قصة سيلا الجزء الأخير للكاتبة حنين طه

117 11٬626
قصة سيلا الجزء الأخير للكاتبة حنين طه
هذه القصة تأتيكم من قسم المنوعات في زاكي

قصة سيلا الجزء الأخير للكاتبة حنين طه
قصة سيلا الجزء الأخير للكاتبة حنين طه

كريم: طيب خلص روق يا زلمة

راشد:انا الي قاهرني انه شقفة وحدة تعمل فيني هيك

كريم: وليه كتير متأكد انها وحدة مش يمكن واحد وعم يحاول ينتقم منك 

راشد: كريم الله يسعدك تسكت ما رح يجيب اخرتي الا اقتراحاتك الفذة عالعموم انا اعطيت رقمها لرفيقي قيس وهو رح يشوفلي صاحب الرقم

كريم: طيب منيح طيب شيل عنها الحظريمكن بدها تبعتلك شي او بدها تحكيلك شي

راشد: وحدة متل هي اكيد عندها الف رقم مو واحد لو بدها شي كانت وصلتني

كريم: طيب وهلأ

راشد: هلأ بشو

كريم: بنور مرتك وبشغلك الي يمكن تتقلع منه بعد هالفضيحة

راشد: ما عاد عرفت شي ولا عاد قادر فكر يا رب دخيلك تخلصني من الهم الي انا فيه

كان راشد عم يحاول كل يوم يتقرب ويتودد لنور عم بحاول يعتذرلها عن كتير اشيا بباله لازم يطلب السماح من نور كرمالهم

نور: الو مرحبا راشد

راشد: اهلين نور لو تعرفي قديه اشتقت لاسمي يطلع من تمك

نور: لازم شوفك

راشد: وقت ما بتحبي انا جاهز

نور: تعا عالبيت بدي حاكيك

قبل ما يجي راشد خبرت ريم ترتب البيت وتعمل كم نوع حلو لجية راشد

ريم: يعني سامحتيه

نور: هلا بتعرفي

ريم: طيب متل ما بدك

وصل راشد مبينة اللهفة بعيونه مبين قديه ندمان

راشد: نور انا

نور: ما طلبت منك تيجي لتبرر انا حبيتك تيجي لقلك اني حامل

راشد: شو حامل
الف مبروك يا عمري ماني مصدق حالي يعني انا رح صير اب ورح يكون عندي بيبي صغير منك

كنت عم اطلع على تعابير وجهه مليانة سعادة وكأنه اعتبر هالطفل هاد رابط ليرجع يجمعنا سوا

نور: شوف راشد انا ما بدي ابني يجي عالدنيا وامه وابوه مو مع بعض كتير بهتم انه ابني يربى بعيلة وببيئة محترمة لهيك هي اخر مرة ممكن سامحك عن اي غلط ممكن يصدر منك لو كان غلط كبير كتير او شي صغير بوعدك ما سامح بعد اليوم

راشد: وانا بوعدك ما ارجع اجرحك ابدا بعد هيك

نور: انا ناطرتك فوق بالغرفة

طلعت لغرفتي وتركت راشد وراي

ريم: هلا هيك صار انا صرت عالرف وصارت نور هي الكل بالكل طبعا يا عمي بدها تجبلك طفل صغير

راشد: ريم لهون وخلصت قصتنا بكفي

ريم: انا مو عكيفك لتبدا وقت ما تحب وتنهي وقت ما يجي عبالك فهمت

راشد: لا ما فهمت وانا بدي حافظ على بيتي ومرتي وقلتلك بكفي

ريم: ماشي يا راشد متل ما بدك

راشد: ريم افهميني انا وانتي ماشين بطريق مسدود مستحيل بلحظة نكون لبعض وانتي لسا صبية صغيرة باول عمرك بكرة بتحبي وبتحنبي وبتنسي كل شي

ريم: واللي بيني وبينك شو

راشد: اعتبريه نزوة

ريم: كنت قول هالحكي قبل ما حبك واتعلق فيك مو هلا طلعت مجرد كذبة

راشد: انتي الي بديتي بهي الكذبة واوهمتيني انك بتكوني نور

ريم: وانت لما عرفت اني خدامة كملت معي بالعلاقة وعادي

راشد: ريم بكفي سلام انا طالع عند نور بلا ما تستعوقني وبتمنى هي اخر مرة تكون لالنا اخر مرة نحكي فيها سوا

