الشتويه وآكلاتها وآطيب معجنات وسهله وما بتاخد وقت منوب وطعم ياااااااااويلي
الشتويه وآكلاتها وآطيب معجنات وسهله وما بتاخد وقت منوب وطعم ياااااااااويلي
معكم صديقة زاكي الشي الموهوبة جلكسي والدنيا عكسي 
قوارب الجبنه وزعتر
المكونات
زعتر أو دقة
سمسم
جبنه بيضه
بيضه
حبة سودا أو قزحه
زيت زيتون
طريقة التحضير
بتعملي العجين وبتخمير وبس يخمر بتقطعي كريات صغيره وبتحضري الحشوه والي هي جبنه بيضه منقوعه قبل بوقت لتخف ملوحتها وبتفتتيها بشوكه وبتخلطي معها شوية سمسم أو زعتر ناشف أو قزحه حسب الرغبه،وزعتر أو دقه المقصود فيها تاعت سندويشات بتخلطيها مع زيت زيتون ،بعدا ما تجهزي عجينتك وحشوتك بتبلشي تعملي في القوارب وبتفردي العجينه مدوره وبتبرميها من الجنبين وبتمسكي الأطراف مع بعض بعدا بتدهني الأطراف ببيض وبترشي سمسم بعدا بتعبيهن حشوه وهيك بتعملي كل الكميه الي عندك فيكي تغيري الحشوه حسب رغبتكم وبتخبزي في فرن محمى مسبقا من تحت بعدا من فوق وصحتين والف عافيه 
العجينه معتمده عندي لجميع المعجنات
المكونات
كيلو طحين أبيض
معلقتين حليب بودره
معلقتين لبن زبادي
معلقة سكر
معلقة ملح
معلقة خميره
معلقةبكمبودر
فنجان زيت ذره
طريقة العجينه
تخلط جميع المكونات الناشفه معا ثم تعجن بماء فاترويضاف الزيت آخر مرحله لتمليس العجينه وتغطى وتخمر مدة ساعه
ملاحظه
1-جميع المعجنات تدهن بصفار البيض وترش بالسمسم.
2-تخبز جميع المعجنات ع نار متوسطه من تحت بعدا من فوق ويكون الفرن محمى مسبقا.
