قصة عريس الغفلة الحلقة الرابعة والأخيرة

83 9٬327

قصة عريس الغفلة الحلقة الرابعة والأخيرة
تأتيكم هذه القصة من قسم المنوعات في زاكي
#
عريس_الغفلة_بقلم_حنين_طه

قصة عريس الغفلة الحلقة الرابعة والأخيرة
قصة عريس الغفلة الحلقة الرابعة والأخيرة

الحلقة الرابعة والاخيرة

بقولو اذا انقرصت مرة بكون قلبك طيب بس اذا انقرصت مرتين بتكون اهبل وانا انقرصت من سيدي وستي اكتر من تلت مرات يعني تعديت مرحلة الهبل ودخلت مرحلة الحمير ( انتو اكبر قدر )
بس هالمرة انا مرتبة اموري ومنسقة كل شي وصار لازم اتقرب واتودد واتمسك بخالتي ام مصطفى ما هي من ريحة الغالي
وكالعادة متل كل نهار ستي عم تشتغل بهالبيت وانا لبست الي على هالحبل وتزبطت وتهنكمت بدي اروح اطل على خالتي ام مصطفى
مروة ( ستي انا بدي اروح اطل على خالتي ام مصطفى )
رفعتلي ستي حاجبها متعجبة مستغربة قلبها قابضها بس بعدين هزتلي راسها يعني روحي
وصلت عند خالتي ام مصطفى كانت عم تحكي تلفون مع وحدة عن حفلة او عرس حسيت بحرارة تسري بشرايني معقول خطب معقول طار من ايدي العريس بس بعدين فهمت انه خالتي ام مصطفى عم تحضر لعرس وحدة بتقربلها
ام مصطفى ( صحيح يا مروة ليش ما بتروحي معنا بلكي شافك حدا هناك ومشيت طريقك وخطبتي )
صفنت فيها 😳😳😳بدك تاخدني الاقي عريس طيب وشوال البطاطا الي عندك ما بدك تزوجيه بس انا بفرجيكي معقول يكون مرتبط او بده حدا وانا سايحة بهالافكار وخالتي ام مصطفى قبالي عم توكل وتعبي الدونمين الي فاتحتهم بكرشها واذ بيدخل علينا ايشي مشعشع ومنور زبطت قعدتي وصفنت فيه
علاء( ها هي الانسة مروة عنا مية اهلا وسهلا )
كملت صفن ونسيت كمي جوا صحن الزيت لولا ما خالتي ام مصطفى اشرتلي بايدها اني كمان شوي رح اصير منقوشة
مروة ( اه والله ما انتبهت صحيح خالتي ام مصطفى انا وافقت اروح عالحفلة )
علاء( وانا كمان بدي اروح بس عأي حفلة عم تحكو )
هون خالتي ام مصطفى كأنه اجتها الفكرة لانه صفنت ودققت وتابعت كلامها بكلمة ان شاء الله
صرت كل يوم اطلع وانزل عالدرج على امل اشوف علاء صابني اعوجاج باصبع اجري الصغير وانزلاق بالغضروف وانا طالعة نازلة عليم الله لو تسألو الدرجات عني لينطقو وهو ما اله اثر لحتى اجا يوم الحفلة وجهزت وتزبطت وهون سيدي رد علي بصوته الجهوري ونبرته الخنفشرية فوتي انقبري جوا ما في روحة
حسهم قلبهم انه ممكن اروح بشي عريس
بقيت ساعة رايحة جاي قدام ستي وسيدي وما حن قلبهم انكسر قلبي وفتت اجر خيبتي معي عالغرفة قعدت عتختي واطلعت بهالسقف حتى لمعت براسي الفكرة الذهبية ما هو الدكتور علاءلما رحت عنده عالعيادة اعطاني كرته رنيت عليه وحطيت فاينة عالسماعة اصول الانحراف حتى يطلع صوتي حلو هيك بشوفهم بالمسلسلات بعملو وكلمة مني عكلمة منه على كم عمرك على شو درستي حكتله قصتي من طقطق للسلام عليكم
تغيرت نبرة صوته لحزن وحس اني عم استنى الفارس الباسل المغوار لحتى ينقذني من ستي وسيدي وحس كمان انه هو المقصود بكلامي فنطق هالجوهرة وحكالي انه من اول لحظة شافني فيها فيني سحر عزف على اوتار قلبه مع انه يومها كنت بشبه كل شي الا الاناث بس يلا المهم الاخلاق
وكبرت قصة هالحب بيني وبين علاء لكن بحدود الادب هو صحيح الشيطان كان يحاول يفوت معنا بهلعلاقة بس انا كنت اعطيه اجازة كله الا الشرف
واجا اليوم الي فاتحني فيه علاء بأنه بده يتقدملي وانه رح يخلي امه تاني يوم تحكي مع ستي
مباشرة رنيت على على خالتي سناء تحضر حتى تزبط الموضوع ما هو ما الي غيرها بهالمواقف وبالفعل ما كذبت خبر بعد ساعة كانت عنا وبلشت هالمعركة بديار دار سيدي العامرة طلع من وراها ستي راسها بوجعها وخالتي سناء شعرها منكوش وخالتي ام مصطفى باول عين بتشوف غباش وتاني عين ما بتشوف بلمرة لكن بالاخير ستي اقتنعت انه علاء يجي يتقدملي
هالمرة كنت حاطة ايدي واجري بمي باردة لانه خالتي ام مصطفى بتعرف البير وغطاه وخطط هالختيارية ما رح تنفع بايشي وصل علاء واهله وعلى اهلا وسهلا وشرفتونا ونورتونا فات علاء واهله وسيدي غازز كل الكناباي بكل دبابيس ستي ما قعد ابوه لعلاء الا صار يعطي اشارات بايده يمين وشمال وفوق وتحت ووجهه يضرب اصفر محمر على اخضر خناني حتى فهمنا بالاخير انه متصوب بمنطقة لا يجوز البوح بها وروح علاء واهله وطار قلبي معاه
حبست حالي بغرفتي يومين من الزعل بس ما قدرت اظل حردانة اكتر من هيك الجوع عاطل عصافير بطني كانت تغني ميجانا وعتابا ورجعت افكر ارن على علاء وحاطة قدام عيوني كل التوقعات والاحتمالات انه يسكر الخط بوجهي
لكن الله حنن قلبه ورجع يحكي معي ووعدني يقنع اهله يجو يتقدمولي مرة تانية وخالتي ام مصطفى صارت عندها الشغلة جكر بدها تاخدني لعلاء يعني بدها تاخدني لعلاء
كنا قاعدينن بنعمل بكرشات ونظف وسلخ وامزع وانقتل بالريحة لما طلت علينا خالتي ام مصطفى وخبرتنا انه بدهم يجو يتقدملونا مرة تانية رجعت اخد احتياطاتي بس هالمرة خليت المنطقة امنه اكتر من اول وعلاء وابوه نازلين لعنا سيدي الله يهديه داهن الدرج من بيتهم لعنا بزيت وفر عليهم نزلة الدرج زحطوها زحط لعنا ودخلو بكيس الزبالة الي كان سيدي تاركلهم اياه عالباب
انقطع اخر امل بوجهي حتى خالتي ام مصطفى الي كانت بدها تخطبني جكر بستي بطلت تفتح سيرتي خافت ابو مصطفى يطلقها
بس انا كيف بدي انسى حب حياتي هاد علاء مو حيالله صحيح حبيت شريف وايمن وتيسير وايهم ومراد وانس واوس وسمير ( مين سمير ) وكل الي تقدمولي بيوم من الايام لكن هاد غير لما بشوفه ما بعرف شو بصيرلي
شعر حواجبي بوقف وامعائي الدقيقة بتسمن وامعائي الغليظة بتعمل رجيم وهاد كله دليل عالحب وكان لازم لحل سريع حتى لو بدي اطلع اترجاه لعمي ابو مصطفى
وكالعادة صاحبة المهمات السرية خالتي سناء رنيت عليها وحكتلها اني بدي احكي لستي اني رايحة عندها واتفقت انا واياها على خطة صغيرة
مروة ( ستي انا طالعة عند خالتي سناء )
ام جاسر ( روحي يا ستي الله معك )