————-

راشد: بدخل

نور: ايه طبعا فوت راشد

راشد: واو شو هالجو الرومانسي هاد

كانت الغرفة كلها ورد وشموع وبلالين حمر وزهر
قرب راشد لعندي حاوطني بايديه ،،،

راشد: الله لا يفرقنا عن بعض يا رب

————-

كانت الاحوال بيني وبين راشد عم تتحسن كتيرحتى صارت احسن من اول زواجنا عطول بكون بالبيت عطول بجبلي معه هدايا وورد حتى على رفقاته ما عاد طلع متل اول

راشد: نور حبيبتي الليلة اتصلي على ريم تيجي تنام عندك

نور: ليش حبيبي شو في

راشد: المستشفى طالبين مني اناوب الليلة كلها وبتعرفي انتي تنذكر وما تنعاد من بعد اخر مشكلة صارت معي ما كتير بمون ابقى او اطلع

نور: وانت ليش بقيان عندهم وتحت جميلتهم احنا الله معطينا اطلع وافتح الك عياداتك الخاصة

راشد: بوعدك هالشي يصير قريبا اساسا انا عم بفنش بشغلي معهم

نور: طيب حبيبي الله يوفقك هلا بتصل بريم تيجي

راشد: ديرلي بالك على ابني الي ببطنك

نور: حاضر راشد بيك

طلع راشدمن عندي بعد ما ودعني الف مرة وانا اتصلت بريم وخبرتها تيجي تنام عندي لانه راشد مناوب

تأخرت كتير لاجت ريم وانا من تعبي غفيت وانا قاعدة ناطرتها

راشد: الوقت كتيرمتأخر شو مطلعك بهيك وقت ممكن اعرف رح انطر اتصالك لطمنيني انك وصلتي)

ريم: خايف علي ولا عليها لنور لانها لوحدها

راشد: ريم بلا هالحكي هلأ انتي كان لازم من ساعتين تكوني عند نور ليش تأخرتي هيك

ريم: قلت لحالي بتأخر بلكي شفتك شوي

راشد: اللهم طولك يا روح

ريم: ييييييي انت مزودها كتير خلص سكتنا حاجتك معي الشوفير لا تخاف على نور اكيد هي بامان
يلا رح سكر لاني رح اركب مع ابو محي

بعد ربع ساعة

راشد: ريم وصلتي

ريم: شوي ورح اوصل

تن تن تن تن تن
انقطع الاتصال

راشد: ريم ريم وين رحتي

——————

نور: الو راشد وينك تعال بسرعة هلا لازم تروح عالبيت

راشد: شو في نور

نور: اتصلو هلا فيني من المشفى قال ريم وهي جاي لعندي سيارة كلها ملثمين موقفة سيارة ابو محي ونازلين فيه ضرب ومعتديين على ريم وسارقين كل الفلوس الي معهم

راشد: شو هالمصيبة يا ساتر استر شوي وبكون عندك

وصل راشد وكنت ناطرته عالباب ركبت معه وبسرعة رحنا عالمشفى كان ابو محي بعاني من شوية رضوض بس ريم كانت تعبانة كتير ومخربطين ملامح وجهها على قد ما هي ماكلة قتل قربت لعندها وقعدت جنبها عالتخت وضميتها

نور: خلص اهدي كل شي واله حل

ريم: انا بمصيبة ما بعلم فيها الا الله يا ست نور

نور: انا جنبك ما رح اتركك

ريم: اذا عرفو اعمامي وولادهم بالضيعة بلي صار معي ليفجروني تفجير ونسوانهم ما رح يتركو علي ستر مغطى على طالعة لحالها بالليل انتي بتعرفي بس بدهم شغلة

نور: وهم شو الهم عندك

ريم( تبكي) ما انتي عارفة لولا ما الست الوالدة بتعطيهم مصاري ليحلو عني زمان عملوني خدامة لنسوانهم
يا رب خدني وريحني حاسة الدنيا عم بتضيق بوجهي ما عاد في اي حل بوجهي

نور: في حل بس

ريم: شو هو الحل يا ست نور ببوس ايدك

نور: انا بعرف انه ابو محي من زمان بده يتزوجك

ريم: وانزل على ضرتين

نور: عندك حل تاني هلا بعد ما الصحافة تنشر الخبر
وخاصة انه الجماعة الي عملو فيكي هيك مو مبينلهم اي اثر اساسا لسا بدي روح احكي معه وان شاء الله يوافق بعد الي صار

صارت ريم تضرب على وجهها وتبكي
( ااااخ على اخرتك يا ريم يا حوينتك يا ريم )

