصروفي بالبيت
علا:يبعتلك الهنا تعي أنا عازمتك
جنى:😞 من أيمت هالكرم كلو
علا:لك أنتي الواحد مابيخلص معك
(وأول مافتت على المحل شفتو بلش قلبي يدق بسرعة ونزل ضغطي وانسطلت في شو بدي أحكيلكن لك هوبذاتو والله فارس أحلامي لك تقولي عاملتلو نسخ ولصق من مخي شب طويل كتاف عراض أسمر ومجذب وعندو دقن بتشل )
علا:لك جنى شو صرلك
جنى:علا شايفة هالملاك يلي قاعد هنيك 😍
علا:لك حاج تتطلعي عليه فضحتينا
جنى:وليييي بدي بدي بدي 😂
علا:يييي لك شوبدك 😑
جنى:بدي منو لككك قصدي بدي ياه
علا:هههههه لك أمشي يالله صار دورنا
مجهول:تفضلو صبايا شو بدكن
جنى:كعك (لأنوا كان ماسك كيس كعك بإيدو🍪 )
علا:لااااا شو كعك بدنا كروسان
جنى:لا كعك
مجهول:هههههه
جنى:(وليييي قلبي )
علا:لا أخي بدنا بس كروسان
جنى:علا بلا هلق الكروسان الله يوفقك
علا:ييي شحاد ومشارط لا بدنا كروسان
جنى:ماشي متل مابدك مالح سامح ها
جنى: (طلعت من المحل وأنا قلبي عم يتقطع😭 و هل الفجعانة علا مارضيت تشتريلي كعك )
علا:اممم شو طيبين خدي هي ألك
جنى:حلي عني 😡
علا:طيب تعي لاتزعلي شوفي الشب شو بعتلك مع الكروسان
جنى:كعكة 🍪
علا:هههه لك شو صرلك بعدين كليها وخلصينا والله خجلت فيكي قدام الزلمة
جنى:(أخدت الكعكة وأنا طايرعقلي تقولي مستلمة جائزة نوبل للسلام )
علا:هههه جنى لك حاج تلولحي بهالكعكة الناس عم تطلع علينا
جنى:شوفي قديش حلوة😍
علا:شو هاد حب من أول كعكة 😂
جنى:مادخلك 😔
(رجعت على البيت وأنا عم غني وشارحة صوتي على الأخر لسا مافتحت الباب إلا شفت بيت احمى أختي عنا فتت بالحيط وخاصة أنوا سمعو صوتي العذب)
جنى :لانا هدول شو عم يعملو عنا 😒
لانا:أمك عزمتن لأنوا سلفي جاية من السفر
جنى:اممم بس هيك ولا في شي تاني
لانا:ههه بصراحة حماتي حابة تخطبك لسلفي
جنى:يييي لك ماصفي غير أتجوز سلفك
لانا:ليش شبو سلفي
جنى:ابدا مافي شي الله يسلمو لاهلو .بس انا مابدي
لانا:هلق منحكي المسا طلعي مشان نتغده
جنى:ليش انتي بدك تضلي عنا …
لانا:شوو ست جنى عم تقلعيني …
جنى:لا تقبري قلبي بس يعني كمان حرام جوزك تاركتي ,بكرا بيعرف وحدة عليكي وبيتجوزها
لانا:يييي قولتك بيعملها
جنى:لكن ياروحي رجال هالأيام مالهن أمان
لانا:لكان لح روح ضب غراضي وارجع مع حماتي وسلفي
جنى:هههههه صدقت المجنونة بس يالله
(اما ونحنا قاعدين عم نتغده كل لقمة اكلها غص فيها من ورا حمات أختي )
لانا:غيث(ابنها)تعى حبيبي كول
غيث:لا مادي أنا أتلت
لانا:تعي لشوف شو عم تاكل ,يييي ياعمري صحتين وهنا بس من وين جبت الكعكة
(وانا سمعت كعكة غطت على قلبي )غيث من وين جبت الكعكة
غيث:من ثنتايتك
جنى:شووو..حبيبي طلعها….قول ااااااع ….هيك…اااااااع
لانا:لك جنى شو صرلك بدك الولد يراجع
جنى:لك يالله …….. (رحت على غرفتي وانا لح موت على الكعكة)
ماما:ليش هيك عملتي ناح الجماعة والله خجلتيني
جنى:أمي مشان تركيني