وبعد نص اجت خالتي سناء عدار سيدي واول ما فاتت عالبيت فنجرو عيونهم فيها
وبلشت خالتي صياح ونياح علي وتحكيلهم كل الحق عليكم طفشتو البنت شكلها راحت وما رح ترجع وسيدي وستي يضربو ايد على ايد ويحطو الحق عحالهم وبعد ان عم الحزن ارجاء المنزل وبعد انا اقام سيدي وستي العزاء في المنزل لمدة تلت ساعات قرر سيدي يطلع يعتذر من ابو علاء ويوافق على خطبتنا
طبعا كل هاد الوقت وانا فوق عند خالتي ام مصطفى
وبعد شوي طلع سيدي وستي عند اهله لعلاء اعتذرو من علاء وابوه ووافق سيدي يزوجنا
ومن وقتها ليوم العرس وانا اتنقوز حتى يوم العرس كنت خايفة من شي عملة مش محسوبة ما هو سيدي وستي ما عليهم امان حتى اني عينت اماني وسهام بنات جيرانا امن وقائي بالصالة ورحاب وفداء بحث جنائي
ومريم ووفاء قوات درك تحسبا لاي طارىء ممكن يحصل
واخيرا حطولي اغنية طلي بالابيض طلي وانا ارفع بايدي الوح وابعت سلامات وخلصت الحفلة على خير وانا مروحة عالبيت رشت علي ستي كومة رز قال عشان يحموني من العين
مو اتاري الرز الي رشته ستي مليان صمغ ولزق كله علي وعلاء قضى الليلة يقبع رز ويحطهم بصينية وانا انقي فيهم بنفعو طبخة مجدرة
وهيك تزوجت علاء وحاليا قاعدة بنظف وبعزل وبكوي لعلاء قميصه وبليف حمامات وبتشعبط عالحيطان يا ريتني ما طليت لا بابيض ولا بغيره كان يوم اسود يوم ما طليت بالابيض بس يلا متل ما بقول المثل الزواج سترة للبنت

#انتهت

وهيك يا حبيباتي تزوجت مروة عقبال كل العزابية تفضلو باركولها

 

 

قصة عريس الغفلة الحلقة الرابعة والأخيرة
قصة عريس الغفلة الحلقة الرابعة والأخيرة
عرض التعليقات (83)