حاولت لملم الموضوع من برا لبرا حتى بدون ما نشتكي على الي عملو هالعملة بريم وابو محي حتى القصة ما تكبر وتنتشر اكتر ويعرفو قرايبها فيها وتزوجت ريم من ابو محي بعد ما تركت الشغل عنا

ام محي: هلا هاي العروس الجديدة

ابو محي: ام محي اختصري واستهدي بالرحمن

ام مصطفى: ليش شو قالت احنا مو من حقنا نعرف ضرتنا التالتة

ابو محي: ايه بكرة بس لداوم بشغلي بتتعرفو عليها لوحدكم

ام محي: ايه لبكرة فرج

واجا بكرة وكان متله متل كل الايام الي بعده ما في الا ريم بتاكل قتل من ام محي وام مصطفى وولادها وقد ما حاولت تدافع عن حالها ما تقدرلهم وبس يروح ابو محي وتحاول تشكيله ما يطلع بايده اي شي مع نسوانه التنتين

———-

نور: راشدحبيبي فقت

راشد: ايه فايق

نور: راشد فيك شي من لما تزوجت ريم وانت مو على بعضك

راشد: لك لا ما في شي بس عم فكر يعني مين معقول يكون ورا هالقصة وزعلان على ريم مسكينة على هالزواج

نور: ايه والله الله يعينها انا علىقد ما بقدر حاولت ساعدها

راشد: بعرف حبيبتي الله يجزيكي الخير

قرب لناحي باسني عجبيني وطلع عشغله

راشد كان كتير زعلان على الي صار بريم يمكن كان حاسس انه اله ايد باذيتها بدون ما يحس

مسج سيلا( زعلت على الي صار بريم بس بتستاهل
بيلبقلها ابومحي …..سيلا
وهاد رقمي الجديد لا تعمله حظر لانه اليوم اخر مرة رح تشوف اسمي عموبايلك قررت عرفك عحالي شخصي )

وقف راشد السيارة ( اخيرا رح اعرفك يا سيلا )
رن تلفون راشد بهالوقت كان متوقع انها سيلا بدها تقله وين ممكن يلتقه بس كان قيس رفيقه لراشد

راشد: وينك يا اخي اختفيت وما عاد بينت

قيس: بتصدق اول مرة رقم بيصعب علي هيك باينته الرقم لحدا كتير مهم عالعموم عرفتلك صاحب الرقم

راشد( ونبضات قلبه عم تزيد) مين

قيس: لوحدة اسمها نور الشامس
الو راشد انت معي

سرح راشد بالاسم غمض عيونه ما كان قادر يشوف الحقيقة وزم عشفافه وحرك السيارة ليرجع عالبيت
دخل عالبيت كنت مو موجودة بس كنت حاطيتله رسالة عالطاولة وفوقها كاسة مي

( انا بعرف كل شي ومن زمان يمكن بعرف عنك اشيا انت ما بتعرفها عن حالك ،،،،، سيلا او نور ما بتفرق الشخصية وحدة )

مسك الورقة بايده جعلكها تجعلك وضرب كاسة المي
( ما عم صدق كل هادوطلعتي انتي يا نور عم تلعبي فيني )

————-

كان عم يخبط بقوة ويضرب ويصرخ

راشد: افتحو الباب هلا قبل ما افضحكم بكل مكان افتحو

الحارس : ابعد من هون قبل ما ناديلك الامن

راشد: ماني رايح من هون قبل ما شوف نور وينها نور يا نور

كنت قاعدة عالبرندة رافعة وشي للسقف وعم اتذكر كل شي مرقت فيه مرت حياتي مع راشد قدام عيوني بلحظة
قويت حالي وطلعت عالباب

نور: اتركه لشوف شو بده

صار يصفق بحرارة
راشد: براااافو طلعتي ممثلة شاطرة

نور: ما بعتقد اني اشطر منك

راشد: ما عم اتصور انك بهالحقارة هي

نور: اوووعك تغلط انا ما عملت شي الا اني رديت الاذية وبس
الي بخون لازمه حرق بكاز وسخ لازمه موت لازم يندفن وهو عايش
ابشع احساس بالدنيا هو احساس الخيانة لما توثق بناس وتطعن فيك
قلتلك اني بقرأ الناس من وجوههم ما صدقتني كل مرة كنت شوفك فيها كنت شوف الخوف الي بعيونك لما تلمح ريم حاولت كذب حالي بس ما قدرت
لحتى شفتك معها اول مرة بحياتي لما كنا خاطبين وطلعت عاساس تجيب وراق من السيارة شفتك وانت معها
الدموع الي نزلو من عيوني وقتها حرقو قلبي قبل بعيوني وحلفت لبكيك انت وهي دم بدل الدموع

