شيشبرك على أصوله دلعي حالك في هالجو البارد دوسي على الصورة لتعرفي الطريقة

شيشبرك على أصوله دلعي حالك في هالجو البارد دوسي على الصورة لتعرفي الطريقة
معكم صديقة زاكي الشيف الموهوبة  ‎Mariam Ramadan‎ 

الطريقة:
عجنت كاسة طحين بماء دافي ، وحطيت معها رشة ملح ومعلقة زيت ذرة وتركتها ترتاح .
وقلبت وقية لحمة مفرومة مع راس بصل بزيت ذرة وملحتهم وبهرتهم وتركتهم يبردو
قطعت العجينة 4 كرات ورقيت كل كرة لوحدها لحتى صارت متل الرغيف الكبير الرقيق وقطعتهم بفنجان القهوة وحشيتهم لحمة وصفيتهم بصينية وشويتهم بالفرن
خفقت علبة لبن رايب كبيرة .. وحطيت رشة ملح ومعلقة نشا بالخلاط خفقتهم وحطيتهم بقدر ع نار هادية مع التحريك المستمر لحتى صاروا يغلوا غليان مو فوران …حطيت فوقهم طرابيش الشيشبرك المشوية .وفرمت شوية كزبرة مع 3 فصوص توم وقلبتهم بزيت ذرة وسكبتهم فوق الشيشبرك وتركتهم يغلو شوية ..
سكبت الشيشبرك بجاط التقديم وزينته بالكزبرة ..
وصحة وهنا
#شيشبرك ام نضال