ماما:ماشي ياجنى عملي وكتري
(تاني يوم)
جنى:يييي بسم الله ليش هيك عاملة بحالك 😱
علا:مالي عاملة شي بس حاطة شويت مكياج
جنى:هههههه لك انتي مو حاطة شوية مكياج أنتي نسيانة وشك بالبيت وحاطة بدالو علبة المكياج 😂
علا:😑😑 شو اخبارها الكعكة
جنى:ااااخخخ والله راسي لح ينفجر لو بتشوفي شو صار أكلها غيث وانا لح موت
علا:هههههه بتستاهلي لو اكلتيها انتي مو أحسن
جنى:لك علا ليكي مين واقف هنيك
علا:صاحب الكعكة هههههههه
جنى:تعي اشتريك كروسان على حسابي
علا:لا بدي كعك ههههه
مجهول:صباح الخير أهلين بالصبايا نور المحل😍
جنى:صباح النور يسلمو على الكعكة
مجهول:صحتين وهنا بس ماقلتيلي شو اسمك
جنى: امممم جنى وهي رفيقتي علا
مجهول:تشرفنا أناأمجد ,بدي تعتبرو المحل وصاحب المحل على حسابكن
جنى:هه تسلم
امجد:تفضلي هدول على حسابي 🍩🍰
جنى:لا مابصيرر
امجد:بزعل هاا أنتي بس تكرمي عليي وفرجيني وشك الحلو كل يوم
جنى(هربت بعيوني وكنت كتير خجلانة😊)يالله سلام
علا:لك انتي كيف بتخلي يحكي معك هيك
جنى:والله مابعرف
علا:تخيلي لو حدا شافك
جنى:هففف خلص انتي التانية أمشي لح نتأخر على المعهد
علا:هههههه
جنى:هههههههه شبهن هدول كانو حدا ضاربن بسطل دهان
علا:عاملين هيك مشان الأستاذ الجديد
(وشوي واجه الأستاذ شب مربوع الطول أسمراني ومجذب )
الأستاذ:مرحبا كيفكن صبايا
الصبايا:(بصوت ناعم 😍)اهلين استاذ
جنى:ههههههه شبهن صارو ينو تنواية 🐈
علا:هههه خلص كني بقى
الاستاذ:لح عرفكن عنا حالي أنا عبدو أستاذ لغة انكليزية
حنى:هههههههههه لك سمعتي شو اسمو
علا:لك شو صرلك
الأستاذ:شو رايكن تعرفوني عن حالكن اممم مثلا الصبية يلي من اول مافتت عم تضحك يالله عرفينا عن حالك 😒
علا:جنى عم يحكي معك
حنى:انا هههه 😞
الاستاذ:اي نعم انتي
جنى:أنا جوجو ههههه قصدي جنى ووو بس هيك
الأستاذ:هههههه طيب ليش عم تضحكي
جنى:هههه مابعرف
الأستاذ:طيب عقدي لشوف
علا:شو جنيتي ههههه
————
(اما المسا بالبيت)
ماما:كيف معهدك 😒
جنى:منيح بجنن
ماما:اممم لشوف لح تنجحي أخر السنة ولا لا
جنى:ان شاء الله ماما
ماما:بتعرفي مين نخطب
حنى:مين 😞
ماما:بنت أختها لجارتنا ام صبحي
جنى:ههههه ماشي الله يهنيها
ماما:كل البنات عم ينخطبو ويتجوزو الا بنتي انا 😧
جنى:هههههه
ماما:خليكي عم تضحكي كنك الهبلة
بابا:ام ليث خلصنا بقى
جنى:ماما بتعرفي مين اطلق 😏
ماما:مين
جنى:جارت بيت جدو هيك علا قالتلي اليوم(جارت بيت جدو كانت حبيبت بابا من زمان)
ماما:انوا وحدة
جنى:كندا ام عيون زرق
ماما:اي شو نعملا
جنى:ياحرام مسكينة شو رايك بابا( بابايلي كان كلو أذان صاغية ونشد للحديث😍 )
بابا:اي والله مسكينة معد صفيلا حدا بهالدنيا (طبعا امي اطلعت عليه وحسيتها لح تقوم تدبحني وتدبحو🔪)
ماما:ابو ليث تعى معي شوي
جنى:هههههه راحت عليك 🔫🔫
بابا:مو كلو بسببك
———
تاني يوم بالمعهد
