طريقة كبس الزيتون الأسود بالزيت
معكم صديقة زاكي الشيف الموهوبة حنان السليتي
الحمد لله جهزوا زيتوناتي عنجد طلعوا بشهوااا والحمد لله
كبس الزيتون الاسود
منشطب حبات الزيتون بالطول من الجهتين ومنقعهم بالمي لمدة 10 ايام وكل يومين منغير عليهم المي ومنحط مي جديده وبعد العشر ايام منشيل المي عن الزيتون ومنحطه في صفايه ومنضيف عليهم ملح كميه مليحه يعني يكون الملح ظاهر فيه ومنحط تحت الصفايه وعاء لتنزل مية الزيتون وكل يوم منقلب الزيتون لمدة شهر كامل لحتى ما تنزل ميته وبعد هيك منحضر طنجره ومنحط فيها مي وعلى الغاز لحتى تغلي ومنطفي عليه ومنحط حبات الزيتون في المي المغليه ومنغطي عليه لتاني يوم وبعدها منشيل المي عنه ومنرجع انحط الزيتون بصفايه لتنزل ميته كامل طبعا منخليه لتاني يوم ومنكبسه بالزيت منحط كاس زيت زيتون وكاس زيت نباتي بظل الزيتون زي ما هو
ملاحظه
ازا بدكم تعملي كميه كبيره لا تكبيسيها كامل بالزيت منكبس شوي والباقي منحطه في اكياس التفريز وبالفريزر بظل زي ما هو وبس اتخلصي الكميه الي كبسناها بتطولي من الفريزر وبتحطي بالزيت الي كبسنه فيه هيك اوفر وما منضيف عليه اي شي تاني
الف صحتين وهنا…