صباح الخير هلاقي حدا يرد علي؟
صباح الفليفلة المنشورة
وذكريات بقلبي باقيه ومحفورة
صباح صواني البندورة الحمرة المعصورة
عالسطح هون وهون منتورة
وصواني المربى المغطاية بقميص ابيض
وعم يحوم عليها الدبور والدبورة صباح البيتنجانات السود المحفورة
عحبل الغسيل مصفوفة ومنشورة
وبيتنجانات المكدوس والجوزات والحرحورة
وقطرميزات اللبنة المدعبلة بالزيت محطوطة ومغمورة
صباح المونة السورية يا أحن بلد بهالمعمورة
صباح الخير ياأبية ونيال الطير والعصفورة.
برفة جناح بصيروا بسماكي بيتنفسوا هواكي وبشموا وروردها وزهورها.
سوريا ياوجعي يابسمة عمري المقهورة والدمعة بعينا واقفة ومحصورة وهالمغتربين
الهي تلم شملهم وترجعن عبلدن وساعتها لاترك الفيس والواتس وارجع لجوال بلا كاميرا وبلا صورة.