جنى:ليكي ونحنا راجعين بدنا نمر لعند امجد
علا:لا مالح نمر
جنى:لك ليش
علا:والله خايفة حدا يشوفنا
حنى:اي واذا نحنا عم نشتري من عندو
علا:بلاها الله يوفقك
جنى:امانة بس هالمرة
الاستاذ:جنى😡
جنى:أحم نعم 😵
الاستاذ:هاتي لنشوف أحكيلي شو كنتي عم تحكي لعلا
جنى:امم ولاشي بس علا كانت عم تقلي قديش انك استاذ شاطر
علا:😨
الاستاذ:هيك لكن وكيف عرفت اني أستاذ شاطر ونحنا لسا بأول درس
جنى:اي…يعني مبين عليك 😊
الأستاذ:اممم جنى تاني مرة وقت بتفوتي على الصف خلي عقلك هون مو تتركي بره
جنى:ماشي حاضر
الأستاذ:ههه شطورة يالله عقدي 😂
—–
(ونحنا طالعين من الصف )
الأستاذ:جوجو ولا جنى
جنى:نعم
الأستاذ:نسيتي دفترك على المقعد
جنى:اي صح يسلمو
الأستاذ:شايفك مستعجلة
جنى:اي شوي يالله سلام
علا:لك سمعتي شو قلك
جنى:هههه
علا:جوجو لكن اممم
جنى:ليكي امجد واقف بره ناطرني
علا:لك جنى والله مالي حاسستو مناسب لألك يعني باين عليه كبير جنى: اي مابأثر
امجد: مسا الورد شو هالحلا يلي هل علينا 😍
جنى:مسا النور ,بدي قالب كيك 🍞
امجد:لك ياريتني كيك انا عيوني لألك
جنى:…..😊😊😄
امجد:يسلملي الخجول بتعرفي انا الي فترة عم دور على بنت متلك
علا:جنى يالله تأخرنا
جنى:انا صار لازم أمشي
أمجد:لا خليكي لسا ماشفتك منيح
جنى:لا مابحسن لازم أمشي
امجد:طيب بس بكرا مري لعندي
جنى:ماشي يالله باي
———
علا:جنى والله هالشب ماحبيتو ابدا 😑
جنى:ليش والله ظريف 😉
علا:يعني مابيخجل يحكي معك هيك
جنى:….😯
علا:ديري بالك منو باين عليه مو قليل
جنى.:ماشي
(صرلي شهر عم أحكي مع أمجد كل يوم مرلعندو بحجة أني بدي أشتري شي شغلة طلب مني نشوف بعض برة بشي مكان بس انا مارضيت )
جنى:لك علا معد أقدر حاسة حالي لح موت من الوجع
علا:يعليي عليكي صبري لح يخلص الدرس
جنى:لك معد أقدر قولي للأستاذ مشان الله
علا:طيب ، أستاذ جنى كتير موجوعة ممكن نروح نرجع على البيت
الأستاذ:خير شبها😯
علا:والله مابعرف بس كتير موجوعة
الأستاذ:جنى تعي معي لأخدك على المشفى
جنى:خلص أستاذ بروح لحالي 😢
الأستاذ:شو هالحكي تعي معي ,صبايا بكرا منكمل الدرس
(طلعنا معو بالسيارة ورحنا على المشفى كان كل الوقت ماسك أيدي وساندني )
الأستاذ :شو دكتور طمنا
الدكتور:لا بسيطة بس صاير معها تلبك معوي عطيتها مسكن ولازم تمتنع عن أكل الخبر والمعجنات وكلشي في دقيق وخميرة )
علا:سمعتي الدكتور شو حكى بتستاهلي عجنت معدتك من ورا روحتك لعند أمجد وقعتي بشر أعمالك
جنى:😢😡 منحكي بعدين
الأستاذ:سلامت قلبك هيك شغلتينا بالنا
جنى:شكرا كتير عذبتك معي
الأستاذ:لا الله يسامحك بس ديري بالك على حالك
جنى:أن شاء الله
علا:جنى ليكي أمك وصلت
ماما:جنى لك شو صاير معك يبعتلي حمى عليكي بس هاد يلي مابيسمع كلام امو شفتي كيف الله عاقبك
علا:هههه
ماما:لو رضيتي تنخطبي ماكان صار فيكي هيك
الأستاذ:ههههه يالله حصل خير الدكتور طمنا
ماما:وأنت مين يابعدي