راشد: كنتي مرتبة ومحضرة كل شي

نور: اكيد سألت بعض معارفك والناس الي انا بعرفهم عنك وقدرت جيب معلومات عنك من ايام الجامعة وابتدت عندي اللعبة اولها كانت يوم الصباحية لما تركتني ورحت تسللت لعند ريم كان لازم خليك تعيش على اعصابك وموتك نفسيا متل ما عملت فيني
زرعت البيت كله بكاميرات لحتى اعرف شو بصير بغيابي ومع انه هالشي كان يحرقني بس افضل ما ابقى متل الهبلة كل مرة كنت شوفك معها كنت حس كرامتي بتوجعني كنت حس انك عم تجرح حتى العلاقة الزوجية الي بينا كنت حس بتعب عم يخنقني وما اقدر عبر عنه لحدا
انا الي بعتت ابو محي عالمطعم الي كنت فيه انت واياهم للخبطكم
انا الي بعتت وراك ناس تصورك بالملهى الليلي بعد ما شفت كيف ريم رمتلي مغلف بغرفتي حتى تخليك تشك فيني وتضربني ايه بعتهم وراك لافضحك
وانا الي دبرت لريم الناس الي عملو فيها هيك لاكسر عينها وخليها تتزوج ابو محي انا وانا وانا الي عملت كل شي
كله كان محسوب كله عملته دفاعا عن كرامتي

راشد: ما بتخافي روح بلغ عنك

نور: مبدائيا ما بخاف منك بتعرف ليش لانه بحركة وحدة مني بخلي كل الصور والفيديوهات تبعونك وانت مع ريم تنتشر بكل مكان اووووه وقتها رح تكون فضيحة من العيار التقيل صدقيني وعلي وعلى اعدائي

راشد: انتي شيطان

نور: جربت كون ملاك طلع ما بيزبط مع بني البشر الي متلك

راشد: شو بدك هلا

نور: طلقني

راشد: وبنتي

نور: ما بحرمك منها كل ما المحكمة تسمحلك تشوفها رح خليك تشوفها

راشد: ممكن اسالك سؤال اخير

نور: اكيد

راشد: ليش رجعتيلي باخر فترة

نور: كان لازم كون معك لاحرق قلب ريم اكتر وعلقك فيني واحرق قلبك بعدين اكتر

راشد: نور

نور: ها

راشد: انتي طالق

طالق هالكلمة على قد ما كنت حضرلها لتكون بمثابة رد لكرامتي الا انهااااا بتوجع

—————

بعد مرور خمس شهور

ريم: ابو محي انا مليت طقيت من هالعيشة انا هون بس لاشتغل وخدم على نسوانك

ابو محي: هاد الموجود عيني ما عجبك روحي عند قرايبك
عالضيعة وشوفي الخدمة عالمزبوط

———-

ادارة المشفى : دكتور راشد احنا بنعتذر منك هاد قرار فصلك لانه المرضى من بعد الفضيحة الي صارت ما عاد يقبلو يتعاملو معك

راشد: مو مشكلة هيدا نصيبي وانا بستاهله لا تعتذر

———

مبروك ما اجاكم الست نور جابت بنت متل القمر

امي: يا عمري ما احلاها بتشبه نور وهي صغيرة كتير
خدي امي بنتك شوفي ما احلاها

نور( بتعب ) يا عمري ما احلاها ليكي امي شوفي ما اصغرها واصغر ايدها

امي: ايه امي بكرة بتكبر ان شاء الله شو رح تسميها امي

نور: رح سميها سيلا

اني: اسم غريب شو معناه

نور: معناتو الانسان المسؤول حتى يكون الها نصيب من اسمها ولما تكبر تكون مسؤولة عن حالها وما تترك حدا يمرمطها ويهنيها حتى تكون هي سند لحالها متل ما كانت امها بيوم

انا لست كباقي النساء
امرأة غير اعتيادية
انثى نعم ولكن انثى
استثانئية

عندي ايمان وقناعة كل حدا لازم ياخد جزاته بيوم
الظالم لازم يدفع جزات ظلمه
والخاين لازم يتعاقب عخيانته
والمحروم اكيد بيوم يعوض كل سنين حرمانه

#سيلا
#انتهت

عرض التعليقات (117)