جنى:أمي لك شبكي هادا أستاذي بالمعهد وهو جابني بعدين شو هي الله عاقبك اي شو صرت من كفار قريش
ماما:هسس على نصتك, يالله خلينا نروح على البيت
الأستاذ:أنا صار لازم روح ألف سلامة عليها
ماما:أهلين أبني تشرفنا بس ماقلتلي شو أسمك
الأستاذ:عبدو
ماما:يوووه شو هالأسم 😂😲
جنى:لك امييي 😧
الأستاذ:هههه أسمي على أسم جدي بعدين أنا أسمي عبد الرحمن بس هنن بيقلولي عبدو يعني أسهل
ماما:امممم أكيد ستك أم أبوك سمتك اصلا كل الحموات هيك 😏
علا:ههههههه خالتي يالله خلينا نمشي
جنى:أمي لك شو صرلك على الزلمة
ماما:اي خرسي أصلا كلو بسببك
جنى:😒😒
(المسا بالبيت)
جنى:ألوو علا كيفك
علا:أهلين طمنيني كيف صرتي
جنى:يعني صرت أحسن
علا:بتعرفي كل مابتذكر أمك بفرط من الضحك 😂😂
جنى:لك ولييي شفتي شو قالت للأستاذ قال شو كل الحموات هيك اي الله وكيلك عاملة على ولاء وروان أكبر حماية يا حرام شو بتعذبهن وبتسمعن حكي بسم البدن 😈😈
علا:ههههههه
جنى:ليكي أنا مالح روح هاليومين على المعهد اذا شفتي أمجد قليلو أني مريضة 😯
علا:ماشي تكرمي ☺
جنى:يالله باي رايحة نام قبل ماتجي أمي
علا:هههه سلام
ماما:جنى يالله قوم حاجتك نوم
جنى:خير ماما شوفي
ماما:قومي بدي أخدك على شيخ أكيد في حدا عاملك عمل
جنى:😂😂 عمل شو
ماما:بيكون حدا رابط عليكي مشان هيك ما عم ترضي تتجوزي
جنى:😂 بصراحة وانا حاسة أني راكبني جني 👿
ماما:ييييي بسم الله شو هالحكي
جنى:بتعرفي بجوز هاد الجن العاشق يعني أذا بتفكري تجوزيني بإيذيكي
ماما:ييييي يالطيف دستور من خاطركن بل بف بف بف مشان هيك بدي أخدك على الشيخ
جنى:😂😂😂 لك أمي مشان الله عنجد سدقتي لك يعني مين بدو يكتبلي عمل
ماما:أكيد هي أم علا ﻻنوا غريبة أنوا بنتها نخطبت وانتي لا
جنى:ههه أمي مو هي نفس المخلوقة يلي كنتي عم تشربي معها قهوة ☕قبل شوي والله عيب تحكي عليها هيك
ماما:خرسي بدك تعرفيني شو العيب
جنى:أمي تقبري قلبي والله مالي قدرانة يا بابا
ماما:هم تنادي لأبوكي أنا بفرجيكي ياجنى
جنى:اذا مالح تتركيني بخلي أبي يتجوز عليكي كندا ههههه ام عيون زرق 👱
ماما:اي والله لأدبحك
جنى:لك اااااخ خلص هههههه تركيني 👡
بابا:لك ليش ماسكة الشحاطة وعم تقتلي البنت
ماما:والله بدها مصع رقبة
جنى:هههه والله ما عملت شي بس قلت بدي خليك تتجوز كندا
بابا:ييي الله يخليلي ياكي ياجوجو😍
ماما:هيك طيب والله معد أعد بالبيت 😡
بابا:لك تعي لهون عم نمزح معك 😂
(ههههه طبعا ماما ماحردت لأنوا بابا صالحها💑 مابيحسن يزعلها بكل خناقة هو يلي بيراضيها يعني ماشاء الله أمي قوية من يوم يومها من وقت ما تجوزت أبي مع أنوا كل صبايا عيلتو حلوين👧👩👱👸 بس هي قدرت على الكل ولهفتو لألها هههههه )
علا:جنى ليش أمك ماقلتلي أهلين وقت فتحتلي الباب 😔
جنى:ههههههه معصبة قليلي شو الأخبار
علا:شفت أمجد وأخد رقم التليفون الأرضي تبعكن
جنى:ييي ليش ولييي ليقوم يدق والله أهلي بيدبحوني 😓
علا:أكيد لح يدق لكن أخد الرقم مشان ياكلو,بس لا تخافي قلي انوا لح يخلي أمو تدق الظاهربدو يخطبك
جنى:ييي معقول والله أمي بطير عقلها
علا:والأستاذ سأل عليكي كمان
جنى :والله مبارح كبر بعيني يعني شفتي كيف ساعدني
علا:ليكي شو مابصير معك قليلي
جنى:ماشي
______
(ضليت طول الوقت لزقانة جنب التليفون☎ ناطر حماتي هههه تتصل والله وماكذبت خبر دقت وأخدت موعد الساعة 6 وأمي أستغربت كيف وافقت وأنا زبطت حالي على أخر طرز )
ماما:لك وينن لهلق والله داق خلقي صارت الساعة 7 ولهلق ماشرفو
جنى:ماما الغايب عذرو معو
ماما:جنى لتكوني بتعرفي الشب يلي جايين أهلو اليوم 😑
جنى:لا ييي من وين بدي أعرف (وليي الله يستر)😇
ماما:شو عم تحكي وليه 😡
جنى:ههههه ولاشي ياروحي ها الباب عم يندق أكيد هنن
ماما:روحي فوتي لجوا شوي وبتفوتي
جنى:ماشي
(بعد عشر دقايق غليت قهوة وفتت ضيفهن كانت في ست كبيرة بالعمر ومعها وحدة حامل يمكن بنتها سلمت بكل اكابرية وأعدت)

أم أمجد:ماشاء الله متل القمر والله يلي قال عنك حلوة ماعطاكي حقك
المخلوقة الحامل :أي والله العين تحرسك
جنى:😊😊تسلمو
ماما:اي شو بيشتغل العريس
أم أمجد:عندو مخبز وبصراحة شاف المحروسة بنتك وكتير عجبتو
ماما:خير قديش عمرو
أم أمجد:34 وهو وحيد على خمس بنات
ماما:ايوا الله يحمي معناها المحروسة بنتك مو هيك
أم أمجد:لا والله
ماما:لكن أختك
أم أمجد:كمان لا
ماما:لكن جارتك
أم أمجد:هه كمان لا
جنى:😂😂😂
ماما:يوه والله حيرتيني مين لكن
أم أمجد:هي مرة أبني
(طبعا أمي بالأول مافهمت أطلعنا ببعض ونحنا مصدومين )
ماما:مافهمت عليكي
أم أمجد:بصراحة هي مرت أمجد غيداء
جنى:شوو
ماما:لحظة كيف جاية تخطبي لأبنك وهو متزوج
غيداء:عادي خالة هادا حقو
جنى:😂😂😂😂يعني أنتي ضرتي
ماما:جاية تخطبي لجوزك عادي
غيداء:اي ليش لا هو بكون أبن عمي وقبل مانتزوج هو حط هادا الشرط
جنى:ههههه وأنتي كيف وافقتي
غيداء:ليكي أمجد كتير ظريف وحنون ونحنا لح نكون أخوات موضراير وبكرا بتساعديني بولادي التوم
جنى:كمان ههههههههههه
ماما:جنى😡,بصير خير أن شاء الله بس مهلوني لحتى أسأل أبوها
أم أمجد:ماشي لكن يالله بخاطركن
(بعد يومين)
علا:لك عنجد ما عم صدق ههههههه لك مرتو وحامل كمان ههههه
جنى:لك أي والله 😂😂
علا:مجنونة هالمخلوقة
جنى:هههههههه يمكن
علا:وشو صار بعد ماراحو
جنى:لك لا تسألي بعد ما أنقلعو قالتلي أمي أي ست جنى وهلق شو بدك تعملي
علا:أي
جنى:قلتلا ولاشي لح بيت أستخارة
علا:😂😂
جنى:ومالقيتلك إلا كل شحاطيط البيت نزلت على راسي👡👡👡
علا:😂😂😂😂😂
جنى:اي ضحكي لك كنت عم أمزح معها
الأستاذ:جنى 😡
جنى:نعم😯
الأستاذ:طلعي حلي السؤال
جنى:ماشي
الأستاذ:يالله حلي لشوف
جنى:😶بصراحة مابعرف
الأستاذ:لكن شو بتعرفي بس تحكي بالحصة
جنى:😔😔
الأستاذ:طلعي بره الصف
جنى:ليش
الأستاذ:مشان تعرفي تحكي طلعي يالله
جنى:😢 ماشي
(طلعت وقفت بالباحة وأنا مقهورة )
الأستاذ:ليش واقفة هون يالله فوتي خلصت حصتي وبلشت حصة العربي
جنى:مابدي أحضر
الأستاذ:😮 وليش بقى
جنى:هيك 😌
الأستاذ:لك أنتي شو صايرلك مو حرام عليكي أهلك عم يدفعو مصاري مشان تحكي بالصف
جنى:هلق أنت ليش زعلان اخدين منك شي
الأستاذ:أنا زعلان عليكي بنت متلك أخد عقلها واحد جاهل
جنى:😮 وأنت كيف عرفت
الأستاذ:كنت عم شوفك رايحة جاية لعندو
جنى:اي خلص مشي الحال معد روح لعندو
الأستاذ:أوف ليش
جنى:بعت مرتو تخطبني
الأستاذ:أي لا ههههههههه عم تحكي عنجدهههههههههههه
جنى:😒 شو حكيتلك نكتة أنا 😂😂
الأستاذ:لك عم تمزحي
جنى:والله يبعتلو حمى هههههه وإذا بدك مرتو حامل بتوم
الأستاذ:هههههه كمان شو هالمرة المجنونة
جنى:لك بسببو أمي حرمتني من المصروف شهر وحلفت أول عريس لح يجيني بدها تجوزني ياه
الأستاذ:😂😂 بتستاهلي
جنى:😢
الأستاذ:يالله هلق فوتي حضري الدرس وحطي عقلك براسك
جنى:😞 ماشي بس تاني مرة معد تقلعني
الأستاذ:اذا قصرتي لسانك شوي مابقلعك
جنى😒
(مرق على القصة شهر ليوم أتصلو جماعة وبدن يجو يشوفوني طبعا ماسترجيت أحكي شي أو أعترض ،جهزت حالي وأول مافتت ضيف القهوة أنصعقت لك عبدو وأمو 😂)
عبد الرحمن:أنا بتشرف أني أطلب أيد بنتكن على سنة الله ورسوله ماما:يا أهلين ألنا الشرف
جنى:😊
عبد الرحمن:بس أنا عندي شرط
جنى:خير 😒
ماما:جنى😡
عبد الرحمن:بدي ياها تكمل دراستها
ماما:وليش الدراسة والشهادة بالأخير بتتعلق على الحيط
ام عبد الرحمن:لا شو هالحكي العلم كتير مهم للبنت
عبدالرحمن:اي شو قلتو
ماما:والله بدي شوف أبوها ومنردلكن خبر
(بعد تلت سنين)
(شو واثق بحالو شو قلبو قوي
وقلبي من جماله دايب مستوي
كانت قصة أعجاب صارت حب وعذاب
تاري شيخ الشباب حلو بيكوي كوي)
عبدالرحمن:لك جنى شو عم تعملي
جنى:ههه عم أرقص 💃
عبد الرحمن :أمانة شوياخانم كأنو ماعندك إمتحان
جنى:لك والله داق خلقي
عبد الرحمن :حبيبتي مشان الله خلصينا بقى ماصفي شي وبتتخرجي
جنى:ييي علينا مابدي أدرس 😧
عبد الرحمن :طيب روحي حطيلي غده
جنى :بس أنا ماطبخت😰
عبد الرحمن :كمان يا سلام😲 شو كنتي عم تساوي طول النهار
جنى:عم أدرس 😶
عبد الرحمن :لك أنا أذا تجوزت عليكي مابكون حقي 😏
جنى:بالله شوو😡
عبد الرحمن :اي ليش لا وبتروحي أنتي بتخطبيلي
جنى:😂😂 ليك حياتي أذا بتفكر مجرد تفكير بدبحك وبساويك مشاوي وباكلك 😛😛
عبد الرحمن :أي تعي لقلك والله أنا يلي بدي ادبحك
جنى:ههههه لك خلص أتركني بدي روح أدرس
عبد الرحمن :هلق مو وقت الدراسة
جنى:لكن وقت شو سي عبدو 😂😂
عبد الرحمن :وقت نجيب ولاد 😂
جنى:اي أصلا أنا حامل 😍
#أنتهت
(القصة أحداثها من الواقع بس أنا ضفت عليها شوي كل قصة عم أكتبها عم حاول ترضي جميع الأذواق وكالعادة بتمنى تعجبكم وبنتظر رأيكم في التعليقات راح أقرأ كل تعليقااتكم 😘😘😘😘)

عرض التعليقات (93)